Lighterstyle by Ghena Sandid

Lighterstyle by Ghena Sandid �Registered dietitian.
�Over 10 years of clinical experience
�Media dietitian. Email: ghena_sandid@hotmail.com.
� Beirut:01867486.
� Saida: 07751444.

29/12/2025

The takes you weren’t supposed to see

The best time of the yearWith the best treats Here s a quick look at your favorite holidays desserts and drinks … و ينعا...
25/12/2025

The best time of the year
With the best treats
Here s a quick look at your favorite holidays desserts and drinks …
و ينعاد عليكن بالصحة و العافية
شو اطيب شي عندكن ؟
و شو تعشيتو امبارح؟

23/12/2025

المشكلة مش بالجبنة
الجبنة فيها بروتين و غذاء منيح
المشكلة بالكميات و بالإضافات من فواكة مجففة مكسرات نية زيتون خبز عسل مربّى و توابعه
هاي لمحة عن الوحدات الحرارية ب ٣٠ غ جبنة :

Feta 80 kcal
Halloumi 95 kcal
Truffle Manchego 120 kcal
Smoked Mozzarella 85 kcal
Brie 100 kcal
Parmesan 125 kcal
Goat cheese (soft) 90 kcal
Gouda 110 kcal
Manchego 120 kcal
Mozzarella (regular) 85 kcal
Kashkaval 110 kcal
Cream cheese 105 kcal
Cheddar 120 kcal
Bulgarian cheese 90 kcal

شو اطيب نوع جبنة عندكن؟
و هل في حدا معنا على هالكوكب ما بيحب الجبنة؟

Cheese boards available all year long

19/12/2025

سامعين بالنفخة الطبيعية؟

مع انه مزبوط انه عدد الاشخاص الي بتعاني من مشاكل الجهاز الهضمي و النفخة عم يزيد سنوياً…

و انه العلم و الدراسات عم تربط صحة الامعاء بكثير أشياء مثل المناعة، الامراض المناعية، الاكتآب، الالتهاب، و حتى البدانة و غيرها كثير مشاكل صحية ثانية…

و انه مسببات النفخة عم تزيد من توتر لتعديل جيني بالأطعمة لإستخدام مواد حافظة و ملونات و و و …

و لكن كمان عم شوف مبالغة بهالموضوع… طبيعي الانسان يعمل نفخة بالنهاية هاي أمعاء و معدة مطاطين و بيتأثرو بمليون شي… الحرارة الطقس التوتر الهرمونات الدورة النوم الاكل….

يعني طبيعي الواحد ينفخ من وقت للثاني… نصيحتي الكن إختارو طبيب جهاز هضمي جيد و اطلبو منه تشخيص في حال كنتو شاكين بأي شي… و ما تشخصن حالكن انتو لان العلاجات و التوصيات الغذائية بتختلف…
و تذكرو انه هول الناس الي بتشوفوهم على الشرشابي ميديا بطنهن ملزق بضهرهن ٢٤/٢٤ بأغلب الاوقات بيفرجوكن احلى صورة او بيستخدمو تطبيقات بيعدّلو فيها عالصّور…
و صباحكن عسل 🍯

17/12/2025

شكلكن عم تحبّو فكرة السلطة بالمرطبان المحضرة قبل بوقت… و هي فعلاً طريقة سريعة بتوفر وقت و بتساعد بالالتزام…
وصفة اليوم:

1 tablespoon balsamic glaze
Juice of 1/2 lemon
1 tsp honey
1 tsp olive oil
Salt and pepper

1/2 cup cooked quinoa
1/2 cup cherry tomatoes
1/2 cup sliced cucumbers
100 g grilled halloumi
1 cup green leaves
4 walnuts
10 cranberries

شوفو شو عم فكر… عالسنة الجديد صير اعملكن وصفات أطباق رئيسية بهالطريقة شو رايكم؟

15/12/2025

مش كذب… الوقت بيقطع كثير بسرعة و فجأة بتلاقوهن كبرو…
لهيك استمتعو فيهن قد ما فيكن…
و هلق ساعدوني نقي outfit
From
At the spot mall saida …

12/12/2025

كثير بسمع ناس عم تتهجم على بعضها و على اخصائيين التغذية لما حدا يقول انه البروتين النباتي مصدر غذاء جيد خليني وضح كم نقطة:
١- البروتين الحيواني كامل بمعظم الاحيان صحّ… كامل يعني فيه كل الأحماض الامينية الأساسية التسعة
٢- البروتين الحيواني بأغلب الاحيان ما بيحتوي على الأحماض الامينية التسعة
٣- بس نحنا ما رح ناكل نوع بروتين نباتي واحد كل الحياة و كل النهار… يعني إذا بروتين نباتي فيه ٧ احماض امينية و الاثنين الناقصين موجودين بمصدر ثاني فينا ندمجهم
٤- علماً انه مش ضروري نكون عم ناخذ كل الأحماض الامينية بوجبة واحدة ما في مشكل إذا اخذناهن خلال النهار
٥- لما بدنا نعطي نصايح بدنا نكون عمليين و نعطي حلول… مش كل الناس فيها تاخذ مصادر بروتين حيوانية لكذا سبب، اسباب شخصية في ناس نباتية ، اسباب ذوقية في ناس ما بتحب الطعمة، اسباب اقتصادية مش كل الناس قدرتها تشتري بروتين حيواني بشكل يومي ، اسباب دينية في ناس بتوقف بروتين حيواني خلال فترة الصوم في ناس عندها تحسس او امراض بتمنعها تاكل اكل معين …

لهيك البروتين الحيواني مصدر غذاء جيد و إذا نقصنا فيتامينات معينة ممكن نأخذهن من مكملات مثل ال ب١٢ مثلاً…

و انتو خبروني بتفضلو البروتين الحيواني او النباتي؟

10/12/2025

انسولي البروتين و الالياف و المعادن و الفيتامينات و مضادات الأكسدة و الدهون الصحية …

و انسولي الملونات و المواد الحافظة و الدهون المشبعة و السكر و الملح و الدهون المتحولة و المثبتات و محسنات الطعم و و و

يا خيي أنا رح غض نظر عنهن هالمرّة
و اطلعو على الحجم بس…

لما الواحد يقول مش قادر يلتزم بنظام لان عم يضل جوعان واحدة من الاسباب هي الخيارات الغلط…
شو يعني؟

يعني لما انت معك هال ١٥٠٠ كالوريز تصرفهم و تروح نصهم على كم حبّة chips …
اكيد بدك تضل جوعان
منرجع منأكد و منذكر و منعيد و منزيد اكيد مش عم نقول هول الاشياء ممنوع تاكلو منها باي شكل من الأشكال ولا عم نعمل تخويف من الاكل و علاقة غير صحية مع الاكل
الي عم نقوله تصرفو مع جسمكم مثل كأنه مصروف بيت…
جوزك عطاكي ١٠٠٠$ (مبلغ افتراضي للناس الي بدها تنهار و تقلي مين بيطلع ١٠٠٠$ بالشهر)
انت بدك تنظمي حالك على هالأساس… شو اولوياتك كهرباء ماء اكل شرب طبابة… ما فيكي تصرفي ٧٠٠$ على لعبة للاولاد مثلاً او على فستان صح؟
نفس الشي مع الاكل خيارات ذكية بتشبع بتغذي و متوفرة…

هالفيديو اخذ كثيررررررر وقت تحضير و تصوير رغم بساطته و بعد عندي كثير افكار من هالموديل إذا حبّيتو خبروني بالتعليقات لنصير نعمل هيك أمثال اكثر …

06/12/2025

تخيّلو بلد نسبة زيادة الوزن فيها ٩٥٪؜
و نسبة البدانة ٧٥٪؜
و ثلث السّكان منصابين بالسّكري
و السبب؟
السبب هو قلّة الاراضي الزراعية و الدخل المحدود…
يعني الاكل المصنع الملون المليان سكر و دهون و صوديوم هو الأرخص…
لهيك انتبهو …
مزبوط في أشياء صحية اوقات بتكون غالية…
بس مش أغلى من صحتكن

و انتو شو رأيكم؟
انه ما عم نقول نروح و نشتري كل شي مفزلك و غالي بس اوقات كثير مننحط قدام خيارات بتكون أغلى و لكن أصحّ… و بهالحالة شو بتعملو؟

03/12/2025

أنا لو ما شايفة انه في مشكلة ما بعمل هيك فيديو… الي صاير بآخر فترة انه عم بيطلع قصص عم تلهي العالم عالفاضي…
١- مش عم نقول انه هالمعلومات كلها غلط، فيها الصحيح ، و فيها الغلط و فيها المبالغ فيه جداً
٢- النوايا مختلفة ، في المقتنع و في الي عم يخوف من شي ليسوق لشي ثاني و في الي عارف انه هيك مواضيع بتجيب مشاهدات و متابعين و في الي حافظ مش فاهم و في الي ناسخ …
٣- أنا اكيد مش عم قال من اهمية هالمواضيع و طبعاً الها تأثير على الصحة بس مع كامل احترامي للجميع الي اغلبهم صغار و متخرجين جديد بس نحنا صرلنا بالعيادات سنين أنا شخصياً ١٩ سنة و شايفين عشرات الاف الناس و بعدنا عم نشوف … صدقوني الناس بعدها ما عم تعمل نص الاساسيات يعني:
- نوم ٦-٨ ساعات بالليل و متواصل
- ⁠شرب ماء كفاية
- ⁠حركة يومية
- ⁠رياضة أسبوعية
- ⁠تركيز على مصادر بروتين و الياف
- ⁠اكل غني بالأغذية من فيتامينات معادن و مضادات اكسدة
- ⁠تركيز على غذاء لصحة الامعاء
- ⁠تخفيف التوتر و الاهتمام بالصحة النفسية
- ⁠الابتعاد عن الدخان و الارجيلة
- ⁠الابتعاد عن المشروبات السكرية

هول ١٠ نقاط… إذا بتعملو عالاقل ٧ منهن بشكل دائم بصير فيكن تفكرو بالتفاصيل الثانية…

و صدقوني إذا بتعملو اغلبهن اصلاً مناعتكم بتصير قوية و جهازكم العصبي و الهضمي بيقدرو يحاربو اكثرية المشاكل العتلانين همها…
و على طول بعطي المثل مثل التلميذ الي عم يحلّ الواجب الاكسترا قبل ما يعمل درسه الأساسي …اكيد رح يرسب…
معي حق؟

27/11/2025

موضوع الاكل الصحي مرتبط بشكل مباشر بقضية الوقت…
الي ما معه وقت بيطلب ديليفري
الي ما معه وقت بيقلي شي عالسريع
الي ما معه وقت بيلف ساندويش فيها شو ما كان
الي ما معه وقت بيلقمش كل النهار بدل ما ياكل وجبات صحية و بتشبع

لهيك جوابي على طول
خيارات ذكية و تنظيم مسبق و تحضير
- planning
- meal prepping
- ⁠smart choices

بهالفيديو فرجيتكن كيف بساعتين حضرت ٤ طبخات من العيار الثقيل بيكفو كل الاسبوع لان خططت و حضرت و اخترت صح
من .lebneniye بجيب المنتجات المثلجة بتحسوهن شغل بيت…
هالاسبوع استخدمت الورق عنب ، الكبة ، الشيش برك و بعد في كثير خيارات ، سمبوسك، ملفوف محشي ، سلق محشي….
شوربة و سلطة و صرتو جاهزين للاسبوع
و هلق خبروني الحقيقة بتلفّو ورق عنب و ملفوف و سلق ولا بتجيبوهن جاهزين؟؟؟
و مين فيكم بيطبخ قبل بكم يوم للأسبوع ؟

.lebneniye

Address

Verdun
Beirut
00961

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00

Telephone

+9611867486

Website

Alerts

Be the first to know and let us send you an email when Lighterstyle by Ghena Sandid posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Lighterstyle by Ghena Sandid:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category