Lao Friends Hospital for Children, Phoumork Village, Luang Prabang (2026)

02/03/2026

📢 ປະກາດສຳຄັນ! ເຖິງພໍ່ແມ່ປະຊາຊົນ ແລະ ຜູ້ປົກຄອງໃນທົ່ວປະເທດ!

ເພື່ອປົກປ້ອງລູກຫຼານທີ່ທ່ານຮັກໃຫ້ຫ່າງໄກຈາກ ພະຍາດໂປລິໂອ, ເຊິ່ງເປັນພະຍາດທີ່ເປັນອັນຕະລາຍຮ້າຍແຮງ, ສາມາດເຮັດໃຫ້ ພິການຕະຫຼອດຊີວິດ ແລະ ຍັງບໍ່ທັນມີຢາປິ່ນປົວໃຫ້ຫາຍຂາດໄດ້.

✅ ຂ່າວດີ: ພະຍາດນີ້ສາມາດປ້ອງກັນໄດ້ ດ້ວຍການຮັບວັກຊີນທີ່ປອດໄພ ແລະ ມີປະສິດທິຜົນສູງ!

🗓️ ກຳນົດການຢອດວັກຊີນທົ່ວປະເທດ:
ການສັກຢາວັກຊີນໃຫ້ເດັກອາຍຸຕ່ຳກວ່າ 5 ປີ ຈະຈັດຂຶ້ນເປັນ 2 ໄລຍະ ດັ່ງນີ້:
ໄລຍະທີ 1: ວັນທີ 2 - 11 ມີນາ 2026
ໄລຍະທີ 2: ວັນທີ 2 - 11 ເມສາ 2026

📍 ສະຖານທີ່ບໍລິການ: ທ່ານສາມາດພາລູກຫຼານໄປຮັບວັກຊີນໄດ້ທີ່ ໂຮງໝໍແຂວງ, ໂຮງໝໍເມືອງ ແລະ ສຸກສາລາໃກ້ບ້ານທ່ານ. ນອກຈາກນີ້, ຍັງມີໜ່ວຍງານສາທາລະນະສຸກເຄື່ອນທີ່ລົງບໍລິການຢູ່ຕາມແຕ່ລະໝູ່ບ້ານ, ເຊິ່ງທາງອຳນາດການປົກຄອງບ້ານຈະແຈ້ງລາຍລະອຽດໃຫ້ພໍ່ແມ່ປະຊາຊົນຊາບຕື່ມເປັນໄລຍະ.

💡 ຢ່າລືມ! ກຽມປຶ້ມສັກຢາກັນພະຍາດ ໄປນຳທຸກຄັ້ງ ເພາະວ່າ ຈະໄດ້ສັກຢາວັກຊີນພະຍາດອື່ນໆນຳ ຖ້າຫາກ ລູກຫຼານພາດໂອກາດໃນການຮັບວັກຊີນອື່ນ.

ສະນັ້ນ, ຂໍເຊີນຊວນ ທຸກທ່ານມາຮ່ວມມືກັນສ້າງອະນາຄົດທີ່ສົດໃສ ແລະ ແຂງແຮງໃຫ້ລູກຫຼານ ດ້ວຍການພາເຂົາເຈົ້າໄປຮັບວັກຊີນໃຫ້ຄົບຕາມກຳນົດ! 🏥💉

27/02/2026

📢 ພວກເຮົາກຳລັງຮັບສະໝັກພະນັກງານ!
ຕຳແໜ່ງ: ນັກວິຊາການ ວິເຄາະການເເພດ (Lab Technician)

ເປັນໂອກາດດີ ທີ່ທ່ານຈະໄດ້ເຂົ້າເປັນສ່ວນໜຶ່ງຂອງທີມງານ ໂຮງໝໍເພື່ອນລາວສໍາຫຼັບເດັກນ້ອຍ (Lao Friends Hospital for Children), ເຊິ່ງເປັນໜຶ່ງໃນໂຮງໝໍເດັກຊັ້ນນຳຂອງ ສປປ ລາວ ທີ່ໃຫ້ການປິ່ນປົວເດັກນ້ອຍຟຣີ ຢູ່ໃນປະເທດລາວ ໂດຍສະເພາະໃນຂົງເຂດພາກເໜືອ.

🗓️ ປິດຮັບສະຫມັກ: 12/03/2026
📄 ລາຍລະອຽດຂອງໜ້າວຽກເເມ່ນໃຫ້ເບິ່ງຢູ່ກ້ອງຄອມເມັ້ນ.
📧 ສອບຖາມລາຍລະອຽດເພີ່ມເຕີມ ຫຼື ສົນໃຈສະໝັກ, ກະລຸນາຕິດຕໍ່ຫາອີເມວ: HRapplication@fwablaos.org

27/02/2026

ຂໍຂອບໃຈມາຍັງຊຸມຊົນທ້ອງຖິ່ນທີ່ໜ້າຮັກຂອງພວກເຮົາ!

ທຸກໆການບໍລິຈາກ, ທຸກໆການປະກອບສ່ວນ ແລະ ທຸກໆຄຳເວົ້າທີ່ໃຫ້ກຳລັງໃຈ... ສິ່ງເຫຼົ່ານີ້ລ້ວນແຕ່ມີຄຸນຄ່າຢ່າງມະຫາສານ ສຳລັບເດັກນ້ອຍທີ່ພວກເຮົາເບິ່ງແຍງໃນທຸກໆມື້.

ເຖິງບັນດາທ່ານຜູ້ບໍລິຈາກ, ຜູ້ສະໜັບສະໜູນ ແລະ ທຸກໆຄອບຄົວທີ່ໄວ້ວາງໃຈໃຫ້ພວກເຮົາເບິ່ງແຍງລູກຫຼານຂອງພວກທ່ານ, ທ່ານຄື "ຫົວໃຈສຳຄັນ" ຂອງໂຮງໝໍເພື່ອນລາວສຳລັບເດັກນ້ອຍ. ຖ້າປາສະຈາກການສະໜັບສະໜູນຂອງທ່ານ, ພວກເຮົາຄົງຈະບໍ່ສາມາດສືບຕໍ່ພາລະກິດນີ້ໄດ້ໂດຍລໍາພັງ! 🙌

ກົດ 💚 ຖ້າທ່ານພູມໃຈທີ່ໄດ້ເປັນສ່ວນໜຶ່ງຂອງຊຸມຊົນແຫ່ງການແບ່ງປັນນີ້!
----------------
THANK YOU to our amazing local community!
Every donation, every contribution, every kind word .... it all adds up to something truly special for the children we care for every day.

To our local donors, supporters, and the families who trust us with their little ones. YOU are the heartbeat of Lao Friends Hospital for Children. We couldn't do this without you! 🙌

Drop a 💚 if you're proud to be part of this community!

25/02/2026

ຈາກໂຮງໝໍເພື່ອນລາວຂອງພວກເຮົາ ໄປຫາເຂດທີ່ຫ່າງໄກສອກຫຼີກທີ່ສຸດຂອງລາວ, ຈະບໍ່ມີເດັກນ້ອຍຄົນໃດຖືກປ່ອຍປະລະເລີຍ. ຂໍຂອບໃຈ, ໂຕໂຍຕ້າ ລາວ! 💚
From our hospital to the most remote corners of Laos, no child gets left behind. Thank you, Toyota Laos! 💚

24/02/2026

[English translation below]
🚘 ການບໍລິການທີ່ເຂົ້າເຖິງທຸກພື້ນທີ່: ຂໍຂອບໃຈ ໂຕໂຍຕ້າ ລາວ (Toyota Laos)

ໃນອາທິດທີ່ຜ່ານມາ, ພວກເຮົາໄດ້ຮັບຂອງຂວັນອັນລ້ຳຄ່າຈາກ ໂຕໂຍຕ້າ ລາວ, ນັ້ນກໍຄື ລົດກະບະ Toyota Revo ຄັນໃໝ່! ເຊິ່ງລົດຄັນນີ້ຈະຖືກນຳໃຊ້ເຂົ້າໃນວຽກງານທີ່ສຳຄັນທັນທີ ໂດຍຈະເປັນພາຫະນະຫຼັກໃຫ້ແກ່ທີມງານແພດເຄື່ອນທີ່ ຫຼື ເເພດສະໜາມ ຂອງພວກເຮົາ ໃນການລົງພື້ນທີ່ຕິດຕາມຄົນເຈັບ ແລະ ໃຫ້ບໍລິການປ້ອງກັນດ້ານສຸຂະພາບແກ່ເດັກນ້ອຍ ໃນເຂດຫ່າງໄກສອກຫຼີກ ແລະ ເຂດທີ່ເຂົ້າເຖິງຍາກໃນທົ່ວແຂວງຫຼວງພະບາງ.

ໄລຍະທາງທີ່ຫ່າງໄກ ແລະ ສະພາບເສັ້ນທາງທີ່ທຸລະກັນດານ ຄືອຸປະສັກຫຼັກ ໂດຍສະເພາະໃນລະດູຝົນ, ດັ່ງນັ້ນ ການສະໜັບສະໜູນລົດຄັນນີ້ຈຶ່ງປຽບເໝືອນ "ສາຍໃຍຊີວິດ" ທີ່ສຳຄັນທີ່ສຸດ ເພາະມັນໄດ້ເພີ່ມຂີດຄວາມສາມາດໃຫ້ພວກເຮົາເຂົ້າເຖິງເດັກນ້ອຍ ແລະ ຄອບຄົວທີ່ຕ້ອງການຄວາມຊ່ວຍເຫຼືອຢ່າງທັນການ. ສິ່ງນີ້ຍັງເປັນການຢັ້ງຢືນວ່າ ການເບິ່ງແຍງຂອງພວກເຮົາຈະບໍ່ຢຸດຢູ່ພຽງແຕ່ໃນໂຮງໝໍເທົ່ານັ້ນ, ແຕ່ຈະຂະຫຍາຍໄປສູ່ຊຸມຊົນເຂດຫ່າງໄກສອກຫຼີກອີກດ້ວຍ.

ພວກເຮົາຂໍຂອບໃຈ ໂຕໂຍຕ້າ ລາວ ທີ່ໃຫ້ການສະໜັບສະໜູນຢ່າງຕໍ່ເນື່ອງ. ຄວາມຮ່ວມມືອັນດີງາມ ແລະ ສາຍພົວພັນທີ່ແໜ້ນແຟ້ນໃນຫຼາຍປີຜ່ານມາ ໄດ້ສະທ້ອນໃຫ້ເຫັນເຖິງຄວາມເຊື່ອໝັ້ນຮ່ວມກັນວ່າ: ເດັກນ້ອຍທຸກຄົນຄວນໄດ້ຮັບການປິ່ນປົວສຸຂະພາບທີ່ມີຄຸນນະພາບ ບໍ່ວ່າພວກເຂົາຈະອາໄສຢູ່ຂົງເຂດໃດກໍຕາມ.

💚ພວກເຮົາຮູ້ສຶກດີໃຈ ແລະ ພາກພູມໃຈ ທີ່ມີທ່ານເປັນເພື່ອນຮ່ວມທາງທີ່ສຳຄັນ ໃນການມອບຄວາມຫວັງໃຫ້ແກ່ເດັກນ້ອຍໃນລາວ. ຂໍຂອບໃຈ!
-----------------
🚘 Care that goes the distance - THANK YOU Toyota Laos
Last week, we received an incredible gift from Toyota - a brand new Toyota Revo.

This vehicle will be put to meaningful work right away! It will support our teams as they deliver follow-up and preventative care to children in remote and hard-to-reach communities across Northern Laos. The far distances and challenging terrain are real barriers, especially during the rainy season, so this gift truly is a lifeline!
It strengthens our ability to reach the children and families who need us most and ensures that our care doesn't end in our hospital walls.

Thank you, Toyota Laos, for your generous and unwavering support. Your continued partnership over the past few years reflects a shared belief that every child deserves access to quality care, no matter where they live.

💚 We are proud to have you with us on this journey. This is hope to the children in Laos!
THANK YOU!

23/02/2026

ພວກເຮົາຮູ້ສຶກພາກພູມໃຈ ທີ່ ໂຮງໝໍເພື່ອນລາວສຳລັບເດັກນ້ອຍ ໄດ້ຮັບກຽດເປັນສະຖານທີ່ຝຶກອົບຮົມຢ່າງເປັນທາງການ ໃຫ້ແກ່ນັກສຶກສາແພດຊ່ຽວຊານຂັ້ນ 1 ສາຂາສັນລະຍະສາດ (ຜ່າຕັດທົ່ວໄປ) ປີສຸດທ້າຍ ຈາກມະຫາວິທະຍາໄລວິທະຍາສາດສຸຂະພາບ, ນະຄອນຫຼວງວຽງຈັນ. ນີ້ຄືບາດກ້າວທີ່ສຳຄັນໃນການສະໜັບສະໜູນ ແລະ ສ້າງບຸກຄະລາກອນແພດຊ່ຽວຊານຜ່າຕັດຮຸ່ນໃໝ່ ໃຫ້ແກ່ ສປປ ລາວ.

ໃນໂອກາດນີ້, ພວກເຮົາຂໍສະແດງຄວາມຂອບໃຈມາຍັງ ດຣ. ມາໂຊ ສະໂຕນ (Dr. Marshall Stone), ຊ່ຽວຊານດ້ານຜ່າຕັດເດັກຈາກສະຫະລັດອາເມລິກາ, ຜູ້ທີ່ມີປະສົບການໃນການເປັນຫົວໜ້າທີມ ແລະ ຜູ້ອຳນວຍການດ້ານຜ່າຕັດເດັກມາເປັນເວລາຫຼາຍສິບປີ. ໃນປັດຈຸບັນ, ດຣ. ສະໂຕນ ແມ່ນກຳລັງຖ່າຍທອດຄວາມຮູ້, ປະສົບການ ແລະ ຝຶກຝົນທັກສະຕົວຈິງໃຫ້ແກ່ນັກສຶກສາແພດຊ່ຽວຊານ 14 ທ່ານ ເພື່ອກຽມຄວາມພ້ອມໃນການກ້າວສູ່ການເປັນແພດຜ່າຕັດມືອາຊີບ.

ທີ່ພິເສດໄປກວ່ານັ້ນ, ໃນກຸ່ມນັກສຶກສາດັ່ງກ່າວມີ ທ່ານ ດຣ. ວີ (Dr. Vee), ເຊິ່ງເປັນທ່ານໝໍຈາກໂຮງໝໍເພື່ອນລາວຂອງພວກເຮົາເອງ. ໃນໄວໆນີ້, ດຣ. ວີ ຈະກາຍເປັນແພດຊ່ຽວຊານດ້ານຜ່າຕັດເດັກຄົນທຳອິດຂອງໂຮງໝໍພວກເຮົາ, ເຊິ່ງຖືເປັນບາດກ້າວ ແລະ ຜົນສຳເລັດທີ່ສໍາຄັນຫຼາຍ ໃນການຍົກລະດັບການປິ່ນປົວເດັກນ້ອຍໃນລາວ.

ພວກເຮົາມີຄວາມພູມໃຈທີ່ໄດ້ເປັນສ່ວນໜຶ່ງໃນການສ້າງອະນາຄົດຂອງວົງການແພດຜ່າຕັດໃນລາວ. ຂໍເຊີນຊວນທຸກທ່ານສືບຕໍ່ສະໜັບສະໜູນພວກເຮົາຕໍ່ໄປ ເພື່ອສ້າງອະນາຄົດທີ່ສົດໃສໃຫ້ແກ່ເດັກນ້ອຍໃນປະເທດລາວ.
------
We’re proud to be an official training site for final-year surgical residents from the University of Health Sciences in Vientiane, supporting the next generation of surgeons in Laos.

We're grateful to Dr Marshall Stone, a specialist paediatric surgeon from the U.S., with decades of experience as Chief and Surgical director. Dr Stone is currently providing hands-on training and mentorship to 14 final-year surgical residents as they prepare to become fully qualified surgeons.
Among them is our very own Dr Vee, soon to become the first in-house surgeon at Lao Friends Hospital for Children, a major milestone for paediatric care in Laos.

Proud to help train the future of surgery in Laos.
Please continue to support us. Together, we are building a healthier future for the children in Laos.

21/02/2026

ຂໍສະແດງຄວາມຂອບໃຈມາຍັງທຸກໆທ່ານ ທີ່ໄດ້ເສຍສະຫຼະເວລາອັນມີຄຸນຄ່າເຂົ້າມາບໍລິຈາກເລືອດນຳພວກເຮົາໃນອາທິດນີ້.

ພວກເຮົາຮູ້ສຶກດີໃຈ ແລະ ພາກພູມໃຈທີ່ມີຜູ້ມີຈິດສັດທາເຂົ້າຮ່ວມກິດຈະກຳຢ່າງຄຶກຄື້ນ, ເຊິ່ງມີທັງນັກທ່ອງທ່ຽວທີ່ມາຢ້ຽມຢາມເມືອງມໍລະດົກໂລກ ຫຼວງພະບາງ ແລະ ພີ່ນ້ອງຊາວເມືອງຫຼວງພະບາງຂອງພວກເຮົາເອງ.

ການບໍລິຈາກເລືອດນອກຈາກຈະສົ່ງຜົນດີຕໍ່ສຸຂະພາບຂອງຜູ້ໃຫ້ແລ້ວ, ສິ່ງທີ່ສຳຄັນທີ່ສຸດແມ່ນ ເລືອດພຽງ 1 ຖົງ ຂອງທ່ານ ສາມາດຊ່ວຍຕໍ່ລົມຫາຍໃຈໃຫ້ເດັກນ້ອຍໄດ້ເຖິງ 3 ຄົນ. ຂໍເຊີນຊວນທຸກທ່ານມາຮ່ວມເປັນ "ຮີໂຣ້" ໃນຊຸມຊົນ ແລະ ຮ່ວມກັນຊ່ວຍຊີວິດເພື່ອນມະນຸດດ້ວຍການບໍລິຈາກເລືອດນຳກັນ.
------------
A huge thank you to everyone who donated at our blood drive this week.

We were thrilled to have 8 donors step forward, including many kind visitors to Luang Prabang and members of our local community.

Donating blood offers great health benefits for you, and more importantly, a single donation can save the lives of up to three children. Come be a hero in your community and help us save lives

20/02/2026

[English text below]
ໄຮໄລ້ຂອງພະນັກງານ (Staff Highlights)

ຂໍຍ້ອງຍໍຊົມເຊີຍ ທ່ານນາງ ເງິນ ຈຳປາ, ຫົວໜ້າທີມງານຂະເເໜງລັງສີ (Radiology Team Leader) ຂອງພວກເຮົາ ທີ່ໄດ້ທຸ່ມເທເຫື່ອແຮງ ແລະ ມີຄວາມຄິດສ້າງສັນເພື່ອຄົນເຈັບຢູ່ສະເໝີ.
ໃນສະພາບແວດລ້ອມທີ່ມີຊັບພະຍາກອນຈຳກັດ, ຄວາມຄິດເລັກໆນ້ອຍໆກໍສາມາດສ້າງການປ່ຽນແປງທີ່ຍິ່ງໃຫຍ່ໄດ້. ທ່ານນາງ ເງິນ ໄດ້ຄົ້ນພົບວິທີທີ່ງ່າຍດາຍໃນການປະຄອງແຂນຂອງເດັກນ້ອຍໃຫ້ຢູ່ໃນຕຳແໜ່ງທີ່ຖືກຕ້ອງໃນເວລາສາຍລັງສີ (X-ray) ໂດຍບໍ່ຈຳເປັນຕ້ອງໃຊ້ສະກັອດຕິດ ແລະ ບໍ່ເຮັດໃຫ້ເດັກໄດ້ຮັບລັງສີເພີ່ມເຕີມ. ວິທີນີ້ຊ່ວຍໃຫ້ຂັ້ນຕອນການກວດມີຄວາມປອດໄພ ແລະ ເຮັດໃຫ້ເດັກນ້ອຍຮູ້ສຶກສະບາຍຂຶ້ນ.

ສິ່ງນີ້ຄືຕົວຢ່າງຂອງການສ້າງສັນສິ່ງໃໝ່ໆ ທີ່ເກີດຂຶ້ນໃນທຸກໆມື້ຢູ່ທີ່ ໂຮງໝໍເພື່ອນລາວສໍາລັບເດັກນ້ອຍ, ເຊິ່ງມັນສະທ້ອນເຖິງຄວາມໃສ່ໃຈ ທີ່ນຳມາໃຊ້ໄດ້ຈິງ ແລະ ເນັ້ນໃສ່ຜົນປະໂຫຍດສູງສຸດຂອງຄົນເຈັບເປັນຫຼັກ. ຂໍຂອບໃຈ ທ່ານນາງ ເງິນ ສຳລັບຄວາມມຸ່ງໝັ້ນຕັ້ງໃຈ ແລະ ການເບິ່ງແຍງເອົາໃຈໃສ່ທີ່ດີຕະຫຼອດມາ.
-------
Staff Highlights

Shout-out to Ngern Champa, our Radiology Team Leader, for always going the extra mile and getting creative for our patients.
In a setting with limited resources, small ideas can make a big difference. Ngern found a simple way to keep children’s arms in the right position during X-rays without using tape and without extra radiation. This makes the process safer and more comfortable for kids.

This is the kind of humble innovation that happens every day at Lao Friends Hospital for Children. It’s thoughtful, practical, and always focused on what’s best for our patients. Thank you, Miss Ngern for your dedication and care.

19/02/2026

ຂໍຂອບໃຈ ນ້ຳໃຈອັນປະເສີດຂອງຜູ້ບໍລິຈາກເລືອດທຸກທ່ານ! 💚

ພວກເຮົາຂໍແນະນຳໃຫ້ທຸກທ່ານໄດ້ຮູ້ຈັກກັບນ້ອງໆສ່ວນໜຶ່ງ ທີ່ພວມຮັບການປິ່ນປົວຢູ່ຄລີນິກ ຫຼື ຫ້ອງກວດພະຍາດເລືອດຈາງທາລາຊີເມຍ (Thalassemia) ຂອງພວກເຮົາ. ເດັກນ້ອຍເຫຼົ່ານີ້ລ້ວນແຕ່ມີຄວາມຈຳເປັນຕ້ອງໄດ້ຮັບການ ໃສ່ເລືອດເປັນປະຈຳ ເພື່ອເປັນສ່ວນໜຶ່ງຂອງການປິ່ນປົວ ແລະ ຟື້ນຟູຮ່າງກາຍໃຫ້ແຂງແຮງ.

ພວກເຮົາຂໍສະແດງຄວາມຂອບໃຈ ມາຍັງທຸກໆທ່ານທີ່ໄດ້ສະລະເວລາອັນມີຄ່າ ເຂົ້າມາບໍລິຈາກເລືອດໃນກິດຈະກຳຂອງພວກເຮົາໃນມື້ວານນີ້. ພ້ອມດຽວກັນນີ້, ກໍຂໍຂອບໃຈມາຍັງທີມງານຈາກ ອົງການກາແດງລາວ ສູນເລືອດແຂວງຫຼວງພະບາງ ສຳລັບການສະໜັບສະໜູນ ແລະ ການຮ່ວມມືທີ່ດີຕະຫຼອດມາ.

ເຖິງຢ່າງໃດກໍຕາມ, ຄວາມຕ້ອງການເລືອດແມ່ນຍັງມີຢູ່ຕໍ່ເນື່ອງໃນທຸກໆມື້ ແລະ ເປັນເລື່ອງທີ່ຮີບດ່ວນທີ່ສຸດ. ຖ້າຫາກທ່ານມີເງື່ອນໄຂ ແລະ ມີຄວາມພ້ອມ, ພວກເຮົາຂໍເຊີນຊວນໃຫ້ທ່ານເຂົ້າມາບໍລິຈາກເລືອດນຳກັນ ເພາະຄວາມເມດຕາຂອງທ່ານ ຄືການຕໍ່ລົມຫາຍໃຈໃຫ້ແກ່ນ້ອງໆເຫຼົ່ານີ້.
---------
Big hearts to blood donors yesterday! 💚
Meet some of the children who attend our Thalassemia clinic, all of whom rely on regular blood transfusions as part of their care.
A heartfelt thank you to everyone who donated yesterday at our monthly blood drive.
We also thank the staff of the Lao Red Cross Blood Bank in Luang Prabang for their ongoing support and partnership.

There remains a real need for donated blood. It's urgent and serious.
If you can, please consider donating. One simple act can save a child’s life.

17/02/2026

ມາເປັນຮີໂຣໃນຊີວິດຈິງຄືກັນກັບລາວ!

ດ້ວຍການບໍລິຈາກເລືອດ, ລາວໄດ້ຊ່ວຍເຫຼືອຊີວິດຄົນອື່ນໄດ້ໃນທັນທີ. ຂໍຂອບໃຈທີ່ທ່ານໄດ້ເປັນແບບຢ່າງທີ່ດີ ແລະ ຊ່ວຍຊຸກຍູ້ໃຫ້ຜູ້ອື່ນເຮັດສິ່ງທີ່ດີເພື່ອສັງຄົມຮ່ວມກັນ.

ໃນປັດຈຸບັນ, ແຂວງຫຼວງພະບາງ ແມ່ນມີຄວາມຕ້ອງການຜູ້ບໍລິຈາກເລືອດຢ່າງຮີບດ່ວນ. ສະນັ້ນ, ຈຶ່ງຂໍເຊີນຊວນທຸກທ່ານມາຮ່ວມບໍລິຈາກເລືອດນຳກັນ.

ພວກເຮົາຫວັງຢ່າງຍິ່ງວ່າຈະໄດ້ພົບທ່ານໃນກິດຈະກໍາບໍລິຈາກເລືອດໃນມື້ອື່ນ.

📅ວັນທີ: 18/02/2026
⏱️ເວລາ: 10 ໂມງເຊົ້າ ຫາ 4 ໂມງເເລງ
📍ສະຖານທີ່: ສູນຂໍ້ມູນຂ່າວສານຂອງໂຮງໝໍເພື່ອນລາວ, ຢູ່ຕຶກ The Blue House ກົງກັນຂ້າມກັບໂຮງຮຽນປະຖົມຫຼວງພະບາງ, ບ້ານວັດເເສນ, ນະຄອນຫຼວງພະບາງ.
🗺️ເເຜນທີ່: https://maps.app.goo.gl/fpGew4UCWVsbCNGfA
📞 ໂທ (ເເອັບ): +8562092763338
----------------
Be a real-life hero like her.
By donating blood, she’s helping save lives — immediately.
Thank you for leading by example and encouraging others to do the same.

There is an urgent need for blood donors in Luang Prabang.
Please consider donating blood.
We hope to see you tomorrow for our monthly blood drive.

16/02/2026

[English translation below]
ຂໍເຊີນຊວນຮ່ວມ ບໍລິຈາກເລືອດ!
🩸"ໃຫ້ເລືອດ = ໃຫ້ຊີວິດ" 🩸
ໂຮງໝໍເພື່ອນລາວສໍາຫຼັບເດັກນ້ອຍ ຮ່ວມກັບອົງການກາເເດງລາວ ຫຼວງພະບາງ ຂໍເຊີນຊວນທຸກໆທ່ານ ເຂົ້າຮ່ວມກິດຈະກໍາບໍລິຈາກເລືອດ ເພື່ອຊ່ວຍເຫຼືອຊີວິດຂອງເດັກນ້ອຍທີ່ເຂົ້າມາປິ່ນປົວຢູ່ໂຮງໝໍເພື່ອນລາວຂອງພວກເຮົາ💚

📅ວັນທີ່: 18 ກຸມພາ 2026 (ວັນພຸດ)
⏱️ເວລາ: 10 ໂມງເຊົ້າ ຫາ 4 ໂມງເເລງ
📍ສະຖານທີ່: ສູນຂໍ້ມູນຂ່າວສານຂອງໂຮງໝໍເພື່ອນລາວ, ຢູ່ຕຶກ The Blue House ກົງກັນຂ້າມກັບໂຮງຮຽນປະຖົມຫຼວງພະບາງ, ບ້ານວັດເເສນ, ນະຄອນຫຼວງພະບາງ.
🗺️ເເຜນທີ່: https://maps.app.goo.gl/fpGew4UCWVsbCNGfA
📞 ໂທ (ເເອັບ): +8562092763338
---------------------------------
🩸 It's Blood Drive this week!
We're critically short of blood in Luang Prabang, and the need is urgent. Please donate blood if you can.

📅 When: Wednesday, 18th February
⏰ Time: 10am - 4pm
📍 Where: Children's Hospital Visitor Centre (The Blue House) Luang Prabang, Town Centre

Gift vouchers are available from our partner businesses for all donors as a little 'thank-you'. Enquire on entry

See less

Lao Friends Hospital for Children

02/03/2026

27/02/2026

27/02/2026

25/02/2026

24/02/2026

23/02/2026

21/02/2026

20/02/2026

19/02/2026

17/02/2026

16/02/2026

Address

Telephone

Website

Alerts

Contact The Practice

Shortcuts

Share

Category