https://www.facebook.com/105787408987733/

Drug and Disease-DD, Phnom Penh (2026)

17/03/2025

#យល់ដឹងអំពីកោសិកាឈាមក្រហម

➡️ កោសិកាឈាមក្រហម (RBCs) ឬហៅថា Erythrocytes ជាកោសិកាដែលសំខាន់នៅក្នុងរាងកាយដោយជាផ្នែកមួយនៃឈាម បូករួមនិងកោសិកាផ្សេងៗទៀតដូចជា៖
- កោសិកាឈាមស (White blood cells)
- កោសិកាប្លាកែត (Platelets)
- កោសិកា Plasma

កោសិកាឈាមក្រហមមានជាងពាក់កណ្តាលនៃឈាមក្នុងរាងកាយមនុស្ស ហើយមានរូបរាងជា disc.

✔️ កោសិកាឈាមក្រហមមានផ្ទុកនូវសារធាតុប្រូតេអ៊ីនមួយចំនួនដែលគេហៅថាជា Hemoglobin (អេម៉ូក្លូប៊ីន). Hemoglobin មាននាទីដូចជា៖
• ដឹកនាំអុកស៊ីសែនពីក្នុងឈាមទៅកាន់ជាលិកានានាក្នុងសារពាង្គកាយ
• ចូលរួមបង្កើតជាតិដែក ដែលជាតិដែកជាអ្នកបង្កើតនូវឈាមក្រហម

💡 តួនាទីរបស់កោសិកាឈាមក្រហម៖
• ដើរតួយ៉ាងសំខាន់ក្នុងការដឹកជញ្ជូនអុកស៊ីសែនពីកោសិកាសួតទៅកាន់ផ្នែកផ្សេងៗនៃរាងកាយ
• ជួយកម្ចាត់ចេញនូវកាកសំណល់ពីរាងកាយដូចជាពួក កាបូនឌីអុកស៊ីត (CO2)
• ជាអ្នកបង្កើតខួរឆ្អឹងដែលមាននាទីសំខាន់នៅក្នុងឆ្អឹង

📊 កម្រិតបរិមាណរបស់កោសិកាឈាមក្រហម
=> Normal Range របស់កោសិកាឈាមក្រហម
👩‍🦰 (ស្ត្រី): 4.2 - 5.4million/mcL
🧑‍🦰 (បុរស): 4.7 - 6.1million/mcL
👧🧑 (ក្មេង): 4.1 - 5.5million/mcL

⬇️ កង្វះកោសិកាឈាមក្រហម
=> Anemia ជាជំងឺមួយដែលឈាមមានកោសិកាឈាមក្រហមមិនគ្រប់គ្រាន់ ឬកង្វះនូវអេម៉ូក្លូប៊ីន គឺស្ថិតនៅក្រោម Range normal.

● រោគសញ្ញានៃ Anemia រួមមាន៖
- អស់កម្លាំងខ្លាំង
- ស្បែកស្លេកស្លាំង
- ដង្ហើមខ្លី
- ឈឺក្បាលវិលមុខ
- ចុះខ្សោយ

● កត្តាបង្កនៃ Anemia អាចមានដូចជា៖
▪︎ កង្វះជាតិដែក ឬ សារធាតុវីតាមីនក្នុងរាងកាយ
▪︎ ផលប៉ះពាល់នៃថ្នាំ និងជំងឺតំណពូជផ្សេងៗ
▪︎ ជំងឺរ៉ាំរ៉ៃ, ជំងឺទាក់ទងនិងខួរឆ្អឹង
▪︎ ការព្យាបាលជំងឺមហារីកដោយគីមី
▪︎ ការហូរឈាមច្រើន ដោយសារករណីមួយចំនួន (គ្រោះថ្នាក់, វដ្តរដូវ និងឆ្លងទន្លេជាដើម)

⬆️ កំណើនកោសិកាឈាមក្រហមបង្កទៅជា៖
+ Polycythaemia ឬ Erythrocytosis គឺជាក្រុមជំងឺមហារីកឈាម ដែលចំនួនអេម៉ូក្លូប៊ីនក្នុងឈាមក្រហមមានការកើនឡើងខ្ពស់ ហើយជាករណីមិនសូវមានការជួបប្រទះ (ករណីកម្រ)។

កត្តាបង្កអាចរួមមាន៖
■ លើសទំងន់ខ្លាំងពេក
■ ជក់បារី
■ ទទួលទានគ្រឿងស្រវឹងច្រើនជ្រុល
■ ប្រើប្រាស់ឱសថបញ្ចុះទឹកនោមជាដើម

+ បង្កជាជំងឺ COPD (Chronic obstructive pulmonary disease) ដោយសារកង្វះអុកស៊ីសែន
+ Congenital heart disease
+ មហារីកតម្រងនោម

☢️ ជំងឺដែលទាក់ទងនិងរូបរាងកោសិកាឈាមក្រហមជំងឺមួយចំនួនអាចទាក់ទងនិងទំហំរូបរាងរបស់កោសិកាឈាមក្រហមបណ្តាលឲ្យរូបរាងមានសភាពខុប្រក្រតីនិហដំណើរខុសលក្ខណៈ

1. ជំងឺ Thalassemia: ជំងឺដែលមានការផលិតអេម៉ូក្លូប៊ីនដែលត្រឹមត្រូវមិនគ្រប់គ្រាន់ បង្កឲ្យគ្រាប់កោសិកាឈាមក្រហមមានសភាព តូច ហើយស្លេក នាំឲ្យការដឹកជញ្ជូនធាតុអុកស៊ីសែនទៅកាន់រាងកាយមិនអាចប្រព្រឹត្តិទៅបានល្អ

2. ជំងឺ Sickle Cell ជាប្រភេទជំងឺតំណពូជដែលបណ្តាលមកពីរូបរាងកោសិកាឈាមក្រហមប្តូររូបរាងទៅជា Crescent shapes (រាងដូចព្រះចន្ទមួយចំហៀង) ដែលភាគច្រើនអ្នកជំងឺអស់កម្លាំងល្ហិតល្ហៃ និងស្បែកមានសភាពស្លេកស្លាំងខ្លាំង។

📶 អាយុកាលរបស់កោសិកាឈាមក្រហម
Red blood cells មានអាយុកាលចន្លោះពី 100 ទៅ 120ថ្ងៃ ដោយវានិងទៅផលិតឡើងវិញនៅក្នុងខួរឆ្អឹង

❌️❌️ ហាមថតចម្លង ឬ កុបពីយកទៅផុសដោយគ្មានការអនុញ្ញាតិពីម្ចាស់អត្ថបទជាដាច់ខាត
By: Drug and Disease-DD

13/03/2025

#យល់ដឹងអំពីក្រុមឱសថបន្ថយសំពាធឈាម 💊💊💊

➡️ ក្រុមឱសថបន្ថយសំពាធឈាម ឬ Antihypertensives ជាក្រុមឱសថវេជ្ជបញ្ជាដ៏ធំមួយក្រុមដែលទទួលខុសត្រូវក្នុងការគ្រប់គ្រងទៅលើជំងឺលើសសំពាធឈាម (Hypertension) ដោយវាដើរយ៉ាងសកម្មក្នុងការរក្សាសុខភាពសរសៃឈាមបេះដូង និងការពារនូវផលវិបាកនានាដែលបណ្តាលមកពីជំងឺលើសឈាម។

🟢 ការប្រើប្រាស់របស់ក្រុមឱសថបញ្ចុះសំពាធឈាម
● ព្យាបាលទៅលើជំងឺលើសសំពាធឈាម ដោយកាត់បន្ថយនូវបញ្ហាជំងឺគាំងបេះដូង, ខ្សោយបេះដូង និងជំងឺសរៃឈាមបេះដូងផ្សេងៗ
● ជំងឺដែលទាក់ទងនិងបេះដូងដូចជា គាំងបេះដូង ខ្សោយបេះដូង
● ជំងឺតម្រងនោមមួយចំនួនដែលពាក់ព័ន្ធនិងជំងឺលើសសំពាធឈាម និងជួយការពារនូវសុខភាពតម្រងនោមផងដែរ
● ការពារករណីជំងឺប្រកាំង (ក្រុម Beta-blockers) ប៉ុន្តែមិនមែនជាជម្រើសចម្បងសម្រាប់ការព្យាបាលជំងឺនោះទេ

💊 ក្រុមឱសថបន្ថយសំពាធឈាម
=> ត្រូវបានចែកចេញជាច្រើនក្រុមទៅតាមយន្តសកម្មភាពរបស់ឱសថនៃក្រុមនីមួយៗរួមមានដូចជា៖

1. ក្រុមឱសថ Diuretics (ក្រុមបញ្ចុះជាតិទឹក) មាន ៣ប្រភេទ
□ Diuretics thiazides
- Hydrochlorothiazide: 12,5mg ; 25mg (Co-diovan°)
-Chlorthalidone: 12,5mg; 25mg; 50mg (Hygodron°)
- Indapamide:1,25mg; 2,5mg; 5mg (NATRILEX°)

□ loop Diuretics
- Furosemide
ទម្រង់គ្រាប់: 20mg; 40mg; 500mg (Lasilex°)
ទម្រង់ចាក់: 20mg; 40mg; 500mg ក្នុង 5ml

□ Potassium sparing diuretics
- Spironolactone: 25mg; 50mg; 100mg (Aldactone°)
ទម្រង់ឱសថទឹក:25mg ក្នុង 5ml
- Elperenone: 25mg; 50mg (Inspra°)
- Amiloride: 5mg (Midamor°)

☆ យន្តការសកម្មភាពនៃក្រុម Diuretics ទៅលើស្ថានភាពជំងឺលើសសំពាធឈាម៖ ដោយធ្វើការបន្ថយសម្ពាធឈាមតាមរយៈការបង្កើនការផលិតទឹកនោម ដែលបណ្តាលឲ្យថយចុះនៅកំហាប់ជាតិទឹកនៅក្នុងលំហូរឈាម។

2. ក្រុមឱសថ Renin-angiotensin system inhibitors មាន ៣ក្រុម
■ ACE inhibitors
- Captopril: 12,5mg; 25mg (Captoten°)
- Enalapril: 5mg; 10mg (Enalapril Stella°)
- Lisinopril: 2,5mg; 5mg; 10mg (Zestril°)
- Perindopril: 2mg; 4mg; 5mg; 8mg
10mg (Coversyl°)
- Ramipril: 2,5mg; 5mg; 10mg (Altace°)
- Fosinopril: 10mg; 20mg; 40mg
- Quinapril: 10mg; 20mg; 40mg (Accupril°)
- Trandolapril: 0,5mg, 1mg, 2mg, 4mg

☆ យន្តការសកម្មភាពនៃក្រុម ACE inhibitors៖ រារាំងការបំម្លែងពួក Angiotensin I ទៅជា Angiotensin II (ដែលជាសារធាតុបង្កឲ្យមានការត្បៀតសរសៃឈាម) តាមរយៈការរារាំងវា បណ្តាលថយចុះនូវការត្បៀតសរសៃឈាម និងចូលរួមបន្ថយនូវសម្ពាធឈាម។

■ ក្រុម Angiotensin (AT1) Receptor blockers (ARBs)
- Losartan: 50mg, 100mg (Lopistad°)
- Candesartan: 8mg, 16mg (Advant°)
- Valsartan: 40mg, 80mg, 160mg (Diovan°)
- Telmisartan: 40mg, 80mg (Micardis°)
- Irbesartan: 75mg, 15mg, 300mg (Aprovel°)
- Olmesartan: 10mg, 20mg, 40mg (Olmetec°)

☆ យន្តការសកម្មភាពក្រុមឱសថ ARBs ដូចគ្នាទៅនិងក្រុម ACE inhibitors ដោយគោលដៅរបស់វាទៅលើពពួក Angiotensin II ប៉ុន្តែវាធ្វើរារាំងទៅលើ receptors របស់ Angiotensin II វិញ ដែលជាលិទ្ធផលមានការរលានូវសរសៃឈាម និងកាត់បន្ថយសម្ពាធក្នុងសរសៃឈាម។

■ ក្រុម Direct Renin inhibitor
- Aliskiren: 150mg, 300mg (Tekturna°)

☆ យន្តការសកម្មភាពរបស់ Aliskiren គឺរារាំងទៅលើ Renin (ដែលជាអង់ស៊ីមមួយចូលរួមក្នុងបំម្លែង Angiotensinogen ឲ្យទៅជា Angiotensin I) ដូចនេះគ្មានការបំម្លែងខាងលើ បណ្តាលឲ្យមានការថយចុះនូវសំពាធក្នុងឈាម។

3. ក្រុមឱសថ Sympatheticinhibitors មាន ៤ ក្រុមធំៗ
○ Beta-adrenergic blockers
- Propranolol:10mg, 20mg, 40mg, 80mg (Inderal°)
- Metoprolol: 25mg; 50mg; 100mg (Betaloc Zok°)
- Atenolol: 25mg, 50mg (Atenolol Denk°)

☆ យន្តការសកម្មភាព Beta-blockers បន្ថយសំពាធឈាមដោយបង្ខាំងសកម្មភាពរបស់ Adrenaline បណ្តាលឲ្យចង្វាក់បេះដូងថយយឺតៗ និងកាត់បន្ថយកំលាំងនៃការកន្រ្តាក់របស់បេះដូង។

○ ក្រុម Alpha-Beta adrenergic blockers
- Carvedilol: 3.125mg, 6.25mg, 12.5mg, 25mg (COREG°)
- Labetalol: (Labecrit)
ទម្រង់ឱសថចាក់: 100mg/20ml
ទម្រង់ឱសថគ្រាប់: 100mg

○ Alpha-adrenergic blockers
- Prazosin: 1mg, 2mg, 2.5mg, 5mg (Minipress°)
- Terazosin: 1mg, 2mg, 5mg (Hytrin°)
- Doxazosin: 1mg, 2mg, 4mg, 8mg (Cardura°)
- Phentolamine: (Regitine°)
ទម្រង់ឱសថចាក់:10mg/ml
- Phenoxybenzamine: 5mg, 10mg (Feboxene°)

☆ យន្តសកម្មភាព Alpha-blockers ជួយរំលាសាច់ដុំនៅក្នុងជញ្ជាំងសរសៃឈាមមួយចំនួន ដែលអាចឲ្យសរសៃឈាមមានការរលា និងបន្ថយសំពាធឈាម។

○ ក្រុម Central sympatholytics
- Clonidine: 0.1mg, 0.2mg
- Methyldopa: 250mg (Aldomet°)

☆ យន្តការសកម្មភាពធ្វើសកម្មភាពជម្រុញ Receptors នៅក្នុងខួរក្បាលដែលជួយបន្ថយសញ្ញាប្រសាទ នាំឲ្យថយចុះនូវសំពាធឈាម។

4. ក្រុមឱសថ Calcium Channel Blockers (CCBs) មាន ៣ ក្រុមធំៗ
● Phenyl-alkylamine
- Verapamil: 40mg, 80mg (Calaptin°)

● Benzodiazepine
- Diltiazem: 30mg; 60mg (Cardizem°)

● ក្រុម Dihydropyridines
- Amlodipine: 5mg, 10mg (Amlocor°)
- Nifedipine: 5mg, 10mg, 20mg (Adalat°)
- Felodipine: 2.5mg, 5mg, 10mg (Plendil°)
- Nitrendipine
- Lacidipine
- Lercanidipine
- Benidipine

☆ យន្តការសកម្មភាពក្រុម CCBs ធ្វើសកម្មភាពរារាំងការចូលរបស់សារធាតុកាល់ស្យូមទៅកាន់កោសិកាសាច់ដុំបេះដូង នឹងសរសៃឈាម បណ្តាលឲ្យថយចុះកន្ត្រាក់សរសៃឈាម និងបន្ថយសំពាធឈាម។

5. ក្រុម Vasodilators មាន ២ក្រុមធំៗ
◇ Arteriolar dilator
- Hydralazine: (Apresoline°)
ទម្រង់ឱសថចាក់: 20mg/ml
ទម្រង់ឱសថគ្រាប់: 25mg
- Minoxidil
- Diazoside

◇ Arteriolar venodilator
- Nitroprusside sod.

☆ យន្តការសកម្មភាពធ្វើការរំលាទៅលើសាច់ដុំសរសៃឈាមដោយផ្ទាល់បណ្តាលឲ្យពង្រីកសរសៃឈាម នាំឲ្យថយចុះនូវសំពាធឈាម។

💡 ការចែករំលែកអត្ថបទខាងលើគ្រានតែជាគន្លឹះខ្លីៗសម្រាប់បន្ថែមការយល់ដឹងទៅលើស្ថានភាពជំងឺ នឹងពត៌មាននៃឱសថនីមួយៗខ្លះតែប៉ុណ្ណោះ។ ប្រសិនបើមានសញ្ញាណនៃការសង្ស័យណាមួយដែលទាក់ទងទៅនឹងជំងឺនានា និងការប្រើប្រាស់ឱសថណាមួយ សូមទៅពិភាក្សា ឬ ពិគ្រោះជាមួយវេជ្ជបណ្ឌិតឯកទេស ឬ ឱសថការី ជាមុនសិន👩‍⚕️🧑‍⚕️ ដោយជៀសវាងការព្យាបាល នឹងការប្រើប្រាស់ឱសថដោយខុសគោលការណ៍នឹងការណែនាំ ដែលអាចបណ្តាលជាគ្រោះថ្នាក់ដល់អាយុជីវិត។

❌️❌️ ហាមថតចម្លង ឬ កុបពីយកទៅផុសដោយគ្មានការអនុញ្ញាតិពីម្ចាស់អត្ថបទជាដាច់ខាត

រក្សាសិទ្ធិដោយ Drug and Disease-DD

13/03/2025

⭕️⭕️ មូលហេតុដែលការប្រើប្រាស់ថ្នាំផ្សះមិនបានត្រឹមត្រូវតាមគោលការណ៍គឺបែបនឹង បូករួមទាំងការឆ្លង nosocomial 🥲 ហានិភ័យគឺនៅពេលមេរោគមានការស៊ាំនឹងឱសថសម្លាប់មេរោគ

ជាក់ស្តែង Escherichia coli resistance សឹងតែ 99% នៃ Antibiotics

ប្រភព៖ Kin Phatna

11/03/2025

#យល់ដឹងអំពីជំងឺលើសសម្ពាធឈាម 🩸🩸

➪ ជំងឺលើសសម្ពាធឈាម ឬ ហៅថា High Blood Pressure (Hypertension) កើតឡើងនៅពេលដែលកម្លាំងរុញច្រាននៃឈាមតាមរយៈសរសៃឈាមមានការកើនឡើងខ្ពស់ខ្លាំង ដោយសារមានការត្បៀតសរសៃឈាមអាកទែ។

➪ ជំងឺលើសសម្ពាធឈាមអាចកើតឡើងដោយគ្មានរោគសញ្ញា និងអាចបង្កឲ្យមានការខូតខាតដល់សរសៃឈាម រួមទាំងសរីរាង្គសំខាន់ៗដូចជា ខួរក្បាល, បេះដូង, ភ្នែក និងតម្រងនោម។

✍︎ ការមើលលំដាប់តួលេខវាស់សម្ពាធឈាម (ម៉ាស៊ីន)
=> Systolic pressure = SP (លេខខាងលើ): ជាសំពាធនៅក្នុងសរសៃឈាមអាកទែ នៅពេលដែលបេះដូងលោតនិងច្របាច់ឈាមចេញមក
=> Diastolic pressure = DP (លេខខាងក្រោម): ជាសម្ពាធនៅក្នុងសរសៃអាកទែរវាងចង្វាក់បេះដូង

☀︎︎ ការបកស្រាយតួលេខ ចែកចេញជា 5៖
1. សំពាធឈាមធម្មតា: SP < 120mmHg និង DP < 80mmHg ឬ = 120/80mmHg

2. សំពាធឈាមឡើង: SP ចន្លោះ 120 -129mmHg និង DP < 80mmHg

3. ជំងឺលើសសំពាធឈាមកម្រិត ១: SP ចន្លោះ 130 - 139mmHg និង DP ចន្លោះ 80 -89mmHg

4. ជំងឺលើសសំពាធឈាមកម្រិត ២: SP > 140mmHg និង DP > 90mmHg ឬ >140/90mmHg

5. ជំងឺលើសសម្ពាធឈាមកម្រិតគ្រោះថ្នាក់: SP >180mmHg និង DP > 120mmHg (ដែលជាកម្រិតមួយចាំបាច់ក្នុងការសង្រ្គោះបន្ទាន់

⚫️ កត្តាបង្កនៃជំងឺលើសសម្ពាធឈាម
ជំងឺលើសសម្ពាធឈាមមាន ២ប្រភេទ៖
I. Primary (Essential) Hypertension
=> កត្តាហ្សេនេទិក ឬ តំណពូជ
=> កត្តាអាយុ ឬ វ័យចំណាស់ចាប់ពីអាយុ 65ឆ្នាំឡើងទៅ
=> កត្តាលើសទម្ងន់ពីធម្មតា
=> ការប្រើប្រាស់ជាតិស្រវឹងលើសកម្រិត
=> អង្គុយនៅនឹងមួយកន្លែងច្រើនដោយមិនសូវសកម្មភាពនានា
=> អ្នកជំងឺទឹកនោមផ្អែម
=> ការទទួលទានជាតិប្រៃ (អំបិល) ច្រើនពេក
=> ការទទួលទានបារី

II. Secondary Hypertension កើតលឿនរហ័ស និងគ្រោះថ្នាក់ជាងប្រភេទ ១
=> កត្តាជំងឺតម្រងនោម
=> ជំងឺ Obstructive Sleep apnea
=> មានបញ្ហាក្រពេញ thyroid & gland adrenal
=> ដុំសាច់នៅក្រពេញអង់ដូគ្រីន
=> ការប្រើប្រាស់ឱសថសម្រាប់ព្យាបាលនានា
=> កង្វះជាតិទឹកធ្ងន់ធ្ងរ

☣️ រោគសញ្ញានៃជំងឺលើសឈាម
- ឈឺក្បាល
- ឈឺ ឬ ចុកទ្រូង ឬ ខ្នង
- ពិបាកដកដង្ហើម
- វិលមុខ
- ព្រិលភ្នែក
- ចង្អោរ ចង់ក្អួត.....

⭕️ ផលវិបាកនៃជំងឺលើសសំពាធឈាមអាចបណ្តាលអោយក្លាយទៅជា៖
=> មានការខូតខាតដល់សរសៃឈាមអាកទែ លែងមានការធ្ងន់ទ្រាំបានបង្កឲ្យសរសៃឈាមកាន់តែត្បៀត និងប៉ះពាល់ដល់ប្រព័ន្ធនានាដូចជា
● ជំងឺដាច់សរសៃឈាមក្នុងខួរក្បាល (Stroke)
● ជំងឺគាំងបេះដូង (Heart Attack)
● ជំងឺខ្សោយបេះដូង (Heart failure)
● ចង្វាក់បេះដូងមិនទៀងទាត់ (Arrthymia)
● ខ្សោយតម្រងនោម
● ខ្សោយការមើលឃើញ
● អសមត្ថភាពខាងផ្លូវភេទ
● វង្វេងវង្វាន់

⚕️ ការព្យាបាលជំងឺលើសឈាម
✿︎ ប្រើក្រុមឱសថបន្ថយសំពាធឈាម (Anti-hypertensives)
✿︎ ការផ្លាស់ប្តូរទម្លាប់រស់នៅជាប្រចាំថ្ងៃដូចជា:
✔︎ ទទួលទានអាហារ, ផ្លែឈើ, បន្លែដែលជាជំនួយដល់សរសៃឈាមបេះដូង
✔︎ ធ្វើលំហាត់ប្រាណយ៉ោងហោច ១ ទៅ ២ម៉ោងក្នុង1 ថ្ងៃៗ
✔︎ ការពារនឹងរក្សាការឡើងទម្ងន់នៃរាងកាយ
✔︎ កាត់បន្ថយភាពស្រ្តេស
✔︎ ជៀសវាងការជក់បារី & កាត់បន្ថយការប្រើគ្រឿងស្រវឹង
✔︎ តាមដានសុខភាពសំពាធឈាមជាប្រចាំ
✔︎ កាត់បន្ថយការទទួលផ្អែម នឹងប្រៃខ្លាំងពេក
✔︎ សម្រាកគេង និងទទួលទានទឹកឲ្យបានគ្រប់គ្រាន់

💡 ការចែករំលែកអត្ថបទខាងលើគ្រានតែជាគន្លឹះខ្លីៗសម្រាប់បន្ថែមការយល់ដឹងទៅលើស្ថានភាពជំងឺ នឹងពត៌មាននៃឱសថនីមួយៗខ្លះតែប៉ុណ្ណោះ។ ប្រសិនបើមានសញ្ញាណនៃការសង្ស័យណាមួយដែលទាក់ទងទៅនឹងជំងឺនានា និងការប្រើប្រាស់ឱសថណាមួយ សូមទៅពិភាក្សា ឬ ពិគ្រោះជាមួយវេជ្ជបណ្ឌិតឯកទេស ឬ ឱសថការី ជាមុនសិន👩‍⚕️🧑‍⚕️ ដោយជៀសវាងការព្យាបាល នឹងការប្រើប្រាស់ឱសថដោយខុសគោលការណ៍នឹងការណែនាំ ដែលអាចបណ្តាលជាគ្រោះថ្នាក់ដល់អាយុជីវិត។

❌️❌️ ហាមថតចម្លង ឬ កុបពីយកទៅផុសដោយគ្មានការអនុញ្ញាតិពីម្ចាស់អត្ថបទជាដាច់ខាត

By: Drug and Disease-DD