What are the opening hours?

Monday 08:00 - 19:00 Tuesday 08:00 - 19:00 Wednesday 08:00 - 19:00 Thursday 08:00 - 19:00 Friday 08:00 - 19:00 Saturday 08:00 - 19:00 Sunday 08:00 - 19:00

https://www.facebook.com/106837774033961/

គ្លីនិកកុមារឈូករ័ត្ន Sunflower Pediatric Clinic, National Road 2, Takhmau (2025)

23/10/2025

#អេពីឡិបស៊ីទំរង់ប្រកាច់»បាត់ចេះដឹង
#បាត់ប្រកាច់3ខែ»ចេះដឹងវិវត្តល្អឡើងវិញ

កុមារីអាយុ៧ឆ្នាំមកពីខេត្តព្រះវិហារ មានអាការ:កាចមួម៉ៅ មិនទំនាក់ទំនង និងចាប់កន្ត្រាក់ធ្ងន់ធ្ងរញឹកញាប់(រូបភាពវីដេអូ)តាំងពីអាយុជាង៣ឆ្នាំ។

ចាប់ទទួលការព្យាបាលនៅគ្លីនិកកុមារឈូករ័ត្ននៅថ្ងៃ 14.12.2024 ហើយលែងប្រកាច់ទាំងស្រុងពីខែកក្កដា 2025។ មកដល់ពេលនេះ ការលូតលាស់ផ្នែកបញ្ញាស្មារតីល្អប្រសើជាលំដាប់។ គាត់ចាប់ផ្តើមទំនាក់ទំនងល្អ និយាយជាឃ្លាបានច្រើនពាក្យ លែងមួម៉ៅ ស្តាប់បង្គាប់ និងចេះរងចាំ។

🚨បន្ថែមពីលើការប្រកាច់ អេពីឡិបស៊ីអាចនាំអោយបាត់បង់ការលូតលាស់ចេះដឹង ឬជំនាញដែលគាត់ធ្លាប់មាន។ នេះជាផ្នែកដ៏សំខាន់ដែលត្រូវតែយកចិត្តទុកដាក់និងជួយកែកុនអោយបានទាន់ពេល។

🌻គ្លីនិកកុមារឈូករ័ត្នផ្តល់ជូននូវការព្យាបាលជំងឺប្រព័ន្ធប្រសាទនិងអេពីឡិបស៊ីដោយផ្តោតទៅលើ #ការបញ្ចប់ការប្រកាច់ និង #បង្កើនការលូតលាស់ចេះដឹង ដែលនេះជាគោលដៅសំខាន់ដើម្បីបង្កើនគុណភាពជីវិត។
------------------------------
គ្លីនិកកុមារឈូករ័ត្ន:
Telephone/Telegram: 093-95-66-19
📍ទីតាំង: https://maps.app.goo.gl/6J4sTbH7a4DP6jkJ9?g_st=ic

22/10/2025

🌻 #អ៊ុំស្រីបាត់កន្ត្រាក់ជាង១ឆ្នាំហើយ!!! 💜🎊

ស្រ្តីអាយុ78ឆ្នាំនៅខេត្តកំពត ធ្លាប់មានអាការៈកន្ត្រាក់ 5-10ដងក្នុង1ថ្ងៃ ស្ទើររាល់ថ្ងៃ តាំងពីដើមឆ្នាំ2024។

របៀបធ្វើទុក្ខគឺផ្តើមពី #បេះដូងលោតញាប់ បន្ទាប់មក #មានអារម្មណ៍ក្តៅឆាវពេញខ្លួន រួច #ស្រវាំងភ្នែក ពេលខ្លះបន្តដល់ #កន្ត្រាក់ដួល ទៀតផង។

គាត់ចាប់ទទួលការព្យាបាលនៅគ្លីនិកកុមារឈូករ័ត្ន នៅថ្ងៃទី 24.8.2024 ក្រោមរោគវិនិច្ឆ័យ #ជំងឺអេពីឡិបស៊ី តាមរយៈការណែនាំពីគ្រូពេទ្យម្នាក់។

ក្រោយពីចាប់ទទួលការព្យាបាល ការកន្ត្រាក់លែងមានទាំងស្រុង។ អ៊ុំស្រីមានសុខភាពល្អមាំមួនទាំងផ្លូវកាយនិងផ្លូវចិត្ត។

➡️ការធ្វើរោគវិនិច្ឆ័យត្រឹមត្រូវនិងទាន់ពេលជាកត្តាចាំបាច់ សំរាប់ព្យាបាលដែលមានប្រសិទ្ធភាព និងបញ្ចៀសនូវផលវិបាកធ្ងន់ធ្ងរដែលរួមទាំងពិការភាពផងដែរ។

🌻គ្លីនិកកុមារឈូករ័ត្នផ្តល់ជូនការពិគ្រោះនិងព្យាបាលជំងឺ ដោយគ្រូពេទ្យឯកទេសប្រព័ន្ធប្រសាទ និងអេពីឡិបស៊ី។
------------------------------
គ្លីនិកកុមារឈូករ័ត្ន:
Tel./Telegram: 093-95-66-19
📍ទីតាំង: https://maps.app.goo.gl/6J4sTbH7a4DP6jkJ9?g_st=ic

19/10/2025

#អេពីឡិបស៊ីទំរង់ Myoclonic Epilepsy in Infancy
#កន្ត្រាក់ភ្ញាក់_ដែលភ្ញោចដោយសំលេង
activated by sudden noise

🌻 កុមារអាយុ១ខួប៥ខែ នៅភ្នំពេញ ចាប់មានអាការៈកន្រ្តាក់ #ភ្ញាក់ដួល ញឹកញាប់ រយៈពេល៣ខែមកហើយ។ គាត់ចាប់ទទួលការព្យាបាលនៅគ្លីនិកកុមារឈូករ័ត្ននាថ្ងៃ 19.10.2025 ក្រោមរោគវិនិច្ឆ័យ #អេពីឡិបស៊ី ទំរង់ ។

➡️ការធ្វើរោគវិនិច្ឆ័យត្រឹមត្រូវនិងព្យាបាលទាន់ពេល ជាកត្តាចាំបាច់ដើម្បីទប់ស្កាត់កុមារកុំអោយមានវិបត្តិលូតលាស់ចេះដឹង ដែលជាផលវិបាកធ្ងន់ធ្ងរនៃអេពីឡិបស៊ីប្រភេទនេះ។
—————————
គ្លីនិកកុមារឈូករ័ត្ន: ☎️093 956619
📍ទីតាំង: https://maps.app.goo.gl/6J4sTbH7a4DP6jkJ9?g_st=ic

18/10/2025

#ករណីប្រកាច់ក្តៅខ្លួនដែលជាជំងឺអេពីឡិបស៊ី
#ការប្រកាច់ក្តៅខ្លួនលើសពី៣ដងមិនប្រក្រតីទេ
#ការប្រកាច់ក្តៅដែលបន្តមានលើសពីអាយុ៥ឆ្នាំអាចនឹងមិនមែនជាការប្រកាច់ក្តៅខ្លួនធម្មតាទេ #ហើយអាចមានពាក់ព័ន្ធនឹងជំងឺប្រព័ន្ធប្រសាទ

កុមារអាយុ5ឆ្នាំ6ខែនៅភ្នំពេញ សរុបប្រកាច់7ដង គឺនៅអាយុ #1ឆ្នាំ7ខែ» #2ឆ្នាំ» #2ឆ្នាំ5ខែ» #2ឆ្នាំ7ខែ» #3ឆ្នាំ » #3ឆ្នាំ2ខែ» #5ឆ្នាំ5ខែ ។ រាល់ពេលប្រកាច់គឺសុទ្ធតែក្តៅខ្លួន ហើយរយៈពេលប្រកាច់អាចដល់10នាទី។

កន្លងមកគាត់បានទទួលការពិគ្រោះនិងតាមដាននៅភ្នំពេញ ប្រទេសថៃ និងសិង្ហបុរី ក្រោមរោគវិនិច្ឆ័យ #ក្តៅខ្លួនប្រកាច់ធម្មតា ។

អ្វីដែលគួរអោយកត់សំគាល់ #ប្លែកពីក្តៅខ្លួនប្រកាច់ធម្មតាគឺ ការប្រកាច់នេះមានកាន់តែញឹកខណៈអាយុកាន់តែកើន និងមានចំនួនច្រើនដង។

នៅគ្លីនិកកុមារឈូករ័ត្នគ្រូពេទ្យបានរកឃើញភាពមិនប្រក្រតី(សញ្ញាអេពីឡិបស៊ី)នៃចរន្តខួរក្បាលEEG និងបានចាប់ផ្តើមទទួលការព្យាបាលកាលពីថ្ងៃទី 05.10.2025 ក្រោមរោគវិនិច្ឆ័យ ជំងឺ #អេពីឡិបស៊ី។

➡️ការធ្វើរោគវិនិច្ឆ័យត្រឹមត្រូវនិងទាន់ពេល ជាកត្តាចាំបាច់សំរាប់ព្យាបាលដែលមានប្រសិទ្ធភាព និងបញ្ចៀសនូវផលវិបាក។

🌻គ្លីនិកកុមារឈូករ័ត្នផ្តល់ជូនការពិគ្រោះនិងព្យាបាលជំងឺ ដោយគ្រូពេទ្យឯកទេសប្រព័ន្ធប្រសាទ និងអេពីឡិបស៊ី។
—————————————
គ្លីនិកកុមារឈូករ័ត្ន ☎️093 95 66 19
ទីតាំង: https://maps.app.goo.gl/6J4sTbH7a4DP6jkJ9?g_st=ic

17/10/2025

🌻 #បាត់កន្ត្រាក់16ខែ! 👏👏👏

កុមារីអាយុ13ឆ្នាំនៅខេត្តត្បូងឃ្មុំ ចាប់ផ្តើមកន្ត្រាក់តាំងពីអាយុ9ឆ្នាំ។ របៀបធ្វើទុក្ខរបស់គាត់ផ្តើមឡើងដោយអាការៈ #ស្លេកមុខមាត់ #រួចក្អួត #បន្ទាប់មករឹងថ្គាម។

គាត់បានទទួលការព្យាបាលនៅគ្លីនិកកុមារឈូករ័ត្ននាថ្ងៃទី12.8.2023ក្រោមរោគវិនិច្ឆ័យជាជំងឺ #អេពីឡិបស៊ី ក្រោយពីអាការ:ខាងលើមានញឹកញាប់ 2-3ដងក្នុង១ខែ។

បន្ទាប់ពីទទួលការព្យាបាល គាត់ចាប់ធូរស្រាលនិងលែងកន្ត្រាក់ទាំងស្រុងចាប់ពីខែមិថុនា2024 ។

➡️ធ្វើរោគវិនិច្ឆ័យត្រឹមត្រូវនិងព្យាបាលទាន់ពេល កាត់បន្ថយអត្រាសំរាកពេទ្យ និងជួយសង្គ្រោះកុមារពីពិការភាព។
—————————
គ្លីនិកកុមារឈូករ័ត្ន: ☎️093 956619
📍ទីតាំង: https://maps.app.goo.gl/6J4sTbH7a4DP6jkJ9?g_st=ic

13/10/2025

សេចក្តីជូនដំណឹង:

ដោយសារភាពចាំបាច់ យើងខ្ញុំសូមជំរាបជូនដល់មាតាបិតានិងអាណាព្យាបាលទាំងអស់អោយបានជ្រាបថា សំរាប់ការណាត់ជួបជាមួយវេជ្ជ. ជ័យ ចិន្តា:
- ថ្ងៃសៅរ៍: ម៉ោង១១ព្រឹក ដល់ម៉ោង៥ល្ងាច
- ថ្ងៃអាទិត្យ: ម៉ោង៩ព្រឹក ដល់ម៉ោង៥ល្ងាច

សូមអរគុណ

12/10/2025

#ចប់ការព្យាបាល! 🎊❤️❤️❤️
#កុមារម្នាក់នេះលែងត្រូវការលេបថ្នាំទៀតហើយ!
#ករណីប្រកាច់ក្តៅខ្លួនដែលជាជំងឺអេពីឡិបស៊ី

កុមារអាយុ5ឆ្នាំកន្លះនៅភ្នំពេញ ធ្លាប់ប្រកាច់3-4ដងក្នុង១ថ្ងៃតាំងពីគាត់មាន #អាយុ7ខែ និងត្រូវសំរាកពេទ្យជាញឹកញាប់។ រាល់ពេលប្រកាច់គឺសុទ្ធតែក្តៅខ្លួន។

កន្លងមកគាត់បានទទួលការព្យាបាលដោយថ្នាំអេពីឡិបស៊ី២ប្រភេទ ប៉ុន្តែការប្រកាច់នៅតែមានជាបន្ត ពេលខ្លះមានរហូត10ដងក្នុង១ថ្ងៃ។

គាត់ចាប់ផ្តើមព្យាបាលនៅគ្លីនិកកុមារឈូករ័ត្នកាលពីថ្ងៃទី 21.8.2021ក្រោមរោគវិនិច្ឆ័យ ជំងឺ #អេពីឡិបស៊ី ដោយផ្អែកលើភាពមិនប្រក្រតីនៃចរន្តខួរក្បាលEEG។

រយៈពេល3ខែក្រោយពីបានទទួលការព្យាបាល ការប្រកាច់លែងមានទាំងស្រុង។ សព្វថ្ងៃគាត់មានភាពរួសរាយ ឆ្លាតវៃ និយាយជាឃ្លាច្រើនពាក្យ និងមានកាយសម្បទាមាំមួនដូចកុមារទូទៅដែរ។

#ថ្ងៃនេះការព្យាបាលរបស់គាត់ត្រូវបានបញ្ចប់ជាស្ថាពរ។ គាត់មិនត្រូវការលេបថ្នាំអេពីឡិបស៊ីទៀតទេ។

#គាត់សំពះលាគ្រូពេទ្យនិងនិយាយពាក្យ «អរគុណអ្នកគ្រូ» ដោយក្តីរំភើបរីករាយ។ 🥰
—————————————
គ្លីនិកកុមារឈូករ័ត្ន ☎️093 95 66 19
ទីតាំង: https://maps.app.goo.gl/6J4sTbH7a4DP6jkJ9?g_st=ic

11/10/2025

#អេពីឡិបស៊ីទំរង់មានអារម្មណ៍ក្តៅក្នុងខ្លួនដូចភ្លើង

យុវជន31ឆ្នាំនៅភ្នំពេញ ចាប់ផ្តើមកន្ត្រាក់ច្រើនដងតាំងពីអាយុ១៤ឆ្នាំ ដោយចាប់ផ្តើមពី #អារម្មណ៍ខុសធម្មតា។

រាល់ពេលចាប់ធ្វើទុក្ខគឺស្រាប់តែភ្លាមៗគាត់មាន #អារម្មណ៍ថាគាត់គិតលើអ្វីមួយដដែលៗ(Forced thinking seizure) ភាំងហៅមិនស្តី រួចចាប់ #មានអារម្មណ៍ក្តៅក្នុងខ្លួនដូចភ្លើង(Hot sensation) ពេលខ្លះដោះខោអាវរួចរត់ចុះរត់ឡើងដោយអាការៈឡេះឡះ ប្រមាណ4-5នាទីពេលខ្លះអាចចេញជា #ប្រកាច់ ក៏មាន។

គាត់មានកាយសម្បទាមាំមួន និងការចេះដឹងធម្មតា។

17ឆ្នាំកន្លងមកនេះ គាត់បានទទួលការព្យាបាលទាំងក្នុងនិងក្រៅប្រទេស ដោយមិនបានដឹងពីរោគវិនិច្ឆ័យពិតប្រាកដ ហើយតែងតែគិតថាគាត់មាន #ជំងឺផ្លូវចិត្ត ដែលធ្វើអោយគាត់មានការបារម្ភ មានភាពអៀនខ្មាស និងមានការអស់សង្ឃឹមជាខ្លាំង។

គាត់បានមកពិគ្រោះនៅគ្លីនិកកុមារឈូករ័ត្នកាលពីថ្ងៃទី04.10.2025 ដោយសារការធ្វើទុក្ខកាន់តែញឹកញាប់។ គ្រូពេទ្យបានដាក់រោគវិនិច្ឆ័យ #អេពីឡិបស៊ី។ រោគសញ្ញាធ្វើទុក្ខខាងលើគឺទាក់ទងនឹងភាពមិនធម្មតានៃចរន្តខួរក្បាលនៅតំបន់ Frontal ឬ Temporal lobes។

ខុសពីសញ្ញានៃជំងឺផ្លូវចិត្ត អារម្មណ៍ដែលកើតមានលើអ្នកជំងឺអេពីឡិបស៊ីតែងមានលក្ខណៈដូចៗគ្នាដដែលៗ និងមានរយៈពេលខ្លី។

➡️ជំងឺអេពីឡិបស៊ីមានរបៀបធ្វើទុក្ខច្រើនយ៉ាង ទាំងទំរង់ប្រកាច់និងទំរង់មិនប្រកាច់ ដែលធ្វើអោយអ្នកជំងឺទទួលបានការព្យាបាលយឺតយ៉ាវ និងមានផលវិបាកជាច្រើន។

➡️ករណីមានការសង្ស័យ សូមពិគ្រោះនឹងគ្រូពេទ្យដើម្បីទទួលបានការព្យាបាលត្រឹមត្រូវនិងទាន់ពេល។

🌻គ្លីនិកកុមារឈូករ័ត្នផ្តល់ជូនការពិគ្រោះនិងព្យាបាលជំងឺ ដោយគ្រូពេទ្យឯកទេសប្រព័ន្ធប្រសាទ និងអេពីឡិបស៊ី។
------------------------------
គ្លីនិកកុមារឈូករ័ត្ន:
Telephone/Telegram: 093-95-66-19
📍ទីតាំង: https://maps.app.goo.gl/6J4sTbH7a4DP6jkJ9?g_st=ic

11/10/2025

#ព្រះអង្គលែងកន្ត្រាក់2ឆ្នាំហើយ! 🎊

ព្រះអង្គមានព្រះជន្ម22វស្សា គង់នៅខេត្តកណ្តាលទ្រង់ចាប់អាពាធតាំងពីព្រះជន្ម12វស្សា ដោយអាការៈ #ភាំង_រួចកន្រ្តាក់ពេញខ្លួន ប្រហែល1-2នាទី។

ព្រះអង្គចាប់ទទួលការព្យាបាលនៅគ្លីនិកកុមារឈូករ័ត្នក្រោមរោគវិនិច្ឆ័យ #អេពីឡិបស៊ី នាថ្ងៃទី 30.6.2022 (ព្រះជន្ម19វស្សា)ដោយអាការៈធ្វើទុក្ខខាងលើវិវត្តធ្ងន់ធ្ងរ ញឹកញាប់ 1-2ដងស្ទើររាល់ថ្ងៃ។

មកដល់ពេលនេះ ព្រះអង្គលែងកន្ត្រាក់2ឆ្នាំហើយ។ ព្រះអង្គមានព្រះកាយរឹងមាំ មានពុទ្ធិល្អប្រសើ និងមានការចងចាំល្អជាងមុន ហើយក្លាយជាទីពំនឹងនៃពុទ្ធបរិស័ទ្ធទៀតផង។

➡️ការធ្វើរោគវិនិច្ឆ័យត្រឹមត្រូវ និងការព្យាបាលទាន់ពេលជាមូលដ្ឋានគ្រឹះនៃការព្យាបាលដែលមានប្រសិទ្ធភាព។
------------------------------
គ្លីនិកកុមារឈូករ័ត្ន
☎️093-95-66-19

07/10/2025

#អេពីឡិបស៊ីជាជំងឺដែលអាចព្យាបាលបាន
#អេពីឡិបស៊ីមិនមែនជាជំងឺឆ្កួតឬខ្មោចចូលទេ
#សូមកុំរើសអើងអ្នកជំងឺអេពីឡិបស៊ី
ការរើសអើងអ្នកជំងឺអេពីឡិបស៊ី ជាឧបសគ្គក្នុងការស្វែងរកការព្យាបាលដែលត្រឹមត្រូវ ធ្វើអោយពួកគាត់ទទួលការព្យាបាលយឺតយ៉ាវ និងមានផលវិបាកជាច្រើន។

❤️ខាងក្រោមនេះជាសំណេរចេញពីទឹកចិត្តម្តាយនៃអ្នកជំងឺអេពីឡិបស៊ី ដែលបានជំនះនូវការលំបាក ហើយស្ម័គ្រចិត្តចែករំលែកដើម្បីសង្គ្រោះកុមាររាប់ម៉ឺននាក់ដែលកំពុងប្រឈមនឹងពិការភាព។

🌻គ្លីនិកកុមារឈូករ័ត្នសូមថ្លែងអំណរគុណ នូវការចែករំលែកដ៏មានតំលៃនេះ🙏

05/10/2025

#ជំងឺអេពីឡិបស៊ីនៅលើកុមារអូទីហ្សឹម
#ក្នុងចំណោមកុមារអូទីហ្សឹម4នាក់_1នាក់មានជំងឺអេពីឡិបស៊ី

កុមារាអូទីហ្សឹម អាយុ13ឆ្នាំនៅភ្នំពេញ។ អាយុ11ឆ្នាំគាត់ចាប់មានអាការៈ #ភាំងក្បាលទាញទៅឆ្វេង_រួចស្លេកមុខ_រួចទន់ខ្លួនបាត់មាត់ ប្រហែល1-2នាទី។

កន្លងមកគាត់បានទៅទទួលការព្យាបាលនៅមន្ទីរពេទ្យមួយនាក្រុងបាងកក ដោយថ្នាំអេពីឡិបស៊ីផង និងថ្នាំផ្លូវចិត្តផង។ ទោះជាយ៉ាងណា អាការៈខាងលើនៅបន្តមានញឹកញាប់ ប្រមាណ2-3ដងក្នុង១ខែ។

គាត់ចាប់ផ្តើមទទួលការព្យាបាលនៅគ្លីនិកកុមារឈូករ័ត្នក្រោមរោគវិនិច្ឆ័យ #អេពីឡិបស៊ីនៅលើកុមារអូទីហ្សឹម ក្រោយលទ្ធផលថតចរន្តខួរក្បាល នាថ្ងៃទី 02.10.2025 បានបង្ហាញពី #សញ្ញាអេពីឡិបស៊ី ត្រង់តំបន់ Temporal region ដែលឆ្លើយតបនឹងរោគសញ្ញាធ្វើទុក្ខខាងលើ។

➡️កុមារអូទីហ្សឹមមានវិបត្តិទំនាក់ទំនងដែលនាំអោយការធ្វើរោគវិនិច្ឆ័យនិងទទួលការព្យាបាលជំងឺអេពីឡិបស៊ីមានការយឺតយ៉ាវ។

➡️ការធ្វើរោគវិនិច្ឆ័យត្រឹមត្រូវ និងការព្យាបាលទាន់ពេលជាមូលដ្ឋានគ្រឹះនៃការព្យាបាលដែលមានប្រសិទ្ធភាព។
------------------------------
គ្លីនិកកុមារឈូករ័ត្ន
☎️093-95-66-19

05/10/2025

🌻 #ដំណាក់កាលបញ្ចប់! 👏👏👏

កុមារីអាយុ6ឆ្នាំនៅខេត្តកែប ចាប់កន្ត្រាក់នៅអាយុ5ខែ។ លក្ខណៈកន្ត្រាក់ពេលខ្លះ #ដូចឆក់ និងពេលខ្លះ #ប្រទាញភ្នែករួចប្រកាច់ញ័រខ្លួនបាត់ស្មារតី រៀងរាល់ថ្ងៃច្រើនដងរាប់មិនអស់។ គាត់មានការលូតលាស់ថយចុះទាំងផ្នែកកាយសម្បទានិងប្រាជ្ញាស្មារតី នៅពេលចាប់ផ្តើមប្រកាច់។

គាត់បានចាប់ទទួលការព្យាបាលនៅគ្លីនិកកុមារឈូករ័ត្នកាលពីថ្ងៃទី 14.10.2022 (អាយុ3ឆ្នាំ) ក្រោមរោគវិនិច្ឆ័យជាជំងឺ #អេពីឡិបស៊ី និង #វិបត្តិការលូតលាស់យឺតយ៉ាវ។

បន្ទាប់ពីចាប់ផ្តើមទទួលការព្យាបាល ការកន្ត្រាក់លែងមានទាំងស្រុងតាំងពីខែកក្កដា2023។ ការលូតលាស់ផ្នែកកាយសម្បទាល្អមាំមួន ចាប់ផ្តើមយល់ដឹង ចេះលេងសើច មានទំនាក់ទំនងប្រសើឡើងជាលំដាប់ និងនៅមានបញ្ហាយឺតយ៉ាវផ្នែកភាសាដែលត្រូវការជំនួយបន្ថែម។

រូបភាព លើកចុងក្រោយនាថ្ងៃទី 29.9.2025 នេះ មិនមានសញ្ញាអេពីឡិបស៊ីទៀតទេ។

💜ថ្ងៃនេះគាត់ឈានមកដល់ដំណាក់កាលបញ្ចប់ការព្យាបាលហើយ។ 🎊🎉

🌻គ្លីនិកកុមារឈូករ័ត្នសូមថ្លែងអំណរគុណ នូវទំនុកចិត្តពីសំណាក់សហភាតរៈ និង ពីសំណាក់អាណាព្យាបាលទាំងអស់មកលើគ្លីនិកយើងខ្ញុំ។
------------------------------
គ្លីនិកកុមារឈូករ័ត្ន ☎️093-95-66-19

គ្លីនិកកុមារឈូករ័ត្ន Sunflower Pediatric Clinic

23/10/2025

22/10/2025

19/10/2025

18/10/2025

17/10/2025

13/10/2025

12/10/2025

11/10/2025

11/10/2025

07/10/2025

05/10/2025

05/10/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 19:00
Tuesday	08:00 - 19:00
Wednesday	08:00 - 19:00
Thursday	08:00 - 19:00
Friday	08:00 - 19:00
Saturday	08:00 - 19:00
Sunday	08:00 - 19:00