What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 13:00

https://www.facebook.com/1411892215495155/

Dr Chantal Saade Khalil

Home
Lebanon
Beirut
Dr Chantal Saade Khalil

PHD in Human Resources, MasterII Degree Accompagnement Psychosomatique, Public Health , Lebanese University. Specialist in Child and Newborn Care.
(1)

Founder & Control Manager at Patient Health Care s.a.r.l,
Awareness Program Director (kids and family issues) on TV: OTV channel since 2012 till now, Tele Lumiere, on Radios: Sawt Al Ghad, Voice of Charity.

09/03/2026

أبونا بيار 🙏💔.... وسكت الحكي
بعد الموت... فيه قيامة 🙏🤍

09/03/2026

🙏-يا رب بدّي إعترفلك إنّي خايف...الحرب بتخوّف يا رب...
❤-عم بتألم ع وجعك يا إبني، حقّك تخاف الحرب بشعة، بشعة كتير!
🙏-فيني عبّر بحرية قدّامك عن مخاوفي وإنت طمّني، أنا بوثق فيك يا رب، بوثق بكلماتك ووعودك الصادقة إلنا بس أنا بحاجة إسمع كلماتك يطمنو قلبي وفكري!
❤-سأل يا إبني وأنا رح جاوبك قرّب مني "ألقِ على الرب همّكَ إنّه لا يدع الصّدّيقَ يتزعزع إلى الأبدِ" مز ٢٢/٥٥
🙏-يا رب حاسس قلبي ما بقى فيه شي يقدر يعزّيه...
❤-"كإنسانٍ تعزّيه أمُّهُ هكذا أعزّيكَ أنا" آشعيا ١٣/٦٦
🙏-حاسس عم بخسر كل شي ، حاسس كل شي عم بزول ويتزعزع من حولي...
❤-"إنَّ الجبالَ تزول والآكامَ تتزعزع أمّا إحساني فلا يزولُ عنكَ وعهدُ سلامي لا يتزعزع" آشعيا ٥٤ (٩-١٠)
🙏-يا رب حاسس بلاطة ع صدري بالكاد عم باخد نفس..
❤-"أدعني يوم الضّيق أنقذكَ" مز ٥٠
🙏-يا رب أنا تعبان ...تعبان كتير ...
❤-"لكنّي سكّنْتُ نفسكَ وهدأتُها كطفلٍ رضيعٍ مستسلمٍ بين ذراعي أمّهِ(مز ٢:١٣١)
🙏-يا رب عم حسّ إنّي عاجز مش طالع بإيدي شي، أنا كتير ضعيف...
❤-"تستطيع كلّ شيء بالمسيح الذي يقوّيك" فيليبي ١٢/٤
🙏-يا رب أنا خايف من بكرا، شو ناطرنا بعد...
❤-"أمّا أنتَ يا عبدي البار فلا تخف ولا ترتعبْ! لأنّي هاءنذا أخلّصكَ فتطمئّن وتستريح" إرميا ١٠/٣٠
🙏-يا رب أنا ما عندي سلاح حارب فيه...
❤-"إتّخذوا سلاح الله الكامل لتتمكّنوا من المقاومة في يوم الشرّ ومن الصّمود أيضاً" أفسس ١٣/٦
🙏-يا رب بس أنا بشر رح إضعف وخاف وإضطرب ويمكن ما رح إقدر كفّي المشوار...
❤-"سأثّبتُ خطواتك حتى وإن تعثّرتَ فلن تسقط" مز ٣٧(٢٣-٢٤)
🙏-يا رب شو خايف ما إنسى كل هالخوف لعم نعيشو وكل هالصور...
❤-"فدعا يوسف ابنه البكر منسّى ومعناه من ينسى وقال لأنَّ الله أنساني كلّ مشقّتي" تكوين ٥١/٤١
🙏-يا رب عم بفقد الثقة بحالي شو قادر أنا أعمل وسط كل هالصورة العشوائية...
❤-"لا يستخفنَّ أحدٌ بحداثةِ سنِّكَ بل كن قدوة للمؤمنينَ في الكلامِ والسّلوك والمحبّة والإيمان" ١تيموتاوس ٤ (١٢-١٣)
🙏-يا رب وعدني إنّك ما رح تتركني لو شو ما صار...
❤-"لن أترككَ ولن أتخلّى عنكَ أبداً" عبرانيين ٥/١٣
#يارب #السلام #امنحنا #السلام
#من #أجل #السلام #نصلي #من #أجلك #يا #لبنان

09/03/2026

بهالأزمنة الصعبة... كيف فينا نتعامل مع ولادنا⁉️ كيف منساعدن ⁉️ كيف منخفف من خوفن وقلقن⁉️
#يارب #السلام #امنحنا #السلام
#بكفي #وقفوا #الحرب
#حقنا #و #حق #ولادنا #يعيشوا #بسلام

08/03/2026

متى ⁉️⁉️⁉️
#يارب #السلام #أعطنا #السلام
#من #أجل #السلام #نصلي
#من #أجلك #يا #لبنان #ومن #أجل #الإنسان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

08/03/2026

📍محادثة زوج مع زوجته_يوميّات حرب...💔
بعد نهار طويل خلينا نشكر حالنا على كل شي قدرنا نعملو قد ما يكون صغير! خلينا نغمر بعضنا ونشدّ ونقول لبعضنا تنايناتنا خايفين، قلقانين، براسنا ١٠٠ سؤال: الولاد؟ كيف بدنا نحمين؟ بيتنا رح يضل؟ منبقى ببلدنا أو منفلّ ؟ شغلنا كيف رح يكفي؟ بكرا شو؟ أهلنا، إخوتنا، الناس لمنحبن... يعطينا ألف عافية... ع فكرة أنا مش زعلان منك يمكن ما كتير فهمنا ع بعض اليوم، أنا كمان صاير عم بغضب كتير.. هيدا الخوف لعم بحرك ردات فعلنا... إيه كلنا خايفين... وخوفنا محقّ...
تعي نحكي نطلّع مخاوفنا، نقول كل لبقلبنا بحرية، ما رح نحكم ع بعض، ما تنسي نحنا منحب بعض! تعي نحكي فيه قلب عم يسمعنا ولو كل العالم صمت رح يبقى يسمعنا قلب الرب، فيه إيد عم تشتغل رغم كل الصعاب هي ذاتا الإيد لساعدتنا تناخد قرارنا نتزوج ونبني بيتنا من ماشي من الصفر وقادتنا بقلب هالعالم وخلّت المستحيل يصير معقول بتتذكّري؟ تعي نحكي تعي نلقي ع كتف بيّ سماوي مش رح ينسى أمانتو، تعي نحاول نكون مناح ع قد ما فينا لإنّو نحنا أمان ولادنا، تعي ما نخلّي جسمنا يخزِّن مشاعر تتحوّل بعدن لأمراض، تعي نضل مآمنين بطلعة شمس جديدة رغم كل شي، تعي نقطع هالمرحلة سوا، تعي ما نكذب ع حالنا و ونعترف هلأ صعبة صعبة كتير بس رح تقطع، تعي نحلم بس يخلص هالكابوس شو بدنا نعمل تنرجع نفرح....
#يارب #السلام #أعطنا #السلام
#من #أجل #السلام #نصلي
#من #أجلك #يا #لبنان #ومن #أجل #الإنسان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

07/03/2026

خلّينا بهالمرحلة مع بعض مش ضد بعض ‼️
يا عدرا خلّي عينك علينا🙏🤍🙏

يا أبانا السماوي، إنّنا نستودعُكَ لبنان، شعبَهٌ وأهلَهُ، أمنَهُ وأمانَهُ، ليلَهُ ونهارَهُ، أرضَهُ وسماءَهُ، فاحفظهُ يا ربَّنا من كلِّ سوءٍ ومكروه.
يا أبانا إنٌنا نستودعُكَ رجالَ ونساءَ لبنان، شبابَهُ وأطفالَهُ وجيشَهُ.
يا من لا ينعَس لا ينام.
منصلّيلَك بإسِم الربّ يسوع المسيح.
🙏🏻🙏🏻آمين 🙏🏻🙏🏻

#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

Let’s unite and stand strong together, hand in hand for the sake of our beloved Lebanon and pray for peace and safety🙏

06/03/2026

📍صلاة أم _في يوميات حرب... 💔
يا عدرا يا إمّي جاي اليوم قلّك "يا إمّي أنا تعبانة وخايفة من الجايه"
إنتِ متلي إمّ وبعرف إنك حاسّي فييِّ. يا إمّي شو صعب تكوني إمّ بالحرب، شو صعب تخبّي دمعتك قدام ولادك وتحاولي تكوني أمانن بوقت إنتِ مش حاسه فيه بالأمان... شو صعب يا إمّي تطّلعي بعيونن البريئة هي وعم تحاول تغفى وتسألك "ماما رح يضربوا الليلة؟ "... شو صعب يا إمّي تواكبي درسن وتخلصي شغلك خلف الشاشة وراسن وراسك مشتّت بمية سؤال وسؤال... يا إمّي شو صعبة تغمريون وتحسّي بقلبن الصغير لعم يحمل فوق قدرتو بكتير... يا إمّي أنا مش خايفة ع حالي خايفة علين! خايفة قصّر معن، بس أوقات بحسّ جسمي مشلول ومبنّج رافض يعمل أي شي...
هيدا لعم بحسّو يا إمّي ‼️بس بتعرفي يا عدرا، ع أدّ ما أنا خايفة، ع أدّ ما عندي ثقة إنو سفينتي بإيد بيّ رحوم ومحبّ، بإيد بييِّ السماوي هو لقلّي "لن أتركك ولن أهملك". صليلي يا إمّي، صلّي للبنان، للعالم كلّو، لعيالنا ولأطفالنا حتى يخلص هالكابوس. بوعدك رح حاول أعمل لعليَّ، رح قدّم للرب كل يوم هال ٥ إرغفة وسمكتين، بعرف قلال بس بعرف كمان بإيد الرب رح يفيضوا ويطعموا كتير. رح إنتبه ع حالي حتى يكونوا ولادي مناح، رح إبتسم، رح كون نور، رح نقّي كلماتي ليكونوا للبنيان، رح إحترم إنسانيتي، رح إقبل عيش مشاعري وما إهرب منها، رح صلّي ورح طمّن ولادي إنو سفينتنا بقيادة أعظم بحّار بالعالم وأدّ ما تعصف الريح أنا وعيلتي بحمايتو🙏رح علّي صوتي وقول مع المزمور ١٠:٩١ "لأنك قلت أنت يا رب ملجأي. جعلت العليَّ مسكنك. لا يلاقيك شرّ ولا تدنو ضربة من خيمتك" 🙏
#يارب #السلام #امنحنا #السلام
#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

06/03/2026

خلّينا نتكاتف ونوقف حد بعض مش ضد بعض ونحمل سلاح واحد سلاح المحبة لنكون رسل محبة وتلاميذ للرب لقلنا ""قَدْ كَلَّمْتُكُمْ بِهَذَا لِيَكُونَ لَكُمْ فِيَّ سَلاَمٌ. فِي الْعَالَمِ سَيَكُونُ لَكُمْ ضِيقٌ، وَلكِنْ ثِقُوا: أَنَا قَدْ غَلَبْتُ الْعَالَمَ»." (يو 16: 33).
الكل بيستحق الأمان من دون أي استثناء. انتبهوا ع خطابكم، انتبهوا ع غضبكم وخلّي غضب مقدّس مبني على وعي مش كراهية"لِيَكُنْ كَلَامُكُمْ كُلَّ حِينٍ بِنِعْمَةٍ، مُصْلَحًا بِمِلْحٍ، لِتَعْلَمُوا كَيْفَ يَجِبُ أَنْ تُجَاوِبُوا كُلَّ وَاحِدٍ." (كو 4: 6).
الحب بيبني والحقد بدمّر.... ما بدنا حرب.... بدنا السلام... سلامك يا رب 🙏
🙏يا رب بهالأزمنة الصعبة عطينا نكون صورتك الحلوة بقلب هالفوضى وهالدمار 🙏

#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

06/03/2026

📍وكبرنا بليلة ١٠٠ سنة! هيدا مش بس خطاب المغتربين... هيدا خطابنا بقلب بلدنا لصرنا فيه مغرّبين ونازحين😓...
هيدي صرختنا وإيدنا لعم ترجف بعد كل ضربة منشوفا وصوت منسمعو... بعد كل ليلة عم نكبر فيا ١٠٠ سنة...
ماما وينكن... بابا... خيي... إختي... وينن ؟ مناح؟ عم دقلكن ما حدا عم بردّ... أوعى طفّوا تلفوناتكن ... أوعى تشيلو ل last seen عالواتساب... ردّوا عليي بسرعة...
🙏يا رب وحدك لبتعرف كل شي وع قد ما خوفنا كبير ثقتنا فيك أكبر🙏 وبقوتك يا رب رح تقطع... اليوم صعبة بس رح تقطع!وحدك يا رب حمايتنا🙏

#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

05/03/2026

تأخر يا شتي..... الليلة في وجع كتييير... في أطفال وعجزة فارشين الطرقات.... 💔
#يارب
#من #أجل #السلام #نصلي #من #أجلك #يا #لبنان

05/03/2026

💔 لأ‼️ نحنا مش بخير... 💔
يا رب 🙏 نحنا بحمايتك🙏 وحدك إنت سلامنا🙏

#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

يا أبانا السماوي، إنّنا نستودعُكَ لبنان، شعبَهٌ وأهلَهُ، أمنَهُ وأمانَهُ، ليلَهُ ونهارَهُ، أرضَهُ وسماءَهُ، فاحفظهُ يا ربَّنا من كلِّ سوءٍ ومكروه.
يا أبانا إنٌنا نستودعُكَ رجالَ ونساءَ لبنان، شبابَهُ وأطفالَهُ وجيشَهُ.
يا من لا ينعَس لا ينام.
منصلّيلَك بإسِم الربّ يسوع المسيح.
🙏🏻🙏🏻آمين 🙏🏻🙏🏻

Let’s unite and stand strong together, hand in hand for the sake of our beloved Lebanon and pray for peace and safety 🙏

04/03/2026

💔بقلب محروق، هيدي الصورة بتحكي عن واقع ولادنا بلبنان يلّي ما عم يعرفوا معنى الاستقرار‼️ أطفالنا اليوم عم يدفعوا تمن أزمات هنّي ما إلن يد فيها، وعم يعيشوا ظروف قاسية بتتلخص بـ:
📍طفولة مسروقة بين الحرب والنزوح: بدل ما تكون الشنطة للمدرسة، صارت "حقيبة إخلاء" عم يحملوها وهنّي هربانين من أصوات الغارات والانفجارات.
📍تعليم عن بعد:
-دماغ مشتّت مخطوف بمشاعر بتتأرجح بين الخوف ،القلق، التّعب، الحرمان والعجز...
-ليالي طويلة ما بتحمل غير الأرق والكوابيس والهلع وأصوات القذايف والصّواريخ المدوّية...
-سؤال بيتكرّر بمخيّلتن :"رح نموت؟ " شو رح يصير فينا ؟"
هيدا دماغ غير قادر على إنتاجيّة سليمة، هيدا دماغ أولى حاجاتو الأساسية الدّعم النفسي....‼️
📍أزمة اقتصادية عميقة: الانهيار المالي خلّى العائلات عاجزة عن تأمين أبسط مقوّمات الحياة.
📍صدمات نفسية صامتة: الرعب اليومي والضغوط المعيشية تركت بقلوبن خوف دائم وصدمات نفسية عميقة بتحتاج لسنين حتى تلملم جراحها.
أطفال لبنان مش بس عم بيعيشوا أزمة، هنّي عم يواجهوا "تطبيع صامت للرعب" بانتظار أمل ببكرا أحسن.
#يارب #السلام #أعطنا #السلام
#يارب #تحمي #أطفالنا #و #أطفال #العالم #أجمع
#من #أجل #لبنان #نصلي
#وطننا #أمانة #يارب #احمي #لبنان #وامنح #العالم #السلام
#كفانا #حروب #كفانا #دمار
#الله #يحمي #الجميع

Let’s unite and stand strong together, hand in hand for the sake of our beloved Lebanon and pray for peace and safety 🙏

Address

Beirut

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 13:00

Telephone

03538592

Website

facebook.com

Alerts

Be the first to know and let us send you an email when Dr Chantal Saade Khalil posts news and promotions. Your email address will not be used for any other purpose, and you can unsubscribe at any time.