07/12/2025
Вирджиния Апгар, американдық анестезиолог, 1952 жылы Апгар шкаласын жасады. Вирджиния Апгар бір қарағанда сау болып көрінетін жаңа туған нәрестелердің кейінірек жасырын мәселелерге байланысты: не қайтыс болғанына, не күрделі патологияға ұшырағанына куә болды. Сол олқылықты жойып, бала туыла салғанда- оған РЕАНИМАЦИЯЛЫҚ көмек қажеттілігін анықтауды ұсынды.
АПГАР оңай және тез бағаланатын бес қарапайым белгіні таңдады: терінің түсі, жүрек соғу жиілігі, рефлекстер, тыныс алу және бұлшықет тонусы.
Баллдық жүйе: әрбір белгі 0-ден 2 балға дейін бағаланады, барлығы 10 балл алынады.
Бала денсаулығының әлсіз тұстарын мүмкіндігінше ерте анықтау үшін - Апгар шкаласырың балл көрсеткіштерін анық жазу маңызды.
АПГАР шкаласы көрсеткіштері
Нәресте туа салысымен жүрек соғысын санау.
✅ Нәрестенің жүрек соғысы минутына 100 реттен жоғары болса - 2 балл, 100 реттен төмен 1 балл және жоқ болса 0 бал
✅ Тыныс алу жиілігін санау. Тыныс алу жиілігі 40-50-ден жоғары болса минутына (айғайы қатты) 2 балл, 40-ден төмен – 1 балл, тыныс алу жоқ 0 балл.
✅ Рефлекторлы қозғыштықты тексеріп бағалау. Қимылы белсенді, айғайы қатты- 2 балл, қимылдар, нәрестенің бетінде наразылық белгісі- 1 балл, реакция жоқ- 0 балл.
✅ Терісін бағалау. Терісі қызғылт түсті- 2 балл, акроцианоз- 1 балл, терісінің айқын боздығы 0 балл.
✅ Бұлшық ет тонусын бағалау. Нәрестенің қимылы белсенді- 2 балл, аяқ колдарының аздағап бүгілуі 1 балл, қимылы жоқ- 0 балл Туа салысымен 1 минут ішінде нәрестенің жағдайын жалпы балл санымен бағалау.
Туған соң 5 минуттан кейін нәрестенің жағдайын жалпы балл санымен бағалау.
