Health Care

26/12/2013

ឱសថធម្មជាតិ ៧ ប្រភេទ ជួយរំលាយអាហារ

អាហារខ្មែរល្បីឈ្មោះ ខាងសម្បូរទៅដោយ ឱសថធម្មជាតិដ៏ល្អចំពោះសុខភាព មិនតែប៉ុណ្ណោះថែមទាំងជួយដោះស្រាយអាការៈមិនស្រួលខ្លួនផ្សេងៗ តួយ៉ាងឱសថធម្មជាតិ ៧ មុខ ខាងក្រោមដែលយើងបានស្គាល់ច្បាស់ ស្ទើរគ្រប់គ្នា។ វាសុទ្ធតែមានគុណសម្បត្តិ ក្នុងការដោះស្រាយអាការៈហើមពោះ ឆ្អល់ពោះ ចុកសៀតណែនបានទាំងអស់ ។
១. ខ្ទឹមស : ខ្ទឹមសជាឱសថធម្មជាតិ ដ៏ល្អចំពោះសុខភាព ។ នៅពេលណាយើងទទួលទានចូលទៅ សារធាតុក្នុងខ្ទឹមសនឹងជួយបង្កើនអង់ហ្ស៊ីម និងទឹកប្រមាត់ជាហេតុធ្វើឲ្យការរំលាយអាហារដំណើរការបានល្អ ហើយថែមទាំងកាត់បន្ថយអាការឈឺពោះ ដោយសារតែអាហារមិនរំលាយបានទៀតផង ។ ប្រសិនបើយើង មានអាការៈចុកសៀតណែន ដោយសារអាហារមិនរំលាយញឹកញាប់នោះ ត្រូវយកខ្ទឹមសមកបកសំបក រួចយកតែសាច់ក្នុង ៥ កំពិស មកហាន់ឲ្យម៉ដ្ឋទទួលទានជាមួយទឹក ក្រោយបាយរួចនោះអាការនឹងបាត់ម្ដងបន្ដិចៗ ជាក់ជាមិនខាន ។
២. ខ្ទឹមក្រហម : ខ្ទឹមក្រហមមានហ្វ្លាវ៉ូណយ (Flavonoid) ក្លៃកូសៃ (Glycosides) ភេកទីន (Pectin) និងគ្លូខូឃីនីន (Glucokinin) ជួយរំលាយអាហារ និងធ្វើឲ្យបាយឆ្ងាញ់ ។ យើងអាចយកខ្ទឹមក្រហមមកធ្វើអាហារបានច្រើនប្រភេទ ជាពិសេសញាំ និងអាហារផ្សេងៗ ។
៣. ម្ទេសស្រស់ : ម្ទេសស្រស់គ្រប់ប្រភេទមិនថា ហឹរខ្លាំងហឹរតិចអ្វីទេ គឺសុទ្ធតែជួយរំញោចការបញ្ចេញទឹកមាត់ឲ្យចេញមកច្រើន អង់ហ្ស៊ីមក្នុងទឹកមាត់នេះហើយ ដែលជួយរំលាយជាតិម្សៅក្នុងមាត់ ។ ក្រៅពីនេះគេក៏បានរកឃើញផងដែរថា ម្ទេសខ្មាំងហឹរខ្លាំងជួយរំលាយអារហារ ជួយឲ្យបាយឆ្ងាញ់ និងដើរខ្យល់ល្អ ។
៤. រំដេង : រំដេងមានឥទ្ធិពលបញ្ចេញទឹកប្រមាត់ ទើបជាមុខម្ហូបមួយដែលជួយរំលាយអាហារបានដែរ ។ វិធីដ៏ល្អដែលធ្វើយើងទទួលទានរំដេងបានឆ្ងាញ់ដូចបន្លែដទៃ គឺត្រូវហាន់រំដេងជាចំណិតតូចៗ រួចទើបយកមកធ្វើអាហារ ។
៥. ស្លឹកគ្រៃ : ស្លឹកគ្រៃមានសារធាតុក្នុងការបញ្ចេញទឹកប្រមាត់ ដើម្បីជួយរំលាយអាហារ ។ ប៉ុន្ដែបើយើងទទួលទានស្លឹកគ្រៃស្រស់ៗ អាចមិនសូវឆ្ងាញ់ទេ ។ ដូច្នេះហើយបានជាគេច្រើនតែយកស្លឹកគ្រៃមកធ្វើជាទឹកគ្រឿងស្លឹកគ្រៃ ឬតែស្លឹកគ្រៃទើបជួយឲ្យមានរសជាតិឆ្ងាញ់ ។
៦. ស្លឹកជីរនាងវង (Ocimum basilicum) ស្លឹកជីរនាងវង មានក្លិនក្រអូប ពិសេសគឺក្រអូបធូរច្រមុះ ហើយប្រេងក្រអូបឆួលនេះ មានឥទ្ធិពលក្នុងការជួយរំលាយអាហារ ។
៧. ស្លឹកម្រះព្រៅ : ម្រះពៅមានឥទ្ធិពលបញ្ចេញទឹកប្រមាត់ចេញមកជួយរំលាយអាហារ ។ មិនគួរឲ្យជឿឡើយ នៅពេលដែលយើងបានធុំក្លិនឆាក្ដៅ ឬឆាម្រះព្រៅពេលណាតែងធ្វើឲ្យយើងឃ្លានភ្លាមៗ ៕
See more at: http://health.cen.com.kh

26/12/2013

បុរសគេងមិនគ្រប់គ្រាន់ ប៉ះពាល់ធ្ងន់ដល់សុខភាព

តាមការសិក្សាពី Perm State College of Medicine and Hershey Medical Center នៅសហរដ្ឋអាមេរិកបានឲ្យដឹងថា មនុស្សប្រុសដែលមានបញ្ហាគេងមិនលក់ ឬគេងបានតិចជាង ៦ ម៉ោង មានការប្រឈមនឹងការបាត់បង់ជីវិតច្រើនជាងបុរស ដែលគេងបានគ្រប់គ្រាន់ ។

ក្រៅពីបញ្ហាគេងមិនលក់ មនុស្សអាចមានបញ្ហាផ្សេងៗទៀត ដូចជា ជំងឺលើសឈាម ឬទឹកនោមផ្អែម ដែលនឹងប្រឈមនឹងការបាត់បង់ជីវិត លើសមុនដល់ទៅ ៧ ដង ។ ប្រសិនបើមានបញ្ហាគេងមិនលក់ តែគេងបានច្រើនជាង ៦ ម៉ោង អាចប្រឈមនឹងការបាត់បង់ជីវិត ១៣% ។ តែប្រសិនបើបុរសគេងមិនលក់ និងគេងបានតិចជាង ៦ ម៉ោង ការប្រឈមនឹងឡើងដល់ ៥១% ។

តែទោះជាយ៉ាងណា ការសិក្សានេះ សិក្សាតែលើមនុស្សប្រុសប៉ុណ្ណោះ មិនទាន់មានស្ថិតិពិតប្រាកដពីស្ត្រីនៅឡើយ ។ ក្រៅពីនេះ American Academy of Sleep Medicine បានណែនាំថា អ្នកគួរសម្រាកឲ្យបានគ្រប់គ្រាន់ គឺឲ្យបាន ៧-៨ ម៉ោងក្នុងមួយថ្ងៃ ដើម្បីឲ្យរាងកាយមានសុខភាពល្អ ៕ See more at: http://health.cen.com.kh

11/12/2013

ក្អករ៉ាំរ៉ៃ អាចមានអ្វីជួយបានក្រៅពីការប្រើថ្នាំ?

ក្អករ៉ាំរ៉ៃ ដែលកើតចំពោះមនុស្សពេញវ័យ អាចមានមធ្យោបាយក្នុងការព្យាបាលមួយចំនួន ដោយមិនបាច់ប្រើថ្នាំពេទ្យ។

-ញុំាទឹកឱ្យបានច្រើន
-ខ្ពុរមាត់ជាមួយនឹង ទឹកអំបិលក្តៅៗ ដែលវាអាចជួយដល់ការសំអាតបំពង់ករបស់អ្នក និង អាចបំបាត់ស្លេសផងដែរ។
-ដាក់ក្បាលរបស់អ្នក ជាមួយនឹងខ្នើយឱ្យបានខ្ពស់បន្ថែមទៀត នៅពេលយប់ ដើម្បីកាត់បន្ថយ ការក្អកស្ងួតរ៉ាំរ៉ៃនេះ។
-ចូរកុំជក់បារី ឬប្រើផលិតផលដែលមានជាតិថ្នាំជក់។
-ចៀសវាងការស្រូបផ្សែងបារី ធូលី ឬ ធាតុពុលផ្សេងៗទៀត។
-ទឹកឃ្មុំ ជាមួយតែក្តៅៗ ឬក៏ទឹកទំពាំងបាយជូរ។
-ខ្ញីឆុងដូចជាតែ ដែលជាញឹកញាប់ត្រូវបានគេប្រើ ដើម្បីជួយកាត់បន្ថយ រោគសញ្ញា នៃការក្អករ៉ាំរ៉ៃ និង ជួយក្នុងការជម្រះអាការៈការតឹងច្រមុះ ឬក៏ ជួយក្នុងការឱ្យមានខ្យល់ដកដង្ហើមស្រស់ថ្លា។
-ឱសថផ្សេងៗទៀត ដូចជា ប្រេងខ្យល់ ឬ ស្ករគ្រាប់ហិរ៕

02/12/2013

៦ ប្រការ អាចមាតាពុំទាន់ដឹងអំពីជំងឺគ្រុនក្តៅនៅកុមារ

ចូរស្វែងយល់អំពីជំងឺគ្រុនក្តៅដូចខាងក្រោមៈ
១-សញ្ញាគ្រុនក្តៅ គ្រុនក្តៅចាប់ផ្តើមចាប់ពី ៣៨ អស្សាសេ(ពេលកូនភ្ញាក់ពីដំណេក ជាមួយនឹងថ្ពាល់ឡើងក្រហម ស្បែកក្តៅ វាស់កម្តៅឃើញ ៣៧ អស្សាសេ, ក្នុងករណីនេះ កុមារនៅពុំទាន់ចាត់ទុកថា គ្រុនក្តៅឡើយ )។ សូម្បីតែចំពោះទារក មានអាយុតិចបំផុត, សីតុណ្ហភាពធម្មតារបស់សរីរាង្គ អាចប្រែប្រួលក្នុងចន្លោះ ៣៧ អស្សាសេ ដល់ក្រោម ៣៨ អង្សាសេ ។ ដូច្នេះ លើកលែងតែតួលេខលើទែម៉ូម៉ែត្រ គឺ ៣៨ អស្សាសេ ឬ លើសនេះ ទើបត្រូវគិតដល់ការបញ្ចុះកម្តៅឲ្យកូនរបស់អ្នក ។

២- ប្រភេទគ្រុនក្តៅ គ្រុនក្តៅមានពីរប្រភេទ គឺគ្រុនក្តៅបាក់តេរី និងគ្រុណក្តៅវីរុស។

គ្រុនក្តៅវីរុស កើតឡើងពេលសរីរាង្គ កំពុងទប់ទល់ជាមួយជំងឺបង្កដោយវីរុសមួយប្រភេទ ឧទាហរណ៍ដូចជា ជំងឺផ្លូវពោះវៀន, ផ្តាសាយ ឬ គ្រុនរងារ ។ គ្រុនក្តៅប្រភេទនេះនឹងថយចុះសន្សឹមៗ ក្នុងកំឡុងពេល ៣ ថ្ងៃ ។ មាតាបិតាមិនគួរឲ្យកុមារទទួលទានអង់ទីប៊ីយ៉ូទិកទេពេលកូនគ្រុនក្តៅវីរុស ។

គ្រុនក្តៅបាក់តេរី កើតឡើងពេលសរីរាង្គប្រឆាំងទប់ទល់ការឆ្លងមេរោគ ដោយសារបាក់តេរី ដូចជាឆ្លងមេរោគត្រចៀក (អាចដោយសារបាក់តេរី និងវីរុស), ឆ្លងមេរោគផ្លូវមូត្រ ឬ រលាកសួត ដោយសារបាក់តេរី ។ គ្រុនក្តៅបាក់តេរី គួរឲ្យបារម្ភជាងគ្រុនក្តៅវីរុស ព្រោះវាអាចនាំដល់ជំងឺធ្ងន់ធ្ងរ ។ ក្នុងករណីនេះ ច្រើនតែត្រូវប្រើអង់ទីប៊ីយ៉ូទិក ។

៣- ចំពោះទារកអាយុក្រោម ៣ ខែ, គ្រុនក្តៅគ្រោះថ្នាក់បំផុត
ប្រសិនទារកអាយុក្រោម ៣ ខែ មានកម្តៅលើស ៣៨ អង្សាសេ នោះចាំបាច់ត្រូវនាំទៅជួបវេជ្ជបណ្ឌិតភ្លាម១រំពេច ។ មាតាមិនត្រូវប្រើថ្នាំបញ្ចុះកម្តៅឲ្យកូន លើកលែងទទួលបានវេជ្ជបញ្ជារពីវេជ្ជបណ្ឌិត ។

៤- វាស់សីតុណ្ហភាពនៅគូថ គឺប្រាកដប្រជាបំផុត អ្នកអាចស្ទាក់ស្ទើរក្នុងការវាស់កម្តៅសម្រាប់កូន តាមវិធីនេះ -តែវិធីល្អបំផុត ដើម្បីដឹងសីតុណ្ហភាពប្រាកដប្រជា គឺប្រើទែម៉ូម៉ែត្រ ដាក់រន្ធគូថ មានតែទែម៉ូម៉ែត្រ ទើបផ្តល់សីតុណ្ហភាពសរីរាង្គច្បាស់លាស់ តែម៉ូម៉ែត្រក្លៀក, ថ្ងាស និង ត្រចៀក នៅតែខុសលេខ និងច្រើនតែផ្តល់លទ្ធផលខ្ពស់ជាងការពិត, ការប្រើប្រាស់វា អាចនាំដល់ភាពតានតឹង មិនចាំបាច់សម្រាប់ឪពុកម្តាយ ។

៥- ព្យាបាលរោគសញ្ញា ពុំមែនតួលេខ ឪពុកម្តាយជាច្រើនជឿថា កម្តៅកាន់តែខ្ពស់ នោះកុមារកាន់តែឈឺធ្ងន់តែរឿងនោះមិនត្រឹមត្រូវឡើយ ព្រោះកុមារខ្លះគ្រុនក្តៅដល់ ៣៩ អស្សាសេ តែកុមារនៅតែអាចគេងលើគ្រែបាន ប៉ុន្តែកុមារខ្លះគ្រុនក្តៅតែ ៣៨ អស្សាសេ អាចយំរំអុកពិបាកទ្រាំ អស់កម្លាំង និងត្រូវការឪពុកម្តាយនៅក្បែរគ្រប់ពេល ដូចេ្នះអ្នកគួរយកចិត្តទុកដាក់ទៅដល់សញ្ញាផ្សេងៗរបស់កូន តើកូនរបស់អ្នក ឈឺយ៉ាងដូចម្តេច ដើម្បីនាំទៅមន្ទីរពេទ្យទាន់ពេល ឬ គ្រាន់តែតាមដាននៅផ្ទះ ។

៦- គ្រុនក្តោជាប្រតិកម្ម១ របស់ភាពមាំមួន។

23/11/2013

ភ្លាសាច់គោ

គ្រឿងផ្សំ

សាច់គោល្អ ពោះគោ មើមថៃថាវ សណ្ដែកបណ្ដុះ ម្ទេសផ្លោកទុំ សណ្ដែកដី រំដេង ខ្ទឹមស ខ្ទឹមក្រហម ខ្ទឹមបារាំង គល់វ៉ាន់ស៊ុយ សាឡាត់ ជីគ្រប់មុខ គល់ស្លឹកគ្រៃ អំបិល ទឹកត្រី ស្ករស ទឹកខ្មេះ ម្សៅស៊ុប មើមរ៉ាឌី ។

វិធីធ្វើ

១- សាច់គោល្អចិញ្ច្រាំទាំងឆៅឲ្យល្អិត ដាក់អំបិល ទឹកខ្មេះ ផ្អាប់ទុកកន្លះម៉ោង ទើបពូតយកទឹកចេញត្រងនឹង ស្បៃឲ្យស្អាត ដាក់ចានទុក ។
២- ពោះគោស្ងោរឲ្យផុយហាន់ស្ដើងៗ ។
៣- មើមថៃថាវ ម្ទេសផ្លោកទុំ ហាន់ជាសរសៃឆ្មារៗ ។
៤- សណ្ដែកដីលីងឲ្យឆ្អិន ញីយកសំបកចេញបំបែកជាពីរ សណ្ដែកបណ្ដុះបេះកន្ទុយឲ្យស្អាត ។
៥- គល់ស្លឹកគ្រៃហាន់ស្ដើងៗខ្ទឹមបារាំងរើសយកមើមតូចៗល្មមបកសំបកចេញលាងទឹកឲ្យស្អាតហាន់ ទទឹងស្ដើងៗល្មម(ហាន់ទាំងមូល)។
៦- សាឡាត់បេះធាងលាងទឹកឲ្យស្អាតហាន់ទទឹងៗឲ្យតូចៗ ល្មមច្របល់នឹងស្លឹកជីគ្រប់មុខ(បេះលាងទឹក ឲ្យស្អាត) ។
៧- រំដេងដុតឲ្យឈ្ងុយ បុកលាយនឹងគុលវ៉ាន់ស៊ុយ ខ្ទឹមស ខ្ទឹមក្រហមឲ្យម៉ដ្ធ ។
៨- យកសាច់គោដែលពូតទឹកចេញនោះ ពោះគោ មើមថៃថាវ សណ្ដែកបណ្ដុះ គល់ស្លឹកគ្រៃ មកច្របល់ចូល គ្នាឲ្យសព្វ ដាក់កណ្ដាលចានសំប៉ែត ហើយយកសណ្ដែកដី លីងរោយគ្របពីលើ រួចយកម្ទេសផ្លោកទុំរោយកាត់ទទឹងពាក់ កណ្ដាល ទើបយកខ្ទឹមបារាំងដំរៀបសងខាងរួចយកសាឡាត់និងស្លឹកជីរៀបជុំវិញ ចិតមើមរ៉ាឌីជាផ្កាដោតតាមចំហៀងៗ ចានជាការស្រេច ។
៩- យកទឹកដែកពូតចេញពីសាច់គោនោះ មកស្ងោរដាក់រំដេងដែលបុកទុកនោះ ចាក់ទឹកត្រី ស្ករស ម្សៅស៊ុប អំបិល កូរចូលគ្នាឲ្យសព្វ ភ្លក់មើលឲ្យជូរ ប្រៃ តាមចូលចិត្ត បើមិនសូវជូរច្របាច់ក្រូចឆ្មារបន្ថែមក៏បាន ឬ ក៏ចាប់សាច់ ដាក់ចានបាយ រួចដួសទឹកនោះស្រូបពីលើតាមការចូលចិត្ត ។

22/11/2013

ការថែរក្សាប្រពន្ធ័ឆ្អឹង

ដើម្បីអោយលូតលាស់ និងរឹងមាំឆ្អឹងត្រូវការសារធាតុខនិជគ្រប់គ្រាន់ ជាពិ សេស Ca និង ផូស្វាត។

ប្រសិនបើចំណីអាហារយើងខ្វះសារធាតុខនិជណាមួយសារពាង្គកាយយើងនឹងស្រូបយកសារធាតុខនិជពីក្នុងឆ្អឹង ដើម្បីយកទៅ ចិញ្ចឹមឈាម សាច់ដុំ និងសរសៃរប្រាសាទដែលបណ្តាលអោយឆ្អឹងចុះខ្សោយ និងងាយបាក់។

ដើម្បីថែរក្សាប្រពន្ធ័ឆ្អឹងនិងជួយអោយឆ្អឹងលូតលាស់រឹងមាំបានល្អយើងត្រូវបរិភោគ អាហារដែលមានសារធាតុខនិជ ដូចជា Ca និងផូស្វាត។

Caសំបូរនៅក្នុងទឹកដោះគោនិងស្លឹករុក្ខជាតិបៃតងចំណែកឯផូស្វាតសំបូរនៅក្នុងសណ្តៃក ទឹកដោះគោ ថ្លើម គ្រាប់ធម្មជាតិ។

វីតាមីន (Vitamines) ដូចជា Vit A និង Vit D ជួយអោយសារពាង្គកាយ ស្រូបយក Ca និងផូស្វាត។

Vit D មាននៅបឺរ ស៊ុតលឿង ទឹកដោះគោ និងថ្លើម។
Vit A មាននៅបន្លែបៃតង ការ៉ុត ទឹកដោះគោ និងថ្លើម។
ម៉្យាងវិញទៀតត្រូវធ្វើលំហាត់ប្រាណអោយបានទៀងទាត់ដើម្បីធ្វើអោយឆ្អឹងកើនទំងន់។

22/11/2013

ប្រភេទជីពចរ

ជីពចរក្នុងរូបកាយមនុស្សយើង មាននៅច្រើនកន្លែង តែកន្លែងដែលមានលក្ខណៈងាយស្រួលក្នុងការចាប់ ស្ទង់គឺនៅត្រង់កដៃ។

ការពិនិត្យជីពចរដែលលោតដោយសុខភាពធម្មតាមានដូចតទៅ៖
- អាយុ ១ ថ្ងៃ ដល់ ១ ឆ្នាំ ជីពចរលោតពី ១២០ ទៅ ១៤០ ដងក្នុង ១ វិនាទី
- អាយុ ១ ឆ្នាំ ដល់ ៣ ឆ្នាំ ជីពចរលោតពី ១០០ ទៅ ១២០ ដងក្នុង ១ វិនាទី
- អាយុ ៣ ឆ្នាំ ដល់ ៦ ឆ្នាំ ជីពចរលោតពី ៩០ ទៅ ១០០ ដងក្នុង ១ វិនាទី
- អាយុ ៦ ឆ្នាំ ដល់ ១៤ ឆ្នាំ ជីពចរលោតពី ៨៥ ទៅ ៩០ ដងក្នុង ១ វិនាទី
- អាយុ ១៥ ឆ្នាំ ដល់ ៦៥ ឆ្នាំ ជីពចរលោតពី ៧៥ ទៅ ៨៥ ដងក្នុង ១ វិនាទី
- អាយុ ៦៥ ឆ្នាំ ដល់ ១០០ ឆ្នាំ ជីពចរលោតពី ៧០ ទៅ ៨០ ដងក្នុង ១ វិនាទី

15/11/2013

ការទប់ស្កាត់ជំងឺទឹកនោមផ្អែម

ការធ្វើតេស្ត ដោយប្រើម៉ាស៊ីនតូចមួយចុចម្រាមដៃដើម្បីយកដំណក់ឈាមមកធ្វើវិភាគ រកជំងឺ អាចធ្វើទៅបាន នៅតាមមន្ទីរពិសោធន៍ ឬជាមួយគ្រូពេទ្យឯកទេសជំងឺនោមផ្អែម សំរាប់បណ្តាជនទូទៅ មិនថាអ្នកមានកើតជំងឺទឹកនោមផ្អែមហើយ អ្នកមិនទាន់មានជំងឺទេ។

សម្រាប់សមាគមជំងឺទឹកនោមផ្អែមកម្ពុជាក៏ដូចជាសមាគមផ្សេងៗទៀតក្នុងលោកដែរ កម្មវត្ថុចំបង គឺការស្វែងរកជួយសង្គ្រោះអ្នកដែលមិនទាន់កើត និងអ្នកដែលប្រុងកើតជំងឺទឹកនោមផ្អែម។ ដូច្នេះបើក្នុងករណីសង្ស័យ គួរតែរួសរាន់នាំគ្នាទៅពិគ្រោះ និងជួបគ្រូពេទ្យដើម្បីវិភាគ។

អាការៈសំខាន់បួនយ៉ាងសំរាប់សំគាល់ជំងឺទឹកនោមផ្អែម ៖

- នោមច្រើន
- ស្រេកទឹក
- ចុះស្គម
- អស់កម្លាំង

ដំបូន្មានសំខាន់ៗ សំរាប់ទប់ស្កាត់ជំងឺទឹកនោមផ្អែម ៖
- ធ្វើកីឡា។ គួរធ្វើលំហាត់ដើរ ពី ៤៥ ទៅ៥០ នាទី យ៉ាងហោចណាស់ បីដងក្នុងមួយសប្តាហ៍។
- ការបរិភោគត្រឹមត្រូវ។ បាយ សូមពិសាឲ្យល្មម ជាពិសេសចំពោះអ្នកដែលមិនសូវបញ្ចេញកម្លាំងកាយ។ ពិសាបន្លែផ្លែឈើ ឲ្យបានច្រើន។ សូមកុំខ្លាចផ្លែឈើដែលមានជាតិផ្អែមនោះឲ្យសោះ លើកលែងតែអ្នកជំងឺដែលធ្លាក់ដល់ដំណាក់កាលចាក់Insuline ។
- ទទួលដំណេកឲ្យបាន ៨ម៉ោងក្នុងមួយថ្ងៃ
- បង្រៀនចិត្តកុំឲ្យមានកំហឹង និងកើតទុក ធ្លាក់ទឹកចិត្ត (Depression)

អានលំអិត http://www.khmer.rfi.fr/Interview-prevention-diabet

14/11/2013

13/11/2013

តួលេខសម្ពាធឈាមដែលអ្នកត្រូវយល់ដឹងៈ

- សម្ពាធឈាមធ្មតា គឺក្រោម១២០លើ៨០
- សម្ពាធឈាមត្រៀមកើត ជំងឺលើសឈាមគឺ កំរិតសម្ពាធឈាម ស៊ីសស្តូលិកពី១២០ទៅ១៣៩ និងកំរិតសម្ពាធឈាម ដ្យ៉ាស្តូលិក ៨០ទៅ៨៩
- អ្នកមានជំងឺលើសឈាម បើសម្ពាធឈាមខ្ពស់ ជាង១៤០លើ៩០

ដើម្បីធ្វើអោយការ ព្យាបាល មានប្រសិទ្ឋភាពនោះគេចំណាត់ថ្នាក់ជំងឺ លើសឈាមជាពីរដំណាក់កាលទៀតគឺ:

- ជំងឺលើសឈាម ដំណាក់កាលទីមួយកាលបើ សម្ពាធឈាម ស៊ីសស្តូលិកនៅចន្លោះពី១៤០ទៅ១៥៩ចំណែក សម្ពាធឈាម ដ្យ៉ាស្តូលិក មានពី៩០ទៅ៩៩
- ជំងឺលើសឈាមដំណាក់កាលទីពីរ កាលបើសម្ពាធឈាម ស៊ីសស្តូលិក ខ្ពស់ជាង១៦០ ហើយដ្យ៉ាស្តូលិក ខ្ពស់ជាង១០0

(ចំណាំុះ នៅក្នុងការសន្ទនាធម្មតា បើសិនជាសម្ពាធឈាមមាន ចំនួន ១៤០លើ៩០ គេច្រើន អានត្រឹម តែ១៤លើ៩។)