Cho Ray Phnom Penh Hospital

01/04/2026

31/03/2026

កម្មវិធីបណ្តុះបណ្តាលវេជ្ជសាស្ត្របន្ត
CONTINUING MEDICAL EDUCATION

នារសៀល ថ្ងៃទី២៦ ខែមីនា ឆ្នាំ២០២៦ នៅមន្ទីរពេទ្យជោរៃភ្នំពេញ មានរៀបចំកម្មវិធីបណ្តុះ បណ្តាលវេជ្ជសាស្ត្របន្ត សម្រាប់វេជ្ជបណ្ឌិត ទាក់ទងនឹងប្រធានបទ ឆ្លុះក្រពះពោះវៀន (Upper and Lower Gastrointestinal Endoscopy) ដែលធ្វើបទបង្ហាញដោយលោក ឡឹង អុីឡាង វេជ្ជបណ្ឌិតឯកទេសឆ្លុះក្រពះពោះវៀន នៃមន្ទីរពេទ្យជោរៃភ្នំពេញ ក្រោមការសម្របសម្រួលដោយផ្ទាល់ពីលោកនាយកវេជ្ជសាស្ត្រ នៃមន្ទីរពេទ្យជោរៃភ្នំពេញ ។ គោលបំណងនៃការធ្វើបទបង្ហាញថ្ងៃនេះ គឺសំដៅធ្វើបច្ចុប្បន្នភាពលើកកម្ពស់ការយល់ដឹងស្តីពីការឆ្លុះក្រពះពោះវៀន ដល់ក្រុមគ្រូពេទ្យមកពីគ្រប់បណ្តាផ្នែកចំណុះឱ្យមន្ទីរពេទ្យ ជោរៃភ្នំពេញ ដើម្បីលើកកម្ពស់ការពិនិត្យ ព្យាបាល និងថែទាំ អ្នកជំងឺគ្រប់ជ្រុងជ្រោយ ៕

សូមអរគុណ !

30/03/2026

https://www.khmertimeskh.com/501870319/vietnam-joins-hands-in-providing-healthcare-for-people-in-southeastern-cambodia/

The Vietnamese Embassy in Cambodia organised a charitable mission on Friday to provide free medical check-ups, medication, and gifts to 500 disadvantaged residents in Prey Veng province ahead of the Khmer New Year.

30/03/2026

https://en.vietnamplus.vn/vietnam-delivers-free-medical-care-to-communities-in-cambodia-post340160.vnp

During the programme in Prey Veng, a team of 26 doctors and medical staff, equipped with modern medical equipment, provided check-ups and health consultations to 500 residents, including 250 people of Vietnamese origin and 250 Cambodian citizens.

30/03/2026

កម្មវិធីសប្បុរសធម៌
CHARITY PROGRAM

នៅថ្ងៃទី២៨ ខែមីនា ឆ្នាំ២០២៦ អ្នកតំណាងឲ្យស្ថានទូតវៀតណាមប្រចាំព្រះរាជាណាចក្រកម្ពុជា និង លោកនាយកវេជ្ជសាស្រ្ត នៃមន្ទីរពេទ្យជោរៃភ្នំពេញ បានដឹកនាំក្រុមគ្រូពេទ្យស្ម័គ្រចិត្តនៃមន្ទីរពេទ្យជោរៃភ្នំពេញ ចុះពិនិត្យ និងព្យាបាលជំងឺសប្បុរសធម៌ជូនដល់ប្រជាពលរដ្ឋនៅខេត្តព្រៃវែង។ ក្រៅអំពីការពិនិត្យព្យាបាល ដោយឥតគិតថ្លៃ គណៈប្រតិភូដឹកនាំកម្មវិធីពិនិត្យព្យាបាលជំងឺសប្បុរសធម៌ រួមជាមួយអាជ្ញាធរដែនដី នៃរដ្ឋបាលខេត្តព្រៃវែង (PREY VENG PROVINCIAL ADMINISTRATION) បានចែកអំណោយឧបត្ថម្ភដល់ក្រុមគ្រួសារក្រីក្រប្រមាណ ៥០០ គ្រួសារ។
ក្រោយបេសកកម្មពិនិត្យព្យាបាលជំងឺសប្បុរសធម៌ ដ៏មានអត្ថន័យ ត្រូវបានបញ្ចប់ដោយជោគជ័យ គណៈប្រតិភូបានដឹកនាំក្រុមគ្រូពេទ្យស្ម័គ្រចិត្តត្រឡប់មករាជធានីភ្នំពេញវិញ នៅថ្ងៃដដែល ប្រកបដោយសុវត្ថិភាព៕

29/03/2026

កម្មវិធីសប្បុរសធម៌
CHARITY PROGRAM

Đây là hoạt động thường niên thiết thực, minh chứng cho tình đoàn kết hữu nghị giữa hai nước trong lĩnh vực y tế.

26/03/2026

កម្មវិធីអប់រំសុខភាព

នារសៀល ថ្ងៃទី២៥ ខែមីនា ឆ្នាំ២០២៦ នៅមន្ទីរពេទ្យជោរៃភ្នំពេញ មានរៀបចំកម្មវិធីអប់រំ សុខភាពទាក់ទងនឹងប្រធានបទ “ជំងឺទឹកនោមផ្អែម និងជំងឺខ្សោយតម្រងនោមរុំារ៉ៃ” (Diabetes Mellitus and Chronic Kidney Disease) ។ នៅក្នុងកម្មវិធីអប់រំសុខភាពថ្ងៃនេះ មានការចូលរួមដឹកនាំកម្មវិធី និងសម្របសម្រួលដោយផ្ទាល់ ពីលោកនាយកវេជ្ជសាស្ត្រ នៃមន្ទីរពេទ្យជោរៃភ្នំពេញ ។ គោលបំណងនៃបទបង្ហាញដោយក្រុមគ្រូបង្គោលនៃផ្នែកគិលានុបដ្ឋាកថ្ងៃនេះ គឺធ្វើឡើងសំដៅលើកកម្ពស់ការយល់ដឹងជាសកល ជូនដល់អ្នកជំងឺ និងក្រុមគ្រួសារអ្នកជំងឺ ដែលកំពុងសម្រាកព្យាបាលនៅ មន្ទីរពេទ្យជោរៃភ្នំពេញ ដើម្បីយល់ដឹង និងចូលរួមថែទាំសុខភាព កាត់បន្ថយការវិវត្តរបស់ជំងឺទៅរក ស្ថានភាពធ្ងន់ធ្ងរឆាប់រហ័ស ដែលនាំឱ្យប៉ះពាល់ធ្ងន់ធ្ងរដល់សេដ្ឋកិច្ចផ្ទាល់ខ្លួន និងក្រុមគ្រួសារ ៕

24/03/2026

សល្យគារនៃមន្ទីរពេទ្យជោរៃភ្នំពេញ

OPERATING ROOMS OF CHO RAY-PHNΟM ΡΕΝΗ HOSPITAL

ផ្នែកដាក់ថ្នាំសណ្តំ-ប្រពោធនកម្ម (Anesthesiology Department) នៃមន្ទីរពេទ្យជោរៃភ្នំពេញ មានសល្យគារ (បន្ទប់វះកាត់ / Operating Rooms) បំពាក់ប្រព័ន្ធគ្រប់គ្រងសីតុណ្ហភាព សំណើម និងលំ ហូរខ្យល់ស្អាត (Heating, Ventilation and Air Conditioning System, HVAC) ឬ ហៅកាត់ថា ប្រព័ន្ធខ្យល់ស្អាតក្នុងបន្ទប់វះកាត់ ។ ប្រព័ន្ធគ្រប់គ្រងសីតុណ្ហភាព សំណើម និងលំហូរខ្យល់ស្អាត ដែល បំពាក់នៅក្នុងបន្ទប់វះកាត់នេះ គឺមិនមែនរៀបចំឡើង ដើម្បីភាពត្រជាក់ផាសុកភាពប៉ុណ្ណោះទេ ប៉ុន្តែវាជាផ្នែកមួយដ៏សំខាន់ នៃប្រព័ន្ធសុវត្ថិភាពរបស់អ្នកជំងឺ និងក្រុមគ្រូពេទ្យ ។ ខាងក្រោមនេះ គឺជាគុណសម្បត្តិសំខាន់ៗ នៃប្រព័ន្ធគ្រប់គ្រងសីតុណ្ហភាព សំណើម និងលំហូរ ខ្យល់ស្អាត (HVAC) នៅក្នុងបន្ទប់វះកាត់ ៖

១. ការទប់ស្កាត់ការឆ្លងមេរោគ (INFECTION CONTROL)

នេះ គឺជាមុខងារដ៏សំខាន់បំផុត ។ ប្រព័ន្ធនេះ ប្រើប្រាស់តម្រងខ្យល់កម្រិតខ្ពស់ ហៅថា High Efficiency Particulate Air Filter (HEPA) ដែលអាច ៖

ចម្រោះមេរោគ ៖ ចាប់យកមេរោគ (Bacteria) វីរុស (Virus) និងលម្អងធូលី បានរហូតដល់ ៩៩,៩៧% ។

- សម្ពាធខ្យល់វិជ្ជមាន (Positive Pressure) ៖ បង្កើតសម្ពាធខ្យល់ក្នុងបន្ទប់វះកាត់ឱ្យខ្ពស់ជាង សម្ពាធខ្យល់ខាងក្រៅ ដើម្បីរុញច្រានខ្យល់មិនស្អាត មិនឱ្យហូរចូលពេលបើកទ្វារបន្ទប់វះកាត់ ។

២. ការគ្រប់គ្រងសីតុណ្ហភាព និងសំណើម (Temperature & Humidity Control)

កាត់បន្ថយការរីករាលដាលមេរោគ៖ មេរោគ (Bacteria) និង ផ្សិត (Fungi) ចូលចិត្តរស់នៅ ក្នុងមជ្ឈដ្ឋាន ដែលមានសំណើមខ្ពស់ ។ ការរក្សាសំណើម ចន្លោះ ពី៣០% ទៅ ៦០% ជួយទប់ស្កាត់ការ រីកលូតលាស់របស់ពួកវា ។

- ផ្តល់ផាសុកភាព (ភាពងាយស្រួល) ដល់ក្រុមវះកាត់ ៖ គ្រូពេទ្យវះកាត់ត្រូវស្លៀកសម្លៀកបំពាក់ ការពារក្រាស់ៗ និងធ្វើការក្រោមកំដៅនៃអំពូលភ្លើងបំភ្លឺវះកាត់ ។ សីតុណ្ហភាពត្រជាក់ ជួយឱ្យពួកគាត់ មានអារម្មណ៍ស្រស់ថ្លា និងមានការផ្តោតអារម្មណ៍ខ្ពស់លើការវះកាត់ ។

- ការផ្លាស់ប្តូរខ្យល់អាកាស (AIR EXCHANGE)៖ ប្រព័ន្ធនេះ ធ្វើការបូមខ្យល់ចាស់ចេញ និង បញ្ចូលខ្យល់ថ្មី (Air Change per Hour-ACH) ជាច្រើនដង ក្នុងមួយម៉ោង (ជាទូទៅលើស ពី២០ ដង) ដើម្បី ៖

+ បន្សុទ្ធខ្យល់ ៖ បំបាត់ក្លិន និងឧស្ម័នសណ្តំ (Anesthetic Gases) ដែលអាចប៉ះពាល់ដល់សុខភាពបុគ្គលិកពេទ្យ ។

+ លំហូរខ្យល់ Laminar Flow : បង្កើតលំហូរខ្យល់ ដែលបក់ពីលើចុះក្រោមចំពីលើតុវះកាត់ ដើម្បីរុញមេរោគចេញពីតំបន់មុខរបួសវះកាត់ ។
៣. ការការពារឧបករណ៍វេជ្ជសាស្ត្រ

គ្រឿងម៉ាស៊ីនអេឡិចត្រូនិកទំនើបៗ ក្នុងបន្ទប់វះកាត់ ងាយនឹងខូចខាត ប្រសិនបើកម្ដៅឡើងខ្លាំង ពេក ។ ម៉ាស៊ីនត្រជាក់ ជួយរក្សាម៉ាស៊ីនទាំងនោះឱ្យដំណើរការបានថេរ និងមានអាយុកាលវែង ។

ចំណុចសម្គាល់ ៖ ប្រសិនបើបន្ទប់វះកាត់ត្រូវការត្រជាក់ ប៉ុន្តែអ្នកជំងឺត្រូវការកម្ដៅ គ្រូពេទ្យអាចប្រើភួយ កម្ដៅ (Warming Blankets) សម្រាប់ដណ្តប់ឱ្យអ្នកជំងឺ ដើម្បីការពារកុំឱ្យអ្នកជំងឺធ្លាក់ចុះកម្ដៅខ្លាំង (Hypothermia) ក្នុងអំឡុងពេលវះកាត់ ៕

សូមអរគុណ !

20/03/2026

ទំនាក់ទំនងនៅក្នុងការអនុវត្តវេជ្ជសាស្រ្ត
(COMMUNICATION IN MEDICAL PRACTICE)

នារសៀល ថ្ងៃទី១៨ និង១៩ ខែមីនា ឆ្នាំ២០២៦ នៅមន្ទីរពេទ្យជោរៃភ្នំពេញ មានរៀបចំកម្មវិធីបណ្តុះបណ្ដាលវេជ្ជសាស្រ្តបន្ត ដល់គិលានុបដ្ឋាក ឆ្មប បុគ្គលិកបច្ចេកទេសសុខាភិបាល ទាក់ទងនឹងប្រធានបទ ទំនាក់ទំនងនៅក្នុងការអនុវត្តវេជ្ជសាស្រ្ត (COMMUNICATION IN MEDICAL PRACTICE) ដោយមានការចូលរួមសម្របសម្រួលដោយផ្ទាល់ពីលោកនាយកវេជ្ជសាស្រ្ត នៃមន្ទីរពេទ្យជោរៃភ្នំពេញ ។ គោលបំណងនៃប្រធានបទថ្ងៃនេះ គឺសំដៅលើកកម្ពស់ការទាក់ទងគ្នាប្រកបដោយវិជ្ជាជីវៈរវាងបុគ្គលិកសុខាភិបាល និងបុគ្គលិកសុខាភិបាល រវាងបុគ្គលិកសុខាភិបាល និងអ្នកជំងឺ ដើម្បីធានាដល់សុវត្ថិភាពអ្នកជំងឺជាចម្បង បង្ការ និងទប់ស្កាត់រាល់កំហុសឆ្គងវេជ្ជ សាស្រ្ត ដែលអាចកើតមានឡើង នៅក្នុងការពិនិត្យ ព្យាបាល និងថែទាំអ្នកជំងឺគ្រប់ជ្រុងជ្រោយ ៕

សូមអរគុណ!