https://www.facebook.com/235591386979688/

Yong Heng Herb, #156, Street 2011, Sangkatkrangthnung, Khan Porsenchey, Phnom Penh (2026)

16/12/2017

ប្រមុខការពារជាតិអាមេរិក៖ «គ្រាប់មីស៊ីលកូរ៉េខាងជើង គ្មានលទ្ធភាពឯណា អាចបាញ់ដល់អាមេរិកនោះទេ...»

(វ៉ាស៊ីនតោន)៖ រដ្ឋមន្ត្រីការពារជាតិអាមេរិក លោក ចេមស៍ ម៉ាត់ទីស (James Mattis) បាននិយាយថា លោកគ្មានថ្ងៃជឿជាក់ឡើយថា គ្រាប់មីស៊ីលផ្លោងអន្តរទ្វីប (ICBM) ដែលទើបត្រូវបានអភិវឌ្ឍន៍ថ្មីដោយប្រទេសកូរ៉េខាងជើងនោះ អាចមានលទ្ធភាពបាញ់មកដល់ ទឹកដីសហរដ្ឋអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នារសៀលថ្ងៃសៅរ៍ ទី១៦ ខែធ្នូ ឆ្នាំ២០១៧។

លោក ម៉ាត់ទីស បានថ្លែងនៅក្នុងបទសង្ខេបព័ត៌មានមួយ នៅឯមន្ទីរបញ្ចកោណ នៃក្រសួងការពារជាតិអាមេរិក ក្នុងរដ្ឋធានីវ៉ាស៊ីនតោន យ៉ាងដូច្នេះថា «វាគ្មានការបង្ហាញណាមួយនៅឡើយទេថា គ្រាប់មីស៊ីលនោះមានលទ្ធភាពអាចគម្រាមកំហែងដល់យើងនាពេលឥឡូវនេះ។ សហរដ្ឋអាមេរិក នៅត្រូវការពេលវេលាបន្ថែមទៀត ដើម្បីតាមដានលើរឿងនេះ»។

ការថ្លែងដូចខាងលើនេះ បានកើតមានឡើង ស្របពេលដែលរដ្ឋមន្ត្រីការបរទេស លោក រ៉ិច ធីល្លឺសុន នៅក្នុងកិច្ចប្រជុំក្រុមប្រឹក្សាសន្តិសុខ នៃអង្គការសហប្រជាជាតិ (UNSC) ស្តីពីការវិវឌ្ឍស្ថានការណ៍ នៅឧបទ្វីបកូរ៉េបានលើកឡើងថា «សហរដ្ឋអាមេរិក នឹងបន្តយុទ្ធនាការដាក់សម្ពាធរបស់ខ្លួន ដែលផ្តោតសំខាន់ទៅលើទណ្ឌកម្មសេដ្ឋកិច្ច ដើម្បីជម្រុញឲ្យអាវុធនុយក្លេអ៊ែរ ត្រូវបានលុបបំបាត់ទាំងស្រុងពីឧបទ្វីបកូរ៉េ»៕

15/12/2017

ក្តៅគគុក! កងនាវាចម្បាំងចិន «ធ្វើសមយុទ្ធបាញ់គ្រាប់ពិតៗ ក្បែរឧបទ្វីបកូរ៉េ» ដែលកំពុងឡើងកម្តៅខ្លាំង ដោយសារកូរ៉េខាងជើង និងអាមេរិក!

(ប៉េកាំង)៖ កងនាវាចម្បាំងចិន បានចាប់ផ្ដើមធ្វើសមយុទ្ធយោធាបាញ់គ្រាប់ពិត នៅក្បែរឈូងសមុទ្ររបស់កូរ៉េខាងជើង ខណៈទីក្រុងព្យុងយ៉ាងក៏បានព្រមានថា សកម្មភាពរបស់ទីក្រុងវ៉ាស៊ីនតោន ដែលកំពុងធ្វើស្របគ្នាដែរនោះ កំពុងជំរុញឱ្យឧបទ្វីបកូរ៉េធ្លាក់ចូលក្នុងរណ្ដៅ នៃសង្រ្គាមនុយក្លេអ៊ែរ។ នេះបើតាមការចេញផ្សាយដោយ សារព័ត៌មាន Russian Today នៅរសៀលថ្ងៃសុក្រ ទី១៥ ខែធ្នូ ឆ្នាំ២០១៧។

សមយុទ្ធយោធានេះត្រូវបានធ្វើឡើង កាលពីថ្ងៃព្រហស្បតិ៍ នៅឯឈូងសមុទ្រ លូស៊ុន (Lushun) ស្ថិតនៅក្នុងខេត្ត ឡាវណីង (Liaoning) នៃភាគឦសានប្រទេសចិន ហើយនៅមុនសមយុទ្ធយោធានេះចាប់ផ្ដើម ប្រព័ន្ធផ្សព្វផ្សាយចិនក៏បានបញ្ជាក់ថា តំបន់មានផ្ទៃ ២៧៦គីឡូម៉ែត្រក្រឡា ត្រូវបានបិទ។ ឈូងសមុទ្រ Lushun គឺជាមូលដ្ឋានទ័ពជើងទឹកដ៏សំខាន់ នៃកងទ័ពរំដោះប្រជាជនចិន (PLA) ដែលទទួលខុសត្រូវលើការថែរក្សាសុវត្ថិភាពដែនទឹកចិន នៅតាមបណ្ដោយតំបន់ឧបទ្វីបកូរ៉េ។ ប៉ុន្តែទន្ទឹម ចំនួននាវាចម្បាំងពិតប្រាកដ មិនត្រូវបានគេបញ្ជាក់នៅឡើយទេ។

គួរបញ្ជាក់ថា សមយុទ្ធយោធាជើងទឹករយៈពេលបួនថ្ងៃនេះ ធ្វើឡើងនៅចំពេលសហរដ្ឋអាមេរិក និងកូរ៉េខាងត្បូង ធ្វើសកម្មភាពយោធាកាន់តែច្រើន ក្រោយកូរ៉េខាងជើងធ្វើតេស្ដមីស៊ីលឆ្លងទ្វីប កាលពីចុងខែវិច្ឆិកាកន្លងទៅ។ ជាក់ស្ដែង សហរដ្ឋអាមេរិក កូរ៉េខាងត្បូង និងជប៉ុន បានដឹកនាំការធ្វើសមយុទ្ធយោធា នៅក្នុងសប្ដាហ៍នេះ ដើម្បីជាសារមួយផ្ញើជូនទីក្រុងព្យុងយ៉ាង កុំឱ្យធ្វើអ្វីតាមអំពើចិត្ត ក៏ដូចជាការដាក់សម្ពាធឱ្យរបបដឹកនាំ លោក គីម ជុងអ៊ុន បោះបង់ចោលការធ្វើតេស្ដ អាវុធនុយក្លេអ៊ែរ៕

15/12/2017

លោក ដូណាល់ ត្រាំ «ងាកទៅសុំជំនួយពី លោក ពូទីន ម្តងទៀត» ក៏ព្រោះកូរ៉េខាងជើងកាន់តែតម្លើងសាច់ដុំខ្លាំងឡើងៗ...

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ ដែលកំពុងក្រពល់មុខដោយសារតែ សកម្មភាពបង្ករឿងឥតឈប់ឈរ ពីសំណាក់កូរ៉េខាងជើងនោះ បានរត់រកប្រធានាធិបតីរុស្ស៊ី លោក វ៉្លាឌីមៀ ពូទីន ដែលជាខ្នងបង្អែកដ៏ធំទី ២ របស់ទីក្រុងព្យុងយ៉ាងឲ្យជួយម្តងទៀត បន្ទាប់ពីចិនហាក់មិនមានឥទ្ធិពលអ្វីសោះកន្លងមក។ ការស្នើនេះត្រូវធ្វើឡើង តាមរយៈការសន្ទនាគ្នាតាមទូរស័ព្ទ ដោយមេដឹកនាំទាំងពីរ បានជជែកពីមធ្យោបាយរួមកម្លាំងគ្នា ដើម្បីដោះស្រាយស្ថានការណ៍ដ៏តានតឹង ពាក់ព័ន្ធនឹងកម្មវិធីនុយក្លេអ៊ែររបស់ រដ្ឋកុម្មុយនិស្តដ៏រឹងទទឹងមួយនេះ។ នេះបើតាមការដកស្រង់ការផ្សាយចេញពី សារព័ត៌មាន Politico នៅព្រឹកថ្ងៃសុក្រ ទី១៥ ខែធ្នូ ឆ្នាំ២០១៧។

បើតាមការឲ្យដឹងពីសេតវិមានអាមេរិក មេដឹកនាំនៃប្រទេសទាំងពីរបានពិភាក្សាគ្នារយៈពេលប្រមាណ ១០នាទី។ ការជួបសន្ទនាតាមទូរស័ព្ទនេះ បានផ្តល់ភស្តុតាងថ្មីសន្លាងមួយផ្សេងទៀតដែលថា លោក ដូណាល់ ត្រាំ នឹងនៅតែបន្តព្យាយាមសហការជាមួយ លោក វ៉្លាឌីមៀ ពូទីន ទោះបីជាសព្វថ្ងៃរូបលោកកំពុងទទួលរងបញ្ហាផ្នែកនយោបាយជាខ្លាំងយ៉ាងណាក្តី ជុំវិញរឿងអាស្រូវនៃរុស្ស៊ី ចូលលូកដៃក្នុងកិច្ចការបោះឆ្នោតអាមេរិកឆ្នាំ២០១៦។

ការស៊ើបអង្កេតរបស់រដ្ឋអាជ្ញាពិសេសអាមេរិក លោក Robert Mueller ទៅលើការចោទប្រកាន់ដែលថា រដ្ឋាភិបាលទីក្រុងម៉ូស្គូ បានចូលជ្រៀតជ្រែកក្នុងដំណើរការបោះឆ្នោត ជ្រើសរើសប្រធានាធិបតីអាមេរិក កាលពីឆ្នាំ២០១៦ និងមានទំនាក់ទំនងសម្ងាត់ជាមួយក្រុមយុទ្ធនាការបោះឆ្នោតរបស់ លោក ត្រាំ នោះបានជះឥទ្ធិពលអវិជ្ជមានជាខ្លាំង ទៅលើទំនាក់ទំនងអាមេរិក-រុស្ស៊ី។ យ៉ាងណាមិញ លោក ត្រាំ នៅតែបន្តមើលឃើញ លោក ពូទីន ថាជាដៃគូដ៏សំខាន់បំផុតម្នាក់ ជាពិសេសនៅពេលដោះស្រាយបញ្ហារបស់កូរ៉េខាងជើងតែម្តង៕

15/12/2017

ISIS ព្រមានមួយឃ្លា៖ ការទទួលស្គាល់ហ្សេរុយសាឡឹម មានន័យថា ត្រាំទទួលស្គាល់ «គ្រាប់បែក» ជារដ្ឋធានីអាមេរិក!

(វ៉ាស៊ីនតោន)៖ បន្ទាប់ពីស្ងប់ស្ងាត់អស់មួយរយៈ នៅទីបំផុតពួក ISIS បានចេញមុខព្រមានថា ពួកគេនឹងធ្វើការឆ្លើយតបទៅនឹងការសម្រេចចិត្ត ទទួលស្គាល់ទីក្រុង ហ្សេរុយសាឡឹម ជារដ្ឋធានីរបស់អ៊ីស្រាអែល របស់ប្រធានាធិបតីអាមេរិក លោក ដូណាល់ ត្រាំ ជាមួយការបង្កើនការវាយប្រហារ នៅលើទឹកដីអាមេរិក។ នេះបើតាមការ ចេញផ្សាយដោយសារព័ត៌មាន Sputnik នៅព្រឹកថ្ងៃសុក្រ ទី១៥ ខែធ្នូ ឆ្នាំ២០១៧។

ពួក ISIS ធ្វើការព្រមានបែបនេះនៅលើបណ្ដាញ Telegram តាមរយៈការបង្ហោះសារគំរាមអមដោយរូបភាព នៃសកម្មភាពវាយប្រហារភេរវកម្មបំផ្ទុះគ្រាប់បែក។ ពួក ISIS បានព្រមានដូច្នេះថា «យើងនឹងធ្វើបង្កើនសកម្មភាពវាយប្រហារកាន់តែច្រើន រហូតដល់ទីបញ្ចប់ ហើយយើងដុតកម្ទេចអ្នកជាមួយភ្លើងសង្រ្គាមដូចដែលអ្នកបានធ្វើនៅ អ៊ីរ៉ាក់ យ៉េមែន លីប៊ី ស៊ីរី និងអាហ្វហ្គានីស្ថាន... អ្នករង់ចាំមើលចុះ។ ការទទួលស្គាល់ទីក្រុងហ្សេរុយសាឡឹម ជារដ្ឋធានីរបស់ (អាឆ្កែ) ដូណាល់ ត្រាំ ជារដ្ឋធានីអ៊ីស្រាអែល មានន័យថា សហរដ្ឋអាមេរិកនឹងទទួលស្គាល់ការវាយប្រហារបំផ្ទុះគ្រាប់បែក ជារដ្ឋធានីនៃប្រទេសរបស់ខ្លួន»។

គួរបញ្ជាក់ថា ការទទួលស្គាល់ទីក្រុងហ្សេរុយសាឡឹម ជារដ្ឋធានីអ៊ីស្រាអែល បាននិងបង្កជាកំហឹងយ៉ាងខ្លាំង នៅក្នុងចំណោមប្រទេសអ្នកកាន់សាសនាអ៊ីស្លាម ខណៈក្រុម អ្នកជំនាញថា ក្រុម ISIS យល់ថា នឹងប្រើឱកាសនេះដើម្បីពង្រីកមនោគមវិជ្ជារបស់ខ្លួនឡើងវិញ តាមរយៈការអំពាវនាវឱ្យអ្នកកាន់សាសនាអ៊ីស្លាមទំាងអស់ ចូលរួមជាមួយ ខ្លួនប្រយុទ្ធប្រឆាំងនឹងសហរដ្ឋអាមេរិក និងអ៊ីស្រាអែល៕

14/12/2017

សំរាប់ ពុក ម៉ែ បង ប្អូន ដែលមានបញ្ហាសុខភាព សូមកុំព្រួយបារម្មណ៍ឡើយ ឱសថបុរាណ យ៉ុង ហេង អាចជួយបាន សូមទំនាក់ទំនងសួរពត័មាន 096 3333 507,088 3333 451.

10/12/2017

លីបង់ជំរុញសម្ព័ន្ធអារ៉ាប់ដាក់ទណ្ឌកម្មលើសហរដ្ឋអាមេរិកទាក់ទិននឹងរឿងហ្សេរុយសាឡឹម

(អេហ្ស៊ីប)៖ រដ្ឋមន្រ្តីការបរទេសលីបង់ លោក Gebran Bassil បាននិយាយថាសម្ព័ន្ធអារ៉ាប់គួរតែដាក់ទណ្ឌកម្មឬសម្ពាធលើសហរដ្ឋអាមេរិកឱ្យលុបចោលការសម្រេចចិត្ត ទទួលស្គាល់ទីក្រុងហ្សេរុយសាឡឹមជារដ្ឋធានីរបស់អ៊ីស្រាអែល។ លោក Bassil ថ្លែងបែបនេះនៅក្នុងពិធីកិច្ចប្រជុំមួយក្នុងទីក្រុងគែរ ប្រទេសអេហ្ស៊ីប។ នេះបើតាមការ ចេញផ្សាយដោយសារព័ត៌មាន Russian Today នៅថ្ងៃអាទិត្យ ទី១០ ខែធ្នូ ឆ្នាំ២០១៧។

ថ្លែងនៅក្នុងកិច្ចប្រជុំនៃក្រុមរដ្ឋមន្ត្រីការបរទេសសម្ព័ន្ធអារ៉ាប់ កាលពីថ្ងៃសៅរ៍ លោក Gebran Bassil ក៏បានថ្កោលទោសយ៉ាងខ្លាំងផងដែរចំពោះការសម្រេចចិត្តរបស់ ប្រធានាធិបតីអាមេរិក លោក ដូណាល់ ត្រាំ ដោយលោកចាត់ទុកថាវាគឺជាការសម្រេចចិត្តដ៏គ្រោះថ្នាក់ និងមិនអាចទទួលយកបាន។ លោក Bassil បានគូសបញ្ជាក់ ដូច្នេះថា៖«វិធានការបឋមគួរតែត្រូវធ្វើឡើងប្រឆាំងនឹងការសម្រេចចិត្តនេះដោយផ្ដើមដំបូងពីការដាក់សម្ពាធការទូត ហើយបន្ទាប់មកគឺសម្ពាធនយោបាយ មុននឹងយើងត្រូវ ចាត់វិធានការដាក់ទណ្ឌកម្មសេដ្ឋកិច្ច និងហិរញ្ញវត្ថុ»។

គួរបញ្ជាក់ថា កិច្ចប្រជុំសម្ព័ន្ធអារ៉ាប់ក្នុងទីក្រុងគែរ ប្រទេសអេហ្ស៊ីប កាលពីថ្ងៃសៅរ៍ ធ្វើឡើងដោយមានសំណើពីប៉ាឡេស្ទីន និងហ្ស៊កដានី បន្ទាប់ពីលោកដូណាល់ ត្រាំ បាន ប្រកាសកាលពីថ្ងៃពុធទទួលស្គាល់ទីក្រុងហ្សេរុយសាឡឹមជារដ្ឋធានីរបស់អ៊ីស្រាអែល ក៏ដូចជាបញ្ជាឱ្យក្រសួងការបរទេសរបស់ខ្លួន ត្រៀមរៀបចំផ្លាស់ប្ដូរស្ថានទូតអាមេរិក ប្រចាំទីក្រុងតែអាវីវ ទៅទីក្រុងហ្សេរុយសាឡឹម បើទោះជាមានការរិះគន់ និងថ្កោលទោសពីអន្តរជាតិក៏ដោយ៕

09/12/2017

អ្នកជំនាញ៖ កម្ពុជាត្រូវការអ្នកបច្ចេកទេសវិទ្យុសាស្ត្រព្យាបាលជំងឺមហារីក ៥០០-៦០០នាក់ ខណៈជំងឺមហារីកកើនឡើងខ្ពស់

(ភ្នំពេញ)៖ ជំងឺមហារីកដែលកើតឡើងលើខ្លួនប្រជាពលរដ្ឋកម្ពុជាបច្ចុប្បន្ន កំពុងមានការកើនឡើងខ្ពស់ ទន្ទឹមនឹងនេះ កម្ពុជាក៏ត្រូវការអ្នកជំនាញបច្ចេកទេសវិទ្យុសាស្ត្រ ឬកាំរស្មីអ៊ិច ដើម្បីព្យាបាលជំងឺមហារីកនេះប្រមាណពី ៥០០-៦០០នាក់យ៉ាងតិច ខណៈបច្ចុប្បន្ន អ្នកជំនាញផ្នែកនេះមានតែ២៨៦នាក់ប៉ុណ្ណោះ។ នេះបើតាមលោក ប៉ុល សុភ័ក្រ្តប្រធានសមាគមបច្ចេកទេសវិទ្យុសាស្ត្រកម្ពុជា។

អ្នកជំនាញថ្លែងបែបនេះ ក្នុងកិច្ចសន្និបាតអ្នកបច្ចេកទេសវិទ្យុសាស្ត្រកម្ពុជាប្រចាំឆ្នាំ លើកទី១០ ស្ដីពីបច្ចេកទេសថ្មីៗផ្នែកវិទ្យុសាស្ត្រជំងឺមហារីកនៅកម្ពុជា នៅមន្ទីរពេទ្យកាល់ម៉ែត នាថ្ងៃសៅរ៍ ៦រោច ខែមិគសិរ ព.ស ២៥៦១ ត្រូវនឹងថ្ងៃទី០៩ ខែធ្នូ គ.ស ២០១៧ ដែលធ្វើឡើងដើម្បីប្រមូលផ្តុំអ្នកបច្ចេកទេសវិទ្យុសាស្ត្រទូទាំងប្រទេសកម្ពុជា អមជាមួយការចែករំលែក និងបទពិសោធន៍ថ្មីៗទៅក្រុមគ្រូពេទ្យមួយចំនួនផងដែរ។

លោក ប៉ុល សុភ័ក្ត្រ បានលើកឡើងថា ជំងឺមហារីកដែលកើតឡើងលើខ្លួនប្រជាពលរដ្ឋកម្ពុជាបច្ចុប្បន្ន ពិសេសស្ត្រី កំពុងមានការកើនឡើងខ្ពស់ជាងសម័យមុន នេះក៏ដោយសារបច្ចុប្បន្ន ឧបករណ៍បច្ចេកទេសសម្រាប់ត្រួតពិនិត្យជំងឺមានការជឿនលឿនជាងសម័យ។ ទោះបីជាឧបករណ៍សុខាភិបាលមានការជឿនលឿនក៏ពិតមែន ប៉ុន្តែការយល់ដឹងរបស់ប្រជាពលរដ្ឋកម្ពុជានៅមានកម្រិតទាបនៅឡើយ ដោយសារពួកគាត់បានឮពាក្យចចាមរាមថា ខ្លាចប៉ះសុខភាព ប៉ះពាល់អាយុជីវិតរបស់ពួកគាត់ជាដើម។

លោកបានបញ្ជាក់ថា បច្ចុប្បន្នកម្ពុជាកំពុងខ្វះខាតធនធានមនុស្សផ្នែកវិទ្យុសាស្ត្រនេះណាស់ ព្រោះតម្រូវការអ្នកជំនាញមានចាប់ពី ៥០០-៦០០ ប៉ុន្តែអ្នកជំនាញជាក់ស្ដែងមានតែ២៨៦នាក់ប៉ុណ្ណោះ។ ជាមួយគ្នានោះ លោកក៏បានអំពាវនាវដល់យុវជនកម្ពុជា ដែលមានបំណងបន្តការសិក្សាថ្នាក់មហាវិទ្យាល័យ សូមងាកមកចាប់អារម្មណ៍លើមុនជំនាញនេះវិញ ពីព្រោះទីផ្សារការងារកំពុងត្រូវការយ៉ាងខ្លាំង ពិសេសក្របខណ្ឌរដ្ឋតែម្ដង។

មិនតែប៉ុណ្ណោះ លោក សុភ័ក្ត្រ ថែមទាំងបានអំពាវនាវដល់ប្រជាពលរដ្ឋ ពិសេសស្ត្រី ត្រូវបង្កើនការយកចិត្តទុកដាក់លើបញ្ហាសុខភាព ពោលត្រូវកំណត់រយៈពេល១ឆ្នាំម្ដង ដើម្បីទៅត្រួតពិនិត្យសុខភាពរបស់ខ្លួននៅមន្ទីរពេទ្យ ពិសេសដើម្បីពិនិត្យមើលជំងឺមហារីក នេះវិធីចម្បង និងល្អបំផុតក្នុងការបង្ការជំងឺមហារីក៕

09/12/2017

យុទ្ធនាការប្រយុទ្ធប្រឆាំងគ្រឿងញៀនខុសច្បាប់ ទូទាំងប្រទេសសម្រាប់ថ្ងៃទី០៩ ខែធ្នូនេះលទ្ធផល៖ បង្ក្រាប៣២ករណី ឃាត់ខ្លួន៨៤នាក់

(ភ្នំពេញ)៖ យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី០៩ ខែធ្នូ ឆ្នាំ២០១៧ បានបង្ហាញថា កម្លាំងសមត្ថកិច្ចបានបង្ក្រាប៖

* លទ្ធផលបង្ក្រាបរួមមាន៖ ៣២ករណី ឃាត់ខ្លួន៨៤នាក់ (ស្រី២នាក់)

១៖ ករណីជួញដូរគ្រឿងញៀន២១ករណី ឃាត់ខ្លួន៦១នាក់។
២៖ ករណីប្រើប្រាស់គ្រឿងញៀន១១ករណី ឃាត់ខ្លួន២៣នាក់៕

09/12/2017

កាកបាទក្រហមកម្ពុជា ប្រារព្ធពិធីអបអរសាទរ យុទ្ធនាការ ១៦ថ្ងៃ(បូពណ៌ស) ដើម្បីលុបបំបាត់អំពើហិង្សាលើស្ដ្រី និងកុមារ

(ភ្នំពេញ)៖ កាកបាទក្រហមកម្ពុជា នៅថ្ងៃទី០៩ ខែធ្នូនេះ បានប្រារព្ធពិធីអបអរសាទរ យុទ្ធនាការ១៦ថ្ងៃ (បូពណ៌ស) ដើម្បីលុបបំបាត់អំពើហិង្សាលើស្ដ្រី និងកុមារ ក្នុងឆ្នាំ២០១៧នេះ ក្រោមប្រធានបទ «មិនទុកនរណាម្នាក់ចោល៖ បញ្ឈប់អំពើហិង្សាលើស្ដ្រី និងក្មេងស្រី» ក្រោមអធិបតីភាព លោកស្រី ឃួន សុដារី អនុប្រធានកាកបាទក្រហមកម្ពុជា ជាតំណាងដ៏ខ្ពង់ខ្ពស់ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។

ក្នុងឱកាសនោះ លោកស្រី ឃួន សុដារី បានថ្លែងថា «ពិធីដែលយើងរៀបចំឡើង នៅទីស្នាក់ការកណ្ដាលកាកបាទក្រហមកម្ពុជា ដើម្បីឆ្លើយតប ទៅនឹងយុទ្ធនាការលើកកម្ពស់ស្ដ្រី វប្បធម៌ អហិង្សា របស់កាកបាទក្រហមកម្ពុជា និងការចូលរួមចំណែក ឲ្យផែនការសកម្មភាពជាតិ ស្ដីពីការទប់ស្កាត់អំពើហិង្សាលើលស្ដ្រី ២០១៤-២០១៨ ដែលកាកបាទក្រហមកម្ពុជា មានសម្ដេចព្រះមហាក្សត្រី ព្រះវរាជមាតាជាតិខ្មែរ នរោត្ដម មុនិនាថ សីហនុ ជាព្រះប្រធានកិត្ដិយស និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន តែងតែយកចិត្ដទុកដាក់ខ្ពស់ ក្នុងការលើកកម្ពស់ សេចក្ដីថ្លៃថ្នូររបស់មនុស្សជាតិ លើកកម្ពស់យេនឌ័រ លើកកម្ពស់វប្បធម៌អហិង្សា ពិសេស អំពើហិង្សាក្នុងគ្រួសារ លើស្ដ្រី និងក្មេងស្រី តាមការអនុវត្ដជាក់ស្ដែង នៅក្នុងស្នូលទាំងបួន នៃប្រតិបត្ដិការរបស់ខ្លួន គ្រប់ទីកន្លែង ដែលមានស្ដ្រី និងកុមារ ចាស់ជរាឥតទីពឹង និងជនពិការ ឲ្យមានភាពរុងរឿង ក្នុងគ្រួសារ និងសង្គមជាតិ។

លោកស្រីបន្ដថា «អំពើហិង្សាមានច្រើនបែប តាមរូបភាពគំរាមគំហែងផ្លូវចិត្ដ ធ្វើឲ្យស្ដ្រេស ចង់ចងករសម្លាប់ខ្លួន លើរាងកាយ និងផ្នែកសេដ្ឋកិច្ច រួមទាំងការចាប់រំលោភផ្លូវភេទ-ល-។ ដូច្នេះគោលបំណងសំខាន់នៃកម្មវិធីនេះ គឺទី១- ការបញ្ជ្រៀប ការយល់ដឹង តាមរយៈការផ្វព្សផ្សាយ គ្រប់រូបភាព ទាំងក្នុងសិក្ខាសាលា ដំណើរបំពាក់បូពណ៌សរ សំនួរចម្លើយ រហូតដល់ការសម្ដែងសិល្បៈ ដូចព្រឹកនេះ ចឹង ដែលជារូបភាពមួយឃើញហើយឆាប់ចងចាំ និងយល់ច្បាស់កាន់តែលឿនពីផលប៉ះពាល់នៃ អំពើហិង្សា, ទី២-បំផុសការចូលរួម ទាំងប្រុសទាំងស្រី ចាប់ផ្ដើមពីបុគ្គលមួយរូប គឺចាប់ផ្ដើមពីយើងតែម្ដង ព្រោះបើយើងធ្វើអំពើហិង្សា យើងត្រូវតែបញ្ឈប់ធ្វើវាតទៅទៀត ត្រូវដោះស្រាយតាមសន្ដិវិធី ហើយសម្រាប់ជនរងគ្រោះ ពិសេសគឺ បើគេបំពានហើយ ឈប់នៅស្ងៀម ឲ្យគេធ្វើអំពើហិង្សាតទៅទៀត អំពើនេះនៅតែមិនឈប់ទេ ដូចជាឪពុករំលោភកូនខ្លួនឯង ខ្លួនជាកូន ត្រូវតែពិភាក្សាជាមួយម្ដាយ និងបន្ដដោះស្រាយធ្វើយ៉ាងណាបញ្ឈប់សកម្មភាពទាំងនេះ មិនឲ្យកើតមានទៀតនោះទេ ដូច្នេះយើងទាំងអស់គ្នា ត្រូវយល់ដឹងពី និងលើកកម្ពស់យេនឌ័រ»។

លោកស្រីបន្ដថា ទី៣-គឺយុវជន គឺចង់ឲ្យយុវជន មានការយល់ដឹង ការសិក្សារៀនសូត្រ ហើយត្រូវដឹងថាអ្វីទៅជាអំពើហិង្សា មានអ្វីខ្លះ ប្រភេទ មូលហេតុ ផលប៉ះពាល់ ដោះស្រាយ -ល- និង-ល-។ ដូច្នេះ យុវជន ត្រូវតែលើកទឹកចិត្ដយុវជន ប្រើប្រាស់បញ្ញា ក្នុងការជួយផ្លាស់ប្ដូរឥរិយាបថសង្គម ផ្លាស់ប្ដូរការប្រព្រឹត្ដរបស់បុរស និងស្រី្ដ លើកកម្ពស់អហិង្សា ក្នុងគ្រួសារ ចាប់ពីក្រុមគ្រួសារយើង ។ ជាក់ស្ដែងក្នុងសង្គមគ្រួសារបច្ចុប្បន្ននេះ គឺមើលឃើញថា មានសហការគ្នាល្អ មិនប្រកាន់ការងារស្រី ប្រុស ទេ គេរួមគ្នាសាងគ្រួសារដោយមានទំនួលខុសត្រូវ ស្របពេលកម្ពុជាយើង កាន់តែមានការវិវឌ្ឍន៍ដោយភាពប្រសើរ។

លោកស្រីបន្ដថា ដូច្នេះ សូមភាគីពាក់ព័ន្ធទាំងអស់ ចូលរួមលុបបាត់បំបាត់ អំពើហិង្សាក្នុងគ្រួសារ ស្ដ្រី កុមារឬក្មេងស្រី ពិសេសគឺចាប់ផ្ដើមពីខ្លួនយើងនេះទៅ កុំយកស្រ្ដី ធ្វើជាឧបករណ៍បញ្ចេញកំហឹងឲ្យសោះ៕

Yong Heng Herb

16/12/2017

15/12/2017

15/12/2017

15/12/2017

14/12/2017

10/12/2017

09/12/2017

09/12/2017

09/12/2017

Address

Telephone

Website

Alerts

Shortcuts

Share

Category