មូលនិធិគន្ធបុប្ផាកម្ពុជា - Cambodia Kantha Bopha Foundation

05/12/2025

ក្រុមហ៊ុន FLATIRON BY MERIDIAN MANAGEMENT CO.,LTD និងក្រុមហ៊ុន Phnom Penh City Center co.,ltd បាននាំយកថវិកា ចំនួន​ ៥ ពាន់ដុល្លារ​ និង ២៨ លានរៀល មកបរិច្ចាគជូនមូលនិធិគន្ធបុប្ផាកម្ពុជា
---------------===^^^===-----------------
មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅដល់ គណៈគ្រប់គ្រនៃក្រុមហ៊ុន FLATIRON BY MERIDIAN MANAGEMENT CO.,LTD និងក្រុមហ៊ុន Phnom Penh City Center co.,ltd ដែលបានគិតគូរកៀរគរថវិកាសប្បុរសធម៌ និងបាននាំយកថវិកាចំនួន​ ៥ ០០០ ដុល្លារ​ និង ២៨ ០០០ ០០០ រៀល មកបរិច្ចាគជូនមូលនិធិគន្ធបុប្ផាកម្ពុជា ដើម្បីចូលរួមគាំទ្រដល់កិច្ចដំណើរការរបស់មន្ទីរពេទ្យគន្ធបុប្ផាឱ្យអាចបន្តបេសកកម្មក្នុងការផ្ដល់សេវាពិនិត្យ និងព្យាបាលទារក និងកុមារ ដោយឥតគិតថ្លៃ ប្រកបដោយគុណភាព មិនមានការរើសអើង និងប្រកបដោយប្រសិទ្ធភាព។

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

04/12/2025

ទារកកើតមិនគ្រប់ខែ និងក្រុមគ្រូពេទ្យគន្ធបុប្ផា !
===
មូលនិធិគន្ធបុប្ផាកម្ពុជា សូមបន្តលើកទឹកចិត្តដល់សប្បុរសជនទាំងក្នុង និងក្រៅប្រទេស ចូលរួមបរិច្ចាគក្នុងស្មារតី "ខ្មែរជួយខ្មែរ" ដើម្បីរួមគ្នានាំភាពញញឹមដល់កុមារដែលជាអនាគតដ៏ភ្លឺស្វាងរបស់កម្ពុជា។

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

01/12/2025

គណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំអគ្គនាយកដ្ឋានពន្ធដារ បានបរិច្ចាគថវិកាប្រចាំឆ្នាំ២០២៥ ចំនួន ១៨៧ ៨៧០ ០០០ រៀល ជូនមូលនិធិគន្ធបុប្ផាកម្ពុជា!
-----------------------------------
មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន ឯកឧត្ដម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ និងជាប្រធានគណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំអគ្គនាយកដ្ឋានពន្ធដារ និងថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យានៃអគ្គនាយកដ្ឋានពន្ធដារ ដែលបានផ្តួចផ្តើមគំនិតកៀរគរថវិកាបរិច្ចាគប្រចាំឆ្នាំ២០២៥ ចំនួន ១៨៧ ៨៧០ ០០០ រៀល ប្រគល់ជូនមូលនិធិគន្ធបុប្ផាកម្ពុជា ដើម្បីចូលរួមចែករំលែកសេចក្ដីស្រលាញ់ជាមួយកុមារកម្ពុជា តាមរយៈការចូលរួមរក្សានូវនិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មផ្ដល់សេវាពិនិត្យ និងព្យាបាលទារក និងកុមារ ដោយឥតគិតថ្លៃ ប្រកបដោយគុណភាព មិនមានការរើសអើង និងប្រកបដោយប្រសិទ្ធភាព។

មូលនិធិគន្ធបុប្ផាកម្ពុជា សូមបន្តលើកទឹកចិត្តដល់សប្បុរសជនទាំងក្នុង និងក្រៅប្រទេស ចូលរួមបរិច្ចាគក្នុងស្មារតី "ខ្មែរជួយខ្មែរ" ដើម្បីរួមគ្នានាំភាពញញឹមដល់កុមារដែលជាអនាគតដ៏ភ្លឺស្វាងរបស់កម្ពុជា។

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

01/12/2025

ពលរដ្ឋខ្មែរនៅតំបន់ក្វាងជូធំ​នៃសាធារណរដ្ឋកូរ៉េ ប្រកាសគាំទ្រ និងចូលរួមផ្សព្វផ្សាយ ជូនមូលនិធិគន្ធបុប្ផាកម្ពុជា។
===
ពលរដ្ឋខ្មែរ រស់នៅ ធ្វើការ និងប្រកបអាជីវកម្ម នៅសាធារណរដ្ឋកូរ៉េ បានប្រកាសគាំទ្រនិងចូលរួមផ្សព្វផ្សាយ ពីសកម្មភាពផ្សព្វផ្សាយអំពី មូលនិធិគន្ធបុប្ផាកម្ពុជា ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផាដែលកំពុងមានបេសកកម្ម សង្គ្រោះជីវិត ទារក ស្រ្តីមានផ្ទៃពោះ និងកុមារ ដោយមិនគិតថ្លៃ។

ការប្រកាសគាំទ្រនេះ បានធ្វើឡើងក្នុងដំណើរបេសកកម្ម ផ្សព្វផ្សាយ និងបំផុសស្មារតី "ខ្មែរជួយខ្មែរ" របស់ក្រុមការងារមូលនិធិគន្ធបុប្ផាកម្ពុជានៅតំបន់ក្វាងជូធំ នៃសាធារណរដ្ឋកូរ៉េ កាលពីថ្ងៃទី២៨ ខែវិច្ឆិកា ឆ្នាំ២០២៥ កន្លងទៅនេះថ្មីៗនេះ។

28/11/2025

ក្រុមពន្លកសិល្បៈករខ្មែរនៅសាធារណរដ្ឋកូរ៉េ នឹងផ្សារភ្ជាប់សកម្មភាពវប្បធម៌ និងសប្បុរសធម៌ជាមួយមូលនិធិគន្ធបុប្ផាកម្ពុជា។

ក្រុមពន្លកសិល្បៈករខ្មែរដែលមានសមាជិក ស្ម័គ្រចិត្តជាបងប្អូន រស់នៅ និងធ្វើការនៅសាធារណរដ្ឋកូរ៉េ ដឹកនាំដោយ លោក វែង ភារ៉េន បានបង្ហាញក្តីរីករាយ នឹងចូលរួមសហការផ្សព្វផ្សាយជាមួយមូលនិធិគន្ធបុប្ផាកម្ពុជា ដើម្បីនាំយកសកកម្មភាពវប្បធម៌-មនុស្សធម៌ជួយដល់កុមារកម្ពុជា ដែលកំពុងសម្រាក និងព្យាបាលដោយមិនគិតថ្លៃនៅមន្ទីរពេទ្យគន្ធបុប្ផា។

លោកបន្តថា ការដែលផ្សារភ្ជាប់វប្បធម៌ និងការងារសប្បុរសធម៌ជួយដល់កុមារនេះ ជាអ្វីដែលក្រុមសិល្បៈករខ្មែរនៅសាធារណរដ្ឋកូរ៉េចង់ធ្វើជាយូរមកហើយ។ លោកនឹងរៀបចំសកម្មភាពណាមួយ ក្នុងពេលឆាប់ៗខាងមុខនេះ។

ថ្ងៃទី២៨ ខែវិច្ឆិកា ឆ្នាំ២០២៥ សាធារណរដ្ឋកូរ៉េ។

28/11/2025

តស់! ចូលរួមក្នុងកម្មវិធីរត់ ៣ ០០០ ជំហាន ដើម្បីផ្តល់ស្មាមញញឹមដល់កុមារ ដែលរៀបចំដោយក្រុមហ៊ុន បុរី ប៉េងហួត គ្រុប ដើម្បីចូលរួមកៀរគរថវិកាសប្បុរសធម៌ជូនមូលនិធិគន្ធបុប្ផាកម្ពុជា!

វិលត្រឡប់សារជាថ្មី ក្នុងកម្មវិធីរត់ដើម្បីសប្បុរសធម៌ប្រចាំឆ្នាំ២០២៥
“3,000 ជំហាន ដើម្បីមូលនិធិគន្ធបុប្ផាកម្ពុជា”
តម្លៃសំបុត្រ គឺជាវិភាគទានតាមការស្ម័គ្រចិត្ត (មិនកំណត់តម្លៃ)។

🗓ថ្ងៃសៅរ៍ ទី២០ ខែធ្នូ ឆ្នាំ២០២៥
⏱️វេលាម៉ោង ៤:៣០ នាទីរសៀល
📍ទីតាំង៖ សួន អេកូ ផាក ហ្គ្រេនស្តា ផ្លាទីនីម បុរី ប៉េង ហួត (បឹងស្នោ) https://bit.ly/PH_EcoPark
👟រត់រយៈចម្ងាយ ២.២ គ.ម
✍️ចុះឈ្មោះក្នុងតំណលីងនេះ >> https://bit.ly/RegistrationforKanthaBopha
បើកទទួលការចុះឈ្មោះចាប់ពីថ្ងៃនេះ រហូតដល់ ថ្ងៃទី១៥ ខែធ្នូ ឆ្នាំ២០២៥

សម្រាប់អ្នកចូលរួមរត់នឹងទទួលបាន៖
🏅 មេដាយ (មានកំណត់)
1️⃣ ស្លាកលេខរត់

✨ ការចុះឈ្មោះចូលរួមរត់របស់លោកអ្នក ក៏ជាការចូលរួមចំណែកមួយជួយដល់សង្គម ជាពិសេសការជួយដល់កុមារដែលកំពុងទទួលបានការថែទាំនៅមន្ទីរពេទ្យគន្ធបុប្ផា។

#ប៉េងហួតគ្រុប #ទាំងអស់គ្នាដើម្បីមនុស្សជាតិ
ធ្វើឱ្យជីវិតលោកអ្នកកាន់តែមានន័យ!

Welcome back to the Annual Charity Run 2025
"3,000 Steps Fun Run for Cambodia Kantha Bopha Foundation"
Ticket Price: Voluntary contribution (no minimum price set).

Date: Saturday, December 20, 2025
Time: 4:30 PM
Location: Eco Park, Borey Peng Huoth Grand Star Platinum (Beoung Snor) https://bit.ly/PH_EcoPark
Running Distance: 2.2 km
Register here >> https://bit.ly/RegistrationforKanthaBopha
Registration Period: From today until December 15, 2025
Participants will receive:
-A Medal (Limited Quantity)
-A Running Bib

Your registration and participation in this charity run are also a contribution to society, especially in helping the children currently receiving care at Kantha Bopha Hospital.


Enriching Lives!

27/11/2025

មូលហេតុដែលកើតជំងឺបេះដូងចំហរ ពីកំណើត។

27/11/2025

លោកស្រី ស្រួង សុភាវី កីឡាការិនីខ្មែរដ៏ឆ្នើមនៅសាធារណរដ្ឋកូរ៉េ សន្យាថានឹងចូលរួមផ្សព្វផ្សាយអំពីមូលនិធិគន្ធបុប្ផាកម្ពុជា នៅតាមសហគមន៍ខ្មែរនៅសាធារណរដ្ឋកូរ៉េ។
===
ក្រុមការងារមូលនិធិគន្ធបុប្ផាកម្ពុជា បានជួបពិភាក្សាការងារជាមួយ លោកស្រី ស្រួង សុភាវី កីឡាការិនីខ្មែរដ៏ឆ្នើមនៅសាធារណរដ្ឋកូរ៉េ កាលពីថ្ងៃទី២៦ ខែវិច្ឆិកា ឆ្នាំ២០២៥ ដើម្បីពិនិត្យលទ្ធភាពក្នុងការពង្រីកការផ្សព្វផ្សាយ និងបញ្រ្ជៀបចលនាកៀរគរការបរិច្ចាគក្នុងចំណោមសហគមន៍ខ្មែរនៅសាធារណរដ្ឋកូរ៉េ។

បន្ទាប់ពីបានជួបពិភាក្សាប្រកបដោយភាពស្និទ្ធស្នាល, កីឡាការិនីខ្មែរដ៏ឆ្នើមរបស់ខ្មែររូបនេះ រីករាយ នឹងជួយផ្សព្វផ្សាយ និងបញ្រ្ជៀបចលនាកៀរគរការបរិច្ចាគជូន មូលនិធិគន្ធបុប្ផាកម្ពុជា នៅតាមបណ្ដាសហគមន៍ខ្មែរនៅកូរ៉េ ក៏ដូចជាពិនិត្យលទ្ធភាពក្នុងការភ្ជាប់ទំនាក់ទំងជាមួយបុគ្គលល្បីៗនៅកូរ៉េ ដែលលោកស្រីបានស្គាល់ ក្នុងបុព្វហេតុរួមមួយគឺ “ការរួមគ្នានាំក្ដីសង្ឃឹម និងភាពញញឹម ដល់ទារក និងកុមារ ព្រមទាំងស្ត្រីមានផ្ទៃពោះ” ដែលត្រូវការសេវាពិនិត្យ និងព្យាបាល ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគន្ធបុប្ផា។

លោកស្រីបានសន្យាថា នឹងលៃពេលដើម្បីបំពេញទស្សនកិច្ចនៅមន្ទីរពេទ្យគន្ធបុប្ផា ដើម្បីស្វែងយល់បន្ថែមអំពីស្ថានភាពទារក និងកុមារ ក៏ដូចជាស្ត្រីមានផ្ទៃពោះ នៅអំឡុងខែ ធ្នូ ឆ្នាំ២០២៥ ខាងមុខនេះ ឬពេលសមស្របណាមួយ។

សូមជម្រាបជួបថា លោកស្រី ស្រួង សុភាវី ជាកីឡាការិនីខ្មែរដ៏ឆ្នើមមួយរូបទាំងក្នុងចំណោមពលរដ្ឋកូរ៉េ និងពលរដ្ឋកម្ពុជា ព្រមទាំងមានទំនាក់ទំនងល្អជាមួយពលរដ្ឋខ្មែរនៅសាធារណរដ្ឋកូរ៉េ ទៀតផង។

លោកស្រីក៏ធ្លាប់បាននាំកិត្តិយសជូនជាតិ តាមរយៈការទទួលបានមេដាយមាសក្នុងពេលប្រកួតកីឡាស៊ីហ្គេម ដែលត្រូវបានប្រារព្ធធ្វើឡើងនៅព្រះរាជាណាចក្រកម្ពុជានាពេលកន្លងមក ផងដែរ។

26/11/2025

សូមចូលរួមទាំងអស់គ្នា ជាមួយសកម្មភាពមនុស្សធម៌របស់ ក្លឹប Student Outreach & Service (SOS) ដើម្បីកុមារនៅកម្ពុជា។

🌟 ចូលរួមទាំងអស់គ្នាជាមួយយើងខ្ញុំ! 🌟

ក្លឹប Student Outreach & Service (SOS) យើងខ្ញុំមានបំណងចែករំលែកសេចក្តីស្រឡាញ់ និងជួយដល់អ្នកដែលកំពុងត្រូវការជំនួយ។ ឥឡូវនេះ ពួកយើងកំពុងរៃអង្គាសថវិកា តាមរយៈ KhmerCare សម្រាប់ មូលនិធិគន្ធបុប្ផាកម្ពុជា - Cambodia Kantha Bopha Foundation ដើម្បីរួមចំណែកជួយកុមារដែលត្រូវការព្យាបាល។

ពួកយើងក៏ទទួលយកការបរិច្ចាគឥវ៉ាន់ផងដែរ—សម្លៀកបំពាក់ សៀវភៅ ភួយ ប្រដាប់ប្រដាក្មេងលេង និងអាហារ—ដើម្បីជួយក្រុមគ្រួសារដែលកំពុងត្រូវការជំនួយដោយមានការសហការជាមួយ Cambodian Children's Fund ថែមទៀតផង! ❤️

🙏 តើអ្នកអាចជួយបានយ៉ាងដូចម្ដេច?
✅ បរិច្ចាគថវិកាឆាប់រហ័ស តាមរយៈ KhmerCare—ងាយស្រួល មិនបាច់មានជំហានច្រើន!
✅ បរិច្ចាគឥវ៉ាន់ ដាក់នៅចំណុចប្រមូលនៅសាលារៀន។
✅ ចែករំលែកព័ត៌មាននេះ ដើម្បីជួយផ្សព្វផ្សាយបេសកកម្មល្អៗរបស់យើងខ្ញុំ។

ដូចនេះ សូមមេត្តាចូលរួមដោយមនុស្សធម៌ដើម្បីបង្កើតការផ្លាស់ប្តូរដ៏មានអត្ថន័យ!
សូមអរគុណចំពោះទឹកចិត្តដ៏ល្អរបស់លោកអ្នក! 🙏💕

…………………………………………………………………………………………………………

🌟 Join Us in Making a Difference! 🌟

Our Student Outreach & Service (SOS) Club is dedicated to helping those in need, and we invite you to be part of this meaningful mission! Through KhmerCare, we are fundraising for the Cambodia Kantha Bopha Foundation, ensuring that children receive life-saving medical care.

We also welcome donations of used or new items—clothes, books, blankets, toys, and food—to support families who need them most collaborating with the Cambodian Children’s Fund (CCF) . Every small act of kindness counts. ❤️

🙏 How You Can Help:
✅ Donate easily through our KhmerCare link—no extra steps, just one click to contribute!
✅ Drop off donations at our school collection point.
✅ Share this message to spread awareness!

Let’s come together as a community and make a real impact. Thank you for your generosity and support! 🙏💕

#សប្បុរសធម៌

26/11/2025

កាលពីពេលថ្មីៗនេះ, ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ រួមជាមួយនឹង លោកបណ្ឌិត Philip Robinson សហប្រធានក្រុមប្រឹក្សាពិគ្រោះយោបល់ចម្រុះសម្រាប់មន្ទីរពេទ្យគន្ធបុប្ផា បានដឹកនាំកិច្ចប្រជុំក្រុមប្រឹក្សាពិគ្រោះយោបល់ចម្រុះ ប្រចាំឆ្នាំ២០២៥ ដើម្បីពិនិត្យ និងពិភាក្សាលើរបាយការណ៍ការលទ្ធផលរបស់មន្ទីរពេទ្យគន្ធបុប្ផាឆ្នាំ២០២៥ និងផែនការសកម្មភាព ព្រមទាំងផែនការថវិកាសម្រាប់ឆ្នាំ២០២៦ និងកិច្ចសហប្រតិបត្តិការក្នុងការផ្តល់ហិរញ្ញប្បទានរួមគ្នានាពេលអនាគតដល់មន្ទីរពេទ្យ រវាង មូលនិធិគន្ធបុប្ផា Dr. med. Beat Richner និង មូលនិធិគន្ធបុប្ផាកម្ពុជា។ កិច្ចប្រជុំនេះ ក៏មានការអញ្ជើញចូករួមពីសមាជិក សមាជិកានៃក្រុមប្រឹក្សាពិគ្រោះយោបល់ចម្រុះ ព្រមទាំងក្រុមការងារនៃអង្គភាពប្រតិបត្តិនៃមូលនិធិគន្ធបុប្ផាកម្ពុជា ផងដែរ។

26/11/2025

មជ្ឈមណ្ឌលព្រះពុទ្ធសាសនាខ្មែរ វត្តហ្វាសង់នៅសាធារណរដ្ឋកូរ៉េ បង្ហាញចេតនា ជួយគាំទ្រ និងផ្សព្វផ្សាយអំពីមូលនិធិគន្ធបុប្ផាកម្ពុជា ដល់ពលរដ្ឋរស់នៅ និងធ្វើការនៅប្រទេសកូរ៉េខាងត្បូង ក្នុងស្មារតី ខ្មែរជួយខ្មែរ ។

ព្រះចៅអធិការវត្តហ្វាសង់ បានពេញចិត្តយ៉ាងខ្លាំង ចំពោះតំណាងមូលនិធិគន្ធបុប្ផាកម្ពុជា ដែលបានធ្វើដំណើរចូលថ្វាយបង្គំ និងទូលពីបេសកកម្មលើទឹកដីនៃសាធារណរដ្ឋកូរ៉េ នាថ្ងៃទី២៥ ខែវិច្ឆិកា ឆ្នាំ២០២៥ នេះ។

ក្នុងឱកាសនោះ, ព្រះចៅអធិការវត្តខ្មែរ នៅហ្វាសង់ បានបង្ហាញពីចេតនា ក្នុងការរៀបចំ ផ្សព្វផ្សាយ អំពីមូលនិធិគន្ធបុប្ផាកម្ពុជា ជូនដល់ បងប្អូន ពលរដ្ឋខ្មែរពីគ្រប់ទិសទីក្នុងសាធារណរដ្ឋកូរ៉េ ដែលតែងតែមកវត្តនេះ គោរពបូជា ពុទ្ធសាសនា និងប្រាស្រ័យទាក់ទងគ្នា។

សូមជម្រាបជូនថា ដំណើរបេសកកម្មរបស់តំណាងមូលនិធិគន្ធបុប្ផាកម្ពុជា មកកាន់វត្តហ្វាសង់ខ្មែរ នៅសាធារណរដ្ឋកូរ៉េនេះ ធ្វើឡើងក្នុងគោលបំណងផ្សារភ្ជាប់រវាង ព្រះពុទ្ធសាសនាដែលជាសាសនារបស់ពលរដ្ឋខ្មែរ ជាមួយ នឹងការងារមនុស្សធម៌ជួយដល់កុមារនៅកម្ពុជា។

25/11/2025

មូលនិធិគន្ធបុប្ផាកម្ពុជាពង្រីកការផ្សព្វផ្សាយ និងចលនាកៀរគរការបរិច្ចាគ ក្នុងស្មារតី ខ្មែរជួយខ្មែរ នៅសាធារណរដ្ឋកូរ៉េ ។
===
ក្រុមការងារមូលនិធិគន្ធបុប្ផាកម្ពុជា បានទទួលការអនុញ្ញាតជួបពិភាក្សាការងារ ជាមួយ ឯកឧត្តម ឃួន ផុនរតនៈ ឯកអគ្គរាជទូតតែងតាំងនៃព្រះរាជាណាចក្រកម្ពុជា ប្រចាំសាធារណរដ្ឋកូរ៉េ ដើម្បីពិនិត្យលទ្ធភាពក្នុងការពង្រីកការផ្សព្វផ្សាយ និងចលនាកៀរគរការបរិច្ចាគក្នុងចំណោមសហគមន៍ខ្មែរនៅសាធារណរដ្ឋកូរ៉េ។

បន្ទាប់ពីបានជួបពិភាក្សា និងស្ដាប់អំពីគោលដៅនៃបេសកកម្មរបស់ក្រុមការងារមូលនិធិគន្ធបុប្ផាកម្ពុជា, ឯកឧត្តមឯកអគ្គរាជទូត បានបង្ហាញនូវការគាំទ្រយ៉ាងពេញទំហឹង ជាពិសេសបានបង្ហាញអំពីចេតនាក្នុងការផ្ដល់កិច្ចសហការដើម្បីរៀបចំយុទ្ធនាការ ក៏ដូចជាកម្មវិធីនានា ក្នុងគោលបំណងផ្សព្វផ្សាយអំពីមូលមូលនិធិគន្ធបុប្ផាកម្ពុជា និងពិនិត្យលទ្ធភាពក្នុងការបង្កើតច្រកដែលបងប្អូនពលរដ្ឋខ្មែរដែលកំពុងរស់នៅ និងធ្វើការនៅសាធារណរដ្ឋកូរ៉េ អាចធ្វើការបរិច្ចាគជូនមូលនិធិគន្ធបុប្ផាកម្ពុជា បានកាន់តែងាយស្រួល ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផាដែលកំពុងមានបេសកកម្មជួយសង្រ្គោះជីវិតទារក និងកុមារនៅកម្ពុជារាប់ម៉ឺននាក់ ដោយមិនគិតថ្លៃ ក្នុងស្មារតី “ខ្មែរជួយខ្មែរ” ។

សូមជម្រាបជូនថា ការជួបពិភាក្សា ខាងលើនេះ បានធ្វើឡើង នៅស្ថានឯកអគ្គរាជទូតព្រះរាជាណាចក្រកម្ពុជាប្រចាំសាធារណរដ្ឋកូរ៉េ នៅទីក្រុងសេអ៊ូល នៃសាធារណរដ្ឋកូរ៉េ កាលពីថ្ងៃចន្ទ ទី២៤ ខែវិច្ឆិកា ឆ្នាំ២០២៥។