https://www.facebook.com/KratieHospital, https://t.me/RH_Kratie

មន្ទីរពេទ្យបង្អែកខេត្តក្រចេះ/Kratie Provincial Referral Hospital, ភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ, Kratie (2025)

17/09/2025

ករណីជំងឺគ្រុនឈាមលើកុមារ កំរិតធ្ងន់ ទទួលបានការជួយសង្គ្រោះជីវិត បានជោគជ័យ។
---------
ក្រោយពី ដាក់ម៉ាសុីនVentilator ៥ថ្ងៃ ដើម្បីជំនួយដង្ហើម និង ដាក់ឈាម ៥ដង ទីបំផុត កុមារ៉ា បានជាសះស្បើយក្រោយសម្រាកពេទ្យរយៈពេល១០ថ្ងៃ។
-------
សូមប៉ាម៉ាក់ ការពារកូនកូនពីមូសខាំ បំបាត់ជំរកមូសខ្លា, គេងក្នុងមុង។ ជាពិសេស សូមមកទទួលការព្យាបាល ជាមួយគ្រូពេទ្យជំនាញ។

10/09/2025

នាព្រឹកថ្ងៃពុធ ៣រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែកញ្ញា ឆ្នាំ២០២៥ មន្ទីរពេទ្យបង្អែកខេត្តក្រចេះ ទទួលបានម៉ាស៊ីនសណ្តំថ្មី ០១គ្រឿង ដែលឧបត្តម្ភដោយ អង្គការFIDR ដោយមានការចូលរួមពី លោកវេជ្ជ. ហេង សុខន ប្រធានមន្ទីរពេទ្យ និងអនុប្រធានមន្ទីរពេទ្យ បុគ្គលិកមន្ទីរពេទ្យបង្អែកខេត្តក្រចេះ ព្រមទាំងតំណាងអង្គការFIDR ដើម្បីចូលរួមពិធីចុះហត្ថលេខាប្រគល់ម៉ាស៊ីនសណ្តំ សម្រាប់ប្រើប្រាស់នៅក្នុងផ្នែកសល្យាគារ នៃមន្ទីរពេទ្យបង្អែកខេត្តក្រចេះ ។

#មន្ទីរពេទ្យបង្អែកខេត្តក្រចេះ💖💖💖

05/09/2025

ព្រឹកថ្ងៃសុក្រ ១៣កើត ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី០៥ ខែកញ្ញា ឆ្នាំ ២០២៥ លោកនាយក ព្រមទាំងបុគ្គលិករបស់ធានាគាអេស៊ីលីដា បានមកបរិច្ចាកឈាមជូនដល់មណ្ឌលផ្តល់ឈាម នៃមន្ទីរពេទ្យបង្អែកខេត្តក្រចេះ ចំនួន ៥២ នាក់ ។
ក្នុងនាមមន្ទីរពេទ្យបង្អែកខេត្តក្រចេះ ខ្ញុំសូមថ្លែងអំណរគុណយ៉ាងជ្រាលជ្រៅបំផុត ជូនចំពោះ លោកនាយក ព្រមទាំងបុគ្គលិករបស់ធានាគាអេស៊ីលីដា សាខា ខេត្តក្រចេះ ស្រុកសំបូរ និង ស្រុកឆ្លូង បានចូលរួមបរិច្ចាកឈាម ជូនមណ្ឌលផ្តល់ឈាម នៃ មន្ទីរពេទ្យបង្អែកខេត្តក្រចេះ ដើម្បីជួយសង្គ្រោះជីវិតអ្នកជំងឺ ដែលកំពុងត្រូវការឈាមជាចាំបាច់បំផុត នៅមន្ទីរពេទ្យខេត្តក្រចេះ ដូច្នេះ ការចូលរួមបរិច្ចាគឈាម គឺជាសកម្មភាពដ៏ល្អប្រពៃ ដែលប្រជាជនទូទៅ ជាពិសេសយុវជន យុវនារី ត្រូវចូលរួមផ្ដល់ឈាមស្ម័គ្រចិត្តឲ្យបានច្រើន ដើម្បីជួយសង្គ្រោះជនរងគ្រោះទាំងឡាយដែលត្រូវការឈាម ។
ទន្ទឹមនឹងនោះ មន្ទីរពេទ្យបង្អែកខេត្តក្រចេះ សូមថ្លែងនូវការកោតសរសើរ ចំពោះការយកចិត្តទុកដាក់របស់លោកនាយក ព្រមទាំង បុគ្គលិករបស់ធានាគាអេស៊ីលីដា ដែលបានចូលរួមបរិច្ចាកឈាម ។ នេះជាលើកទី៣ ដែលបានចូលរួមចំណែក ធ្វើឱ្យការផ្តល់សេវាសុខាភិបាល កាន់តែមានភាពល្អប្រសើរឡើង។ ជាមួយគ្នានេះ ក៏បានថ្លែងអំណរគុណចំពោះសប្បុរសជនស្ម័គ្រចិត្ត បរិច្ចាគឈាមទាំងអស់ ដែលបានផ្តល់ឈាម កំពុងផ្តល់ឈាម និងបន្តផ្តល់ឈាមដោយទៀងទាត់ ជារៀងរាល់ឆ្នាំដើម្បីជួយជីវិតមនុស្ស ។

#មន្ទីរពេទ្យបង្អែកខេត្តក្រចេះ

04/09/2025

មន្ទីរពេទ្យបង្អែកខេត្តក្រចេះ មានចក្ខុវិស័យផ្តល់សេវាសុខាភិបាល ជូនដល់ប្រជាពលរដ្ឋទូទៅប្រកបដោយប្រសិទ្ធភាព គុណភាព តម្លាភាព និង សមធម៌ ដែលធ្វើយ៉ាងណាអោយពួកគាត់ទទួលបាន សុខភាពល្អ ទាំងផ្លូវកាយ និងផ្លូវចិត្ត ។

15/08/2025

ថ្ងៃព្រហស្បតិ៍-សុក្រ ៥-៦ រោច ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ១៤-១៥ ខែ សីហា ឆ្នាំ ២០២៥ មន្ទីរសុខាភិបាលខេត្តក្រចេះ ក្រោមអធិបតីភាព លោកវេជ្ជ. ហេង សុខន ប្រធានមន្ទីរពេទ្យបង្អែកខេត្តក្រចេះ មានមតិស្វាគមន៍ សំណេះសំណាលក្នុងការបើកវគ្គបណ្តុះបណ្តាល ស្តីពីការអភិវឌ្ឍន៍វិជ្ជាជីវះបន្ត ផ្អែកលើប្រភេទទី១ នៃការរស់រាន្តមានជីវិតក្រោមប្រធានបទ "ការគ្រប់គ្រង ការធ្លាក់ឈាមក្រោយសម្រាល" ដោយមានការចូលរួមពីសាស្ត្រាចារ្យជំនួយ លោកស្រី ជួង សុខណែត ដែលមកពីមន្ទីរពេទ្យថ្នាក់ជាតិ និង ប្រធានក្រុមប្រឹក្សាគណះឆ្មបជាតិ ប្រធានសមាគមឆ្មបខេត្តក្រចេះ រួមទាំងឆ្មបដែលចូលរួមដោយប្រព័ន្ធប្រជុំនិម្មិតចំនួន 570 នាក់ និងដោយផ្ទាល់សរុបចំនួន 60 នាក់ដែលមកពី ៨ខេត្ត ។ វគ្គបណ្តុះបណ្តាលនេះធ្វើឡើងក្នុងគោលបំណង ពង្រឹងចំនេះដឹង ជំនាញសង្គ្រោះមាតា ដើម្បីធ្វើអោយប្រសើរឡើងនូវការរស់រាន្តមានជីវិតទាំងមាតា និងទារក ព្រមទាំងចូលរួមកាត់បន្ថយអត្រាមរណះភាពមាតានៅប្រទេសកម្ពុជា ។

08/08/2025

នាព្រឹកថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែ សីហា ឆ្នាំ ២០២៥ មន្ទីរពេទ្យបង្អែកខេត្តក្រចេះ ដែលដឹកនាំដោយលោកវេជ្ជ. ហេង សុខន ប្រធានមន្ទីរពេទ្យបង្អែកខេត្ត បានទទួលស្វាគមន៍យ៉ាងកក់ក្តៅពីសំណាក់ លោកសាស្រ្តាចារ្យ វេជ្ជបណ្ឌិតឯកទេស ដែលអញ្ជើញមកពីមជ្ឈមណ្ឌលជាតិ គាំពារមាតា និងទារក ដែលជាមន្ទីរពេទ្យចំណងសម្ព័ន្ធមេត្រីភាព ក្នុងការចុះអភិបាលកិច្ច និង បង្ហាត់បង្ហាញទាំងទ្រឹស្តី និងការអនុវត្ត ។ មន្ទីរពេទ្យបង្អែកខេត្តក្រចេះ មានមោទភាពយ៉ាងខ្លាំងដែលទទួលបានបទពិសោធន៍ល្អៗ ទៅលើការស្វែងរក ក៏ដូចជាការកំណត់នូវរោគវិនិច្ឆ័យច្បាស់លាស់ លើស្រ្តីមានផ្ទៃពោះមុនសម្រាល ដើម្បីពង្រឹងសេវាព្យាបាល ក៏ដូចជាការទប់ស្កាត់ផលវិបាក ការមានគ្រោះថ្នាក់ទាំងម្តាយ និងកូនក្រោយសម្រាល រួមទាំងបង្កើនសេវាថែទាំបន្ថែមទៀត ជូនដល់ប្រជាពលរដ្ឋអោយកាន់តែល្អ និងមានប្រសិទ្ធភាពខ្ពស់ ។

06/08/2025

នាព្រឹកថ្ងៃពុធ ១២កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៦ ខែសីហា ឆ្នាំ២០២៥ ដោយមានការយកចិត្តទុក្ខដាក់ពីរាជរដ្ឋាភិបាល ដោយមានការចង្អុលបង្ហាញពីលោកប្រធានមន្ទីរសុខាភិបាលខេត្តក្រចេះ និង ក្រោមការដឹកនាំរបស់លោកប្រធានមន្ទីរពេទ្យបង្អែកខេត្ត បានចាត់ក្រុមគ្រូពេទ្យផ្នែកសង្គ្រោះបន្ទាន់ទៅទទួលអ្នកជំងឺដែលត្រូវជាភរិយារបស់វីរៈកងទ័ពជួរមុខដែលសម្រាកព្យាបាលនៅផ្ទះក្នុង ភូមិភ្នំខៀវ ឃុំ អូរកណ្តៀងសែនជ័យ ស្រុក អូរគ្រៀងសែនជ័យ ខេត្តក្រចេះ មកសម្រាកព្យាបាលនៅមន្ទីរពេទ្យបង្អែកខេត្តក្រចេះ។
ទន្ទឹមគ្នានេះដែរ លោកប្រធានមន្ទីរពេទ្យ ព្រមទាំងបុគ្គលិកមន្ទីរពេទ្យទាំងអស់បានឧបត្ថម្ភយ៉ាងសស្រាក់សស្រាំនូវ ថវិកា ផ្លែឈើ និង គ្រឿងបរិភោគមួយចំនួនដល់ក្រុមគ្រួសារវីរះកងទ័ពជួរមុខយើងផងដែរ។

05/08/2025

មន្ទីរពេទ្យបង្អែកខេត្តក្រចេះ ផ្តល់សេវាព្យាបាលដល់អ្នកជំងឺភ្លាត់សន្លាក់ស្មាដោយការទាញបញ្ចូលវិញត្រឹមត្រូវតាមបច្ចេកទេស និង ឧបករណ៍ជំនួយសម្រាប់រក្សាលំនឹងស្មា ដែលឧបត្ថម្ភដោយអង្កការដៃគូ Exceed Worldwide ។
(រូបភាពទទួលបានការយល់ព្រមពីអ្នកជំងឺ)

30/07/2025

មន្ទីរពេទ្យបង្អែកខេត្តក្រចេះ៖ នៅរសៀល, ថ្ងៃពុធ ៥កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៣០ ខែកក្កដា ឆ្នាំ២០២៥
មានការប្រជុំបច្ចេកទេសក្រោមអធិបតីភាពរបស់ប្រធានមន្ទីរពេទ្យ លោកវេជ្ជបណ្ឌិត ហេង សុខន, លោកអនុប្រធានមន្ទីរពេទ្យទាំងពីរ វេជ្ជបណ្ឌិត គ្រូពេទ្យ ឱសថការី ទន្តបណ្ឌិតទាំងអស់ដោយលើកយកករណីស្លាប់មកសិក្សា, ការពង្រឹងសេវាព្យាបាល និងថែទាំសុខភាពជូនប្រជាពលរដ្ឋអោយកាន់តែល្អ និង មានប្រសិទ្ធភាពខ្ពស់។

27/07/2025

បរិច្ចាគឈាម ជួយសង្រ្គោះជីវិត

ក្រសួងសុខាភិបាល សូមជម្រាបជូន បងប្អូនប្រជាពលរដ្ឋ ដែលមានបំណងចូលរួមបរិច្ចាគឈាមដោយស្ម័គ្រចិត្ត ក្នុងស្មារតីសាមគ្គីភាព បុព្វហេតុមនុស្សធម៌ និងការគាំទ្រដល់វីរកងទ័ពកម្ពុជា ដែលកំពុងការពារបូរណភាពទឹកដី យ៉ាងអង់អាចក្លាហាន ដើម្បីជួយជីវិតជនរងគ្រោះ និងអ្នកជំងឺមានតម្រូវការឈាម ជាពិសេសត្រៀមជួយវីរកងទ័ពរបស់យើង ដែលត្រូវការចាំបាច់។ បងប្អូនប្រជាពលរដ្ឋ អាចចុះឈ្មោះបរិច្ចាគឈាម តាមរយៈការស្កែន QR Code ខាងលើ ឬចុចតំណភ្ជាប់ (Link ) ខាងក្រោម ដើម្បីបំពេញទម្រង់ព័ត៌មានចុះឈ្មោះជាមុន ដេីម្បីងាយស្រួលក្រុមការងារទំនាក់ទំនង អញ្ជើញមកបរិច្ចាគឈាម។
👉 តំណភ្ជាប់៖ https://docs.google.com/forms/d/e/1FAIpQLSdrzBizu7Rl04qr1TbKVp5Npr8BLn_X7OsWFsotXZPYUeJLtQ/viewform

បងប្អូនប្រជាពលរដ្ឋ អាចជ្រើសរើសទីកន្លែងបរិច្ចាគឈាម ដែលនៅជិតបំផុត និងលេខទំនាក់ទំនងព័ត៌មាន ដូចខាងក្រោម៖
-រាជធានីភ្នំពេញ មជ្ឈមណ្ឌលជាតិផ្តល់ឈាម (015 969 997, 061 300 080, 068 927 822)
- បណ្តាខេត្ត នៅគ្រប់មណ្ឌលផ្តល់ឈាមខេត្ត (ស្ថិតនៅក្នុងមន្ទីរពេទ្យខេត្ត) ទំនាក់ទំនងព័ត៌មាន៖ (កណ្តាល 087 855 369) (កែប 011 348 687) (កោះកុង 081 997 169) (ក្រចេះ 012 637 657) (កំពងស្ពឺ 086 226 977) (កំពង់ចាម 077 858 516) (កំពង់ឆ្នាំង 097 97 100 54) (កំពង់ធំ 012 938 003) (កំពត 097 722 0606) (តាកែវ 012 681 403) (ត្បូងឃ្មុំ 097 968 9292) (បន្ទាយមានជ័យ 012 786 332) (ប៉ៃលិន 015 70 22 55) (បាត់ដំបង 012 677 218) (ពោធិ៍សាត់ 092/070 695 973) (ព្រៃវែង 012 987 328) (ព្រះវិហារ 012 478 867) (ព្រះសីហនុ 098 632 828) (មណ្ឌលគិរី 088 341 0098) (រតនគិរី 097 5888 860) (សៀមរាប 085 728 866) (ស្ទឹងត្រែង 097 598 6111) (ស្វាយរៀង 015 566 662) (ឧត្តរមានជ័យ 098 899 383)។

👉ភ្ជាប់ជាមួយវីដេអូរបៀបនៃការចុះឈ្មោះ៖ https://www.youtube.com/watch?v=arwS7meZ73I

18/07/2025

ថ្ងៃសុក្រ៨រោចខែអាសាឍឆ្នាំម្សាញ់ពុទ្ធសករាជ២៥៦៩ត្រូវនឹងថ្ងៃទី១៨ខែកក្កដាឆ្នាំ២០២៥ សិក្ខាកាមនៃសមាគមពេទ្យកុមារកម្ពុជាមកបានមកធ្វេីកម្មសិក្សាស្វែងយល់ពីផ្នែកជំងឺកុមារនៃមន្ទីរពេទ្យបង្អែកខេត្តក្រចេះ។

មន្ទីរពេទ្យបង្អែកខេត្តក្រចេះ/Kratie Provincial Referral Hospital

17/09/2025

10/09/2025

05/09/2025

04/09/2025

15/08/2025

08/08/2025

06/08/2025

05/08/2025

30/07/2025

27/07/2025

18/07/2025

Address

Telephone

Website

Alerts

Contact The Practice

Shortcuts

Share

Category