http://www.calmette.gov.kh/, https://t.me/calmette_hospital

មន្ទីរពេទ្យកាល់ម៉ែត - Calmette Hospital, No. 3, Monivong Bvld, Sangkat Sras Chok, Khan Daun Penh, Kingdom of Cambodia, Phnom Penh (2026)

29/03/2026

្នុងចំណោមសំណើខាងក្រោម តើសំណើមួយណាជារោគសញ្ញានៃ ជំងឺឫសដូងបាត?

១. បន្ទោរបង់លាមកមានឈាមស្រស់
២. មានលានសាច់ចេញមកក្រៅពេលបន្ទោរបង់ ហើយចូលវិញបន្ទាប់ពីបន្ទោរបង់រួច
៣. មានលានសាច់ចេញមកក្រៅពេលបន្ទោរបង់ រួចអ្នកជំងឺរុញចូលវិញ
៤. មានសាច់លានមកក្រៅរហូត
៥. ចម្លើយទាំងបួនខាងលើ

សូមបងប្អូនចូលរួមឆ្លើយទាំងអស់គ្នាតាមរយៈ Comment ដោយជ្រើសរើសចម្លើយណាមួយដែលគិតថាត្រឹមត្រូវ។
Please Like & Share!

#មន្ទីរពេទ្យកាល់ម៉ែត

28/03/2026

ជំងឺមហារីកឆ្អឹង (Ostéosarcome)

ជំងឺមហារីកឆ្អឹង(Ostéosarcome) គឺជាជំងឺសាច់កាចដែលកើតនៅលើឆ្អឹង ភាគច្រើនកើតលើក្មេងជំទង់អាយុចន្លោះពី១៣ ទៅ១៦ឆ្នាំ តែករណីខ្លះក៏អាចកើតមានលើមនុស្សពេញវ័យផងដែរ។ ជំងឺមហារីកឆ្អឹង ច្រើនកើតនៅលើឆ្អឹងវែងដូចជា ឆ្អឹងដើមដៃ ឆ្អឹងភ្លៅ និងឆ្អឹងស្មងជើងជាដើម។

ក-រោគសញ្ញា
ជាទូទៅជំងឺមហារីកឆ្អឹងមានរោគសញ្ញាដូចជា៖
- ឈឺចាប់នៅកន្លែងដុំមហារីក
- ហើម រឺឡើងដុំពកឆ្អឹងបន្តិចម្ដងៗ
- ពិបាកធ្វើចលនា
- ងាយបាក់ឆ្អឹង (បាក់ដោយឯកឯង រឺនៅពេលប៉ះទង្គិចតិចតួច)

ខ-ការធ្វើរោគវិនិច្ឆ័យ
ដើម្បីធ្វើរោគវិនិច្ឆ័យជំងឺមហារីកឆ្អឹង យើងត្រូវច្រឹបយកជាលិកាដែលសង្ស័យយកទៅវិភាគ។ ក្រៅពីនេះយើងត្រូវធ្វើការវិភាគអមវេជ្ជសាស្រ្តមួយចំនួន ដើម្បីកំណត់ទីតាំង ទំហំ និងការរីករាលដាលនៃជំងឺដូចជា ការថតវិទ្យុសាស្រ្ត ស្កែននែរ (Scanner) និង អ៊ីអែអិម (IRM)ជាដើម។

គ-ការព្យាបាល
ជំងឺមហារីកឆ្អឹង ត្រូវព្យាបាលដោយចាក់ថ្នាំគីមី និងធ្វើការវះកាត់ដោយវេជ្ជបណ្ឌិតជំនាញ។ ការព្យាបាលមានប្រសិទ្ធិភាពខ្ពស់បំផុតនៅពេលជំងឺស្ថិតក្នុងដំណាក់កាលដំបូង មិនទាន់មានការរីករាលដាលទៅសរីរាង្គដ៏ទៃ និងទទួលបានការវះកាត់ត្រឹមត្រូវ។

បើសិនលោកអ្នកមានបុត្រធីតា មានរោគសញ្ញាសង្ស័យ ដូចរៀបរាប់ខាងលើ សូមនាំបុត្រធីតា លោកអ្នកមកពិគ្រោះប្រឹក្សាយោបល់ ជាមួយក្រុមវេជ្ជបណ្ឌិតឯកទេសជំនាញ ផ្នែកជំងឺមហារីកនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យ និងព្យាបាលអោយទាន់ពេលវេលា។

#មន្ទីរពេទ្យកាល់ម៉ែត

27/03/2026

ស្វាគមន៍ដំណើរទស្សនកិច្ចរបស់គណៈប្រតិភូនៃគម្រោង ថ្នាក់តំបន់ RAS6110 នៅមន្ទីរពេទ្យកាល់ម៉ែត

នារសៀលថ្ងៃសុក្រ ៩កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ ឯកឧត្តមសាស្ត្រាចារ្យ គង់ សន្យា អគ្គនាយកមន្ទីរពេទ្យកាល់ម៉ែត អមដោយអគ្គនាយករង ទីប្រឹក្សាអមថ្នាក់ដឹកនាំ ប្រធានការិយាល័យ និងប្រធានផ្នែកពាក់ព័ន្ធ ទទួលស្វាគមន៍ ដំណើរទស្សនកិច្ច និងអនុញ្ញាតឱ្យ គណៈប្រតិភូនៃគម្រោងថ្នាក់តំបន់ RAS6110 "Improving the radiotherapy capacity of newcomer government parties(RCA) ជួបសម្តែងការគួរសមនៅមន្ទីរពេទ្យកាល់ម៉ែត។ គណៈប្រតិភូនេះ ដឹកនាំដោយលោកស្រី Khemphone PHAOKHAMKEO, Project Management Office of International Atomic Energy Agency (IAEA) និងលោកសាស្ត្រាចារ្យ Yoshiyuki SUZUKI អ្នកសម្របសម្រួលគម្រោង ដោយក្នុងនោះសមាជិក សមាជិកា ចូលរួមសរុបចំនួន14ប្រទេស រួមមានអូស្ត្រាលី កម្ពុជា ឥណ្ឌា ឥណ្ឌូនេស៊ី ជប៉ុន ម៉ាឡេស៊ី ម៉ុងហ្គោលី មីយ៉ាន់ម៉ា នេប៉ាល់ ណូវែលសេឡង់ ប៉ាឡូ ភីលីពីន ស្រីលង្ការ វៀតណាម។
ក្នុងដំណើរទស្សនកិច្ចនោះដែរគណៈប្រតិភូបានអញ្ជើញទស្សនកិច្ចនៅផ្នែកជំងឺមហារីក និងជំងឺឈាម ដែលទទួលស្វាគមន៍យ៉ាងកក់ក្តៅពីលោកជំទាវវេជ្ជបណ្ឌិត រ័ត្ន បូតា អគ្គនាយករង និងជាប្រធានផ្នែកជំងឺមហារីក និងជំងឺឈាម។

#មន្ទីរពេទ្យកាល់ម៉ែត

27/03/2026

កិច្ចប្រជុំបូកសរុបការងារ គម្រោងរៀបចំផ្នែកសេវាកម្មម្ហូបអាហារសម្រាប់អ្នកជំងឺរបស់ក្រុមការងារ ERM Project

ថ្ងៃទី២៧ ខែមីនា ឆ្នាំ២០២៦ ឯកឧត្តមសាស្ត្រាចារ្យ គង់ សន្យា អគ្គនាយកមន្ទីរពេទ្យកាល់ម៉ែត បានអញ្ជើញដឹកនាំកិច្ចប្រជុំការងារប្រចាំខែមីនា ឆ្នាំ២០២៦ និងបានអនុញ្ញាតឱ្យក្រុមការងារ EMR Project នៃប្រទេសប៊ែលហ្សិក និងក្រុមការងារផ្នែកស្ថាបត្យកម្ម និងបច្ចេកទេសសំណង់វេជ្ជសាស្ត្រ មន្ទីរពេទ្យកាល់ម៉ែតធ្វើបទបង្ហាញសង្ខេបអំពីលទ្ធផលការងារក្នុងដំណើរទស្សនកិច្ចរយៈពេល៥ថ្ងៃ ដើម្បីរៀបចំគម្រោងបង្កើតផ្នែកសេវាកម្មម្ហូបអាហាររបស់មន្ទីរពេទ្យកាល់ម៉ែត សម្រាប់ផ្គត់ផ្គង់ជូន អ្នកជំងឺសម្រាកពេទ្យ ដែលគ្រោងនឹង សាងសង់នៅជាន់ទី១០ នៃអគារចំណត នៃមន្ទីរពេទ្យកាល់ម៉ែត។

ឯកឧត្តមសាស្ត្រាចារ្យអគ្គនាយក ក៏បានថ្លែងអំណរគុណចំពោះការខិតខំប្រឹងប្រែងរយៈពេលកន្លងមករបស់ក្រុមការងារ ERM Project និងបង្ហាញនូវសុទិដ្ឋិនិយមចំពោះលទ្ធភាពបង្កើតផ្នែកសេវាកម្មម្ហូបអាហារសម្រាប់មន្ទីរពេទ្យកាល់ម៉ែតនាពេលឆាប់ៗខាងមុខ ដែលនឹងផ្តល់អត្ថប្រយោជន៍ ជូនអ្នកជំងឺសម្រាកពេទ្យ ដោយការផ្តល់អាហារូបត្ថម្ភ ត្រឹមត្រូវគឺជាផ្នែកមួយដ៏ចាំបាច់ក្នុងការព្យាបាលអ្នកជំងឺ ស្របតាមការវិវិត្តន៍បច្ចេកទេសព្យាបាលនាពេលបច្ចុប្បន្ន។

#មន្ទីរពេទ្យកាល់ម៉ែត

26/03/2026

វគ្គបណ្តុះបណ្តាលចែករំលែកចំណេះដឹងស្ដីពី បដិសណ្ឋារកិច្ច និងការថែទាំផ្តោតទៅលើអ្នកជំងឺ (Hospitality and Patient-Centered Care) ដល់បុគ្គលិកជាគិលានុបដ្ឋាក-យិកា និងឆ្មបកំពុងបម្រើការងារ នៅមន្ទីរពេទ្យកាល់ម៉ែត។

នាថ្ងៃព្រហស្បតិ៍ ៨កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី ២៦ ខែមីនា ឆ្នាំ២០២៦ មន្ទីរពេទ្យកាល់ម៉ែត បានរៀបចំវគ្គបណ្តុះបណ្តាលចែករំលែកចំណេះដឹងស្តីពីបដិសណ្ឋារកិច្ច និងការថែទាំផ្តោតលើអ្នកជំងឺ (Hospitality and Patient-Centered Care) ដល់បុគ្គលិក គិលានុបដ្ឋាក-យិកា និងឆ្មប ចំនួន ១១៦ នាក់ ដែលកំពុងបម្រើការងារនៅតាមផ្នែក/អ៊ុយនីតេនៃមន្ទីរពេទ្យកាល់ម៉ែត។

នៅក្នុងវគ្គបណ្តុះបណ្តាលនេះមានគោលបំណងសំខាន់ខ្លាំងណាស់ក្នុងការពង្រឹងសមត្ថភាពវិជ្ជាជីវៈ និងលើកកម្ពស់គុណភាពសេវាថែទាំសុខភាព តាមរយៈការលើកកម្ពស់បដិសណ្ឋារកិច្ចល្អ ការទំនាក់ទំនងប្រកបដោយវិជ្ជាជីវៈ និងការផ្តល់សេវាថែទាំដែលផ្តោតលើតម្រូវការ សេចក្តីគោរព និងសុវត្ថិភាពរបស់អ្នកជំងឺជាចម្បង។

សម្រាប់គោលបំណងសំខាន់នៃការបណ្តុះបណ្តាលខាងលើនេះ រួមមាន៖
១. លើកកម្ពស់បដិសណ្ឋារកិច្ច និងឥរិយាបថវិជ្ជាជីវៈរបស់គិលានុបដ្ឋាក-យិកា និងឆ្មប ក្នុងការទទួលស្វាគមន៍ និងផ្តល់សេវាដល់អ្នកជំងឺប្រកបដោយភាពកក់ក្តៅ និងយកចិត្តទុកដាក់ខ្ពស់។
២. ពង្រឹងជំនាញទំនាក់ទំនងប្រកបដោយការយកចិត្តទុកដាក់ ការស្តាប់យ៉ាងសកម្ម និងការគោរពចំពោះតម្រូវការ និងសេចក្តីថ្លៃថ្នូររបស់អ្នកជំងឺ និងគ្រួសារ។
៣. ជំរុញការអនុវត្តគោលការណ៍ Patient-Centered Care ដោយផ្តោតលើសុវត្ថិភាព សេចក្តីមេត្តាករុណា និងការថែទាំប្រកបដោយគុណភាព។
៤. លើកកម្ពស់វិន័យ សីលធម៌ និងទំនួលខុសត្រូវវិជ្ជាជីវៈក្នុងការផ្តល់សេវាថែទាំសុខភាព។
៥. បង្កើនសមត្ថភាពក្នុងការធ្វើការជាក្រុម និងការសហការជាមួយសហភាតរៈ ដើម្បីធានាការផ្តល់សេវាថែទាំដែលមានប្រសិទ្ធភាព និងមានគុណភាពខ្ពស់។
ជារួម វគ្គបណ្តុះបណ្តាលនេះ ដើម្បីរួមចំណែកលើកកម្ពស់គុណភាពសេវាថែទាំសុខភាពអ្នកជំងឺនៅក្នុងមន្ទីរពេទ្យឱ្យកាន់តែប្រសើរឡើង និងធានាថាអ្នកជំងឺទទួលបានការថែទាំប្រកបដោយមេត្តាករុណា សុវត្ថិភាព និងវិជ្ជាជីវៈខ្ពស់ ស្របតាមគោលនយោបាយរបស់ក្រសួងសុខាភិបាល។

សូមបញ្ជាក់ជូនថាសម្រាប់វគ្គបណ្តុះបណ្តាលខាងលើ គឺមានការស្នើរសុំពិន្ទុ CPD ពីគណៈគិលានុបដ្ឋាកកម្ពុជា និងគណៈឆ្មបកម្ពុជាផងដែរ ដើម្បីជូនដល់អ្នកធ្វើបទបង្ហាញក៏ដូចជាអ្នកចូលរួមទាំងអស់គ្នា។

26/03/2026

តើ “ក្អកឈាម” បណ្តាលមកពីអ្វី?

ក្អកឈាមជារោគសញ្ញាមួយ គួរឲ្យបារម្មណ៍ ព្រោះថាវាអាចបណ្តាលអោយគ្រោះថ្នាក់បាត់បង់ជីវិត បើពុំមានការព្យាបាលទាន់ពេល។

ក្អកឈាមមានមូលហេតុផ្សេងៗជាច្រើនដែលជាទូទៅវាបង្កឡើងដោយការឆ្លងរោគដូចជា៖
១- ជំងឺរបេង៖ ភាគច្រើនអ្នកជំងឺស្រកគីឡូ ក្តៅខ្លួនរ៉ាំរ៉ៃ
២- ជំងឺរីកទងសួត៖ ច្រើនកើតលើអ្នកជំងឺដែលមានប្រវត្តិកើតជំងឺរបេងពីមុន ហើយស្តែងចេញជារោគសញ្ញាក្អករ៉ាំរ៉ៃ និងមានកំហាកជាប្រចាំ
៣- ជំងឺរលាកទងសួត ឬរលាកសួត៖ ដែលរោគសញ្ញាស្ដែងចេញជាក្អកហត់ និងក្តៅខ្លួន
៤- ជំងឺមហារីកសួត៖ ភាគច្រើនកើតលើអ្នកពិសាបារី ដែលមានវ័យចំណាស់លើសពី៤០ឆ្នាំ
៥- ជំងឺបេះដូងត្បៀតប្រើសមីត្រាល់៖ អ្នកជំងឺជាទូទៅមានប្រវត្តិជំងឺបេះដូង និងមានរោគសញ្ញាឆាប់ហត់
៦- ជំងឺស្ទះសរសៃឈាមក្នុងសួត៖ ដែលមានរោគសញ្ញាហត់ចុកទ្រូងដែលច្រើនកើតចំពោះអ្នកដែលមានកត្តាប្រឈម ដូចជាសំរាកពេទ្យយូរពុំសូវធ្វើចលនា ជំងឺមហារីក មានប្រវត្តិវះកាត់ថ្មីៗ ទើបឆ្លងទន្លេ ឬការប្រើប្រាស់ថ្នាំពន្យាកំណើតជាដើម។

ករណីក្អកឈាម តើត្រូវមកជួបពេទ្យជាបន្ទាន់ ឬយ៉ាងណា? ថ្វីត្បិតក្អកឈាមជួនកាលគ្រាន់តែជាសរសៃឈាមដែលលាយមកជាមួយនឹងស្លេសតែប៉ុណ្ណោះ តែទោះជាយ៉ាងណាក៏ដោយ ក៏វាអាចជាសញ្ញាអាសន្នមួយបញ្ជាក់ពីភាពគ្រោះថ្នាក់នឹងមកដល់។

“ដូច្នេះបើមានរោគសញ្ញាក្អកធ្លាក់ឈាម សូមប្រញាប់មកជួបពិគ្រោះជាមួយក្រុមគ្រូពេទ្យជំនាញនៅមន្ទីរពេទ្យកាល់ម៉ែតជាបន្ទាន់ ដើម្បីធ្វើរោគវិនិច្ឆ័យ អោយបានត្រឹមត្រូវ និងទទួលការព្យាបាលទាន់ពេលវេលា។”

#មន្ទីរពេទ្យកាល់ម៉ែត

25/03/2026

តើជំងឺរលាកថ្លើមប្រភេទ B ស្រួចស្រាវ មានរោគសញ្ញាដូចម្តេច?

រោគសញ្ញារួមមាន៖
- ភ្នែក និងស្បែកឡើងលឿង
- ទឹកនោមពណ៌ចាស់ (ដូចទឹកតែ)
- ឈឺពោះផ្នែកខាងស្តាំ
- អស់កម្លាំងខ្លាំង និងចង្អោរ

⚠️ ចំណាំ៖ អ្នកផ្ទុកខ្លះ គ្មានរោគសញ្ញាទេ។ សូមធ្វើតេស្តឈាមដើម្បីបញ្ជាក់ឱ្យច្បាស់!

25/03/2026

វីដេអូ៖ សកម្មភាពក្នុង ពិធីបរិច្ចាគឈាម លើកទី១២ នៅមន្ទីរពេទ្យកាល់ម៉ែត ក្រោមប្រធានបទ «ផ្តល់ឈាម សង្គ្រោះជីវិត»

នាថ្ងៃទី២០ ខែមីនា ឆ្នាំ២០២៦ មន្ទីរពេទ្យកាល់ម៉ែត បានរួមសហការ ជាមួយមជ្ឈមណ្ឌលជាតិផ្ដល់ឈាមកម្ពុជា និងក្រុមហ៊ុន វ័ន ហ្វ្រេតធើនីធី(វីតាល់) ប្រារឰពិធីបរិច្ចាគឈាម លើកទី១២ នៅមន្ទីរពេទ្យកាល់ម៉ែត ក្រោមប្រធានបទ «ផ្តល់ឈាម សង្គ្រោះជីវិត» ក្រោមអធិបតីភាពដ៏ខ្ពង់ខ្ពស់របស់ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងមានព្រះវត្តមានដ៏ឧត្តុង្គឧត្តមរបស់ព្រះឧត្តមវង្សា គូ សុភាព គណៈមហានិកាយ នៃព្រះរាជាណាចក្រកម្ពុជា។

ឆ្លៀតក្នុងឱកាសដ៏វិសេសនេះ ឯកឧត្តមសាស្ត្រាចារ្យ គង់ សន្យា អគ្គនាយកមន្ទីរពេទ្យបានថ្លែងនូវការស្វាគមន៍យ៉ាងកក់ក្តៅបំផុតចំពោះ វត្តមានរបស់ឯកឧត្តមសាស្ត្រាចារ្យរដ្ឋមន្ត្រី ថ្នាក់ដឹកនាំក្រសួងសុខាភិបាល ថ្នាក់ដឹកនាំមន្ទីរពេទ្យថ្នាក់ជាតិ វិទ្យាស្ថានប៉ាស្ទ័រកម្ពុជា និស្សិត នៃសាកលវិទ្យាល័យវិទ្យាសាស្ត្រសុខាភិបាល ព្រមទាំងសប្បុរសជននានា ដែលបានឆ្លៀតពេលវេលាដ៏មមាញឹក រួមគ្នាចូលរួមបរិច្ចាគឈាមដោយស្ម័គ្រចិត្ត ដើម្បីបង្ហាញពីសេចក្តីស្រឡាញ់ និងទឹកចិត្តលះបង់ ក្នុងបុព្វហេតុជួយសង្គ្រោះអាយុជីវិតអ្នកជំងឺ បន្ថែមពីលើភារកិច្ចពិនិត្យព្យាបាល និងថែទាំអ្នកជំងឺ។

លើសពីនេះ ព្រះវត្តមានរបស់ព្រះឧត្តមវង្សា គូ សុភាព គឺជាការជំរុញលើកទឹកចិត្តដល់សប្បុរសជនស្ម័គ្រចិត្តបរិច្ចាគឈាម បានយល់ដឹងអំពីការធ្វើអំពើល្អដោយទឹកចិត្តបរិសុទ្ធ ដើម្បីជួយអ្នកជំងឺកំពុងរង់ចាំការជួយសង្គ្រោះអាយុជីវិត ពីក្រុមវេជ្ជបណ្ឌិតជំនាញគ្រប់ឯកទេស មន្រ្តីថែទាំជំងឺទាំងឡាយ ជាមួយនឹងឈាមដែលជាឱសថដ៏មានតម្លៃដ៏ឧត្តុង្គឧត្តមបំផុត ព្រោះលើលោកនេះពុំមានមន្ទីរពិសោធន៍ណាផលិតឈាមបានឡើយ។

នាឱកាសនេះដែរ ឯកឧត្តមសាស្ត្រាចារ្យ ឈាង រ៉ា បានអញ្ជើញផ្តល់កិត្តិយសបំពាក់គ្រឿងឥស្សរិយយសជូនមន្ត្រីរាជការនៃមន្ទីរពេទ្យកាល់ម៉ែត និងវិទ្យាស្ថានប៉ាស្ទ័រកម្ពុជាដែលបានខិតខំបំពេញការងារកន្លងមកចំនួន ៨៣នាក់។

មន្ទីរពេទ្យកាល់ម៉ែតសូមគោរពថ្លែងអំណរគុណយ៉ាងជ្រាលជ្រៅបំផុតចំពោះឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងសប្បុរសជនទាំងអស់ ដែលបានអញ្ជើញចូលរួមក្នុងកម្មវិធីដ៏ឧត្តុង្គឧត្តមនេះ និងសូមបួងសួងដល់វត្ថុស័ក្តិសិទ្ធក្នុងលោកតាមជួយបីបាច់ថែរក្សា ជាពិសេសសូមបានប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

#មន្ទីរពេទ្យកាល់ម៉ែត

24/03/2026

ពិធីបើកកិច្ចប្រជុំពាក់កណ្តាលអាណត្តិនៃគម្រោង RAS61110

នាព្រឹកថ្ងៃអង្គារ ៦កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ ឯកឧត្តមសាស្ត្រាចារ្យ គង់ សន្យា អគ្គនាយកមន្ទីរពេទ្យកាល់ម៉ែត បានអញ្ជើញជាអធិបតីក្នុងពិធីបើកកិច្ចប្រជុំReginal Mid-Term Review meeting នៃគម្រោង RAS6110 "Improving the Radiotherapy Capacity of Newcomer Government Parties(RCA)" នៅសណ្ឋាគារហ៊ីម៉ាវ៉ារី។ កិច្ចប្រជុំនេះដែរ ក៏មានវត្តមានចូលរួមពីលោកស្រី Khemphone PHAOKHAMKEO, Project Management Office of International Atomic Energy Agency (IAEA) លោក ឡឹក វណ្ណសុបញ្ញា តំណាងក្រសួងរ៉ែ និងថាមពល អគ្គនាយករងមន្ទីរពេទ្យកាល់ម៉ែត និងអ្នកសម្របសម្រួលគម្រោង ដោយមានសមាជិកចូលរួមចំនួន16ប្រទេស រួមមានអូស្ត្រាលី បង់ក្លាដេស កម្ពុជា ឥណ្ឌា ឥណ្ឌូនេស៊ី ជប៉ុន ម៉ាឡេស៊ី ម៉ុងហ្គោលី មីយ៉ាន់ម៉ា នេប៉ាល់ ណូវែលសេឡង់ ប៉ាគីស្ថាន ប៉ាឡូ ភីលីពីន ស្រីលង្ការ វៀតណាម។

#មន្ទីរពេទ្យកាល់ម៉ែត

23/03/2026

ដំណើរទស្សនកិច្ចរបស់ក្រុមការងារ ERM Project នៅមន្ទីរពេទ្យកាល់ម៉ែត

ថ្ងៃទី២៣ ខែមីនា ឆ្នាំ២០២៦ ឯកឧត្តមសាស្ត្រាចារ្យ គង់ សន្យា អគ្គនាយកមន្ទីរពេទ្យកាល់ម៉ែត និងក្រុមការងារបានទទួលស្វាគមន៍ក្រុមការងារនៃប្រទេសបែលហ្សិក ERM Project ដែលជាក្រុមហ៊ុនជំនាញផ្នែករៀបចំទីតាំងសម្រាប់អាហារូបត្ថម្ភ សម្រាប់ផ្គត់ផ្គង់ជូនអ្នកជំងឺសម្រាកពេទ្យ។

យោងតាមស្ថានភាពរីកចម្រើននៃបច្ចេកទេសព្យាបាលអ្នកជំងឺ អាហារូបត្ថម្ភ គឺជាផ្នែកមួយចាំបាច់បំផុតសម្រាប់ជាជំនួយដល់ការព្យាបាលអ្នកជំងឺ ទើបមន្ទីរពេទ្យកាល់ម៉ែត គ្រោងនឹងរៀបចំបង្កើតផ្នែកសេវាកម្មម្ហូបអាហារសម្រាប់អ្នកជំងឺក្នុងពេលឆាប់ៗខាងមុខ។

#មន្ទីរពេទ្យកាល់ម៉ែត

22/03/2026

អ្នកជម្ងឺទឹកនោមផ្អែមដែលមិនបានព្យាបាលអោយបានត្រឹមត្រូវ និងដល់គោលដៅ ប្រឈមនឹងមានផលវិបាកលើតំរងនោម និងសរីរាង្គខាងក្នុងច្រើនទៀត

ក. ពិត
ខ. មិនពិត

សូមបងប្អូនចូលរួមឆ្លើយទាំងអស់គ្នាតាមរយៈ Comment ដោយជ្រើសរើសចម្លើយណាមួយដែលគិតថាត្រឹមត្រូវ។
Please Like & Share!

#មន្ទីរពេទ្យកាល់ម៉ែត

21/03/2026

មូលហេតុ និងបញ្ហាប្រឈម ចំពោះទារកកើតមិនគ្រប់គីឡូ!

ទារកធម្មតាមានទំងន់ចាប់ពី 2,5គីឡូ (2500ក្រាម) ឡើងទៅ។
ទារកមានគីឡូមិនគ្រប់កាលណាតិចជាង 2500ក្រាម (កំរិតធ្ងន់ធ្ងរបើ

មន្ទីរពេទ្យកាល់ម៉ែត - Calmette Hospital

29/03/2026

28/03/2026

27/03/2026

27/03/2026

26/03/2026

26/03/2026

25/03/2026

25/03/2026

24/03/2026

23/03/2026

22/03/2026

21/03/2026

Address

Website

Alerts

Contact The Practice

Shortcuts

Share

Category