01/12/2025
សន្សំ៦យ៉ាងនាំឲ្យមានការរីកចម្រើន
១.សន្សំកេរ្តិ៍ឈ្មោះ : ការរស់នៅយើងត្រូវសន្សំកេរ្តិ៍ឈ្មោះល្អ ទើបអ្នកដទៃមានការជឿជាក់លើយើង ហ៊ានសហការរកសុីជាមួយយើង គេហ៊ានចាប់ដៃគូរកសុីជាមួយយើង លុះតែយើងជាមនុស្សមានកេរ្តិ៍ឈ្មោះល្អ។
២.សន្សំលុយ : លុយមានសារៈសំខាន់ខ្លាំងនៅក្នុងជីវិតរស់នៅ
លុយអាចទិញផ្ទះទំនើប ទិញឡានទំនើប ទិញសម្លៀកបំពាក់
ល្អៗសម្រាប់បំពេញតម្រូវការលុយមានសារៈសំខាន់៩៩.៩៩% ។
៣.សន្សំចំណេះដឹង : កាលណាយើងមានចំណេះដឹង ធ្វើឲ្យយើងមានឱកាសជាច្រើននៅក្នុងជីវិត អាចបង្កើតមុខរបរ អាជីវកម្ម
ការវិនិយោគ ចំណេះដឹងនេះហើយគឺជាពន្ពឺនៃជីវិត ធ្វើឲ្យយើងមានសេចក្តីសុខ សេចក្តីចម្រើនក្នុងជីវិត ។
៤.សន្សំបណ្តាញទំនាក់ទំនង : ការទំនាក់ទំនងអាចធ្វើឲ្យយើងជោគជ័យក្នុងអាជីព ការងារ មុខរបរ អាជីវកម្ម ធ្វើឲ្យយើងមានឱកាសជាច្រើននៅក្នុងជីវិត កាលណាយើងមានបណ្តាញទំនាក់ទំនងកាន់តែច្រើនឲ្យយើងជោគជ័យកាន់តែធំនៅក្នុងការ ការងារ
មុខរបរ អាជីវកម្មកាន់តែសម្បើមអស្ចារ្យ ។
៥.សន្សំញាតិ : ការសន្សំញាតិមានន័យថាការរាប់អានបងប្អូនសាច់ញាតិ ដែលមានការទំនាក់ទំនងជាមួយគ្នា ប៉ុន្តែរាប់អានតែសាច់ញាតិណាល្អទៅបានហើយ បងប្អូនសាច់ញាតិណាមើលងាយយើង មិនឲ្យតម្លៃយើងកុំរាប់អានអី ។
៦.សន្សំបទពិសោធន៍ : ការសន្សំបទពិសោធន៍មានន័យថា តាំងពីតូចដល់ធំយើងមានកំហុសអ្វីខ្លះ យើងបរាជ័យអ្វីខ្លះ អ្នកណាជំពាក់លុយយើងមិនសងខ្លះ អ្នកណាមើលងាយយើងខ្លះ អ្នកណាថាយើងដើរផ្លូវខុសខ្លះ យើងត្រូវចាប់ផ្តើមកែប្រែសិក្សារៀនសូត្រមើលដើម្បីឲ្យមានការកែប្រែល្អប្រសើរជាងមុន យើងមិនអាចកែប្រែអតីតកាលបានទេតែយើងអាចរៀនសូត្រពីអតីតកាលបាន ៕
