Dietitian Manal Saade

Dietitian Manal Saade أخصائية تغذية علاجية � الجامعة الامريكية في بيروت
مت?

27/11/2025

⁨🤯 بتعرفوا إنّ الالتهاب المزمن هو السبب الخفيّ ورا أغلب المشاكل الصحية اللي عم نحس فيها؟

من تعب مزمن… تقلب بالمزاج… نفخة… أوجاع والتهاب المفاصل… احتباس سوائل… مقاومة إنسولين… زيادة وزن غير مبررة… التهابات بالأمعاء… مشاكل جلدية… حتى اضطرابات المناعة الذاتية.

✨ بس الخبرية الحلوة انو نحنا قادرين نسيطر إلى حد كبير على هالأعراض وتخفيف الالتهاب عبر اتباع حمية مضادة للالتهاب وأخذ المكملات الضرورية المضادة للالتهاب (حسب الحالة والحاجة). وأبرزها الكركمين الموجود بالكركم.

💡 التهاب أقل = طاقة أعلى + جهاز هضمي أريح + مقاييس دم أحسن + وزن أسهل ينزل.

✔️ مفيد لِـ:
‏• Osteoarthritis - Fibromyalgia– Rheumatoid
‏• Crohn’s- Ulcerative Colitis- IBS- NAFLD
‏• Insulin Resistance & DM Type II- Metabolic diseases
‏• Alzheimer- Multiple Sclerosis- Depression
‏• Hashimoto - Psoriasis– Lupus

📥 بدك دليل كامل + لائحة أكلات مسموحة وممنوعة ؟

اكتبي بالتعليقات: DIET

وببعتلك الكتُيّب على الخاص 🩵
Anti- inflammatory Diet

25/11/2025

🚨 منقوشة… بس
High Protein & Diet Friendly ?!
إيه، وهيدي أسرع وصفة صحّية لمنقوشة بعجينة الكشك والبيض، رح تغيّر مفهوم وجبة الفطور عندك 😋
✔️ بروتين عالي
✔️ سعرات قليلة
✔️ بتشبع أكتر من المنقوشة العادية
✔️ مناسبة للدايت وخسارة الوزن

هالوصفة بتاخد ٥ دقايق بس ، وممتازة اذا بدك:

– وجبة مشبعة بدون حرمان
– دايت عالي البروتين
– تقللي خبز أبيض وسعرات حرارية
– وصفة لبنانية صحية وسهلة وسريعة

💡 القيمة الغذائية (بدون الحشوة):
~275 kcal ~20 g protein 💪🏻
~23 g carbs ~12 g fat

👇 خبروني أي حشوة بتفضّلو؟
🌱زعتر؟ 🧀جبنة؟ او 🍅 بندورة وبصل ؟

🔖 ما تنسوا تعملو save للفيديو وتجربوها 😉

‏Follow for more ❤️ .manalsaade

20/11/2025

🚨أعراض بتخلي ابن العشرين يحس انو بال ٧٠ 😢 اغلبنا بحاول يلاقي تفسير طبي بحت، لان ما منتوقع انو هي فعليًا اعراض جدّية لوجود نقص بالفيتامينات والمعادن 💊.

👇 تخيّلوا 😢:
• نقص فيتامين D ⬅️ اكتئاب، تعب مزمن، دقات قلب سريعة
• نقص الحديد ⬅️ هبوط، ضيق نفس، تساقط شعر
• نقص الزنك ⬅️ ضعف مناعة، بطء شفاء الجروح
• نقص فيتامين C ⬅️ كدمات، التهاب لثة، بطء تجدد الجلد
• نقص الفوليك أسيد ⬅️ إرهاق + خطر على نمو دماغ الجنين بالحمل

💡هيدي مش تفاصيل صغيرة… هيدي مفاتيح صحتِك.

⚠️ وتذكّر ! الحل باجراء الفحوصات المناسبة واستشارة طبيب قبل ما تاخدوا اي مكملات عالعمياني 🫣 وعلى صحة السلامة .

🔖 وهلاء خبروني : مين اللي بيلتزم بالمكملات ومين اللي بياخدها يوم اي وعشرة لا 😅؟

#مكملات

17/11/2025

حامل !؟🤰🏻 😒
ركزوا معي 🚨 لأن جبتلكن اطيب ٢٧ وصفة سموثي 🍹 بمكوّن سحري ✨:
✔️بيعزز الطاقة والتركيز .. من دون كافيين
✔️بيدعم صحة الكبد
✔️بيحسن البشرة
✔️بيحسن معدل الكولسترول بالدم
✔️بيساعد على توازن معدل السكر بالدم بعد الاكل وتحسين مقاومة الانسولين
✔️مضاد اكسدة ومضاد للالتهاب فعّال
✔️ غني بالفيتامينات والمعادن مثل الحديد والفيتامين C و E…
✔️بيحتوي على الالياف وبنظم حركة الامعاء وبيخفف النفخة

☘️عم بحكي اكييييد عن عشبة المورينغا :
The Miracle Tree ✨✨

وقبل ما تسألوني عن الطعم 😋
اكتبوا كلمة وصفة / recipe بالتعليقات 👇
ليوصلكم ملف فيه ٢٧ وصفة سموثي, كل واحدة اطيب من الثانية لإرضي كل الاذواق

👉 .manalsaade

09/11/2025

🚨وصفة مضمونة لمشروب 🍹 رح يخلصكم من دهون البطن خلال اسبوع ويساعدكم على زيادة معدل الحرق وينزلكم ٧ كيلو بدون دايت ولا حرمان ولا وجع قلب والاهم بدون اي مضاعفات سحرية.

هيدا حلمك وحلمي وحلم كل وحدي كفّت الفيديو للاخر 🥲 🤦🏻‍♀️ وهيدي نقطة الضعف اللي بعض الشركات والاشخاص عم تستغلها بحملات ترويجية رخيصة.

💡والحقيقة: خلطات ومشروبات لحرق الدهون 👈🏻 ما في. والوزن اللي رح ينزل بسرعه، رح يرجع اسرع 🤷🏻‍♀️.
اكيد في طرق كتير ممكن تساعد بس النظام الغذائي المتوازن، الحركة، النوم الكافي والصبر هني المفاتيح الاساس.

🚨وهلاء خبروني وبصراحة 😂 مين اللي عن جد صدّق اول الفيديو ، اني لقيت الوصفة المعجزة؟

04/11/2025

⁨ ⁨ جسمك بحاول يحكي… بس بلغته الخاصة! 🧠

تنميل بالأطراف. كدمات بتطلع فجأة مثل دبغات على الجلد. اكتئاب وتقلب مزاج. ضغط دم عالي. قلق او نوم متقطّع. بشرة باهتة وتساقط شعر. تعب مزمن وما في طاقة…
كل هيدول هني شوي من ابرز الاعراض اللي اغلبكم بتعانوا منها واللي مرتبطة بأغلب الاوقات بنقص في الاوميغا ٣ والكولاجين ونقص في الفيتامينات والمعادن. مثل نقص فيتامين دال وب ١٢ وماغنيسيوم وفيتامين C، K، B12 أو حديد وزنك وفوليك اسيد وغيرن كتير.

💡 كل عارض بجسمك هو رسالة. ما تتجاهلوه وكمان ما تاخدوا المكملات على صحة السلامة. لحل جذري، ضروري استشارة الطبيب المختص لإجراء الفحوصات الضرورية وتشخيص الحالة واخذ العلاج المناسب وبالجرعات الصح.

🚨اكتبولي بالتعليقات 👇شو أكثر عارض حاليا عم تحسّو فيه ؟

Follow for more 🤗 ‪‪.manalsaade‬‬

symptoms of omega 3, collagen & vitamins and mineral deficiency.

⁩⁩

🚨 كانت تتخبى ورا الناس وتخبي بطنها بالجزدان لما تتصور 📸 صاروا رفقاتها يتخبوا وراها. هيدي كانت عقدة منى من جسمها. منى جرب...
03/11/2025

🚨 كانت تتخبى ورا الناس وتخبي بطنها بالجزدان لما تتصور 📸 صاروا رفقاتها يتخبوا وراها. هيدي كانت عقدة منى من جسمها.

منى جربت كتير تعمل انظمة غذائية وعلى مدى سنين ولاسباب كتير كانت دايما تخسر وزن وترجع تزيدن الضُعف. وعلاقتها بكل مرة مع جسمها كانت تخرب اكثر واكثر.

قررت تعمل عملية وهيك تعرفنا عليها. ضعفت اكثر من ٣٥ كيلو، بس رجعت قررت تركز على صحتها اكثر والكتلة العضلية ووصلّت حالها للجسم اللي تمنته من جوا وبرا. وصارت متصالحة مع حالها اكثر وبتشوف الدني بعيون كلها فرح وأمل وثقة وصحة أكثر.

🚨 شو رأيكم بنتيجة منى ؟ هل سبق وعانيتوا من عقدة الصور كمان 📸؟ وفكرتوا شي مرة تعملوا احدى عمليات السمنة كحل للوزن الزايد #السمنة اللي عم تعانوا منها؟

للمواعيد والاستشارات، الرجاء التواصل مع عيادة د. محمد علاء الدين لجراحات السمنة على الرقم 📲
102090 76 961+
(خدمة الواتساب مُتاحة)

Team work never fails 👇
manalsaade

26/10/2025

❌خلص الجدال ..بعد ما انتشر فيديو عن مين الأقوى كمضاد للاكسدة؟ الكركم؟ الزنجبيل؟ أو الشمندر؟

🔸 الكركم: بيحتوي على ال curcumin. بطل للوقاية من السرطان، الزهايمر، والتهابات المفاصل.
🔸 الزنجبيل: بيحتوي على gingerol. بيحسّن الهضم، بخفّف الغثيان، بحسن المناعة، وبينظّم مستويات السكر بالدم.
🔸 الشمندر: غني بمركب الBetalains. بيدعم صحة القلب، وبيحسن تدفق الأوكسجين بالجسم.

💥 كل واحد عنده قوّته الخاصة، بس لما نجمع الثلاثة سوا… النتيجة قنبلة مضادات أكسدة طبيعية

🚨 اكتبوا كلمة “Recipe” بالتعليقات لتوصلكن وصفة المشروب 🍹 السوبر مضاد للالتهاب والمناعة 🔥

Follow for more 🧡 .manalsaade

‏

🚨هيدي قصة حقيقية ومُلخص مشوار آية. هالصبية القوية اللي قدرت تحط حد لمعاناة سنين مع الوزن الزايد والتداعيات الصحية والنفس...
20/10/2025

🚨هيدي قصة حقيقية ومُلخص مشوار آية. هالصبية القوية اللي قدرت تحط حد لمعاناة سنين مع الوزن الزايد والتداعيات الصحية والنفسية اللي سبّبتها السمنة على مدى سنين.
جربت كتير انظمة غذائية وجربت تعمل رياضة وجربت وجربت… وما كان يمشي الحال.

ما استسلمت ❌ بس فكرت بعامل مساعد . وهيك صار وبلش مشوارنا. وبفضل الله ثم ارادتها، وصلنا لهون.

🚨كم واحدة فيكن قصتها بتشبه قصة آية؟

للمواعيد والاستشارات، الرجاء التواصل مع عيادة د. محمد علاء الدين لجراحات السمنة على الرقم 📲
102090 76 961+
(خدمة الواتساب مُتاحة)

Team work never fails 👇
manalsaade

19/10/2025

وصفة حلو نباتي بنكهة شامية و طعم ولا أطيب 😋 خالي من السكر والزبدة. 👈🏻 وصفة المامونية… بس ع طريقتي الصحية اكيد 😉

🥣 المكونات:
• كوب سميد ناعم (150غ)
• كوبين مي (500مل)
• ستيفيا حسب الرغبة (انا جبته سائل)
• ملعقة صغيرة مي زهر وملعقة صغيرة مي ورد
• رشة قرفة
• 2 ملعقة طعام زيت جوز الهند (20غ)
• فستق حلبي (حسب الرغبة)

👈🏻الحصّة تقريباً 150–170 سعرة حرارية.

🚨سؤال اليوم: سامعين بالمامونية ؟ (انا قبل هالفيديو ما كنت بعرفها 🫣) وشو الحلويات اللي عبالكن حولها لوصفات صحية؟

Follow for more 🤗 .manalsaade

09/10/2025

❌ولادنا، خط أحمر .

🚨 جيل ال Gen Z عم يعيش تحت ضغط الترندات والتيك توك اللي عم يعززوا مفهوم ال “perfect body image”بشكل غلط.
مقاييس الجمال والصحة عم تتحدد على طرق التواصل الاجتماعي من قبل ناس غير مسؤولة ومختصة. اعلانات عشوائية عن ادوية تنحيف ومشدات تخسيس وروتين حياة مثالي ما بيشبه الواقع.

✨كرمال هيك نحنا مسؤوليتنا نعزز الوعي عندن والثقة بالنفس ونذكّرن إن الجسم مش لازم يكون مثالي، وانما قوي، وصحي، ومرتاح. والحياة على منصات التواصل الاجتماعي اغلبها مُزيّف لا يشبه الواقع. او بيعكس فقط اللي الشخص بدو اياه يبيّن.

🍵 فالماتشا مفيدة كتير ، بس اذا ما حبيت طعمتها، عادي الحياة بتكمل بدونها. والpilates صحية كتير، بس اذا هوايتك رياضة ثانية، عادي بلاها.

✨الخلاصة: كل اللي مفروض نعمله، نسعى يوميا لنكون نسخى أفضل من نفسنا . وناخد من السوشال ميديا كل شي بيخدم مصلحتنا وصحتنا وبنمي فكرنا.

🚨 بتوافقوني الرأي ؟

Follow for more ❤️ .manalsaade

07/10/2025

🚨 نسيان كتير؟ تعب ؟ ومودك مش ثابت؟ 🥺
فحوصاتك الطبية طبيعية بس انتي مش مرتاحة.
عالأرجح ناقصك الأوميغا 3 🐟💊

✨ فوائده كتيرة وأهمها:
✔️ يقوي الذاكرة والتركيز
✔️ يحمي القلب والشرايين
✔️ يخفف الالتهابات وأوجاع المفاصل
✔️ يحسن المزاج وتخفّف الاكتئاب
✔️ بشرة نضرة وشعر صحي

🍽️ فينا نحصل عليه من الاكل وأهم مصادره الغذائية: 🐟السالمون، السردين، التونة 🌰الجوز، بذور الكتان، بذور الشيا 💊أو مكمّلات الأوميغا 3

💡 أفضل وقت لناخده هوي بعد الأكل لتجنب النفخة وزيادة الامتصاص.

💊 أمّا الجرعة اليومية: بتختلف حسب العمر والحالة الصحية، بس معظم الدراسات بتوصي بـ 250–500mg يومياً من EPA+DHA.

⚠️ينصح بالتوقف عن استخدام الاوميغا ٣ قبل اسبوع من أي عمل جراحي وفينا نرجع ناخده بعد ٥ ايام. ( وضروري تخبروا دكتور البنج بهالشي )

⚠️ضروري استشارة طبيبك قبل تناوله اذا كنت بتاخد ادوية مميعة او للضغط.

👇 خبروني: مين فيكن جرب أوميغا 3 وحس بالفرق؟

Follow for more 🤗 .manalsaade

#اوميغا3 #القلب

Address

Sarafand/verdun
As Sarafand

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 13:00

Telephone

+96176102080

Website

Alerts

Be the first to know and let us send you an email when Dietitian Manal Saade posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

Manal Saade

A dedicated team of bariatric professionals to leave you with a memorable weight loss journey and to enhance the quality of your life.

For that we offer free consultation to allow you understand and gain the right information of the entire journey that starts the moment you arrive for your initial medical, nutritional, and psychological assessment to figure out your eligibility. Following to that, the preparation process for the surgery to minimize post-operative complications in which we focus on improving lifestyle and adapt healthy eating behaviors to achieve the desired weight loss and avoid weight regain; in addition to treating obesity related diseases.

We genuinely care about our patients through our continuous two-years free follow up to assist and celebrate the living of your new YOU.