Bayan Diet Clinic

23/10/2021

🌹 لهلأ ما في سبب واضح للإصابة بمرض الباركنسون، بس في بعض العوامل اللي بتساعد على حدوثه متل:
▪️موت بعض الخلايا العصبية الموجودة بالدماغ والمسؤولة عن إنتاج مادة الدوبامين
▪️الدوبامين هي عبارة عن مادة كيميائية موجودة بشكل طبيعي بجسم الإنسان ومسؤولة عن إرسال الإشارات بين الجسم والدماغ، وإلها دور بالتحكم بالحركات اللي بقوم فيها الشخص، بالإضافة للإستجابات العاطفية
▪️بزيد خطر الإصابة بالمرض مع التقدم بالعمر
▪️عامل الوراثة بيلعب كمان دور وإصابة أشخاص من العيلة بهيدا المرض
▪️بتزيد نسبة الإصابة بالمرض عند الرجال أكتر من السيدات
▪️التعرض للسموم متل مبيدات الأعشاب والحشرات كمان بتزيد من خطر الإصابة بالمرض

أما بالنسبة لطرق الوقاية منه خاصة للأشخاص اللي عندهم مرضى باركنسون بالعيلة:
▪️ تجنب التعرض المستمر للمواد الكيميائية
▪️تناول أغذية غنية بمضادات الأكسدة متل الفاكهة والخضار: التوت، الفريز، السبانخ...
▪️إضافة مصادر أوميجا ٣ لطعامكم متل السمك الطازج، البيض، الجوز...
▪️ تجنب الاستعمال المتكرر لزيت الطبخ أو القلي
▪️ممارسة الرياضة بانتظام

رح نحكي كمان ببوست لاحق عن نصائح غذائية للأشخاص المصابين بمرض الباركنسون وكيفية التعايش مع هالمرض 🌹

19/10/2021

تُعتبر تغذية الأطفال والرضّع في أول عامين من الحياة عاملاً حاسمًا في نمو كلّ طفل.
لنعمل معًا على تعزيز أهمية التغذية المثلى، والمطالبة بها، أثناء الحمل والرضاعة والطفولة المبكرة لضمان حصول كل طفل على أنظمة غذائية يحتاج إليها في كل لحظة من حياته، تكون آمنة ومغذّية، ومستدامة، وبأسعار معقولة، لتحقيق إمكانات الطفل الكاملة.


Children and infant's nutrition in the first 2 years of life is a crucial factor in a child’s development.
Let us work together to advocate and reinforce the importance of optimal nutrition during pregnancy, infancy and early childhood to ensure every child has the nutritious, safe, affordable and sustainable diets they need at every moment of life to meet their full potential

18/10/2021

من فوائد المشي يومياً:

✔ المشي بساعد على تقليل الوزن من خلال حرق السعرات الحرارية والتخلّص من الدهون المتراكمة بالجسم، كمان بحسّن عملية الهضم وبساعد على التخلّص من الترهّلات وشدّ عضلات الجسم.
✔ المشي كمان بساعد على المحافظة على صحّة الجهاز التنفسي بشكل عام وحماية القلب من الأمراض.
✔ بقلّل من نسبة التوتر والقلق، وبساعد على استرخاء الجسم والنوم بهدوء وعمق.
✔ المشي كمان بساهم بتحسين وظائف الدماغ وتنشيط الذاكرة، وبالتالي حماية الدماغ من الإصابة بالألزهايمر

18/10/2021

17/10/2021

سامعين عن مرض الباركنسون؟ أو بتعرفوا شخص مصاب بهيدا المرض؟ 🌹
مرض الباركنسون أو الشلل الرعاش هو مرض بصيب الجهاز العصبي وبأثر على الخلايا العصبية المنتجة لمادة الدوبامين بمنطقة الدماغ وبسبّب مجموعة من الأعراض أهمها رجفات لا إرادية لأجزاء معينة من الجسم، الحركة البطيئة، تيبّس بالعضلات، وخسارة تدريجية بالتحكم الحركي للجسم. عوارض أخرى ممكن يعاني منها مريض الباركنسون حسب مرحلة مرضه منها: الاكتئاب، القلق، مشكلات بالتوازن، مشاكل بالنوم، مشاكل بالذاكرة، ومشاكل أخرى منها فقدان الحركات التلقائية متل الإبتسامة، تغيرات بالكلام وتغيّرات بخط الكتابة.. وسنة ٢٠٠٥، تم اختيار وردة التوليب الحمرا رمز لهيدا المرض🌹
رح نحكي ببوست لاحق عن نصائح غذائية لهيدا المرض.. إذا بتعرفوا شخص مصاب بمرض الباركنسون أو حابين تعرفوا أكتر عن أسباب هالمرض، مضاعفاته، طرق للوقاية منه، وكيفية التعايش مع مرض الباركنسون حطّوا وردة حمرا بالتعليقات 🌹

07/10/2021

شهر التوعية بسرطان الثدي 🌸

22/09/2021

نصائح غذائية لمشاية الأربعين🏴

🚶🏻‍♀️ أثناء المشي:
▪️ الأشخاص بحاجة لأطعمة بتحتوي على سكريات سريعة بتعطي الجسم الطاقة متل الفواكه المجففة: تين أو مشمش أو تمر
▪️ الإكثار من شرب المي
▪️ تجنب المأكولات اللي بتحتوي على نسبة عالية من الألياف متل الخضار والفواكه لتجنب الاسهال أثناء المشي
▪️ تقليل كمية الملح بالطعام لتجنب تورم القدمين

💁🏻‍♀️ بعد المشي:
الجسم بحاجة لبروتين اللي مناخده من اللحوم، الدجاج، السمك، البيض، الألبان والأجبان.. والخضار والفاكهة اللي بتعطينا الفيتامينات والمعادن الضرورية للجسم

18/09/2021

هل صح نحرم حالنا من الإشيا اللّي منحبها حتى نخسر وزن؟ أكيد لا!❌

▪️الأهم إنّه نبني علاقة سليمة مع جسمنا ونستمع لمتطلّباته وناكل بإعتدال وما نحرم حالنا.. لأن الحرمان بيعمل ردة فعل عكسية وبخلّينا ناخد كميات كبيرة من الأطعمة بشراهة وهالشي بيرجع بولّد عنا الشعور بالذنب.. ومنضل علقانين بهالدوامة 🔄
▪️كمان من الضروري عدم تصنيف الأطعمة لأطعمة سيئة وأطعمة جيدة، بل الاستماع لمتطلبات جسمنا وناكل شو طالع عبالنا لحد الشعور بالاكتفاء والتوقف عند الشعور بالامتلاء والشبع 💁🏻‍♀️
▪️والأهم من الشعور بالشبع هو الشعور بالاستمتاع بالأكل، وبالتالي الشعور بالرضا والسعادة 💁🏻‍♀️
▪️لازم بنفس الوقت ننتبه إنّه ما نستخدم الأكل للتعامل مع مشاعرنا وعواطفنا يعني "ما نفشّ خلقنا بالأكل"😬 لأن هالشي ممكن يسبّبلنا عدة مشاكل منها مشاكل بالقلب، أو السكري، أو قلة ثقة بالنفس...

09/08/2021

بهالشوبات ما تنسوا تشربوا كميات كافية من المي خلال النهار 💦

شو العلامات اللّي بتدل إنّه مش عم ناخد كمية كافية من المي خلال نهارنا؟
▪️ أسهل علامة الشعور بالعطش.. على الرغم من إنّه هالشعور بديهي وواضح بس في كتير أشخاص ما بينتبهوا وبيختلط عليهم هالشعور مع شعور الجوع
▪️ في كمان علامات الجفاف الخفيفة: وجع الراس، الشعور بالتعب، جفاف الفم، الشعور بعدم الراحة مع رغبة بالتقيّؤ..

شو لازم نعمل؟💁🏻‍♀️
▪️ نستمع لجسمنا وننتبه للعلامات اللي بتبيّن إنّه جسمنا بحاجة للمي
▪️ نشرب كميات صغيرة متفرقة ومنتظمة على مدار النهار وما ننتظر الشعور بالعطش حتى نشرب مي ولا نشغل بالنا ونلزم حالنا بكمية مي محددة لازم نشربها خلال النهار
▪️ بأيام الشوب الكتير، لازم شرب كمية معقولة من السوائل مع الحفاظ على البرودة وحماية نفسنا من أشعة الشمس، وتجنب المجهود بأشوب الأوقات خلال النهار.. هيدي أبسط طريقة للبقاء بحالة جيدة.