What are the opening hours?

Monday 08:00 - 18:00 Tuesday 08:00 - 18:00 Wednesday 08:00 - 18:00 Thursday 08:00 - 18:00 Friday 08:00 - 18:00

https://www.facebook.com/750113701750296/

Lighterstyle by Ghena Sandid, Verdun, Beirut (2025)

07/11/2025

من افضل السناكات لوجع الضهر لإحتوائه على كمية منيحة من الماغنيسيوم و على فكرة هاي اكلة مظلومة…
- منخفضة بالوحدات الحرارية
- ⁠مليانة فيتامين A
- ⁠منخفضة بالدهون
- ⁠عالية بالالياف
- ⁠ممتاز للبشرة
- ⁠بيقوي المناعة
- ⁠فيتامين سي
- ⁠فيتامين E
- ⁠بوتاسيوم و شوية حديد
- ⁠مليانة مضادات اكسدة و بتساعد بتخفيف الالتهاب

انتو مش من فراغ بتحبو تفقّر بزر بالليل… بزر القطين مضاد التهاب، بيساعد على النوم، بيخفف من الاكتآب، و بيساعد على انتاج السيروتونين هرمون السعادة… و مليان غذاء
بس مداممممممممممم
١٥٠ وحدة حرارية بال ٣٠ غرام
و الحسّابة بتحسب دخيلك

مين بيستعمل اللقطين؟
و كيف؟
أنا ملكة شوربة اللقطين بلبنان و الدول المجاورة 🎃🎃🎃🎃

#لقطين #يقطين #صحة #غذاء #تغذية

05/11/2025

بيضلو يقولولك كول بروتين بس كمان بيقولولك:
- اللحمة الحمرا بتعمل سرطان
- ⁠الدجاج مليان هرمونات
- ⁠البيض بيعلي الكوليستيرول
- ⁠التون في زئبق
- ⁠البروتين النباتي مش مكتمل
- ⁠بودرة البروتين فيها معادن ثقيلة
- ⁠ألواح البروتين مليانة سكر
- ⁠الحليب و مشتقاته سم قاتل
- ⁠و التوفو و الصويا فيهن إستروجين و بيزيدو من الاصابة بالسرطان
- ⁠و الحبوب بيعملو نفخة

إنو من وين منجيب بروتين 🤦‍♀️🤦‍♀️🤦‍♀️
شو مناكل؟؟؟،
تما نفوت بسجال هالمعلومات
- معظمها غلط
- ⁠و إذ صح مبالغ فيها
- ⁠و في منها صح بس الكمية و المصدر و طريقة الاستهلاك بيعملو فرق

الحلّ:
ما تخافو… كلو من كل شي، نوعو بالمصادر … مرتين لحمة مرتين دجاج مرتين سمك مرتين حبوب مرة تون …
بيض مرتين ثلاثة، ألبان و أجبان مرتين ثلاثة و و و …
هيك بتكونو ما كثرتو من شي ،
استفدتو، اخذتو مغذيات مختلفة و كمية بروتين كافية🤷‍♀️🤷‍♀️🤷‍♀️

و مثل العادة القصة بالكمية و الاعتدال اهم شي…

شو مصدر البروتين المفضل عندكن؟

#بروتين #بيض #لحمة #دجاج #تون #سمك ⁩

02/11/2025

الوحدات الحرارية مهمة جدّاً ما اختلفنا و إذا ما كنتو بعجز بالوحدات الحرارية ما رح تخسرو وزن كمان ما اختلفنا … بس في نقطتين…

١- في غذاء، في فيتامينات و في معادن و في مضادات اكسدة … و في سموم، ملونات و مواد حافظة و مواد مسرطنة و هوا بيلعبو دور كثير مهم بالوزن و بالصحة بغض النظر عن الوحدات الحرارية

٢- الف و خمسمية وحدة حرارية بتختلف عن الف و خمسمية وحدة حرارية … يعني مزبوط إذا كنتو بعجز وحدات رح تضعفو بس صعب كثير تضاينو إذا الاكل ما في بروتين كفاية و الياف كفاية… و ما بدنا ننسى السكر و ارتفاع السكر بالدم و ارتفاع الأنسولين و تأثيرهم على الجوع و تخزين الدهون… و في كذا شغلة ثانية مثل انه الجسم بيصرف طاقة اكثر ليحرق بعض الاكلات… و احتباس الماء و بناء العضل و الهرمونات و و و

فيا جماعة الخير القصة مش ابيض او اسود…
الاكل الصحي افضل اكيد بس بضل بدنا ننتبه للكميات و الوحدات الحرارية… و لهيك رح يضل في ناس تزعل لما نقول كلو زيت زيتون باعتدال ما تكثرو فواكة ما تفلتو عالمكسرلت النية … و ناس بتنهار إذا قلنا كم وحدة حرارية في بالشوكولا و التشيبس كأن نحنا عم نقلهن عيشو على هالاكل…
٨٠/٢٠ الطريقة الأفضل
٨٠ ٪؜ من اكلنا يكون صحي و طبيعي و ٢٠٪؜ من كل تشتهي النّفس …

عم تبلّش توصل الفكرة؟
لأن أنا قرّبت على سنّ التقاعد و بعدني عم احكي 😂😂😂

#80/20

30/10/2025

⁨ طعمتها غريبة…
الناس الي بتحب الاكل الآسيوي، الصيني، السوشي رح تنغرم بهالسلطة:

- كوب رز مسلوق زيدو عليه ملعقة كبيرة زيت سمسم ، ملعة كبيرة معجون الحرّ، و ملعقة كبيرة صويا و عالفرن على حرارة ٢٠٠ لمدة ٤٠ دقيقة
- ⁠٢ خيار مقطع مكعبات
- ⁠ضمّة نعنع مفرومة
- ⁠كمشة كزبرة طازج
- ⁠كوب ملفوف احمر
- ⁠١ حر اخضر
- ⁠كوب edamame
- ⁠حبة افوكادو مقطعة
- ⁠٣ بصل اخضر
- ⁠١/٢ كوب فول سوداني محمص

للصلصة:
- ٣ ثوم مهروس
- ⁠١ حامض معصور
- ⁠٢ ملعقة كبيرة زيت السمسم
- ⁠٢ ملعقة كبيرة صويا
- ⁠ملعقة كبيرة سمسم و
- ⁠ملعقة كبيرة زبدة الفول السوداني

صدقوني وجبة كاملة متكاملة كثير طيبة ممكن تزيدولها دجاج او قريدس لبروتين زيادة و صحّة و هنا

على فكرة هالكمية ل ٤ اشخاص… بتطلع السلطة كلها ١٦٠٠ وحدة حرارية يعني ٤٠٠ وحدة حرارية للحصة الواحدة

⁩

29/10/2025

على فكرة هني ما عم يكذبو ولا بكلمة…
هني عم يستغلو كلمات بيعرفو انه بتعطي إيحاء انه الشغلة صحية او أخفّ و بيحطوها بالخطّ العريض بخلقتنا… مثلاً:
- بخاخ الزيت… بيحطو عليه صفر وحدات حرارية… بالربع ثانية و لكن البخاخ هو نفسه الزيت يعني بالمعلقة الصغيرة فيه ٤٥ وحدة حرارية فإذا بخّيتو منيح بيطلعو ملعقتين إذا مش اكثر…
- كلمة خالية من الدهون… فيها تكون فخّ لمليانة سكر… بتلاقي أشياء مثل بونبون او كورنفلكس او مارشميلو مكتوب عليه فات فري… و هو اصلاً ما لازم يكون فيه دهون و بيكون ملياننننن سكر…
- ⁠او كلمة خالية من الغلوتين… كمان في ناس بتفكرها انه مؤشر صحّي… بطاطا تشيبس مقلية بزيت شو خصّ الغلوتين فيها؟ و مش كل شي غلوتين فري صحي و مش كل انسان لازم يقطع الغلوتين اصلاً
- ⁠و عندك التشيبس الي على حبوب او خضرا… بيكون معمول من عدس او حمص او خضار… انتبهو في المقلي عادي يعني بدل ما يقلو بطاطا قلو جزر او كوسى و في الي معمول عالهوا (عاملة فيديو عن هالموضوع) المهم انه تقرو شو مكتوب بالمكونات … انه و إذا تشيبس حمص و غلوتين فري… ما ادا مقلي هي ذاتها مع شوية بروتين زيادة…
- ⁠و بدون سكر مضاف… هون الكارثة … بيكونو كاتبين بدون سكر مضاف و اول مكون شراب الجلوكوز الكارثي… و بأحسن الأحوال محلى بعسل، دبس، تمر، سكر جوز الهند… طب ما هول كلهن سكر، مضبوط مصنعين اقلّ و لكن بيتلو معدل السكر بالدم مثل السكر العادي و ممكن مريض سكري يقرأ كلمة بدون سكر مضاف و ما ينتبه … و بالوحدات الحرارية هي ذاتها… عن جديد ما عم نقول السكر احسن من الدبس بس أقرو المكونات لتعرفو قديش فيكن تاكلو…
- ⁠و عندك قمّة الخداع هي نفس المنتج، شي عادي و شي لايت و الفرق بالوحدات و الدهون لااااااا يذكر… شي بسكوت و شي جبنة و شي مبيض قهوة و شي شوكولا …

شو المعلومة الي كنتو بتعرفوها اصلاً؟

_scams

27/10/2025

الكرياتين…
أنا واحدة ما بتحب المكملات بشكل عام و خصوصاً الطريقة العشوائية الي الناس بتاخذها فيها و المبالغة بوصف الفوائد…

لما قلكن عن مكمل انه الأفضل او من الأفضل يعني دارسة الموضوع منيح…
الكرياتين :

- آمن
- ⁠أكثر مكمل انعمل عليه دراسات لليوم
- ⁠فينا ناخذه بشكل يومي
- ⁠من ٣ إلى ٥ غرام يومياً
- ⁠اي وقت خلال النهار
- ⁠بيساعد على بناء العضل
- ⁠مش هرمون ولا ستيرويد ولا بيؤثر على هرمونات الذكورة ولا بيعمل عقم ولا بيؤذي الكلى عند الناس الأصحّاء… هيدا كله حكي فاضي
- ⁠هو اصلاً موجود بكثير من الاكلات لحمة دجاج سمك و مادة بيصنعها الجسم
- ⁠للنساء بحاجة الها اكثر من الرجال
- ⁠بيعدل المزاج ، بيغذي الدماغ ، بيغذي العضل، بيحسن عمل و نمو العضل كمان،
- افضل نوع creatine monohydrate
- ⁠فينا ناخذه حتى لو ما منتمرن

مين بياخذ كرياتين؟
حسّيتو بالفرق؟

#كرياتين #صحة #رياضة #تغذية

25/10/2025

قلت بلحقكن قبل ما يخلص الموسم و قبل ما يبلش البرد الحقيقي و العواصف و الزمهرير و تخرج الامور عن السيطرة…
مراجعة منهج:
- ملعقة كبيرة زيت زيتون= ١٣٥ وحدة
- ١٠ حبات زيتون اخضر وسط= ٧٠ وحدة حرارية
- ⁠١٠ حبات زيتون اسود وسط= ١٠٠ وحدة حرارية
- ⁠١ مكدوس وسط = ١٢٠ وحدة حرارية
- ⁠ملعقة كشك كبيرة بودرة= ٤٠ وحدة حرارية
- ⁠١/٢ كوب كشك مطبوخ = ١٠٠ وحدة حرارية
- ⁠ملعقة كبيرة مربى الفريز = ٦٠ وحدة حرارية
- ⁠ملعقة كبيرة دبس خرّوب= ٧٠ وحدة حرارية
- ⁠ملعقة كبيرة شنكليش= ٩٠ وحدة حرارية

كلهن صحيين، و كلهن مفيدين، و ما في اي مشكلة فيهن بس انتبهو على الكميات الي عم تأكلوها…

#مكدوس #كشك #زيتون #شنكليش #دبس #مربى

24/10/2025

لو ما بشوف هالموضوع كثير عم يتكرر ما كنت عملت عنه فيديو طويل عريض…
كثار من الناس الي بيعانو من الوزن الزايد او من الامراض المزمنة (سكري، ضغط، كوليسترول…) بيعتقدو انه لانن عم يحضرو الاكل بالبيت حلو او مالح يعني صار صحي و فيهن ياكلو منه بدون لا حسيب ولا رقيب…
مثل ما قلت طبعاً الحلو بالبيت فينا نتحكم فيه بالكميات ، يعني لو عم نحط سكر نعمل سكره خفيف …
فينا نتحكم بالنوعيات… يعني نبدل السكر بعسل، دبس، تمر او محليات صحية….
فينا نزيد القيمة الغذائية ، يعني الياف اكثر، فيتامينات معادن اكثر… مواد مصنعة اقلّ… و سلامة غذائية و نضافة اكثر… بس حتى مع كل هالمعطيات… بيضل الحلو حلو و لازم ما نستهلكه بكثرة…
بعرف في ناس رح تزعل بس مثل ما قلتلكم… بشوف ناس مش عارفة الفرق و هالشي عم يؤذي صحتها…
بشرفكن مين امه هيك؟
مقتنعة انه الكنافة المعمولة بالبيت صحية و فينا ناكل قد ما بدنا منها؟
و انه الكيك البيتي كمان معفى من الضرايب ؟

22/10/2025

Healthy pancake recipe:

- 2 eggs
- ⁠1/2 cup oats (I use the ones from equia)
- ⁠1/2 cup flour , it can be all purpose or gluten free (also used the equia brand from )
- ⁠3/4 cup of liquid milk
- ⁠1 tsp vanilla
- ⁠1 tsp baking powder
- ⁠sweeten with honey or any sweetener of ur choice

Mix the batter in a food processor
Let it rest for a while
Then shape into the size u want and cook for few minutes on both sides

I usually make them into little small circles so I can fit them into their lunchboxes, always good served with healthy chocolate spread or berries maple syrup or extra honey

و الف صحة و هنا

19/10/2025

على فكرة هالفيديو مش هجوم على الماركات و الشركات لان صدقو الي عم يعملوه قانوني ١٠٠/١٠٠

خليني فسرلكن…
إذا كتبو انه الرغيف بيحتوي على ٧ وحدات حرارية بالخط الكبير و تحتها بالصغير الصغير الصغير كتبو “من الدّهون” …
او مثلاً كيس تشيبس مكتوب عليه ٧٠ وحدة حرارية … مكتوبي باللون الواضح بس تحتها باللون الفااااااتح كاتبين بالحصّة… و عالقفى كاتبين شو الحصة و كم حصة فيه الكيس…

يعني هنّي ما عم يكذبو…
بس نحنا ما قرينا مزبوط…
و عقلنا مبرمج انه يصدق الأشياء الحلوة… حتى لو كانت مش منطقية…
لهيك أنا “مفسدة البهجة” تضرب من جديد… و عم قلكن استعملو المنطق.
مش منطق نهائي انه يكون رغيف خبز فيه ٧ وحدات حرارية لو مصنوع من فلّين.
يجدر الإشارة الي انه في غياب للرقابة بهالموضوع… المشاريع الصغيرة الي بتعمل اكل صحّي او حتى الماركات المحلية ممكن يصير عندها غلط…
قلت ممكن… هلق مقصود مش مقصود ما بعرف… و لهيك منرجع للمنطق… يعني مثلاً قطعة معمول بتمر وزنها مثلاً ١٥٠ غرام مش معقول تكون ٧٠ وحدة حرارية 🤷‍♀️🤷‍♀️🤷‍♀️ …

خلاصته في ناس ممكن تقلي مش عيشة هاي و مش معقول ضلّ عم اقرأ و احسب… اعتبروها لفتة نظر مش اكثر ولا أقلّ…

17/10/2025

لمحبّين الرزّ…
سجّلو عندكن:
- الزرنيخ، المعدن الثقيل المضرّ بالصحة موجود بالرزّ و بالرز الأسمر اكثر… إذا غسلتى الرز، نقعتوه ساعة، سلقتوه ١٠ دقايق بماء زيادة صفّيتوه و رجعتو طبختوه بتكونو تخلّصتو من معظم الزرنيخ…
- ⁠الرز إذا تبرّد ما بيصير بيضعّف اكيد و وحداته الحرارية بتضلّ مثل ما هي و لكن الطبخ و بعدين التبريد قبل الاستخدام بيزيد من النشويات المقاومة و بالتالي بيشبع وقت اطول و بيرفع الأنسولين بيشكل ابطء…
- ⁠اما موضوع السلامة الغذائية فكمان في مفاهيم خاطئة كثير… بعد ما تطبخو. الرز فيكن تخلو برّا البراد ساعة، بعد ما يبرد بتحطوه بعلبة مسكرة و عالبرّاد بيضاين ٣ ساعات و لما بدكن تستخدموه سخّنوه مرّة واحدة و سخّنوه منيح …

مين بيحبّ الرزّ؟
شو اطبب نوع رزّ عندكن؟
و بتسخّنو الرزّ او لا؟

#رز #زرنيخ

16/10/2025

ما في اطيب من زيت الزيتون و احلى من موسم زيت الزيتون و ريحة اول عصرة و طعمة اول لقمة و ما في افيد من هالشجرة المذكورة بالكتب السماوية بسسسسسسسس
انتبهو على وحداتكم الحرارية
كثار الناس الي هلق بموسم الزيت الطازج و الزيتون و المونة بتنسى حالها و بيزيد وزنها …

مين هيك؟

#مكدوس #مونة #زيتون #مربّى #كشك

Lighterstyle by Ghena Sandid

07/11/2025

05/11/2025

02/11/2025

30/10/2025

29/10/2025

27/10/2025

25/10/2025

24/10/2025

22/10/2025

19/10/2025

17/10/2025

16/10/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 18:00
Tuesday	08:00 - 18:00
Wednesday	08:00 - 18:00
Thursday	08:00 - 18:00
Friday	08:00 - 18:00