25/02/2026
✨«ដំណេីរទស្សនៈកិច្ចសិក្សានៅមហាវិទ្យាល័យថែទាំវេជ្ជសាស្ត្រ-អមវេជ្ជសាស្ត្រ របស់មហាវិទ្យាល័យថែទាំ Nagano នៃប្រទេសជប៉ុន»
___________________
📍HSI ✨នារសៀលថ្ងៃទី២៥ ខែកុម្ភៈ ឆ្នាំ២០២៦ មហាវិទ្យាល័យថែទាំវេជ្ជសាស្ត្រ-អមវេជ្ជសាស្ត្រ នៃវិទ្យាស្ថានវិទ្យាសាស្ត្រសុខាភិបាល ខ.ភ.ម បានទទួលដំណេីរទស្សនៈកិច្ចសិក្សារបស់ក្រុមនិស្សិតនៃមហាវិទ្យាល័យថែទាំ Nagano ប្រទេសជប៉ុន សរុប១៨នាក់។
👉ទស្សនៈកិច្ចសិក្សានេះត្រូវបានទទួលបដិសណ្ឋារកិច្ចដោយឧត្ដមសេនីយ៍ត្រី វេជ្ជបណ្ឌិតឯកទេស ឃឹម អូណែត នាយករងវិទ្យាស្ថានតំណាងដ៏ខ្ពង់ខ្ពស់ ឯកឧត្ដមឧត្ដមសេនីយ៍ឯកសាស្ត្រាចារ្យ នឹម មាលា នាយកវិទ្យាស្ថានវិទ្យាសាស្ត្រសុខាភិបាល ខ.ភ.ម និងលោកស្រី Mariko Otsuka ជាអ្នកដឹកនាំក្រុមនិស្សិតនៃមហាវិទ្យាល័យថែទាំ Nagano រួមទាំងឯកឧត្ដមនាយករងវិទ្យាស្ថាន នាយករងមហាវិទ្យាល័យ បុគ្គលិក និងនិស្សិតសរុបប្រមាណ៥០នាក់។
👉 គោលបំណងនៃទស្សនៈកិច្ចសិក្សានេះគឺ ដើម្បីឱ្យនិស្សិតបានស្វែងយល់ពីវប្បធម៌រវាងប្រទេសកម្ពុជា និងប្រទេសជប៉ុន ជំរុញការយល់ដឹងជាអន្តរជាតិ និងរៀនសូត្រអំពីស្ថានភាពសុខភាព ការផ្ដល់សេវាថែទាំសុខភាព និងការអនុវត្តសុខភាពសហគមន៍នៅក្នុងប្រទេសកម្ពុជា។
ការចូលទស្សនកិច្ចសិក្សានៅវិទ្យាស្ថានគឺជាផ្នែកមួយដ៏សំខាន់នៃផែនការអប់រំរបស់មហាវិទ្យាល័យថែទាំ Nagano ដោយសារវាផ្ដល់ឱកាសដ៏វិសេសវិសាលសម្រាប់និស្សិតក្នុងការស្វែងយល់អំពីការអប់រំផ្នែកថែទាំនៅកម្ពុជា និងចូលរួមក្នុងការផ្លាស់ប្តូរការសិក្សាជាអន្តរជាតិជាមួយនិស្សិតរបស់វិទ្យាស្ថាន។
ក្រុមនិស្សិតទាំងពីបានធ្វេីបទបង្ហាញ ចែករំលែកចំណេះរវាងគ្នាទៅវិញទៅមកប្រកបដោយភាពរីករាយ និងស្និតស្នាលជាទីបំផុត។
#រូបភាពដោយ វរសេនីយ៍ឯក ចាន់ កុម្ភៈរដ្ឋ ការិយាល័យព័ត៌មានវិទ្យា
#អត្ថបទដោយ វរសេនីយ៍ត្រី ហួត សុគុណ មហាវិទ្យាល័យថែទាំវេជ្ជសាស្ត្រ-អមវេជ្ជសាស្ត្រ
