https://www.facebook.com/1684391181774906/

HENG CHOR Pharmacy, 122, Phnom Penh (2026)

17/10/2015

វិធីងាយងាយសំរាប់ថែទាំមនុស្សចាស់ដែលមានជំងឺលើសឈាម!

05/10/2015

វិធី៨យ៉ាង ដើម្បីព្យាបាល ជម្ងឺដំបៅក្រពះ!

ជម្ងឺដំបៅក្រពះលើមនុស្ស វ៏យលើស៥០ឆ្នាំ ហើយជាធម្មតាជម្ងឺ នេះជាទូទៅកើតឡើង លើបុរសច្រើនជាងនារី។ អ្នកអាចព្យាបាលជម្ងឺ នេះបានដោយ តាមវិធីបែបធម្មជាតិ។

– តើហេតុអ្វីបានជា យើងត្រូវយល់ដឹងពីជម្ងឺដំបៅក្រពះ? ជម្ងឺនេះវាគ្មានបញ្ចេញរោគសញ្ញា អោយឃើញនៅ ខាងក្រៅនោះទេ ប៉ុន្តែវានឹងបង្ក បញ្ហានៅផ្នែកខាងក្នុងក្រពះ។ វានឹងបណ្តាលអោយ អ្នកមានការ ឈឺចាប់បន្ទាប់ពីញ៉ាំបាយ ការស្រក់គីឡូ ឡើងជាតិអាស៊ីត ក្អួត និងការហូរឈាម។

– តើអ្វីទៅបណ្តាលអោយកើតជម្ងឺដំបៅក្រពះ? ការបណ្តាលអោយកើតជម្ងឺនេះ គឺទីមួយវា បណ្តាលមកពីបាក់តេរី Helicobacter Pylori ដែលវាចូលក្នុង ក្រពះបាន ដោយសារការញ៉ាំអាហារ។ បាក់តេរីនេះអាចបណ្តាល អោយយើងមានភាពគ្រោះថ្នាក់ នៅពេលយើងបរិភោគអាហារ ដែលមានជាតិអាស៊ីតខ្ពស់ ហិល ជាតិខ្លាញ់ច្រើន និងអាហារខ្វះសារធាតុចញ្ចឹម។ ហើយវាក៏កើត ឡើងដោយការទទួល ទានថ្នាំដូចជា ibuprofen អាស្ពីរីន cortisone។ កត្តាមួយចំនួនផងដែរ គឺដូចជា ការជក់បារី ផឹកស្រា ហ្សែន មហារីក និងភាពស្មុគស្មាញ។
ដើម្បីអោយជៀសវៀងពីការកើតជម្ងឺនេះ អ្នកត្រូវកែប្រែ ទម្លាប់រស់នៅរបស់អ្នក អ្នកត្រូវទទួលទានអាហារ ដែលមានសារធាតុចញ្ចឹម កាត់បន្ថយការជក់បារី ស្រា កាហ្វេ ឬតែ ត្រូវការធ្វើខ្លួនឯង កុំអោយមានភាពស្មុគស្មាញ និងជៀសវៀងកុំប្រើថ្នាំច្រើនពេក។

– អាហារដែលគួរ និងមិនគួរញ៉ាំ
ដើម្បីជៀសវៀងការកើតជម្ងឺនេះ អ្នកត្រូវយល់ដឹងពី អាហារមួយចំនួន ព្រោះវាក៏អាចជួយអ្នកបានដែល។ អាហារដែលអ្នកគួរតែ ទទួលទានបំផុត គឺមានដូចជាទឹកដោះគោ ស៊ុត ត្រី pasta លាយនឹងបន្លែ គ្រាប់ធុញ្ញជាតិ និងផ្លែឈើ ដែលគ្មានជាតិអាស៊ីត បន្លែ ប្រេងអូលីវ និងទឹក។ ហើយអាហារដែលអ្នក គួរជៀសវៀងនោះ មានជាតិខ្លាញ់ ប័រ នំបុ័ង សាច់ជ្រូក៣ជាន់ ទឹកឃ្មុំ អាហារសម្រន់ អាហារចំអិនដោយការចៀន អាហារហិល ដំណាប់ សូកូឡា និងការ៉េម។ សម្រប់បន្លែវិញ មានខ្ទឹមបារាំង ម្រេច ផ្កាស្ពៃ ស្ពៃក្តោប។ ភេសជ្ជៈដែលគួរជៀសវៀង មានស្រា សូដា តែ កាហេ្វ និង ទឹកសូកូឡា។

– រូបមន្តការព្យាបាលជម្ងឺដំបៅក្រពះ
១. ផឹកទឹកដែលបាផ្សំឡើងដោយ ទឹកស៊ុតពណ៍ស២គ្រាប់ និងប្រេងអូលីវ២ស្លាបព្រាបាយ។ ផឹកអោយបាន២ដងក្នុង១ថ្ងៃ។
២.ញ៉ាំចេកអោយបាន២ផ្លែក្នុង១ថ្ងៃ។
៣. ញ៉ាំទឹកបន្លែ ដែលបានមកពីស្ពៃចង្ក្រឹ អោយបាន២ ទៅ៥ដងក្នុង១ថ្ងៃ។
៤. ញ៉ាំស្រូវសាឡីព្រោះវាអាចជួយរបួសក្នុងក្រពះ។
៥.ញ៉ាំទឹកបន្លែ ធ្វើមកពីស្លឹកក្តោប និងការ៉ុត។ ផឹកវាចន្លោះពេលញ៉ាំអាហារ។
៦.ញ៉ាំទឹកបន្លែ ធ្វើមកពីកិនបញ្ចូលគ្នាដោយ សារាយសមុទ្រ១ស្លាបព្រាបាយ នឹងអំបិលបន្តិច បន្ថែមផ្លែត្រប់ពាក់កណ្តាល។ ផឹកវាដោយលាយទឹកបន្លែនេះ ពាក់កណ្តាលកែវ និងទឹកពាក់កណ្តាលកែវ។
៧.ញ៉ាំទឹក ដែលធ្វើមកពី ស្លឹកក្រូច និង chamomile១ស្លាបព្រាបាយ ជាមួយទឹកក្តៅ១ពែង ហើយទុកវា៥នាទី។ ផឹកវាជារៀងរាល់យប់បន្ទាប់ពីញ៉ាំអាហារពេលល្ងាច។
៨.ផឹកទឹកបន្លែដែលធ្វើពី ការហាន់ដំឡូងជាចំនិតៗ និងប៉េងបោះដោយខ្វេះគ្រាប់ចេញ និងស្លឹកស្ពៃក្តោប។ ផឹកវាអោយបាន២ដងក្នុង១ថ្ងៃ។ វិធីមួយនេះអាចជួយអ្នកក្នុងការព្យាបាលជម្ងឺដំបៅក្រពះបាន៕

04/10/2015

វិធីថែទាំទារកនៅរដូវរងារ!!

ទារកទើបកើត អាចប្រឈមមុខនឹងជំងឺជាច្រើន បើសិនស្ត្រីជាម្តាយមិនបានយកចិត្តទុកដាក់ថែទាំឲ្យបានត្រឹមត្រូវទេនោះ។ គ្រូពេទ្យជំនាញ លើកទឹកចិត្តឲ្យស្ត្រីជាម្តាយគ្រប់រូប ត្រូវបំបៅដោះកូនតូចឲ្យបានយ៉ាងតិច ៦ខែ និងត្រូវយកកូនទៅចាក់ថ្នាំការពារជំងឺផ្សេងៗ។
តើស្ត្រីជាម្តាយត្រូវធ្វើដូចម្តេច ដើម្បីការពារទារកឲ្យគេចផុតពីជំងឺ?
ទារកដែលកើតមកភ្លាម ត្រូវឲ្យបៅដោះម្តាយភ្លាម។ ស្ត្រីជាម្តាយ មុនឲ្យទារកបៅដោះ ត្រូវលាងសម្អាតដើមទ្រូងជាមុនសិន។ ការឲ្យទារកដែលទើបនឹងកើតបោះដៅម្តាយភ្លាមនោះ គឺមានប្រយោជន៍ច្រើនណាស់ចំពោះស្ត្រីជាម្តាយ គឺអាចបណ្ដាលឲ្យស្បូនកន្ត្រាក់ល្អ និងបង្ការការធ្លាក់ឈាមខុសប្រក្រតី។ សម្រាប់ទារកវិញ តាមរយៈទឹកដោះម្តាយ ទារកអាចមានប្រព័ន្ធការពាររាងកាយ ហើយទឹកដោះម្តាយអាចបណ្ដាលឲ្យពោះវៀនស្រូបបានល្អនូវអាហារ និងអាចបង្ការមិនឲ្យទារកកើតជំងឺខាន់លឿងក្រោយពេលកើត។
លើសពីនេះទៅទៀត ការបំបៅដោះដោយផ្អាប់ទារកនៅនឹងដើមទ្រូងម្តាយ អាចជួយការពារការបាត់កម្ដៅ និងផ្តល់ទម្លាប់ឲ្យកូនបានស្តាប់សំឡេងបេះដូងម្តាយដូចកាលពីនៅក្នុងផ្ទៃ និងអាចជៀសវាងកុំឲ្យទារកគេងភ្ញាក់ៗដូចចាស់ពាក្យពោលថា «ម្តាយដើមលង»។
វេជ្ជបណ្ឌិតជំនាញផ្នែកទារក និងបម្រើការងារនៅមន្ទីរពេទ្យកាល់ម៉ែត លោកវេជ្ជបណ្ឌិត លឹម វណ្ណនិត ពន្យល់ថា ការបំបៅដោះកូនយ៉ាងតិច ៦ខែ ជាអ្វីដែលម្តាយគ្រប់រូបត្រូវតែអនុវត្ត មុននឹងផ្តល់ចំណីអាហារដល់ទារក៖ «»។
ស្ត្រីជាម្តាយគ្រប់រូប អាចផ្តល់អាហារផ្សេងៗ មានដូចជា បន្លែ សាច់ត្រី ស្ករ ឬស្ត្រីជាម្តាយគ្រប់រូប អាចធ្វើបបរខាប់គ្រប់គ្រឿងឲ្យទារកទទួលទានបាន បន្ទាប់ពីបានបៅដោះម្តាយបាន ៦ខែ។
តើបបរខាប់គ្រប់គ្រឿងជាអ្វី និងមានប្រយោជន៍អ្វីខ្លះចំពោះទារក?
បបរខាប់គ្រប់គ្រឿង មានប្រយោជន៍ជាច្រើនសម្រាប់ទារកដែលមានអាយុលើសពី ៦ខែ។ ការទទួលទានបបរខាប់គ្រប់គ្រឿង អាចកាត់បន្ថយការចំណាយលើថ្លៃទឹកដោះគោ និងភេសជ្ជៈមួយចំនួនផ្សេងទៀត។ បបរខាប់គ្រប់គ្រឿង ជាមធ្យោបាយថ្មីមួយទៀតដែលក្រសួងសុខាភិបាល លើកទឹកចិត្តឲ្យម្តាយគ្រប់រូបធ្វើឲ្យកូនតូចទទួលទាន។
«ចម្រៀងបបរខាប់គ្រប់គ្រឿង»
ស្ត្រីជាម្តាយគ្រប់រូប មិនត្រូវពកូនតូចទើបកើតដើរហាលក្តៅយូរនោះទេ ព្រោះអាចបណ្ដាលឲ្យកូនតូចក្តៅ រាករូស ក្អក ក្អួត និងប្រឈមមុខនឹងជំងឺឆ្លងមួយចំនួន ជាអាទិ៍ គ្រុនឈាម រលាកសួត និងផ្លូវដង្ហើមស្រួចស្រាល់។
ប្រសិនបើលោកអ្នកចង់យកកូនទៅវត្តនៅក្នុងពិធីបុណ្យកាន់បិណ្ឌនេះ លោកអ្នកត្រូវប្រើកន្ទប ឬក្រណាត់ស្អាតស្លៀកពាក់ឲ្យបានល្អ ដើម្បីការពារសត្វមូសខាំ និងធូលីដីប៉ើងប៉ះ។ ជាប្រការល្អ លោកអ្នកមិនគួរយកទារកដើរឆ្ងាយទេ ព្រោះថារដូវធាតុអាកាសត្រជាក់ដែលងាយឲ្យកុមារតូចប្រឈមនឹងជំងឺឆ្លង។
ជុំវិញបញ្ហានេះ លោកវេជ្ជបណ្ឌិតជំនាញផ្នែកទារកពន្យល់ថា ចាប់ពីកើតដល់អាយុ ៣ខែ រយៈពេលនេះទារកកំពុងតែលូតលាស់សរសៃប្រសាទ ម្ល៉ោះហើយស្ត្រីជាម្តាយគ្រប់រូបត្រូវការពារកុំឲ្យមានជំងឺតម្កាត់ឲ្យសោះ។
តើត្រូវតែយកទារកទៅចាក់ថ្នាំការពារដែរឬទេ?
សេចក្តីប្រកាសព័ត៌មាននៃក្រសួងសុខាភិបាល បញ្ជាក់ថា ដើម្បីអាចជួយការពារទារកទើបកើតកុំឲ្យប្រឈមមុខនឹងជំងឺផ្សេងៗ ចាំបាច់ស្ត្រីជាម្តាយត្រូវយកទារកទៅចាក់ថ្នាំការពារនៅមណ្ឌលសុខភាពដែលនៅជិតផ្ទះលោកអ្នក។
សូមស្ត្រីជាម្តាយគ្រប់រូប ធ្វើតាមការណែនាំរបស់បុគ្គលិកសុខាភិបាលនៅតាមមណ្ឌលសុខភាព។ ស្ត្រីជាម្តាយ ត្រូវចងចាំថា ការហត់នឿយបន្តិចបន្តួចក្នុងការថែទាំកូនតូច ដូចជាក្តៅខ្លួនក្រោយពេលចាក់ថ្នាំការពារ គឺប្រសើរជាងការយកជីវិតទារកទៅប្រឡែងលេងនឹងជំងឺសាហាវផ្សេងៗ ព្រោះថា ទារកតូចមានប្រព័ន្ធការពាររាងកាយខ្សោយណាស់ ដែលហេតុមិនអាចប្រឆាំងទប់ទល់នឹងជំងឺដែលងាយឆ្លងបាននោះឡើយ។
ប្រសិនបើស្ត្រីជាម្តាយមិនយកទារកទៅចាក់ថ្នាំការពារជំងឺទេនោះ ក្មេងតូចៗអាចប្រឈមមុខនឹងជំងឺ ហើយអាចបង្កនូវផលវិបាកយ៉ាងធ្ងន់ធ្ងរ ដូចជាអាប់បញ្ញាស្មារតី ខ្វាក់ ថ្លង់ គ្រុនស្វិតដៃជើង ប្រកាច់ ទឹកដក់ក្នុងក្បាល ជំងឺរបេង រលាកស្រោមខួរក្បាល និងជំងឺផ្សេងទៀត ដែលបណ្ដាលមកពីមិនបានចាក់ថ្នាំសម្រាប់ការពារទារកទុកជាមុន។
ទារកដែលទើបកើតភ្លាម មានជាប់លើខ្លួនដូចខ្លាញ់គោ តើនេះជាផលវិបាកបណ្ដាលមកពីស្ត្រីជាម្តាយហូបខ្យងខ្ចៅមែនទេ?
ប្រធានគ្លីនិកសើស្បែកភ្នំពេញ និងជាសាស្ត្រាចារ្យនៅសាកលវិទ្យាល័យវិទ្យាសាស្ត្រសុខាភិបាល លោកវេជ្ជបណ្ឌិត ថៃ គា បញ្ជាក់ថា ជាតិស្អិតលើខ្លួនទារកនោះ គឺជួយការពារស្បែករបស់ទារកឲ្យមានសុខភាពល្អ និងមិនបង្កផលប៉ះពាល់អ្វីចំពោះទារកនោះទេ។ ម្ល៉ោះហើយ លោកអ្នកមិនត្រូវជូតសម្អាត ព្រោះវានឹងស្រូបបាត់អស់ទៅវិញក្នុងរយៈពេល ២ ទៅ ៣ថ្ងៃក្រោយ៖ «»។
តើអនាម័យក្នុងការរស់នៅរបស់ទារកសំខាន់យ៉ាងណាចំពោះសុខភាពកូនតូច?
ស្ត្រីជាម្តាយ ត្រូវងូតសម្អាតទងផ្ចិតដែលមិនទាន់ជ្រុះឲ្យស្អាតល្អ។ លោកអ្នកត្រូវប្រើកន្ទបដែលស្អាត ដោយជៀសវាងកន្ទបចាស់ពេក។ កន្ទបចាស់អាចមានផ្ទុកនូវមេរោគ បាក់តេរី ធូលី ដែលអាចបណ្ដាលឲ្យទារកងាយក្អក រមាស់ ផ្ដាសាយ ជាដើម។ លោកអ្នកមិនត្រូវថើបទារកជាដាច់ខាត នៅពេលលោកអ្នកកំពុងមានជំងឺផ្ដាសាយ ផ្ដាសាយធំ ព្រោះអាចចម្លងទៅទារកបានយ៉ាងងាយបំផុត។
ប្រការសំខាន់មួយទៀត កន្លែងគេងរបស់ទារកត្រូវមានពន្លឺគ្រប់គ្រាន់ ខ្យល់អាកាសល្អបរិសុទ្ធគ្រប់គ្រាន់សម្រាប់ដកដង្ហើម និងមិនត្រូវឲ្យមានផ្សែង ឬធូលីដីប៉ះផ្ទាល់ចំពោះទារកជាដាច់ខាត។
ឯកសារសុខភាពបញ្ជាក់ថា លោកអ្នកមិនត្រូវចិញ្ចឹមសត្វឆ្កែ ឆ្មារ មាន់ ទា នៅក្បែរទារក ព្រោះថាកូនតូចៗងាយឆ្លងជំងឺពីសត្វ។
«ចម្រៀងលាងដៃនឹងសាប៊ូ»
ប្រការគួរចងចាំមួយទៀតនោះ គឺស្ត្រីជាម្តាយគ្រប់រូប ត្រូវលាងសម្អាតដៃ និងដើមទ្រូងឲ្យបានស្អាតល្អ មុននឹងបំបៅដោះ ឬប៉ះទារក។ ទន្ទឹមនឹងនេះដែរ លោកអ្នកត្រូវលាងចាន ឆ្នាំងឲ្យស្អាត និងត្រូវប្រើទឹកស្អាតមានសុវត្ថិភាព មុននឹងឲ្យទារកទទួលទាន ឬងូតសម្អាត។ ការលាងដៃ និងសម្ភារៈប្រើផ្សេងៗ ចាំបាច់ត្រូវប្រើប្រាស់សាប៊ូជាប់ជានិច្ច៕

04/10/2015

វិធីព្យាបាលតាមបែបធម្មជាតិ បំបាត់រោគឈឺសន្លាក់!
តើអ្នកកំពុងតែមានបញ្ហានឹង រោគឈឺសន្លាក់មែនទេ? សូមសាកល្បងជាមួយ រូបមន្តទាំងពីរនេះ៖
១. រមៀត និង ខ្ញី
គ្រឿងផ្សំ៖
– ទឹក ២ កែវ
– ម្សៅខ្ញី (ខ្ញីហាលក្នុងកន្លែងម្លប់ រួចកិនអោយម៉ដ្ឋ) ១/២ ស្លាបព្រាកាហ្វេ
– ម្សៅរមៀត ១/២ ស្លាបព្រាកាហ្វេ
– ទឹកឃ្មុំបន្តិចបន្តួច
វិធីធ្វើ៖
– យកទឹកដាក់ដាំនៅលើភ្លើង (បើកភ្លើងតិច) បន្ថែមម្សៅរមៀត និង ម្សៅខ្ញីចូល។ ពេលដែលវាពុះបន្ថយភ្លើងបន្តិច ទុកអោយពុះរុយៗ ហើយទុកវាចោល ១០-១៥នាទី។ ច្រោះយកទឹក បន្ថែមទឹកឃ្មុំចូល ដើម្បីអោយមានរសជាតិ។ ផឹកវា ២ ដងក្នុងមួយថ្ងៃ។

២. ប្រេងអូលីវ (extra virgin olive oil)
យកប្រេងអូលីវ ២-៣ ស្លាបព្រា ដុសទៅលើកន្លែងដែលអ្នកឈឺសន្លាក់ ធ្វើការម៉ាស្សាថ្នមៗ (ធ្វើវិធីនេះ ២ ដងក្នុងមួយថ្ងៃ)។
ជ្រើសរើសវិធីមួយណាដែលអ្នកគិតថាងាយស្រួល៕