Dr Jessica's Cabinet

31/01/2026

30/01/2026

🔴ជំងឺមហារីក

🔍ហេតុអ្វីបានជាយើងមិនទាន់អាចព្យាបាលជម្ងឺមហារីកបានទាំងស្រុង?

👉ព្រោះមហារីកមិនមែនជាជំងឺតែមួយមុខនុះទេ។ វាជាជំងឺជាច្រើនរាប់រយប្រភេទដែលមានលក្ខណៈជីវសាស្រ្តខុសៗគ្នា។

🧬 ជម្ងឺមហារីក បណ្តាលមកពីការខូចហ្សែនជាច្រើនមុខ ដែលអ្នកវិទ្យាសាស្រ្តនៅមិនទាន់យល់ច្បាស់អស់នៅឡើយ។

🧠 វាកើតចេញពីកោសិការបស់យើងផ្ទាល់ ដែលធ្វើឲ្យការព្យាបាលមានភាពលំបាកក្នុងការសម្លាប់តែកោសិកាមហារីកហើយមិនឲ្យប៉ះពាល់ដល់កោសិកាធម្មតា។

🔄 វាមានការប្រែប្រួល និងចេះសម្របខ្លួនលឿន ដែលធ្វើឲ្យវាអាចគេចខ្លួនពីការកំទេចរបស់ទាហ៊ានការពារខ្លួនយើងដែលហៅថាកោសិកា "ស"។

𝗪𝗵𝘆 𝗵𝗮𝘃𝗲𝗻’𝘁 𝘄𝗲 𝗰𝘂𝗿𝗲𝗱 𝗰𝗮𝗻𝗰𝗲𝗿 𝘆𝗲𝘁?

I get this question a lot—both as a doctor and as a cancer researcher.

🧬 𝗖𝗮𝗻𝗰𝗲𝗿 𝗶𝘀𝗻’𝘁 𝗼𝗻𝗲 𝗱𝗶𝘀𝗲𝗮𝘀𝗲

It’s hundreds of different diseases, each with its own biology and behavior.
There was never going to be one single cure—because cancer was never a single enemy.

🧠 𝗖𝗮𝗻𝗰𝗲𝗿 𝗰𝗼𝗺𝗲𝘀 𝗳𝗿𝗼𝗺 𝗼𝘂𝗿 𝗼𝘄𝗻 𝗰𝗲𝗹𝗹𝘀

Treating cancer means destroying diseased cells while protecting healthy ones—and that balance takes precision, not shortcuts. That makes it incredibly complex to kill.

🔄 𝗖𝗮𝗻𝗰𝗲𝗿 𝗲𝘃𝗼𝗹𝘃𝗲𝘀

Even when treatments work, cancer cells can mutate or evolve during the courses of treatment. That’s why research never stops—and why every discovery matters.

🔬 𝗪𝗵𝗮𝘁 𝗺𝗮𝗻𝘆 𝗽𝗲𝗼𝗽𝗹𝗲 𝗺𝗶𝗴𝗵𝘁 𝗻𝗼𝘁 𝘀𝗲𝗲:

We are making progress.
Real, meaningful progress.

Cancers that were once a death sentence are now treatable. Some are curable.
Many are becoming chronic, manageable diseases.

Every year, science gets better at:
• detecting cancer earlier
• targeting cancer more precisely
• reducing side effects
• using our own immune system to fight cancer
• tailoring treatment to each individual patient

𝗖𝗮𝗻𝗰𝗲𝗿 𝗵𝗮𝘀𝗻’𝘁 𝗯𝗲𝗲𝗻 𝗰𝘂𝗿𝗲𝗱 𝘆𝗲𝘁.
𝗕𝘂𝘁 𝗶𝘁’𝘀 𝗯𝗲𝗰𝗼𝗺𝗶𝗻𝗴 𝗯𝗲𝘁𝘁𝗲𝗿 𝘂𝗻𝗱𝗲𝗿𝘀𝘁𝗼𝗼𝗱.
𝗔𝗻𝗱 𝘂𝗻𝗱𝗲𝗿𝘀𝘁𝗮𝗻𝗱𝗶𝗻𝗴 𝗶𝘀 𝗵𝗼𝘄 𝗰𝘂𝗿𝗲𝘀 𝗮𝗿𝗲 𝗯𝗼𝗿𝗻.

អត្ថបទ: Dr Monirath Hav

30/01/2026

🔴វីរុសនីប៉ា Nipa Virus (NiV)

🔍គឺជាប្រភេទមេរោគម្យ៉ាងដែលឆ្លងពីសត្វទៅមនុស្ស (Zoonotic virus) ដែលអាចបង្កឱ្យមានជំងឺធ្ងន់ធ្ងរ រហូតដល់បាត់បង់ជីវិតបាន។

🔍🔸មេរោគនេះត្រូវបានរកឃើញដំបូងបង្អស់នៅក្នុងឆ្នាំ ១៩៩៨ នៅប្រទេសម៉ាឡេស៊ី ក្នុងចំណោមអ្នកចិញ្ចឹមជ្រូក។

❇️ប្រភព និងការចម្លង
មេរោគនេះមានប្រភពដើមមកពីសត្វ ហើយអាចរីករាលដាលតាមរយៈ៖

• សត្វផ្ទុកមេរោគ៖

👉ជាពិសេសគឺ សត្វប្រចៀវផ្លែឈើ (Pteropodidae) ដែលជាភ្នាក់ងារចម្លងមេរោគដ៏សំខាន់។

• ការបរិភោគអាហារ៖

👉ការញ៉ាំផ្លែឈើ ឬទឹកត្នោត/ទឹកដូង ដែលប្រឡាក់ទឹកមាត់ ឬទឹកនោមសត្វប្រចៀវដែលមានមេរោគ។

• ការប៉ះពាល់សត្វឈឺ៖

👉ការប៉ះពាល់ផ្ទាល់ជាមួយជ្រូក ឬសត្វដទៃទៀតដែលបានឆ្លងមេរោគ។

• ពីមនុស្សទៅមនុស្ស៖

👉ការប៉ះពាល់ជិតស្និទ្ធជាមួយអ្នកជំងឺ (តាមរយៈទឹកមាត់ ឬទឹកនោម)។

❎️រោគសញ្ញាសំខាន់ៗ

🟠រោគសញ្ញាអាចលេចឡើងក្នុងរយៈពេលពី ៤ ទៅ ១៤ ថ្ងៃ បន្ទាប់ពីឆ្លងមេរោគ៖

• រោគសញ្ញាដំបូង៖

👉គ្រុនក្តៅខ្លាំង, ឈឺក្បាល, ឈឺសាច់ដុំ, ក្អក និងឈឺបំពង់ក។

• រោគសញ្ញាធ្ងន់ធ្ងរ៖

👉វិលមុខ, វង្វេងវង្វាន់, ងងុយដេកខ្លាំង និងអាចឈានដល់ការ រលាកខួរក្បាល (Encephalitis)។

• ក្នុងករណីធ្ងន់ធ្ងរ អ្នកជំងឺអាចសន្លប់បាត់ស្មារតីក្នុងរយៈពេល ២៤ ទៅ ៤៨ ម៉ោង។

✴️វិធីការពារ

👉បច្ចុប្បន្ន មិនទាន់មានវ៉ាក់សាំង សម្រាប់ការពារមេរោគនីប៉ានៅឡើយទេ ដូច្នេះការការពារខ្លួនគឺជាវិធីល្អបំផុត៖

• លាងដៃឱ្យបានញឹកញាប់ជាមួយសាប៊ូ និងទឹកស្អាត។

• ជៀសវាងការញ៉ាំផ្លែឈើដែលដាច់រហែក ឬមានស្នាមសត្វខាំ។

• កុំផឹកទឹកត្នោត ឬទឹកផ្លែឈើដែលត្រងទុកចោលនៅកន្លែងដែលមានសត្វប្រចៀវច្រើន។

• ជៀសវាងការប៉ះពាល់ផ្ទាល់ជាមួយសត្វជ្រូក ឬសត្វប្រចៀវដែលមើលទៅហាក់ដូចជាមានជំងឺ។

30/01/2026

29/01/2026

⏰វិធីសាស្ត្រ "មើលចិត្តខ្លួនឯង"

🌱ការពិនិត្យមើលចិត្តគឺជាការតាមដានសង្កេតនូវ "ចលនា" នៃគំនិត និងអារម្មណ៍ដែលកើតឡើងក្នុងខ្លួនយើង។

១. វិធីសាស្ត្រ "ពិនិត្យមេធ្មប់ទាំង ៣"

ក្នុងព្រះពុទ្ធសាសនា ឫសគល់នៃទុក្ខមាន ៣ គឺ លោភៈ (ការចង់បាន) ទោសៈ (ការខឹងស្អប់) និងមោហៈ (ការវង្វេងអវិជ្ជា)។

🎯របៀបអនុវត្ត... រាល់ពេលដែលចិត្តរបស់អ្នកមានភាពមិនសុខសាន្ត ចូរសួរសំណួរទៅកាន់ខ្លួនឯងថា "តើភាពមិនសុខនេះ បណ្តាលមកពីការចង់បាន ការមិនពេញចិត្ត ឬការយល់ច្រឡំលើការពិត"។

- ការបែងចែកប្រភេទនៃ "មេរោគចិត្ត" ទាំងនេះ ជួយឱ្យអ្នករកឃើញថ្នាំព្យាបាលបានត្រឹមត្រូវ និងទាន់ពេលវេលា។

២. ការពិនិត្យមើលតាមរយៈ "វេទនា"

ចិត្ត និងរាងកាយមានទំនាក់ទំនងគ្នាយ៉ាងជិតស្និទ្ធ រាល់អារម្មណ៍ដែលកើតក្នុងចិត្ត តែងតែមានប្រតិកម្មលើរាងកាយ។

🎯របៀបអនុវត្ត... នៅពេលមានអារម្មណ៍តានតឹង ចូរពិនិត្យមើលលើរាងកាយ តើមានកន្លែងណាខ្លះដែលឡើងរឹង ឬ ឈឺចាប់..? តើបេះដូងលោតញាប់ទេ? តើក្បាលពោះមានអារម្មណ៍យ៉ាងណា?

- ការយល់ដឹងពីសញ្ញាលើរាងកាយ ជួយឱ្យអ្នកដឹងពីស្ថានភាពចិត្តបានលឿនជាងមុន មុនពេលអារម្មណ៍នោះគ្រប់គ្រងអ្នកទាំងស្រុង។

៣. វិធីសាស្ត្រ "កំណត់សម្គាល់"

នៅក្នុងការអនុវត្តវិបស្សនាកម្មដ្ឋាន វិធីនេះត្រូវបានគេប្រើដើម្បីកុំឱ្យចិត្តលិចលង់ទៅក្នុងអារម្មណ៍។

🎯របៀបអនុវត្ត... នៅពេលមានគំនិត ឬអារម្មណ៍ណាមួយកើតឡើង ចូរដាក់ឈ្មោះឱ្យវាភ្លាមៗ ឧទាហរណ៍... បើកំពុងខឹង ចូរប្រាប់ខ្លួនឯងក្នុងចិត្តថា "ខឹងហើយៗ" ឬបើកំពុងគិតរឿងអនាគត ចូរកំណត់ថា "កំពុងគិតៗ"។

- ការធ្វើបែបនេះជួយឱ្យអ្នកស្ថិតក្នុងតួនាទីជា "អ្នកសង្កេតការណ៍" ជាជាងជា "អ្នកខឹង" ឬ "អ្នកគិត" ដោយផ្ទាល់។

៤. វិធីសាស្ត្រ "តាមដានដង្ហើម"

នេះគឺជាគ្រឹះដ៏សំខាន់ក្នុងព្រះពុទ្ធសាសនា និងការអនុវត្តជាសកល។

🎯របៀបអនុវត្ត... យកចិត្តទុកដាក់តែលើដង្ហើមចេញចូលនៅចុងច្រមុះ នៅពេលចិត្តរត់ចេញទៅគិតរឿងផ្សេង (ដែលវានឹងកើតឡើងជាធម្មតា) កុំបន្ទោសខ្លួនឯង ប៉ុន្តែត្រូវដឹងខ្លួនថាវាបានរត់ចេញ រួចនាំវាត្រឡប់មកដង្ហើមវិញដោយសុភាព។

- វានឹងជួយឱ្យអ្នកឃើញពី "ភាពមិនស្ងៀម" របស់ចិត្ត និងជួយឱ្យចិត្តមានកម្លាំង (សមាធិ) ដើម្បីមើលឃើញសភាវៈផ្សេងៗបានច្បាស់។

៥. វិធីសាស្ត្រ "ចន្លោះរវាងការភ្ញោច និងការតបត"

តាមទ្រឹស្ដីរបស់លោក Viktor Frankl ដែលជាអ្នកចិត្តវិទ្យាល្បីល្បាញម្នាក់ បានបញ្ជាក់ថា នៅចន្លោះរឿងរ៉ាវដែលមកប៉ះពាល់ និងការសម្រេចចិត្តតបតរបស់យើង គឺមានចន្លោះទំនេរមួយ។

🎯របៀបអនុវត្ត.... នៅពេលមាននរណាម្នាក់និយាយមិនល្អដាក់អ្នក ចូរព្យាយាម "ពន្យារពេល" ការខឹង ឬការតបតត្រឹមតែ ៥ វិនាទី រួចសង្កេតមើលថាតើមានអ្វីកើតឡើងក្នុងចន្លោះពេលនោះ។

- អ្នកនឹងរកឃើញអំណាចនៃការជ្រើសរើស ដែលស្ថិតនៅក្រោមការគ្រប់គ្រងនៃសតិរបស់អ្នក មិនមែនស្ថិតក្រោមឥទ្ធិពលនៃអារម្មណ៍ឆេវឆាវនោះទេ។

៦. វិធីសាស្ត្រ "មើលចិត្តដូចជាមើលពពក"

នេះគឺជាបច្ចេកទេសដកស្រង់ចេញពីការអនុវត្តសមាធិបែប "មហាមុទ្រា" (Mahamudra) ដើម្បីបំបាត់ការប្រកាន់តួខ្លួន។

🎯របៀបអនុវត្ត... ចូរស្រមៃថា ចិត្តពិតរបស់អ្នកគឺដូចជា "មេឃដ៏ធំល្វឹងល្វើយ" ហើយរាល់គំនិត ឬអារម្មណ៍ដែលកើតឡើង គឺគ្រាន់តែជា "ពពក" ដែលអណ្តែតកាត់តែប៉ុណ្ណោះ។

- អ្នកនឹងលែងព្យាយាមដេញចាប់ពពក (គំនិតល្អ) ឬព្យាយាមដេញពពកចេញ (គំនិតអាក្រក់) ប៉ុន្តែគ្រាន់តែអង្គុយមើលវាអណ្តែតកាត់ទៅវិញដោយចិត្តស្ងប់ ដែលនាំឱ្យឃើញនូវសភាវៈ "មិនមែនជារបស់យើង" (អនត្តា)។

៧. វិធីសាស្ត្រ "ឆ្លុះកញ្ចក់តាមរយៈអ្នកដទៃ"

តាមចិត្តវិទ្យាវិភាគ អ្វីដែលយើងមើលឃើញ និងវិនិច្ឆ័យលើអ្នកដទៃ ជារឿយៗគឺជាការឆ្លុះបញ្ចាំងពីអ្វីដែលលាក់កំបាំងនៅក្នុងចិត្តយើងផ្ទាល់។

🎯របៀបអនុវត្ត... នៅពេលអ្នកមានអារម្មណ៍វិនិច្ឆ័យ ឬស្អប់ខ្ពើមចរិតនរណាម្នាក់ខ្លាំង ចូរសួរសំណួរថា "តើចំណុចដែលខ្ញុំស្អប់លើគេនោះ មាននៅក្នុងខ្លួនខ្ញុំដែរឬទេ?" ឬ "តើខ្ញុំធ្លាប់មានគំនិតបែបនោះដែរទេ?"។

- វាជាវិធីសាស្ត្រដ៏ខ្លាំងក្លាក្នុងការរៀនពី "ផ្នែកងងឹត" របស់ខ្លួនឯង ដែលយើងតែងតែព្យាយាមលាក់បាំង ឬបដិសេធមិនព្រមទទួលស្គាល់។

៨. វិធីសាស្ត្រ "សង្កេតមើលត្រៃលក្ខណ៍ក្នុងចិត្ត"

ការប្រើប្រាស់បញ្ញាដើម្បីមើលឃើញការពិតនៃអ្វីៗដែលកើតឡើងក្នុងវិញ្ញាណ។

🎯របៀបអនុវត្ត... នៅពេលមានអារម្មណ៍រីករាយខ្លាំង ឬទុក្ខខ្លាំង ចូរអង្គុយចុះ ហើយតាមដានមើល "ពេលដែលវាចាប់ផ្តើមចុះខ្សោយ"។

កត់សម្គាល់ថា តើវាស្ថិតស្ថេរបានប៉ុន្មាននាទី? តើវាប្រែប្រួលទៅជាយ៉ាងណា?

- នៅពេលអ្នកឃើញដោយផ្ទាល់ភ្នែកថា "គ្មានអារម្មណ៍ណាមួយអមតៈឡើយ" ចិត្តរបស់អ្នកនឹងលែងសូវរំភើបខ្លាំងពេលបានអ្វីមួយ ឬលែងសូវឈឺចាប់ខ្លាំងពេលបាត់បង់អ្វីមួយ (ឧបេក្ខា)។

៩. ការប្រើសំណួរ "ហេតុអ្វី?" ចំនួន ៥ ដង

វិធីសាស្ត្រនេះជួយឱ្យអ្នកចូលទៅដល់ជម្រៅនៃចិត្តដែលលាក់កំបាំង។

🎯របៀបអនុវត្ត... នៅពេលអ្នកមានអារម្មណ៍មិនល្អ ចូរសួរខ្លួនឯងថា "ហេតុអ្វី?" ហើយនៅពេលបានចម្លើយ ចូរសួរបន្តលើចម្លើយនោះរហូតដល់គ្រប់ ៥ ដង ឧទាហរណ៍... ខ្ញុំខឹង (ហេតុអ្វី?) ព្រោះគេមកយឺត -> ហេតុអ្វីរឿងគេមកយឺតធ្វើឱ្យខឹង? ព្រោះខ្ញុំមានអារម្មណ៍ថាគេមិនឱ្យតម្លៃខ្ញុំ -> ហេតុអ្វីខ្ញុំត្រូវការឱ្យគេឱ្យតម្លៃខ្លាំងម៉្លេះ? ... វានឹងនាំទៅរកចំណុចខ្វះខាត ឬរបួសផ្លូវចិត្តដែលអ្នកមិនដែលដឹង។

១០. ការសរសេរកំណត់ហេតុចិត្ត

នេះគឺជាវិធីសាស្ត្របែបចិត្តវិទ្យាដែលជួយទាញយកអ្វីដែលនៅក្នុងចិត្តមកដាក់លើក្រដាស។

🎯របៀបអនុវត្ត... ចំណាយពេល ៥ ទៅ ១០ នាទីមុនពេលចូលគេង សរសេររៀបរាប់ពីអ្វីដែលអ្នកបានគិត និងមានអារម្មណ៍ក្នុងថ្ងៃនេះ សួរសំណួរខ្លួនឯងថា "ហេតុអ្វីបានជាខ្ញុំមានប្រតិកម្មបែបនោះចំពោះរឿងនេះ?"។

- ការសរសេរជួយឱ្យ "ចិត្តដែលច្របូកច្របល់" ក្លាយជា "រូបភាពដែលច្បាស់លាស់" ងាយស្រួលក្នុងការវិភាគ និងស្វែងរកឫសគល់នៃបញ្ហា។

៙ សង្ខេបនៃវិធីសាស្ត្រទាំង ១០

១. ការកំណត់សម្គាល់ : ការដាក់ឈ្មោះឱ្យអារម្មណ៍ដើម្បីកាត់ផ្តាច់ការលិចលង់ក្នុងអារម្មណ៍។

២. ការតាមដានដង្ហើម : ការប្រើដង្ហើមជាយុថ្កាដើម្បីពង្រឹងសតិ និងសមាធិ។

៣. ការពិនិត្យតាមវេទនា : ការសង្កេតមើលទំនាក់ទំនងរវាងចិត្ត និងប្រតិកម្មលើរាងកាយ។

៤. ការសរសេរកំណត់ហេតុ : ការទាញយកគំនិតច្របូកច្របូកមកដាក់លើក្រដាសដើម្បីវិភាគ។

៥. សំណួរ "ហេតុអ្វី?" ៥ ដង : ការជីកឫសគល់នៃបញ្ហាផ្លូវចិត្តឱ្យដល់ជម្រៅ។

៦. ចន្លោះរវាងការភ្ញោច និងការតបត : ការបង្កើតសេរីភាពនៃការជ្រើសរើសមុននឹងប្រតិកម្ម។

៧. ពិនិត្យមេធ្មប់ទាំង ៣ : ការបែងចែកប្រភេទកិលេស (លោភៈ ទោសៈ មោហៈ)។

៨. មើលចិត្តដូចមើលពពក : ការលះបង់ការប្រកាន់តួខ្លួនលើគំនិតដែលកើតឡើង។

៩. ការឆ្លុះកញ្ចក់តាមអ្នកដទៃ : ការយល់ដឹងពីខ្លួនឯងតាមរយៈការវិនិច្ឆ័យអ្នកដទៃ។

១០. ការសង្កេតមើលត្រៃលក្ខណ៍ : ការមើលឃើញភាពមិនទៀងទាត់នៃរាល់អារម្មណ៍។

🔴គន្លឹះសំខាន់បំផុតនៃការមើលចិត្ត គឺការធ្វើវាដោយ "ចិត្តមេត្តា" និង "មិនវិនិច្ឆ័យ" ចូរមើលចិត្តខ្លួនឯងដូចជាម្តាយដែលសម្លឹងមើលកូនដោយក្តីស្រឡាញ់ ទោះបីកូននោះកំពុងខឹង ឬយំក៏ដោយ។

🔴ការមើលចិត្ត មិនមែនដើម្បីកែប្រែចិត្តឱ្យបានដូចចិត្តយើងចង់នោះទេ ប៉ុន្តែគឺដើម្បី "យល់" ពីធម្មជាតិរបស់វា នៅពេលការយល់ដឹងកើតឡើង ការកែប្រែនឹងកើតឡើងដោយឯកឯង។

អត្ថបទ: 🙏សុវត្ថន៍-Sovathn🌱

(Revised

29/01/2026

🙏គំនិត 🌱

29/01/2026

🌱 តួនាទីសំខាន់ៗ របស់មាតាបិតា និងអាណាព្យាបាលសិស្ស✍️🥰

១- បង្កលក្ខណៈងាយស្រួលដល់កូនបានទៅរៀន
២- ផ្គត់ផ្គង់សម្ភារសិក្សាចាំបាច់
៣- ជំរុញលើកទឹកចិត្តឱ្យកូនធ្វើស្វ័យសិក្សា
៤- ជួយបង្រៀន និងពិនិត្យកិច្ចការរបស់កូន
៥- អប់រំសីលធម៌ គុណធម៌ និងសុជីវធម៌ដល់កូន
៦- តាមដាន និងយកចិត្តទុកដាក់ការរៀនសូត្ររបស់កូន
៧- សហការជាមួយសាលារៀន និងលោកគ្រូអ្នកគ្រូ
៨- ចូលរួមអភិវឌ្ឍថ្នាក់រៀន
៩- ផ្ដល់ភាពកក់ក្ដៅដល់កូន

ផលិតដោយ៖ Gazette យុវជន

29/01/2026

I just want you to know how much you truly mean to me. You’re not just someone I care about, you’re someone I carry with me in every thought, every quiet moment, every hope for the future.
Your presence in my life brings warmth, comfort, and a sense of calm that’s hard to put into words.
Even on your toughest days, please remember that you’re never alone.
I see your heart, I believe in your strength, and I’ll always be here cheering for you, supporting you, and loving you in every way I can. You matter more than you know.

29/01/2026

តស់មកមើលពីវិធីញ៊ាំមីកញ្ចប់ ឬកំប៉ុង កុំឲ្យប៉ះពាល់សុខភាពខ្លាំង❗️
អ្នកចូលចិត្តស្តុកមីទុក អានទៅមិនខុសទេ🥰🥰

មី​កញ្ចប់​ ឬ​កំប៉ុង​ជា​អាហារ​ដែល​មិន​មាន​សារធាតុ​ចិញ្ចឹម​ ដែល​គួរ​ឲ្យ​យើង​ញ៊ាំទាល់​តែ​សោះ​ តែ​បើ​សិន​ជា​យើង​ចូល​ចិត្ត​ញ៊ាំខ្លាំង​ យក​ល្អ​គួរ​តែ​ទាញ​យក​ប្រយោជន៍​ពី​វា​ខ្លះ​ កុំ​ឲ្យ​ប៉ះ​ពាល់​សុខភាព​ខ្លាំង​ពេក​។​​

*ហេតុ​អ្វី​បាន​ជា​យើង​មិន​គួរ​ញ៊ាំមី​ច្រើន​ពេក​?
មី​កញ្ចប់​ ឬ​កំប៉ុង​ធ្វើ​ឡើង​ពី​ម្សៅ​ដែល​មិន​មាន​សារធាតុ​ចិញ្ចឹម​អ្វី​ទាល់​តែ​សោះ​ ខុស​ពី​បាយ​ និង​នំប៉័ង​។វា​អាច​ធ្វើ​ឲ្យ​យើង​ប្រឈម​នឹង​ហានិភ័យ​ជំងឺ​តម្រង​នោម​ ជំងឺ​ហើម​ សម្ពាធ​ឈាម​ឡើង​ខ្ពស់​ និង​ជំងឺ​សាហាវ​ៗ​ផ្សេង​ទៀត​។​
​
*ធ្វើ​បែប​ណា​ដើម្បី​កុំ​ឲ្យ​ប្រឈម​គ្រោះថ្នាក់​ដល់​សុខភាព​ខ្លាំង​ពេល​ញ៊ាំមី​?
ដើម្បី​ចៀស​វាង​ប៉ះពាល់​ខ្លាំង​ចំពោះ​សុខភាព​ ពេល​ញ៊ាំមី​យើង​ត្រូវ​៖
១. ស្រុះ​មី​ហើយ​ត្រូវ​ចាក់​ទឹក​ចោល​ម្តង​ ដើម្បី​កាត់​បន្ថយ​ចំនួន​សូដ្យូម​ និង​ខ្លាញ់

២. បន្ថែម​គ្រឿង​ផ្សំ​ផ្សេង​ទៀត​ដូច​ជា​ បន្លែ​ សាច់​ និង​ ស៊ុត​ជា​ដើម

៣. កុំ​ដាក់​គ្រឿង​ចូល​ទាំង​អស់

៤. កុំ​ញ៉ាំ​មី​លើស​ពី ១ កញ្ចប់​ ឬ​ កំប៉ុង​ក្នុង​ ១ ថ្ងៃ​ ឬ​កុំ​ញឹក​ញាប់​ពី​ (កុំ​ឲ្យ​លើស​ពី​ ២ ទៅ​ ៣ ដង​ក្នុង​មួយ​សប្តាហ៍​)

៥. កុំ​ហុត​ទឹក​មី​រហូត​ដល់​អស់​ពេក​

៧. ពេល​ញ៊ាំហើយ​ ត្រូវ​ញ៊ាំផ្លែ​ឈើ​។

ប្រភព ៖ page: វេជ្ជបណ្ឌិត កម្ពុជា

28/01/2026

សេចក្តីប្រកាសព័ត៌មាន ស្តីពីការប្រមូលត្រឡប់ពីទីផ្សារ នូវផលិតផលទឹកដោះគោម្សៅ Babybio Optima 1