29/08/2023
នៅក្នុងការប្លន់ធនាគារមួយនៅប្រទេសចិន ក្រុមចោរបានចូលមកហើយស្រែកថា ក្រាបចុះ! លុយជារបស់រដ្ឋ ជីវិតជារបស់អ្នក! ពេលនោះ មនុស្សទាំងអស់បានក្រាបចុះយ៉ាងស្ងៀមស្ងាត់។
១. "នេះហៅថា ចេះផ្លាស់ប្តូរគំនិតតាមកាល:ទេសៈ"
បន្ទាប់មកទៀត ចោរបានឃើញនារីម្នាក់ដេកលើតុ ក្នុងអាកប្បកិរិយាមិនសមរម្យ ពេលនោះចោរក៏ប្រាប់នាងថា សូមមេត្តាធ្វើខ្លួនឲ្យថ្លៃថ្នូរបន្តិច ព្រោះនេះជាករណីចោរប្លន់ មិនមែន ចាប់រំលោភទេ។
២. "នេះហៅថាមានវិជ្ជាជីវៈត្រឹមត្រូវ ត្បិតអី មិនធ្វើអ្វីដែលមិនមែនជាការងាររបស់ខ្លួន។"
នៅពេលដែលក្រុមចោរមកដល់ផ្ទះ ចោរម្នាក់ដែលរៀនចប់អនុបណ្ឌិត បានសួរទៅកាន់ចោរម្នាក់ទៀតដែលរៀនបានត្រឹមថ្នាក់ទីប្រាំមួយ។
"តោះរាប់លុយ! តើយើងប្លន់បានប៉ុន្មាន?"
ពេលនោះចោរដែលរៀនថ្នាក់ទី៦ បានឆ្លើយថា៖
"ភ្លើណាស់! លុយច្រើនយ៉ាងនេះចាំបាច់រាប់ធ្វើអី... ចាំមើលទូរទស្សន៏ទៅគេផ្សាយថាប្លន់បានប៉ុន្មាន គឺប្រាកដជាដឹងហើយ"
៣. "នេះហៅថាបទពិសោធន៌។ សព្វថ្ងៃនេះបទពិសោធន៍មានប្រយោជន៍ជាងសញ្ញាបត្រ ដែលត្រឹមតែជាក្រដាសមួយសន្លឹក។"
បន្ទាប់មកប្រធានធនាគារបានប្រាប់ ៖ Manager(អ្នកគ្រប់គ្រង) ឲ្យតេរក Police(នគរបាល) ភ្លាមៗ ប៉ុន្តែ បានបន្តប្រាប់បន្ថែមថា
“យើងយក ៨០ លានទុកចាយទៅ ហើយប្រាប់នគរបាលថាបាត់អស់ ១០០លាន។”
៤. "នេះហៅថា រុញទូកបណ្តោយទឹក! បើជ្រុលជាគេប្លន់ហើយ យើងយកថែមខ្លះទៅ"
ពេលនោះប្រធានធនាគារបាននិយាយថា “ប្រសិនបើមានចោរប្លន់រាល់ខែមិនដឹងជាល្អយ៉ាងណា?”
៥. "នេះហៅថាវិធីប្លែកៗក្នុងការបំបាត់ការអផ្សុក ដោយយកសេចក្តីសុខខ្លួន មកអង្គុយលើទឹកភ្នែកអ្នកដទៃ។"
នៅព្រឹកបន្ទាប់ ទូរទស្សន៍ក៏បានប្រកាសថា ធនាគារបានបាត់ទឹកប្រាក់ចំនួន ១០០លាន។ ពេលនោះពួកចោរក៏បានរាប់លុយ ហើយរាប់ទៀត តែរាប់បានតែ ២០លានតែប៉ុណ្ណោះ។ ពេលនោះចោរខឹងយ៉ាងខ្លាំង ហើយក៏បាននិយាយថា ៖
៦. “ពួកយើងប្តូរជីវិត តែយកបានតែ២០លាន។ ប្រធានធនាគារកាន់តែចុងប៊ិចយកបានដល់ទៅ ៨០លាន។ មើលទៅមានចំណោះដឹង គឺសាហាវជាងធ្វើចោរទៅទៀត”។
នេះហៅថា ចំណេះវិជ្ជាជាមាសប្រាក់។
ពេលនោះប្រធានធនាគារសប្បាយចិត្តយ៉ាងខ្លាំង ព្រោះគាត់បានប្រាក់យ៉ាងច្រើន ទៅសងបំណុលដែលជំពាក់គេ។
៧. "នេះហៅថា ចេះប្រើប្រាស់ឳកាស និង ហ៊ានប្រថុយនឹងគ្រោះថ្នាក់។"
តើនរណាជាចោរប្លន់ពិតប្រាកដ?
Source: អត្ថបទបរទេស
---------------------------
_______________________
អ្នកមាន EQ ខ្ពស់ មិនប្រាកដថា IQ ពួកគាត់ខ្ពស់ដែរ😇
សរុបមកជនទាំង ៧ នាក់ជាក្រុមឱកាសជ្រុលនិយម ឯមេខ្លោងគឺអ្នកនិពន្ធសាច់រឿងតែម្តង😊 យកចំណេះទុច្ចរិតជាលេសទៅបំផ្លាញប្រយោជន៍សង្គម រាល់ចម្លើយនីមួយៗពោពេញទៅដោយគំនិតអាត្មានិយមមិនបានបម្រើសង្គមធម៌។
ប្រទេសមួយមានមនុស្ស ៧ ប្រភេទនេះ គឺសង្គមមិនអាចរីកចម្រើនបានឡើយ ព្រោះពួកគាត់អគុណធម៌ក្នុងការចែករំលែកលះបង់ដល់សង្គមជាតិ។
មតិយោបល់របស់ Steven Guo
