Go Natural By Jinane Atchane

01/02/2026

بوقتنا الحالي صار كتير في مبالغة بالصوصات المضافة على الاطباق المالحة والحلوة بشكل انه صار مصدر عالي للسعرات وللمضار الصحية بسبب النوعية الرديئة
انتبهوا! اطلبوا صوص خفيف او غيروا الوجبة لوجبة حقيقية اكتر

#الأطفال

26/01/2026

إذا كل مرّة بتاكلي حلويات وبيصير معِك هالمشهد:

بتتخبّي تاكلي بالسر…
بتاكلي بسرعة…
ما بتقدري توقفي غير لما تخلص العلبة وانت مش جعانة وحتى ما عبالك..ومباشرة بتحسّي بعدها بعذاب الضمير والندم
وبعد كم ساعة بترجعي بتفتشي على أكل من تاني وجديد …

!المشكلة مش بالحلويات
!والمشكلة مش بقوّة إرادتِك
!وما في ولا دايت بيحلّ هالقصة

المشكلة هي علاقتِك مع الأكل والأكل العاطفي

"لما نقسّم الأكل لـ “ممنوع” و “مسموح”
“بنصّح” و “بضعّف”
منولّد حرمان بعقلنا
والحرمان غالبًا بينتهي بشراهة

الحل مش إنّك تحرمي حالِك
ولا الحل انك تجوعي حالك
ولا إنّك تستسلمي للأكل بلا وعي

الحل إنّك تتعلّمي تاكلي بوعي
تفهمي إمتى جسمِك جوعان جوع حقيقي
وإمتى عم تاكلي لأنّك معصبة، متضايقة، زهقانة، أو تعبانة نفسيًا.

! الأكل_العاطفي ما بينحلّ بدايت أبدا #
بينحلّ لما نشتغل على أفكارنا عن الأكل
وعلى مشاعرنا
ونبنّي علاقة صحّية ومتوازنة مع الحلويات ومع كل الأكل

هيدي المُعضلة شائعة جدا بين الناس وللاسف الدايت يزيد المشكلة سوء # ...

شاركوا هالبوست مع حدن عن جد بحاجة يقرأ هالكلمتين ❤️

18/01/2026

🧅 ‏شوربة #البصل للسعال الرطب وكثرة #البلغم

وصفة بسيطة من الطبّ القديم – سهلة التطبيق

اولاً، لنتعرف على البصل: البصل حار يابس

فائدته:
* يساعد على تحليل البلغم
* يخفف ثِقَل الصدر
* يسهّل إخراج البلغم بالسعال
* مُفتح مُسخن مُلطف للفضول الغليظة، ومقطع للأخلاط اللزجة التي تجتمع في الصدر والرئة.

متى تُستعمل؟

عند السعال الرطب البارد ، ثِقَل الصدر، وكثرة البلغم الأبيض أو اللزج.

طريقة التحضير :

- بصلة واحدة صغيرة وقطّعها.
- ضعها في قدر مع ماء فقط.
- اتركها تغلي عدة دقائق.
- انزع قطع البصل واشرب المرق فقط وهو دافئ.
- يمكن إضافة القليل من المسكة أو من الزعتر.
- يمكن إضافة السمن البقري أو زيت اللوز الحلو لمزيد ترطب

هذه الطريقة مأخوذة من كلام الأطباء القدماء الذين ذكروا أن البصل إذا سُلِق صَلُحَ للسعال وخشونة الصدر.

‏• ملاحظة مهمة: البصل لا يناسب المحررين أي من مزاجهم حار

14/01/2026

مع الإصابة ب #الإنفلونزا، غالبًا بترتفع حرارة الجسم بسبب الحُمّى .
وفي كتير ناس، خصوصًا مع #الأطفال، ما بتحب تكتر من خافضات الحرارة متل الباراسيتامول، فبيسألوا:

في طريقة طبيعية وآمنة بتساعد الجسم لتخفيف الحمى؟

الجواب: نعم. من حبوب الشعير منقدر نحضر دواء وغذاء وداعم للجسم خلال المرض بالوقت نفسه.

كيف؟

"ماء الشعير" خيار طبيعي لتخفيض الحرارة المرتفعة ومعروف من زمان.

حتى لو توقف المريض عن تناول الطعام بسبب المرض، ماء الشعير بيضمنله الحفاظ على القوة من الانهيار.

أجود أنواع الشعير هو الأبيض والحديث، ولتحضير ماء الشعير منفضّل الشعير المقشور.

طريقة التحضير:
كوب شعير مقشور، منغليه مع 10–12 كوب ماء عذب على نار وسط لهادئة، لحتى تتفتح حبات الشعير.
خلال الغلي منتخلص من الرغوة الي بتطلع، وبالأخير منصفّي المي ومنكون حضّرنا .

غالبًا منقدّمه للمريض لوحده أو مع بابونج أو شُمر بحسب الحالة، وبينشرب أكتر من مرة بالنهار حسب الحاجة.

كتير ناس جرّبوا هالطريقة واستفادوا منها.

شارِكوا المنشور مع اللي ممكن يستفيد 🌿

وإذا حابين تعرفوا أكتر عن فوائد ماء الشعير، اكتبولي بالتعليقات 👇

08/01/2026

كيف نتجنب موجة ال H3N2 وغيرها من انواع الرشح و #النزلات؟

الوقاية عبارة عن خطوات بسيطة، ولكن مفعولها كبير إذا التزمنا فيها.

كالعادة نتناول الموضوع من منظار المعروف ب .

✔️ الأساس هو حماية الرأس، وخصوصًا بعد الحمّام، #النوم، الرياضة، وتجنُّب التعرّض للهواء البارد، خاصةً عند الأطفال وكبار السن.
ولا ننسى تغطية الرأس، وخصوصا إذا كنت بتسوق موتو.

✔️ تجنّب التعرّض المفاجئ للبرد.
مثلًا، عدّل حرارة هواء الحمّام تدريجيًا قبل الخروج منه، حتى لا تتعرّض للهواء البارد وتصاب بالزكام.

بيذكر بتذكرته:
«أكثر النزلات تحدث بعد الحمّام إذا تعرّض الرأس للبرد».

✔️ حاول أن لا تنام بأماكن فيها رطوبة أو #عفونة، فهذه العوامل تضعف الجسم وبتزيد إفراز #البلغم وتسهّل الاصابة بالمرض.

✔️ تقوية الهضم، وتجنُب الإكثار من الأكل والشرب قبل النوم.

✔️ إذا كنت صاحب مزاج بارد، وخصوصًا البلغمي، يُفضَّل تجنّب الأطعمة والأشربة الباردة والرطبة، متل: الألبان، الأجبان، اللبن، الخس، الكوسا، الخيار، ملوخية، السمك، والبرتقال.

✔️ امتنع عن شرب الماء البارد والمثلّجات.
ويقول الأنطاكي:
«وأضرّ شيء على المزكوم شرب البارد، فإنه يزيد المادة».

✔️ ابتعد عن المقالي... فالبطاطا المقلية، الإسكالوب المقلي، الكريسبي المقلي، والـ chips ليس الخيار مناسب بهذه الحالة.

✔️ تبخّير البيوت باللبان أو الحرمل يساعد على تنقية الجو من العفونة.

06/01/2026

استكمالا لموضوع الانفلونزا والرشح والنزلات وال H3N2 ... تابع معي بعض العلاجات 👇

بقول داوود الانطاكي في تذكرته: "الزكام إذا كان من برد ورطوبة، عولج بالمسخنات المحللة والمجففات مع حفظ الرأس"

القاعدة الرئيسية : العلاج بالضد، فعلاج المرض البلغمي بكون بالادوية الحارة اليابسة

بعض العلاجات:
الصيدلية الطبيعية المطلوب تكون بكل بيت:
- زهور البابونج والحبق
- الشمر
- الشونيز أو الحبة السوداء
- العسل الطبيعي الاصلي
- لبان الذكر
- المسكة
- سنامكي ( يؤخذ تحت اشراف طبيب!!)

* السمن البقري مع المسكة مناسبة جدا للسعال البارد الرطب دهنا
* استنشاق بخار البابونج والحبق
* مص لبان الذكر ينقي الصدر
* التبخير بلبان الذكر والحرمل ينقي الهوا من العفونات
* تحميص حبة البركة ووضعها في قطعة قماش رقيقة ويستنشق منها
* ماء فاتر مع العسل شربا
* إخراج الاخلاط البلغمية الفاسدة عبر اسهال السنامكي وتكون تحت اشراف طبيب

🛑ملاحظة جدا مهمة:
- "طبيعي" مش يعني آمن لكل الاجسام. اساسي مراعاة مزاج كل جسم
- لا بد من التفريق بين الزكام البارد والزكام الحار، لكل نوع منهما علاجه وتدبيره وتغذيته الخاص.
- لا تباشر أي علاج أو عشبة لا تعرفها من دون استشارة الطبيب المختص بأمزجة الأمراض أن كنت تريد ان تتعالج بشكل طبيعي
- غلبة خلط البلغم في الجسم يحتاج لعلاج كامل من تغذية وتغيير نمط الحياة من رياضة ونوم وهوا واستفراغات

إذا كان بدكم طريقة الوقاية اكتبولي بالتعليقات 👇

ما تنسوا تشاركوا البوست مع حدن مزكم ومرشح 🤧

05/01/2026

ليش ال grippe عم يطوّل عند كتير ناس بفصل الشتاء، ومش عم يتعافوا بل عم ينتكسوا؟

خليكم معي لخبركم السبب👇👇

بس خلينا نبلش بشوية تعريفات لنفهم الأساسيات

🍀 أول شي البلغم والمخاط تابعين لخلط البلغم (واحد من الاخلاط الاربعة الاساسية بالجسم) ومزاجه

🍀 تاني شي، خلط البلغم بيتولد من الأطعمة الباردة الرطبة وحتى الطقس والأدوية الباردة الرطبة بتأثر بشكل مباشر.

🍀 تالت شي:
شو هو الزكام والنزلة؟ وكيف منميّز بيناتهم؟
بالطبّ القديم، الزكام والنزلة بيصيروا لما الفضلات تنزل من الرأس.

🍀 الفرق بيناتهم بسيط وواضح:
إذا نزلت الفضلات عالمنخرين فمنسمّيها زكام
إذا نزلت عالحلق أو الصدر أو المعدة فمنسمّيها نزلة

🍀 التدبير الغذائي: شو الممنوعات الي بتولد البلغم؟
- الحليب ومشتقاته (لبنة ولبن وكريم فريش)
- الجبنة الرطبة متل الدوبل كريم
- السمك خاصة الكبير
- الفواكه الرطبة متل البطيخ والخوخ والبرتقال الحامض
- الميّ الباردة
- الحلويات الدسمة

🍀 أطعمة مفيدة:
* الحمص وميّة الحمص: مع كرفس وقرفة – بتنقّي الصدر من البلغم
* الثوم والبصل: بيفتحوا السدد وبيقطّعوا الأخلاط
* مرق الدجاج: مهم جدا
* العسل: غذاء ودواء، أساسي بهالحالات
* التين والزبيب خاصة اذا انعملوا متل syrup

🍃اذا بتحبوا نحكي عن بعض العلاجات المنزلية اتركولي بالتعليقات
وما تنسوا تعملوا share لحدن مرشح ومش عم يتعافى 🥹.

28/11/2025

هالصورة القاسية بتوجّع القلب قبل العين.

طفلة صغيرة، قاعدة عم "تقصّ" من جسمها كأنّه العيب فيها… مطالب منها “تتغيّر” لتشبِه صورة شافتها بمجلّة أو تعليق جارح سمعته من حدا.

وللأسف، هيك أفكار ما بتنولد مع الطفل، بل منزرعها فيه نحنا (كمجتمع، أهل، أقرباء، زملاء بالمدرسة) بكلمة، بضحكة ساخرة، بنظرة دونية، أو بمقارنة ما إلها معنى.

بشوف كتير من هالقصص بالعيادة.
أطفال ومراهقين حاملين وجع ما انحكى عنه، وآثار تنمّر محفورة جوّاتن: ، كره لجسمهن، خوف من المراية، محاولات قاسية “ليضعفوا”.
التنمّر على قولة د. مليسة رزق، ومش جزء عابر من “تربية الجيل الجديد”. التنمّر بدمر الانسان… وبيكبر مع الكبار قبل الصغار.

مسؤوليتنا نعلّمهن يثقوا بجسمهن قبل ما يحكموا عليه.
نعلّمهن إنو الصحّة مش شكل، وإنه الأجسام مش نسخ جاهزة من كتالوغ.

خلّونا ننتبه لكلماتنا… لأنه في طفل واحد برا يمكن ياخدها جدّ. جدّ لدرجة وجع.

أجسامنا بأحجامها نعمة من الخالق، فالشكر والامتنان عليها.

-----------------------------------
بعض المراجع الطبية:
Bucchianeri et al., 2021 – Journal of Adolescent Health
السخرية من الوزن مرتبطة بارتفاع اضطرابات الأكل، صورة جسم سلبية، وزيادة القلق والاكتئاب عند المراهقين.
PMID: 33461439

Puhl et al., 2017 – Preventive Medicine
دراسة طويلة الأمد تابعت المشاركين لـ 15 سنة، وأثبتت أن التنمّر على الوزن خلال المراهقة أنذرت بارتفاع السمنة وسلوكيات أكل مضطربة في سن البلوغ.
PMID: 28450124

Frontiers in Psychology, 2024 – Review on Weight Stigma
وصمة الوزن (Weight Stigma) تؤدي لتبنّي الشخص نظرة قاسية ومشوّهة تجاه جسمه، وترفع خطر اضطرابات الأكل، الاكتئاب، والانسحاب الاجتماعي.
DOI: 10.3389/fpsyg.2024.1356647

-----------------------------------
شاركوا البوست مع شخص عنده طفل عم بعاني
وأكيد فيكم تتواصلوا معي للمساعدة
#التنمر

16/10/2025

الطعام من نِعم الله على الإنسان وكم من جوعى في أيامنا هذه ☹️
أوكتوبر 19 هو اليوم العالي للغذاء🍉, حيث يسلط الضوء على أهمية #الطعام للانسان، فهو من الأمور الستة الضرورية للحياة.

ثم ان #الغذاء له دور أساسي في المنظومة العلاجية في حالة المرض، كما أن سوء التغذية والاختيار الخاطئ لنوعية الطعام وكميته قد تكون من الاسباب المباشرة لتدهور الحالة الصحية أو للوقوع في الأمراض.

فالنصيحة هي كالتالي:
- اتباع الطعام المناسب لأمزجة و #أخلاط اجسامكم
- اتباع السلوكيات و السليمة والمناسبة لحفظ #الصحة
- الاعتماد الاساسي على الطعام الحقيقي الطبيعي و #العضوي عند الامكان
- الابتعاد قدر المستطاع عن والغير طبيعي

اللهم أدم علينا نعمك ولا تحرمنا منها ❤️

07/10/2025

10/09/2025

ما بخبركم قديش كنت مضايقة على الطفل انا وعم عاينه خلال الجلسه 💔
قررت صور الفيديو مباشرة بعد خروجه من عندي وأظن واضح عليي الانزعاج.
بعدني ما عم بقدر افهم عقليه الناس الي بتوجه هيك عبارات لطفل من دون التفكير بالعواقب النفسيه والجسديه عليه
اذا عندكم مثل هيك قصص او رأي شاركونا بالتعليقات وهل تعرضتم انتم او اولادكم لمثل هذه المواقف؟

08/09/2025

؟ anyone بامية بزيت
هيدي الاكلة #اللبنانية التقليدية طيبة وسهلة التحضير
مزاجها بارد رطب بسبب #البامية والبندورة
مناسبة للاطباع الحارة
نحنا مناكلها مع خبز وشوية حامض
#أمزجة