28/01/2026
អបអរសាទរពិធីបើកការប្រកួតកីឡាប៊ូល និងប៉េតង់ជ្រើសរើសជើងឯកថ្នាក់ជាតិឆ្នាំ២០២៥!
ព្រឹកថ្ងៃទី២៨ខែមករាឆ្នាំ២០២៦ លោកជំទាវ ចម ក្រស្នា អគ្គនាយិកាក្រុមហ៊ុន សោម៉ា គ្រុប បានអញ្ជើញចូលរួមជាភ្ញៀវកិត្តិយសក្នុងពិធីបើកការប្រកួតកីឡាប៊ូល និងប៉េតង់ជ្រើសរើសជើងឯកថ្នាក់ជាតិឆ្នាំ២០២៥ដែលរៀបចំឡើងដោយសហព័ន្ធកីឡាប៊ូល និងប៉េតង់កម្ពុជានៅពហុកីឡដ្ឋានជាតិអូឡាំពិក។ ពិធីនេះបានប្រព្រឹត្តទៅក្រោមអធិបតីភាពឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នរគរូបនីយកម្ម និងសំណង់ និងជាប្រធានសហព័ន្ធកីឡាប៊ូល និងប៉េតង់កម្ពុជា ព្រមទាំងមានវត្តមានថ្នាក់ដឹកនាំសហព័ន្ធ ក្រសួងស្ថាប័នពាក់ព័ន្ធ និងដៃគូឧបត្ថម្ភនានាផងដែរ។ ការប្រកួតនេះនឹងធ្វើឡើងចាប់ពីថ្ងៃទី២៨ដល់ថ្ងៃទី៣០ ខែមករា ឆ្នាំ២០២៦ ដោយមានកីឡាករ កីឡាការិនីចូលរួមប្រមាណ៣០០នាក់មកពីសមាគម និងក្លឹបនានាទូទាំងព្រះរាជាណាចក្រកម្ពុជា។
