Eman Khafagi

Eman Khafagi أخصائية نفسية وأخصائية علاج زواجي وأسري
ماچستير علم النفس من جامعة California Southern University

27/11/2025

عايزين ولادنا يذاكروا؟

سعدت بدعوتي من أستاذة Ghada Omar مدرسة الكيمياء المتميزة، للمشاركة في محاضرة لأولياء أمور وطلبة IGCSE بعنوان "بيت داعم ل...
26/11/2025

سعدت بدعوتي من أستاذة Ghada Omar مدرسة الكيمياء المتميزة، للمشاركة في محاضرة لأولياء أمور وطلبة IGCSE بعنوان "بيت داعم للتفوق"، وبمشاركة ا/ محمد رمضان مدرس الرياضيات.

اتكلمت عن نقطتين باشوفهم مهمين جدا للسن ده خصوصا:

🌟 الحافز على المذاكرة والتفوق

🌟 وإدارة حوار هادئ عن الموضوعات الجادة زي المذاكرة والجامعة

كتير مننا عبد الغفور البرعي ومش واخدين بالنا!القصة من وجهة نظر عبد الغفور: واحد عمل كل اللي عليه عشان يربي ولاده كويس وي...
23/11/2025

كتير مننا عبد الغفور البرعي ومش واخدين بالنا!

القصة من وجهة نظر عبد الغفور: واحد عمل كل اللي عليه عشان يربي ولاده كويس ويطلعهم أحسن ناس. كان ناشف مع الولد عشان يطلع راجل لكن مابخلش عليه بأي فلوس للتعليم، وسابه يختار بدون حتى مناقشة أو مراجعة.
لكن للأسف ابنه كان فاقد وكل شوية يعمل مشكلة، ما بين سقوط في المدرسة، يدخل كلية ومايكملش فيها، مشتت بين الأفكار المختلفة، شوية ينضم لجماعات متشددة وشوية يجري ورا جوازة خايبة…

القصة لما تتحكي من منظور عبد الغفور هاتلاقيها شبه قصص كتير بنسمعها من الآباء والأمهات، ويبقوا زعلانين على حظهم الوحش وعايزين ولادهم حالهم يتصلح. ويوم ما يفكروا في علاج يبقوا عايزين الولد أو البنت يروحوا لحد بتاع "تعديل سلوك".

والقصة حقيقتها من زاوية أوسع مختلفة تماما!
كل سلوك أو سمات شخصية في عبد الوهاب كان العامل الرئيسي فيها هو تربيته وظروف نشأته، وكل حاجة فيه كان إصلاحها هايبدأ من أبوه وأمه.

حتى التغير الدرامي اللي حصل في المسلسل، مع إنه مش واقعي أوي، لكن فيه جزء من الحقيقة. التغير حصل لما الأب اعترف بغلطه وقال إنه اتصرف حسب فهمه، وبعد ما عبد الوهاب قال اللي في نفسه وعبر قد إيه هو كان متأثر بحاجات أبوه ماخدش باله منها. المصارحة دي والاعتذار (حتى لو غير مباشر) فعلا ليهم أثر كبير.

22/11/2025

غالبا بنحس إننا لازم نصحح أخطاء ولادنا في ساعتها. بيحكوا عن حاجة عملوها أو رأيهم و تعليقهم على حدث … فنروح موقفينهم عشان نعلق إيه الصح والغلط.

بس فيه حاجة بديهية جدا بننساها… هم هايفضلوا ولادنا على فكرة مش هايروحوا في حتة، على الأقل الكام سنة الجايين.

فممكن جدا التعليق يستنى لبالليل، لبكرة، بعد كام يوم… عادي جدا

طيب وليه نستنى؟

طبعا ماقصدش إننا دايما نستنى، لكن لما بنتدخل في وسط الحكاية، الموضوع بيبقى سخن، اللي بيحكي ده منفعل بالمشاعر اللي جواه واللي محتاجه دلوقتي حد يحس بيه ويسمعه للآخر. لما يكون أهدأ هايكون هو نفسه مستعد أكتر بكتير إنه يسمع، بدل ما الكلام يدخل من ناحية ويطلع من التانية، أو بدل ما أفقد أنا فرصة إن ولادي يحسوا إني مقدر مشاعرهم وفي صفهم.

أنا عارفة إنها مش حاجة سهلة، بس حقيقي بتفرق كتير

سؤال ناس كتير بتسأله في الجلسة الأولى…هو أنا ممكن فعلا أبقى كويس/كويسة؟هو أنا فعلا ممكن أتحسن؟وطبعا ده سؤال مهم جدا ومنط...
15/11/2025

سؤال ناس كتير بتسأله في الجلسة الأولى…

هو أنا ممكن فعلا أبقى كويس/كويسة؟
هو أنا فعلا ممكن أتحسن؟

وطبعا ده سؤال مهم جدا ومنطقي جدا، ما أنا مش هافضل ألتزم بجلسات عارفة إنها هاتاخد وقت، وهابذل مجهود نفسي وهادفع فلوس وأنا مش متأكدة من النتيجة.

الإجابة المختصرة: أيوه طبعا ممكن نبقى أحسن 💜

معظم الاضطرابات النفسية بتتحسن أو تنتهي بالعلاج، سواء العلاج النفسي لوحده أو مصحوبا بالعلاج الدوائي.

الأحلى بقى، وبما إني متخصصة في العلاج الزواجي والأسري، فالعلاقات الزوجية والأسرية ممكن جدا تتصلح..

ولادي اللي مش بيحبوا يقعدوا معايا وعلاقتي بيهم متوترة، ممكن نقرب من بعض ونبقى أسرة حقيقية زي ما كنت باتمنى.

وجوزي اللي بقينا نتخانق مع بعض على كل كبيرة وصغيرة، ممكن نرجع تاني نقرب وأحس إنه بيحبني وهو يحس بدفء القرب وده ينطبع على ولادنا وحياتنا كلها.

أنا مش باقول كلام عايم، إنما الدراسات بتقول إن ده حصل لناس كتير جدا، ونسبته هي الأكبر في اللي بيسعى للتحسن.

مين فيكم جرب أو عرف من حد تجربته الناجحة في العلاج النفسي؟

13/11/2025

نصيحة للي بيحضروا جلسات العلاج النفسي أونلاين

اختاروا جهاز ومكان و setup مظبوط وواضح

يعني لو لابتوب أو تابلت أحسن من التليفون
وفي أي الأحوال يكون الجهاز ثابت مش ماسكينه في إيدنا

ليه بقى؟

باقول دايما احنا بنحاول قدر الإمكان نقرب من الجلسة العادية.

بالنسبة لي (سواء كمعالجة أو عميلة) باشوف إن الجلسات أونلاين مافيهاش أي مشكلة، إلا لو فيه منغصات زي مشاكل الشبكة والحركة الكتير.

بدأنا امبارح أول جلسة في ورشة عمل ❤️سعيدة بالتفاعل ومتفائلة بالجلسات الجاية إن شاء الله 🤩
07/11/2025

بدأنا امبارح أول جلسة في ورشة عمل ❤️

سعيدة بالتفاعل ومتفائلة بالجلسات الجاية إن شاء الله 🤩

31/10/2025

ساعات بتسألي نفسك "يا ترى أنا عملت كل اللي أقدر عليه مع ولادي؟"

ورشة عمل أونلاين ❤️

#تربية

دبلومة علاج المخططات المعرفيةاستفدت منها كتير الحمد لله 💜
25/10/2025

دبلومة علاج المخططات المعرفية
استفدت منها كتير الحمد لله 💜

أول جلسة في العلاج النفسي أحيانا كتير بتكون الأصعب. ممكن يسبقها تردد وقلق وشك في النتائج. وعشان كده أول خطوة دي مهمة جدا...
22/10/2025

أول جلسة في العلاج النفسي أحيانا كتير بتكون الأصعب. ممكن يسبقها تردد وقلق وشك في النتائج. وعشان كده أول خطوة دي مهمة جدا وطالما بدأت بيكون فيه أمل كبير في التحسن.
لكن فيه عقبة ساعات بتحصل وهي استعجال الشخص على التحسن. بعض الأشخاص بيكون عندهم إحساس إنهم لازم يحسوا بتغيير وتحسن من أول وتاني جلسة، ولو ده ماحصلش بالشكل اللي متصورينه بيوقفوا علاج تماما!

لو فكرنا هانلاقي إن المتاعب النفسية غالبا ماحصلتش بين يوم وليلة، وفي بعض الأحيان بيكون بقالها سنين، فمش من المنطقي إني أتعامل معاها زي الصداع اللي بعد ما اخد المسكن بنص ساعة بيروح.

المهم في الجلسات الأولى هو الارتياح والثقة في المعالج، وبداية تكوين تحالف علاجي لتحقيق أهداف العلاج.

إن الشخص يكون زهق من الحالة اللي بيعاني منها ونفسه يتحسن بسرعة ده مفهوم جدا، لكن نحاول نكون واقعيين وصبورين عشان نكمل ونوصل بالفعل.

إعادة نشر

22/10/2025

في زمن تتسارع فيه وتيرة الحياة وتزداد فيه الضغوط النفسية، تظهر شخصيات استثنائية تحمل رسالة الأمل والوعي، وتجعل من الغربة ساحة عطاء وإنجاز. ومن بين تلك

Address

Kuwait City

Telephone

+96594417782

Website

Alerts

Be the first to know and let us send you an email when Eman Khafagi posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category