Caremedz Pharmacy

03/10/2021

මී පැණි වල ගිල් වු සුදුළුණු වල විශ්මිත ගුණ..🍯 + 🧄 💫

මී පැණි වල ගිල්වු සුදු ළුණු කියන්නේ දිව්‍ය ඖෂධයක්.. නිදන්ගත රෝග මෙන්ම සිරුරේ බර අඩු කිරීමටත් විශ්මිත හැකියාවක් මෙහි තියනවා..

සුදු ළුණු ආහාර රසකාරකයක් විදියට විතරක්ම නෙමේ සෞඛය සම්පන්න ජීවිතයක් සඳහා අත්‍යවශ්‍යම ආහාර අතිරේකයක් ලෙස වැඩි වටිනාකමක් උසුලන ආහාරයක්..

ප්‍රතිශක්තීකරණ පද්ධතිය ශක්තිමත් කරමින් මිනිස් සිරුර විෂබීජ වලින් ආරක්ෂා කිරීම , antioxident වර්ධනය , සෞඛ්‍යමත් රුධිර සංසරණයක් ඇති කිරීම.. සුදු ළුණු වල ප්‍රධාන කාර්යයන්.. මීට අමතරව පහත සඳහන් වටිනා මෙහෙයන් සිදු කරනු ලබනවා.

🧄 සුදු ළුණු වල විටමින් A , B , K , O , Ca , Zn , ප්‍රෝටීන් සහ සිරුරට අවශ්‍ය තවත් පෝෂක බොහොමයක් අඩංගුයි.

🧄 සල්ෆර් අඩංගු බැවින් ප්‍රතිශක්තිය ඉහළ නංවයි..සිරුර ක්‍රියාශීලී කරයි.

🧄 සිරුරට අවශ්‍ය ප්‍රතිදේහ නිර්මාණයට දායක වේ.

🧄 රුධිරයේ අධික මේදය දහනය කරයි..ඉන් කොලෙස්ටරෝල් සහ රුධිර පීඩන අවදානම පහව යන අතර අධික ස්ථූලතාවයට ද පිළියමකි.

🧄 හෘදයාබාධ සහ හෘදයේ රුධිරය කැටි ගැසීම පාලනය කරයි.

🧄 අධික රුධිර පීඩනය සමනය කරන අතර අව රුධිර පීඩනය ඇති අයගේ රුධිර පීඩනය සාමාන්‍ය කරයි.

🧄 පිළිකා නාශක ගුණය ඇත.. සුදු ළුණු නිතර ආහාරයට එක් කරගැනීමෙන් සිරුරේ පිළිකා සෛල වර්ධනය නොවන බවයි පැවසෙන්නේ.

🧄 ප්‍රතිශක්තිකරණ පද්ධතිය ශක්තිමත් කරන අතර සිරුරට හිතකර ප්‍රතිජීවකයක් ලෙස ක්‍රියා කරයි.

🧄 රුධිරයේ සීනි මට්ටම පාලනය කරයි.

🧄 උණ , සෙම්ප්‍රතිශ්‍යාව , පාචනය , දියවැඩියා වැනි රෝග පාලනය සඳහා වැදගත් වේ.

🧄 සෙම් රෝග සඳහා ප්‍රතිකාරකයක් ද වෙනවා.. සුදු ළුෑණු penicilin වල අඩංගු ඖෂධීය ගුණයටම සමාන බවයි පැවසෙන්නේ.

🧄 අක්මාව සුවපත් කරයි.

🧄 ආහාර රුචිය වඩවයි.. කුසගින්න ඇති කරයි.

🧄 ආසාත්මිකතා පාලනය කරයි.

🧄 සමේ ඇතිවන දද , කුෂ්ට සුව කිරීමේ ගුණයක් ඇත.

🧄 ශරිර ශක්තිය වැඩි කරයි.

🤍 දැන් බලමු මී පැණි වල ගුණ මොනවද කියලා..

🍯 මී පැණි වල විටමින් B , C , Ca , Zn , K , Fe , තයමීන් , රයිබොෆ්ලෙවින් ආදී පෝෂක ගණනාවකින් හා ප්‍රතිඔක්සිකාරක ගුණයෙන්ද යුක්තයි.

🍯 අධික රුධිර පීඩනය සහ කොලෙස්ටරෝල් පාලනය කරයි.

🍯 හදවත ශක්තිමත් කරයි.

🍯 සිරුරේ බර අඩු කරයි.

🍯 ඇස් පෙනීම වර්ධනය කරයි.

🍯 මතක ශක්තිය වැඩි කරයි.

🍯 මනස සුවපත් කරයි.

🍯 සුව නින්දක් ලබාදේ.

🍯 සුව කිරීමට අපහසු තුවාල සුව කිරීමේ හැකියාවක් ඇත.

🍯 ආහාර ජීර්ණය පහසු කරයි.

🍯 මළබද්ධය දුරු කරයි.

🍯 සම පැහැපත් කර නිරෝගී කරයි.


♥️ දිනපතා උදෑසන හිස් බඩ මී පැණි තේ හැන්දක් පානය කිරීම දීර්ඝායුෂ ලැබීමට හේතු වන බව පැවසෙනවා.

🧄🍯 මී පැණි සුදු ළුණු ආහාරය සකසන ආකාරය..

🧄 මුලින්ම සුදු ළුණු බික් සුද්ද කර හොඳින් සෝදා ගන්න..මන්නම් සුදු එණු බික් දෙකට කපලා එහි අංකූර කොටස් අයින් කර ගත්තා..සෝදාගත් සූදු ළුණු බික් වල ජලය සම්පුණයෙන් ඉවත් වු පසු පිරිසිදු වියළි වීදුරු බෝතලයක් අරන් මී පැණි පොඩි ප්‍රමාණයක් එකතු කර එයට සුදු ළුණු බික් සියල්ල එකතු කර හොඳින් කලවම් කර බෝතලය වසා තබන්න..( මී පැණි හොඳ තත්වයේ එකක් වීම හරි වැදගත් ඉහත කී වාසි ලබන්න.)

සකස් කර ගමන් ආහාරයට ගන්න අමාරුයි.. සති දෙකක් තුනක් වගේ යනකොට මේකේ තියන මී පැණි වල උකු ගතිය නැති වෙලා වතුර ගතියක් ඇති වෙනවා..අන්න ඒ අවස්ථාව තමයි මෙය ආහාරයට ගන්න සුදුසුම වෙලාව..

සෑම දිනකම උදෑසන හිස් බඩ මෙයින් බික් එකක් ආහාරයට ගන්න..

මේ දිනවල covid - 19 තත්වයත් එක්ක අපි අපේ ප්‍රතිශක්තිකරණය හොඳ මට්ටමක තියාගන්න එක හරිම වැදගත්..

ඉතින් ඔයත් පහසුවෙන් සාදා ගන්න පුළුවන් මේ දිව්‍ය ඖෂධය රස විඳින ගමන් නිරෝගීව ඉන්න හැඩට ඉන්න..

✍️ මේනකා මදුශානි.
උපුටාගැනීමකි

09/07/2021

බඩවැල් ආශ්‍රිත බැක්ටීරියා විසින් ඇතිකරන හෘදයාබාධ (Heart Attack) ගැන ඔබ දැනුවත්ද?

ඔබ අසා ඇති පැරණි කියමනක්, මිනිසෙකුගේ හදවතට ළංවීමට ඇති හොඳම මග කුස හරහා බව. එය සරලව හිතුවත්, මෑත කාලීනව සිදුකර ඇති විවිධ වෛද්‍ය පර්යේෂණ හා ගවේෂණ අනුව සාධක සහිතව හඳුනාගෙන ඇත්තේ ඔබ ආහාරයට ගන්නා දේ පමණක් නොව එම ආහාර ආමාශ ගතවීමෙන් පසු බඩවැල් තුළ ඇති බැක්ටීරියා ක්‍රියාත්මක වීමෙන් නිපදවෙන අතුරු ප්‍රතිඵල හී අන්තර්ගත රසායනිකයන් ඔබේ හදවතේ සෞඛ්‍යයට දැඩි බලපෑමක් එල්ල කරන බවයි, හදවතට පමණක් නොව මෙම බැක්ටීරියා ක්‍රියාකරකම් ඔබේ ප්‍රතිශක්තීකරණ ක්‍රියාවලිය, ඔබේ මානසික තත්ත්වය ආදී බොහෝමයක් සඳහා බලපෑම් කරන බව මේ වන විට හඳුනාගෙන ඇත.

දැනට කරන ලද හා කරමින් පවතින පර්යේෂණ දත්ත ඇසුරින් නිරූපණය වී ඇත්තේ, ඔබේ අහාර ජීර්ණ පද්ධතියේ ඇති ට්‍රිලියන ගණනකට වඩා අධික බැක්ටීරියා හදවත ආශ්‍රිත රෝග හා සංකූලතා රැසකට හේතුවන බවයි. පොදුවේ ආමාශ ක්ෂුද්‍ර ජීවීන් (බැක්ටීරියා) ලෙස හඳුන්වන මෙය, ස්වභාවිකව බඩවැල් අභ්‍යන්තරයේ පවතින තත්ත්වයක් වන අතර එය ආහාර ජීර්ණය, ඇතැම් විටමින් වර්ග නිපදවීම, ආහාර වල ඇති අහිතකර කොටස් විනාශ කිරීම හා ඔබේ ප්‍රතිශක්තීකරණ පද්ධතිය ශක්තිමත් කිරීම ආදි නොයෙකුත් ක්‍රියාවලීන් සඳහා දායකත්වය සපයයි.

මෙම හිතකර දායකත්වයට අමතරව මෙම ක්ෂුද්‍ර ජීවී බැක්ටීරියාවන් අප ලබා ගන්නා ආහාර සමඟ ප්‍රතික්‍රියා කර හදවතේ ප්‍රධාන රුධිර ධමනීන් තුළ සංකූලතා ඇති කිරීම හා නාල සිහින් කිරීම වැනි අහිතකර තත්ත්වයන් ඇති කිරීමට හේතුවන බව මෑතකදී සොයාගෙන ඇත. මෙම නව දත්තයන්ට අනුව අප ආහාරයට ගන්නා සීනි, පිෂ්ඨය බහුල ආහාර, ක්ෂණික/සැකසූ ආහාර, ප්‍රෝටීන් අතිරේක, රතු මස්, බිත්තර කහ මද, කිරි ආහාර ආදී ආහාර වර්ග වල අඩංගු රසායනිකයන් සමඟ ප්‍රතික්‍රියා කරන මෙම බැක්ටීරියාවන් Trimethylamine oxide (TMA) නම් වූ විශේෂිත සංයෝජනයක් නිර්මාණය කෙරේ. මෙම රසායනික සංයෝජනය ආමාශය තුළදී Trimethylamine N-oxide (TMAO) නම්වූ රසායනික සංයෝජනයක් බවට පත් වී එය සිරුරේ පරිවෘත්තීය ක්‍රියාවලීන්ට මැදිහත් වී ප්‍රධාන ධමනි නාල වල කොලොස්ට්‍රෝල් තැන්පත් වීම, රුධිර නාලවල රුධිර කැටි හා ගැටිති ඇතිවීම, රුධිරය ඝණ වීම ආදී හෘද රෝග ඇතිවීමට මූලික වන හේතු ගණනාවකට මග පාදයි.

වැඩිදුර වෛද්‍ය පරීක්ෂණ ඔස්සේ තහවුරු වී ඇත්තේ TMAO රසායනික සංයෝජන මට්ටම අධික පුද්ගලයන් හෘදයාබාධ හා හෘදය ආශ්‍රිත විවිධ රෝගාබාධ වලට ගොදුරුවීමේ වැඩි අවදානමක් පවතින බවයි.අද වන විට මෙම ක්‍රමවේදය කල්තියා හෘදය ආශ්‍රිත සංකූලතා හඳුනාගැනීමේ වඩාත් නිර්වද්‍යම හා සඵලදායිම පරීක්ෂණයක් බවට ඔප්පු වී ඇත.

හෘද සෞඛ්‍යයට හිතකර ආහාර රටාවක් අනුගමනය කිරීම TMAO මට්ටම අවම කිරීමට උපකාරී වන බව හඳුනාගෙන ඇති අතර ඒ අනුව බහුල වශයෙන් සීනි, සැකසූ ආහාර හා රතු මස් ආහාරයට ගන්නා පුද්ගලයින්, ශාකමය ප්‍රෝටීන් බහුල එළවළු, පළතුරු හා ධාන්‍යමය ආහාර වෙත යොමු වීමට කටයුතු කිරීම වඩා වැදගත් වේ. මීට අමතර ඔබට සත්ත්ව ප්‍රෝටීන් ලබා ගැනීම වෙනුවෙන් සුපුරුදු පරිදි මාළු වර්ග හා කුකුල් මස් ආහාරයට එක් කරගත හැක. නමුත් ඔබේ දෛනික සීනි භාවිතය හැකි තරම් හෝ මුළුමනින්ම කපා හැරීමට උත්සහ කළ යුතුවේ. ශ්‍රී ලංකාව තුළ ඇති සම්පත් හා ඉඩකඩ බහුලත්වය මත ඕනෑම අයෙකුට තමන්ට හැකි පමණින් සිය ගෙවත්තේම පවුලට අවශ්‍ය කරන නැවුම්, එළවළු හා පලතුරු වගා කරගැනීම හා නැවුම් මාළු වර්ග ලබා ගැනීම ඉතා පහසු කටයුත්තක් වීම සතුටට කරුණකි. මෙසේ නිවැරදි හා සෞඛ්‍ය සම්පන්න ආහාර රටාවක් අනුගමනය කරන අතරතුරම දිනපතා ව්‍යායාම වල නිරත වෙමින් ක්‍රියාශීලී දිවියක් ගත කිරීමද එක හා සමානව වැදගත් බව යහපත් හෘද සෞඛ්‍යයක් පවත්වා ගැනීමට අපේක්ෂිත පුද්ගලයෙක් මතක තබාගත යුතුවේ!

25/06/2021

# # # #
#පිලියන්දල #මඩපාත #කැස්බෑව #

28/05/2021

පාරිභෝගික සේවාවන්, ඔන්ලයින් සේවාවන් සහ ඖෂධ ක්ෂේත්‍රයේ වැදගත් තොරතුරු දැනගැනීම සඳහා වට්සප් සහ ෆේස්බුක් හරහා අප සමග සම්බන්ධ වන්න

WhatsApp Group Invite

07/05/2021

12/03/2021

උගුරේ අපහසුතාවකදී ගන්න ඖෂධ ගැන දැනගනිමු................................................................

උගුරෙහි ඇතිවන අපහසුතාවකදී භාවිතා කල හැකි ඖෂධ වර්ග දෙකක් තිබේ. මෙම ඖශධ වර්ග දැනට වෙළඳපලේ ලොසින්ජර ආකාරයට (උදා:Strepsils, Cofsil, lorsept) අලෙවි කිරීමට ඇති අතර ඒවා වෛද්‍ය නිර්දේශයකින් තොරව ලබා ගැනීමට හැකියාව ඇත. මෙම ලොසින්ජර සතුව ක්‍රියාකාරී සංඝටක දෙකක් සමන්විත වේ. ඒවා නම්,
i) 2,4-Dichlorobenzyl Alcohol (1.2mg)
ii) Amylmetacresol (0.6mg)

මෙම ලිපිය මගින් ඉහත එක් එක් සංඝටක වල ක්‍රියාකාරීත්වය සලකා බලමු.

2,4-Dicholorobenzyl Alcohol යනු Benzyl alcohol කාණ්ඩයට අයත් වන සංයෝගයකි. මෙහි විෂබීජ මර්දක හෙවත් පූතිනාශක (antiseptic) ගුණ ඇත. මෙය වයිරස, බැක්ටීරියා වැනි රෝග කාරක වලට එරෙහිව ප්‍රතිචාර ඇති කරයි. මෙම ඖෂධය විශේෂයෙන්ම භාවිතා වන්නේ මුඛය හා උගුර ආශ්‍රිත වෛරස සහ බැක්ටීරියා මගින් ඇතිවන අපහසුතා මඟ හරවා ගැනීමටයි.

Dichlorobenzyl alcohol සහ Amylmetocresol යන සංයෝග දෙක එක් කර සාදන ලද ඖෂධ වලට සැලකිය යුතු තරම් වෛරස නාශක හැකියාවක් ඇත. නමුත් එහිදී විනාශ කරනු ලබන්නේ සාමාන්‍ය සෙම්ප්‍රතික්ශාව (common cold) වැනි තත්ත්වයකදී ආසාදනය වන සුළු වෛරස සංඛ්‍යාවක් පමණි. දරුණු වෛරස රෝග පාලනය කිරීම සඳහා මෙම ඖෂධ ප්‍රමාණවත් නොවේ.

සායනික පරීක්ෂණ මගින් තහවුරු කර ඇති ආකාරයට මෙම සංයෝග යොදා සාදන ලද ලොසින්ජර(Lozenger) මගින් උගුරෙහි ඇතිවන තුවාල හා ඒ ආශ්‍රිත වේදනාවන්, ආසාදන, විනාඩි පහක් ඇතුළත සමනය කර ගත හැකි වේ.

මෙය ගැනීමෙන් පසු ලොසින්ජරය තුළ ඇති සංයෝගය පිටතට නිදහස් වීමට විනාඩි 3-4 ක පමණ කාලයක් ගතවන බව පෙන්වා දී ඇත. ක්‍රියාකාරිත්වයෙන් පසු මෙය මුත්‍රා සමඟ පිට වේ.

මෙහි ක්‍රියාකාරිත්වය ආකාර දෙකකට සිදු වේ. එනම් ප්‍රති ශුද්‍ර ජීවී ක්‍රියාකාරිත්වය සහ ස්ථානීය නිර්වින්දක ක්‍රියාවලිය වේ. මෙහි ස්ථානය නිර්වින්දක ක්‍රියාවලියේ දී උගුරෙහි ඇතිවන වේදනාව කෙටි කලකට සමනය කර දෙන අතර ඒ නිසා ඇතිවන ගිලීමේ අපහසුතාවයද මගහැරේ. මෙහි ප්‍රතික්ශුද්‍ර ජීවී ක්‍රියාකාරිත්වය පිළිබඳ තවමත් සම්පූර්ණයෙන්ම අධ්‍යයනය කර නොමැති අතර වෛරස සහ බැක්ටීරියාවල ප්‍රෝටීන අස්වාභාවිකරණය කිරීම මගින් විනාශ කරන බවට අනුමාන කර ඇත.

Amylmetacresol සංයෝගයද බෙන්සීන් කාණ්ඩයට අයත් වේ. මෙහි ඇති ප්‍රතික්ශුද්‍ර ජීවී ක්‍රියාකාරීත්වය නිසා dichloro benzyl alcohol සමඟ සම්බන්ධ කරමින් ලොසින්ජර ආකාරයට නිපදවා, උගුරේ ආසාදන හා වේදනාවන් සමනය කිරීමට යොදා ගනී.
උදා: Strepsils

මේවා භාවිතා කිරීමේ දී ඇති වන්නේ ඉතාම සුළු අතුරු ආබාධ නිසා කිසිදු හානිකර අතුරු ආබාධයක් මේ වන තෙක් වාර්තා වී නැත. නමුත් නිතර නිතර භාවිතා කිරීමේ දී උගුරෙහි සහ ඛේටයෙහි සිටින හිතකර ක්ශුද්‍ර ජීවී ගහන විනාශ වීමට හැකියාව ඇති බැවින් එය පසුකාලීනව වෙනත් ගැටලු ඇතිවීමට හේතු වේ.

11/01/2021

ඖෂධ තොරතුරු පත්‍රිකාවක් නිවැරදිව කියවමු.
-------------------------------------------------------------

ඔසු සලකින් යම් ඖෂධයක් හෝ සිරප් වර්ගයක් මිලදී ගත්විට එම ඇසුරුම තුළ ඖෂධයට අමතරව දැකගත හැකි තවත් දෙයක් වන්නේ එම ඖෂධය පිළිබඳ ඇති තොරතුරු පත්‍රයයි. මෙය "Patient Information Leaflet" ලෙස හඳුන්වයි. ඕනෑම පුද්ගලයෙක් මෙය නිවැරදිව කියැවීමට සහ තේරුම් ගැනීමට දැන ගෙන සිටීම වැදගත් වේ. එමගින් ඔබට එම ඖෂධය පිළිබඳ මෙන්ම එහි ඇති යම් යම් වැදගත් කරුණු පිළිබඳව ද අවබෝධයක් ලබාගත හැක.

මෙය සකස් කර ඇත්තේ ඖෂධ අලෙවි කරන්නාගේ මෙන්ම ඖෂධ මිලදී ගන්නාගේ ද දැනුම පිණිසයි. ඔබ යම් දිගුකාලීන ඖෂධයක් ලබා ගන්නේ නම් ඔබට එම ඖෂධය පිළිබඳ දැන ගැනීමට අයිතිය ඇත. ඒ සඳහා මෙම patient information leaflet එකක් කියවීම වඩාත් ප්‍රමාණවත් වේ. ඔබට යම් කරුණක් දැන ගැනීමට අවශ්‍ය වූ විට, ඔබ ඖෂධ මිලදී ගන්නා ඖෂධවේදියාගේන් විමසීම හෝ මෙම තොරතුරු පත්‍රයක් ඉල්ලීම හෝ සිදු කළ හැක.

මෙම patient information leaflet හි අඩංගු සියලුම කරුණු මෑත කාලීනව අදාළ ඖෂධය පිළිබඳ වාර්තා වන තොරතුරු අනුව සකස් කර ඇති අතර, ඒ හා සම්බන්ධ ක්ෂේත්‍රයේ විශේෂඥයන් ගේ අධීක්ෂණය යටතේ කරුණු ගොනුකර සාදා ඇත. සෑම ඖෂධයක් සඳහාම, එම ඇසුරුම තුළ මෙවැනි තොරතුරු පත්‍රිකාවක් පවතී.

Patient Information Leaflet එකක අඩංගු මූලික කරුණු:-
1. Composition - සංයුතිය
2. Description, mechanism of action - හැඳින්වීම සහ ක්‍රියා කරන ආකාරය.
3. Indication - ඖෂධය භාවිතා කරන රෝග ආකාරය.
4. Dose and administration - මාත්‍රාව සහ ලබා ගන්නා ආකාරය.
5. Contraindication - ඖෂධය හානිකර වන හෝ භාවිත නොකළ යුතු අවස්ථා.
6. Adverse reactions / side-effects - හානිකර ප්‍රතික්‍රියා හා අතුරු ආබාධ
7. Interactions - වෙනත් ඖෂධ හා ආහාර සමඟ ඇති ප්‍රතික්‍රියා .
8. Storage conditions - ගබඩා කළ යුතු තත්ත්ව.

සෑම ඖෂධයක්ම ප්‍රධාන වශයෙන් නම් තුනක් භාවිතා කරයි. එනම්
1. Genaric Name - උදා:- paracetamol
2. Brand Name - උදා:- Panadol
3. Chemical Name - උදා :- acetyl aminophenol

මෙම නම් වර්ග තුන අතරින් බහුලවම භාවිතා වන්නේ generic name හා brand name යන නම් වර්ග දෙකයි. "Generic name" යනු ඖෂධයේ නාමය වන අතර "Brand Name" යනු එම ඖෂධය නිපදවන ආයතනය විසින් එම ඖෂධයට යොදන වෙළෙඳ නාමයයි. එකම ඖෂධය වෙළඳනාම කිහිපයකින්ම වෙළඳපොලේ පැවතිය හැක. එයට හේතුව එකම ඖෂධය විවිධ ආයතන විසින් විවිධ වෙළඳනාම යටතේ නිපදවීමයි.
උදා :- Panadol - පැරසිටමෝල්
Pacidol - පැරසිටමෝල්
Rapisol - පැරසිටමෝල්
Maxmol - පැරසිටමෝල්

ඔබ යම් ඖශධයක් මිලදී ගන්නා විට වඩාත් සැලකිලිමත් විය යුත්තේ එහි අඩංගු brand name එකට වඩා එහි ඖෂධ නාමය පිළිබඳවයි.

දැන් අප patient information leaflet එකක අඩංගු කරුණු පිළිබඳ එකින් එක විමසා බලමු.

Composition
----------------------
මෙහි අඩංගු වන්නේ පෙති වර්ගය හෝ කරල් වර්ගය හෝ syrup වර්ගය තුළ අඩංගු වන ඖෂධ වර්ගය හා එය අඩංගු වන ප්‍රමාණය පිළිබඳවයි. එනම් එක් පෙත්තක් තුළ අඩංගු වන ඖෂධයේ නම සහ එය අඩංගු වන මිලි ග්‍රෑම් ප්‍රමාණය මෙහි සඳහන් වේ.
උදා :- පැරසිටමෝල් මිලි ග්‍රෑම් 500
(එනම් ඔබ පැනඩෝල් පෙත්තක් මිලදී ගත්විට ඒ තුළ පැරසිටමෝල් යන ඖෂධයෙන් 500mgක් අඩංගු වන බව එයින් කියවේ.)

සමහර අවස්ථා වලදී ප්‍රධාන ඖෂධයට යටින් "Excipient" ලෙස සඳහන් වන අතර, එහි ඖෂධය හා සම්බන්ධ වෙනත් සංඝටක පිළිබඳ සඳහන් වේ.
උදා :- flavoring agents
colouring agent
මෙය සෑම විටම දැක ගැනීමට නොලැබෙන අතර එය ඖෂධයට එතරම් වැදගත් නොවේ.

Description/ mechanism of action
-------------------------------------------------------
මෙම කරුණු දෙක යටතේ බොහෝ දුරට සඳහන් කර ඇත්තේ ඖෂධයේ ක්‍රියාකාරිත්වය පිළීබඳවයි. එනම් ඖෂධය විසින් අපේ සිරුර තුළ සිදුකරන කාර්යය මෙන්ම, සිරුර විසින් ඖෂධයට සිදු කරන කාර්යය පිළිබඳව ද මෙම කොටස තුළ සඳහන් වේ.

Indication
----------------
මෙහි සඳහන් වන්නේ අදාළ ඖෂධය භාවිතා වන්නේ කුමන රෝග සඳහා ද යන්නයි.
උදා :- අප හොඳින් දන්නා Piriton යන ඖෂධය සැලකූවිට එහි indication ලෙස,
• Nasal Allergies - නාසය ආශ්‍රිත ආසාත්මිකතා
• Food and drug allergy
ආදී ලෙස අසාත්මිකතා සදහා භාවිතා වන බව සඳහන් වේ.

තවද බොහෝ දෙනෙක් භාවිතා කරන ගැස්ට්‍රයිටිස් කරල් හෙවත් omeprazole ඖෂධයේ indications ලෙස
• gastric duodenum ulcer - ආමාශ හා ආන්ත්‍රික ප්‍රදාහය
• gastroesophageal reflux disease - හෙවත් gastric අම්ලය උගුරට ඒම නිසා ඇතිවන බඩේ හා පපුවේ දැවිල්ල යන රෝග සදහා omeprazole භාවිතා කළ හැකි බවද සඳහන් වේ.

Dose and Administration
---------------------------------------
මෙහි සඳහන් වන්නේ ඖෂධ ලබා ගත යුතු මාත්‍රාව යි. එනම් වැඩිහිටියන් සඳහා මෙන්ම කුඩා ළමුන් සඳහා ද ඖෂධ මාත්‍රා වෙන වෙනම සඳහන් වේ. මෙය syrup වර්ග සඳහා එක් ආකාරයකටත්, පෙති වර්ග සඳහා තවත් ආකාරයකටත් සඳහන් වේ.
උදා :- පිරිටන් යන ඖෂධයේ මාත්‍රාව සැලකූ විට,
වයස අවුරුදු 12 ට වැඩි දරුවන් සහ වැඩිහිටියන් සඳහා - පෙති එක බැගින් පැය 6 කට වරක් ද , syrup නම් තේ හැඳි 2 බැගින් පැය 6 කට වරක් ද ,භාවිතා කළ යුතු යැයි සඳහන් වන අතර, වයස අවුරුදු 12ට අඩු දරුවන් සඳහා තේ හැඳි භාගයේ සිට තේ හැඳි 1 දක්වා පැය 6 කට වරක් භාවිතා කල යුතු යැයිද සඳහන් වේ.
නමුත් අපට අවශ්‍ය පරිදි මාත්‍රාව වෙනස් කළ නොහැක. ඒ සඳහා වෛද්‍ය නිර්දේශය අනිවාර්යය වේ. විශේෂයෙන් කුඩා දරුවන්ට ඖෂධ ලබා දීමේදී වෛද්‍ය නිර්දේශය අනිවාර්යය වේ.
තවද මාත්‍රාවට අමතරව ඖෂධය ලබාගන්නා ආකාරය ද සඳහන් වේ.
• For orally use only - බීමට පමණි
• For local appication only -ආලේප කිරීම සඳහා පමණි
• External use only - බාහිර ආලේපනය සඳහා පමණි
• For intravenous use only - එන්නත් කිරීම සඳහා පමණි
• Buccal route - දිව යට තබා ගැනීම සඳහා
• Chewable Tablet - හපලා කන්න
• For re**al use only - ගුද මාර්ගයෙන් ඖෂධය ඇතුල් කරන්න. (මෙය දැකිය හැකි වන්නේ suppository වර්ග වල වේ)

Contraindications
---------------------------
මේ කොටසේ අඩංගු වන්නේ අදාළ ඖෂධය හානිකර වන අවස්ථාව හෝ ඖෂධය නොගත යුතු අවස්ථාවන් පිළිබඳවයි. සමහර ඖෂධ වර්ග සඳහා සමහර රෝගීන්ට "Hypersensitivity" හෙවත් අධිසංවේදීතාවයක් පවතී. එවැනි අවස්ථාවකදී එම රෝගියා අදාළ ඖෂධය නැවත ගතහොත් ඔහුට හෝ ඇයට "Allergic Symptoms" හෙවත් අසාත්මික රෝග ලක්ෂණ මතු වීමට ඉඩ ඇත. එනම් එම ඖෂධය ඔහුගේ හෝ ඇයගේ සිරුරට නුසුදුසු බවයි. බොහෝ දෙනෙක් penicillin හා amoxicillin වැනි ඖෂධ ගත්විට අසාත්මික ලක්ෂණ පෙන්නුම් කරන අතර එවැනි ඖෂධ ගැනීමෙන් වැළකිය යුතුයි. තවද ඔබ වෛද්‍යවරයකු වෙත ගිය විට, ඔබට යම් ඖෂධයක් සඳහා අසාත්මිකතාවයක් ඇත්නම් එය පැහැදිලිව වෛද්‍යවරයාට පැවසිය යුතුයි.
(contraindicated in patients with known hypersensitivity to any component of the formulation)

මීට අමතරව, සමහර රෝගීන්ගේ වකුගඩු දුර්වල වී තිබේ නම් හෝ අකර්මණ්‍ය තත්වයේ පසුවේ නම් හෝ සමහර ප්‍රබල ඖෂධ ගැනීම වැළකිය යුතුයි. (Contraindicated in patient with Hepatic/ Renal impairment)
ඔබගේ වෛද්‍යවරයා ඔබගේ රෝග ඉතිහාසය දන්නේ නම් වකුගඩු දුර්වල අවස්ථාවලදී ඔබට ප්‍රබල ඖෂධ නිර්දේශ නොකරන අතර එසේ නොදන්නා වෛද්‍යවරයෙක් නම් ඔබ ඒ පිළිබඳව සඳහන් කළ යුතුයි.
තවද, වෙනත් රෝගාබාධ හෝ දිගු කාලීන නිදන්ගත රෝගවලින් හෝ බෝ නොවන මෙන්ම බෝවන රෝග වලින් පෙලෙන්නෙක් නම් ඔබ තවත් ඖෂධ මිලදී ගන්නා විට, ඔබ දැනටමත් පසුවන රෝගී තත්ත්වය පිළිබඳව හා එයට ලබා ගන්නා ඖෂධ පිළිබඳව වෛද්‍යවරයා හෝ ඖෂධවේදියා දැනුවත් කළ යුතුයි.
තවද, සමහර ඖෂධ වර්ග ගර්භනී හෝ කිරිදෙන අවස්ථාවේදී නුසුදුසු වේ. (contraindicated in pregnancy and lactation) ඉහත කරුණු contraindications යන කොටස යටතේ සඳහන් වේ.

Interactions
------------------
මේ යටතේ සඳහන් වන්නේ අදාළ ඖෂධය වෙනත් ඖෂධ සමඟ ඇතිකරගන්නා අන්තර් ප්‍රතික්‍රියා පිළිබඳවයි.

කලාතුරකින් මෙම අන්තර් ප්‍රතික්‍රියා හිතකර විය හැකි අතර, බොහෝ විට මේවා අහිතකර වේ. නමුත් සෑම ඖෂධයක්ම සියලුම ඖෂධ සමග අන්තර් ක්‍රියා නොකරන අතර ඉතා සුළු ඖෂධ ප්‍රමාණයක් සමග පමණක් අහිතකර අන්තර්ක්‍රියා ඇති කර ගනී.

උදා:- ඔබ යම් දිගුකාලීන රෝගයක් සඳහා ඖෂධ ගන්නවා යැයි සිතන්න. එවිට ඔබට හදිසියේ වැළඳෙන යම් අසනීප තත්ත්වයකට ලබා ගන්නා ඖෂධ හා දැනටමත් ලබා ගන්නා ඖෂධ අතර ඉතා කලාතුරකින් යම් අන්තර් ප්‍රතික්‍රියාවක් සිදු විය හැක. එවිට එක් ඖෂධයක් මගින් අනෙක් ඖෂධයේ ක්‍රියාව නිශේධනය කිරීම හෝ උත්තේජනය කිරීම සිදුකල හැක.
එම නිසා සෑම විටම ඔබ ලබාගන්න ඖෂධ පිළිබඳව වෛද්‍යවරයා ව දැනුවත් කළ යුතුයි.

Adverse reactions / Side effects
---------------------------------------------------
මෙම කොටස යටතේ ඖෂධය මගින් ඇතිවිය හැකි හානිකර ප්‍රතිඵල මෙන්ම අතුරු ආබාධ පිළිබඳව ද සඳහන් කරයි.
ඕනෑම ඖෂධයක් සඳහා බලපාන පොදු අතුරු ආබාධ කිහිපයක් ඇත.
• Nausea - ඔක්කාරය
• Vomitting - වමනය
• Headache - හිසේ කැක්කුම
• Diarrhea - පාචනය
• Constipation - මලබද්ධය
• Dry mouth - මුඛය වියලීම
• Diziness - කරකැවිල්ල

මේවා සෑම පුද්ගලයාටම එකම අයුරින් බලනොපාන අතර අදාළ ඖෂධ සඳහා යම් අසාත්මිකතාවයක් හෝ දුර්වල සිරුරක් සහිත පුද්ගලයින් සඳහා පමණක් ඉඳහිට යම් යම් ලක්ෂණ මතුවිය හැක. නමුත් මේවා පිළිබඳ එතරම් කලබල විය යුතු නැත.

Storage conditions
-----------------------------
මෙම කොටස යටතේ සඳහන් වන්නේ අදාළ ඖෂධය ගබඩා කළ යුතු තත්ත්ව පිළිබඳවයි.
විශේෂයෙන්ම මෙම උපදෙස් පිළිබඳ සැලකිලිමත් විය යුත්තේ කුඩා දරුවන්ට ලබාදෙන සකස් කර ගත යුතු පැණි වර්ග හෙවත් suspension සහ අඳුරු වීදුරු බෝතල් තුල භාවිත ඖෂධ වර්ග සඳහාය.
Suspension වැනි දෙයක් භාවිත කිරීමේදී එහි සඳහන් වන අයුරින්
• වරක් භාවිතා කළ පසු ශීතකරණයේ තබන්න - store in a refrigerator after reconstitution.
• සෙල්සියස් අංශක 25 ට අඩු උෂ්ණත්වයේ තබන්න - Store below 25°c.
• සිසිල් වියලි ස්ථානයක තබන්න - Store in a cool or dry place.
• හිරු එළියට නිරාවරණය නො වන සේ තබන්න - Keep away from direct sunlight.
• දරුවන්ට ගත නොහැකි ස්ථානයක තබන්න - Keep out from the reach of children.
යන උපදෙස් පිළිපැදිය යුතුයි.

තවත් වැදගත් වන උපදෙස් කිහිපයක්:-
• Shake wel before use - භාවිතයට පෙර හොඳින් සොලවන්න .
• Before meals - කෑමට පෙර
• After meals - කෑමට පසු
• With meals - කෑමත් සමඟ
• Each 5ml contain 125mg of the drug - 5ml තුල ඖෂධය 125mg අඩංගු වේ.
• Reconstituted suspension should be used within 7 days of preparation - මිශ්‍ර කර සදාගත් ඖෂධය දින 7ක් ඇතුලත පමනක් භාවිතා කරන්න .
• Tsp/ teaspoonful - තේ හැඳි.
--------------------------------------------------------------------------

කරුණු උපුටා ගැනීම - මූලාශ්‍ර ඇසුරෙනි

07/01/2021

05/01/2021

ඔබත් හිතුමතේට ඇඟේ ඉන්න බැක්ටීරියාවන් සර්ප්‍රයිස් කරන කෙනෙක්ද ??
--------------------------------------------------------------------------

අප අවට සිටින අය සමඟ සහයෝගයෙන් ජීවත්වීම ශිෂ්ට සම්පන්න මෙන්ම හොඳ සෞඛ්‍ය සම්පන්න සමාජයක ලක්ෂණයක්. නමුත් අප සහයෝගයෙන් කටයුතු කළ යුත්තේ අපගේ පියවි ඇසට පෙනෙන අයවලුන් සමග පමණද? අපටත් නොදැනීම අපේ සිරුර නිවහන කරගත් දස ලක්ෂ ගණනින් ක්ශුද්‍ර ජීවීන් අපේ සිරුර තුළ ජනාවාස සාදාගෙන ස්ථාපිත වී සිටි. ඔවුන් අපට වැදගත් ද? මොවුන් සමඟ අප සහයෝගයෙන් සිටිය යුතුද? අද ලිපියෙන් ඒ පිළිබඳ විමසමු.

• සහයෝගයෙන් කටයුතු කරමු යැයි කතා කරන විට බොහෝ දෙනාට එකවර මතකයට එන්නේ අප අවට වෙසෙන පුද්ගලයන් ගැනයි. නමුත් අපට නොපෙනෙන බලවේගයක් බඳු මේ ක්ශුද්‍ර ජීවී සමුදාය අප උදෙසා ඉටු කරන කාර්යභාරය ගැන අප කාටත් අල්ප මාත්‍රයක වත් අවබෝධයක් නැත. අපේ සිරුර තුළ මෙන්ම සිරුරෙන් පිටත පෘෂ්ඨය මත ද වාසය කරමින් අප ආරක්ෂා කර ගැනීම උදෙසා සිදුකරන යාන්ත්‍රණ ගැන අප තුළ වූ නොදැනුවත්කම නිසා අප විසින් සිදු කරන යම් යම් අහිතකර ක්‍රියා මගින් මෙම ක්ශුද්‍ර ජීවීන් විනාශ වී යයි.

• ක්ෂුද්‍ර ජීවීන් ප්‍රධාන වර්ග දෙකකි, එනම් හිතකර ක්ශුද්‍ර ජීවීන් හා අහිතකර ක්ශුද්‍ර ජීවීන් ලෙසයි. අහිතකර ක්ශුද්‍ර ජීවීන් යනු, රෝගකාරක තුළින් ව්‍යාප්ත වී, සිරුර ආක්‍රමණය කර, රෝග ඇති කිරීමට සමත් වන "ව්‍යාධිජනකයා" ලෙසින් හඳුන්වන ජීවීන් කොට්ඨාශයයි. හිතකර ක්ෂුද්‍ර ජීවීන් යනු, සිරුර තුළ මෙන්ම සිරුරෙන් පිටත ද වාසය කරමින් අහිතකර ව්‍යාධිජනකයින් ගෙන් අප ආරක්ෂා කරදෙන ජීවීන් කොට්ඨාශයයි.

• අපගේ සිරුරේ බරින් රාත්තල් 4 - 5ක් පමණ අයත් වන්නේ මෙම හිතකර ශුද්ධ ජීවීන් සමුදායටයි. එතරම් විශාල ක්ශුද්‍ර ජීවීන් ප්‍රමාණයක් අපේ සිරුරේ සෑම අස්සක් මුල්ලක් නෑරම පැතිර පවතිනවා. උදාහරණයක් ලෙස සැලකූ විට සිරුරෙන් පිටත සම මත, රෝම කූප ආශ්‍රිතව, සිරුර තුළ ආහාර මාර්ගය ආශ්‍රිතව, මෞත්‍ර ලිංගික මාර්ගය ආශ්‍රිතව, මුඛය තුළ මොවුන් ජීවත් වෙනවා. තවද ස්වසන පද්ධතිය, අක්මාව, වකුගඩු, හෘදය පටල ආශ්‍රිතව මෙන්ම රුධිර වාහිනී තුළත් මොවුන් වාසය කරනවා. මෙම ශුද්ධ ජීවීන් බාහිර පරිසරය දක්නට ලැබෙන්නේ නැත. හේතුව මොවුන්ට ජීවත්විය හැකි වන්නේ සිරුරේ අභ්‍යන්තරය ඇති පරිසර තත්ත්ව වලදී පමණයි. මොවුන් නියමිත ස්ථානවල, නියමිත ප්‍රමාණවලින්, නියමිත පෝෂණ කාර්යයන් ඉටු කරමින්, සමතුලිතව පවති. මෙය "Symbiosis" ලෙස හඳුන්වන අතර ශරීරයේ නිරෝගිබාවයට වැදගත් වේ.

• මෙලෙස සිරුර තුළ වෙසෙන මිලියන ගණන් ක්ශුද්‍ර ජීවීන්ගේ ගහනයන් අප පොදුවේ හඳුන්වන්නේ "Microbiome" ලෙසයි. හිතකර ක්ෂුද්‍ර ජීවීන් නිසා අපේ සිරුරට අත්වන වාසි විශාල ප්‍රමාණයක් ඇත.
1) මොවුන් අපේ සමේ සෞඛ්‍ය රැකගැනීමට උදව් වේ.
2) ආහාර ජීරණ පද්ධතියේ සෞඛ්‍යසම්පන්න භාවය ආරක්ෂා කර ගනී.
3) දියවැඩියාව, කොලොස්ට්‍රෝල් මෙන්ම තරබාරුව ඇති වීමද පාලනය කිරීමට උපකාරී වේ.
4) පිළිකා වැළැක්වීමට උපකාරී වේ.
5) ස්වයං ප්‍රතිදේහ නිසා ඇතිවන රෝගාබාධ (Auto Immune Disease) වැළැක්වීමට උපකාරී වේ.
6) මානසික රෝග ඇති වීම වැළැක්වීමට උපකාරී වේ.

අපි සිරුර ආරක්ෂා කරන බහුතරයක් ක්ශුද්‍ර ජීවීන් වාසය කරන්නේ ආහාර ජීරන පද්ධතිය ආශ්‍රිතවයි. එලෙස ආහාර මාර්ගය තුළ ජීවත්වන ක්ශුද්‍ර ජීවීන් විසින් සිරුරේ සෑම ප්‍රදේශයකම යහ පැවැත්ම සඳහා වැදගත් වන ක්‍රියාවලිය ඉටු කරයි .

ආහාර මාර්ගයේ සිටින ක්ශුද්‍ර ජීවීන් පෝෂණයට දායක වන අයුරු.
-----------------------------------------------------------------------

මොවුන් ආහාර ජීරණ ක්‍රියාවලිය සම්බන්ධයෙන් වැදගත් කාර්යයක් ඉටු කරයි.
ආහාර මාර්ගයේ වාසය කරන්න බැක්ටීරියා ප්‍රමාණය ආසන්න වශයෙන් 10 බල 14ක් බව අනුමාන කර ඇත. (උදා - Bacteroides, Actinobacteria, Ruminococcus, Clostridium, Escherichia coli, Lactobacillus) බැක්ටීරියාවන්ට අමතරව දිලීර වර්ග ද වාසය කරයි. (උදා- Candida albicans, Saccaromycis)

මේ අතරින් Bacteroides හා Ruminococcus යන බැක්ටිරියා වර්ග දෙකම සත්ව ආහාර බහුලව ගන්නා පුද්ගලයන්ගේ වැඩිපුර දක්නට ලැබේ. තවත් බැක්ටිරියා වර්ගයක් වන Prevotella යන බැක්ටීරියාව ශාකමය ආහාර ගන්නා පුද්ගලයන් තුළ වැඩිපුර දක්නට ලැබේ.

මෙම බැක්ටීරියාවන් අතර ඇති අනුපාතයේ සිදුවන වෙනස්කම් මගින් රෝග නිර්ණය කිරීම සිදු කරයි.

ආහාර මාර්ගයේ ජීවත් වන හිතකර බැක්ටීරියා මගින් පහත සඳහන් කෘත්‍යයන් ඉටු කරයි.
1) අප ගන්නා ආහාර කොටස් ජීරණයට අවශ්‍ය එන්සයිම ශ්‍රාවය කරයි. එම එන්සයිම මගින් ආහාර ජීර්ණයට ලක් කර පසුව අවශෝෂණය කිරීමට දායකත්වය සපයයි.
2) මොවුන් විසින් අප ගන්නා ආහාරයෙ ඇති ශක්තිය, ශරීරයට ලබා ගැනීම, ශක්තිය ගබඩා කිරීම හා ශක්ති සංඝටක අනෙකුත් ස්ථාන කරා පරිවහනය කිරීම සිදු කරයි. මෙලෙස පරිවහනය කිරීම් සිදුකරන්නේ ප්‍රධාන වශයෙන් කෙටි දාම මේද අම්ල හරහාය. ප්‍රධාන වශයෙන් ශරීරය තුළ ශක්තිය ලබා ගැනීමේ උපස්තරය ලෙස ලිපිඩ භාවිතා කරයි.
3) Intestinal Microflora හෙවත් ආන්ත්‍රිකව වාසය කරන ක්ශුද්‍ර ජීවීන් විසින් සිරුරට වැදගත් වන විටමින් වර්ග ස්වභාවිකව නිපදවයි. විටමින් K, විටමින් B1, විටමින් B2, B3, B5, B6 හා B12 සිරුර තුලදී ආන්ත්‍රික ජීවීන් මගින් නිපදවයි.
4) ආන්ත්‍රික ජීවීන් විසින්, ප්‍රධාන වශයෙන් Lactobacillus මගින් ආහාර මාර්ගය තුලදී ප්‍රතිදේහ වල ක්‍රියාකාරිත්වය පාලනය කරමින් සිරුරේ ප්‍රතිශක්තිය ඉහල නංවයි.
5) මොවුන් විසින් ආහාරයේ අඩංගු පෝෂක කොටස් පරිවහනය කිරීම මෙන්ම, ආහාරයේ අඩංගු විෂ කොටස් ඉවත් කිරීම ද සිදුකරයි. මොවුන් ශ්‍රාවය කරන රසායනික සංයෝග මේ සඳහා උපකාරී වේ.

යම් පුද්ගලයකු සතුව එම පුද්ගලයාට ආවේනික වූ ක්ශුද්‍ර ජීවී සංයුතියක් පවතී. මෙම ක්ශුද්‍ර ජීවී සංයුතිය සමබරව පවත්වා ගැනීම මගින් ආහාර මාර්ගය ආශ්‍රිතව මතුවිය හැකි බෝ නොවන රෝග ගණනාවකින් ආරක්ෂා වීමට හැකියාව ලැබේ. මෙම ක්ශුද්‍ර ජීවී සමබරතාවය සදහා පෝෂණීය ආහාර, ප්‍රතිශක්තිය, ශරීර උෂ්ණත්වය, ජාන සැකසුම, පාරිසරික බලපෑම යන කරුණු බලපායි. මේ අතරින් වඩාත් වැදගත් වන්නේ පෝෂණීය ආහාර වේ. සමහර ආහාර ක්ශුද්‍ර ජීවීන් ගේ යහ පැවැත්මට නුසුදුසු වන අතර සමහර ආහාර ඉතා හිතකර වේ.

ක්ෂුද්‍ර ජීවීන්ට නුසුදුසු ආහාර හෝ ඖෂධ භාවිතා කිරීමෙන් අඩාල වන ක්ශුද්‍ර ජීවී ක්‍රියාවලින් පුද්ගලයාගේ නිරෝගී යහ පැවැත්මට තර්ජනයක් එල්ල කරයි. එම නිසා මෙම ක්ශුද්‍ර ජීවී ගහන වල ප්‍රශස්ත සමතුලිතතාව පවත්වා ගැනීම වැදගත් වේ.

ක්ශුද්‍ර ජීවීන් වැඩි වූ විට, ක්ශුද්‍ර ජීවීන් විසින් ස්‍රාවය කරන රෝගකාරක සංයෝග ප්‍රමානය වැඩිවී, එමගින් රෝග ඇතිවීම උත්තේජනය වීමෙන් ධාරකයාට හානි සිදුවන අතරම, ක්ශුද්‍ර ජීවී ගහණය අඩු වූ විට, ක්ශුද්‍ර ජීවීන් විසින් සිදුකරන රෝග කාරක ද්‍රව්‍ය නිශේධක ක්‍රියාවලිය අඩුවී පුද්ගලයාට හානි සිදුවේ.

දිගු කාලීනව තන්තු සහිත ආහාර ගන්නා පුද්ගලයන්ගේ ආහාර මාර්ගය තුළ හිතකර ක්ෂුද්‍ර ජීවීන් වන Prevotella වැනි ක්ෂුද්‍ර ජීවීන් වර්ධනය වන අතර, තන්තු අඩු ආහාර දිගුකාලීනව ගැනීමෙන් අහිතකර ක්ශුද්‍ර ජීවීන් වර්ධනය වේ. තවද දිගුකාලීනව සත්ත්වමය ආහාර, අධික පිෂ්ඨය සහිත ආහාර ගැනීම, තෙල් අධික ආහාර, සීනි අධික ආහාර, කෘතිම රසකාරක අඩංගු ආහාර නිතරම ගැනීමෙන් අහිතකර ක්ශුද්‍ර ජීවී ගහන වර්ධනය වීම වේගවත් වේ.

ක්ශුද්‍ර ජීවින් ආහාර මාර්ගය තුළ සමතුලිතව පැවතීම Symbiosis ලෙස හඳුන්වන අතර එම සමතුලිතතාව බිඳී යාම Dysbiosis ලෙස හඳුන්වයි. මෙම සමතුලිතතාව බිඳ වැටීමට බලපාන හේතු සාධක ගණනාවක් ඇත.
1) ඖෂධ ( NSAID, Antibiotics)
2) කෘෂි රසායන අඩංගු ආහාර
3) කෘතිම රසකාරක අඩංගු ආහාර
4) අධික සීනි සහිත ආහාර ( බිස්කට්, කේක්, අයිස්ක්‍රීම්, Sweets)
5) අධික තෙල් සහිත ආහාර
6) MSG අඩංගු ආහාර (චයිනීස්, සේවරි රස කල ආහාර)
7) සෝස් වර්ග
8) සියලුම මස් වර්ග
9) පාන් සහ පාන් පිටි අඩංගු ආහාර
10) Transfat වැනි තෙල් අඩංගු ආහාර (බර්ගර්, පිට්සා, මාගරින්, මස්, සොසේජස්, එළවළු තෙල් වලින් බදින ලද කට්ලට්, පැටිස් , රෝල්ස්, කොත්තු, ෆ්‍රයිඩ් රයිස්)
11) වතුර වල අඩංගු කලරින්
12) දිගුකාලීන කිරිපිටි භාවිතය
13) මද්‍යසාර

නූතන අහිතකර ආහාර රටාවන් මගින් ශරීරයට හිතකර ක්ශුද්‍ර ජීවී ක්‍රියා අඩපණ වී අහිතකර ක්ශුද්‍ර ජීවී ක්‍රියා වර්ධනය වේ. මොවුන් විසින් සිරුර තුලදී අහිතකර සංඝටක නිපදවයි. මෙම ක්‍රියාවලිය "pathogen associated molecular pattern " ලෙස හඳුන්වයි. මොවුන් නිපදවන අහිතකර ද්‍රව්‍ය මගින් අහාර මාර්ගය තුලදී ප්‍රදාහ තත්වයන් ඇති කරයි. සියලුම ඉන්ද්‍රියයන්ට මෙය බලපාන අතර දියවැඩියාව, ස්ථුලතාවය ප්‍රතිශක්තිය අඩු වීම, පිලිකා, හෘදයාබාධය ඇතිවේ.

ප්‍රතිජීවක ඖෂධ ලබා ගැනීම.
-----------------------------------------------
1928 දී පළමු වරට "ඇලෙක්සැන්ඩර් ෆ්ලෙමින්" විසින් පෙනිසිලීන් නම් ප්‍රතිජීවකය සොයා ගැනීමේ සිට මේ දක්වා දහස් ගණනින් නව ප්‍රතිජීවක ප්‍රභේද සොයාගෙන ඇත. මේවා ස්වභාවිකව දෘව්‍යන්ගෙන් නිස්සාරණය කරගත් ඒවා හෝ කෘතිමව නිපදවන ලද ඒවා වේ. ප්‍රතිජීවක නිපදවීමේ මූලික අරමුණ හදිසි ව්‍යාධිජනක ආක්‍රමණවලින් සිරුර ආරක්ෂා කරගැනීම වුවත් අද වන විට සිදු වන්නේ හාත්පසින්ම වෙනස් දෙයකි. දිගුකාලීන නොසැලකිලිමත් ප්‍රතිජීවක භාවිතය මිනිසාගේ සෞඛ්‍යයට සෘණාත්මක බලපෑම් එල්ල කරයි.

සිදුකරන ලද කරන ලද පරීක්ෂණ වලින් හෙළි වී ඇති ආකාරයට, ප්‍රතිජීවක මගින් "Microbial dysbiosis" තත්ත්වය හෙවත්, ස්වභාවික ක්ශුද්‍ර ජීවී සමතුලිතය බිඳ වැටීම සිදු කරන අතර එය වැඩිහිටියන්ගේ මෙන්ම කුඩා දරුවන්ගේ ආහාර මාර්ගය ආශ්‍රිතව ද දුබලතා ඇති කරමින් දියවැඩියාව, ස්ථුලතාවය, ඇදුම, රුමැටික් ආතරයිටීස්, විශාදය, ඔටිසම් සහ ආන්ත්‍රික ප්‍රදාහය වැනි දිගුකාලීන රෝග රැසකට මුල පුරයි.

ප්‍රතිජීවක මඟින් ආන්ත්‍රික බැක්ටීරියා කෙරෙහි ඍජුවම හෝ වක්‍රාකාරව බලපෑම් එල්ල කරයි. ප්‍රතිජීවක ලබා ගැනීමේ මූලික අරමුණ ශරීරගතවී ඇති ව්‍යාධිජනකයින් විනාශ කිරීම වුවත්, ඒවායේ ඇති විසරිත ප්‍රතිචාර හැකියාව මගින් ආන්ත්‍රික හිතකර බැක්ටීරියා ගහණයන්ට ද මෙහි බලපෑම් එල්ල වී ඔවුන් මිය යාම හෝ ඔවුන්ගේ ක්‍රියාවලිය අඩපණ කිරීම සිදුකරයි. එකෙක් ප්‍රතිජීවක වර්ගය විවිධාකාරයෙන් බලපෑම් කරයි.
උදා- Vancomycin මගින් ගුද මාර්ගයේ ඇති මළ ද්‍රව්‍ය වල වෙසෙන ක්ශුද්‍ර ජීවී ගහණය හා ග්‍රෑම් ධන බැක්ටීරියා ගහණයන්ගේ අඩුවීමක් සිදු කළත්, Amoxcilin මගින් එවැන්නක් සිදු නොකරයි. තවද Ampicillin , Gentamicin, metronidazol, Neomycin වැනි ප්‍රතිජීවක මගින් බැක්ටීරියා ගහනය අඩු කරනවාට අමතරව, ආන්ත්‍රික බැක්ටීරියාවන්ගේ සංයුතිය වෙනස් කිරීමක් ද සිදු කරයි. එම නිසා ව්‍යාධිජනක යන්ට එරෙහිව ප්‍රතිජීවක තෝරා ගැනීමේදී එහි නිවැරදි භාවය සහ එමගින් ආන්ත්‍රික ජීවීන්ට සිදුකරන බලපෑම පිළිබඳවද සලකා බැලිය යුතුයි. සෑම විටම වෛද්‍ය නිර්දේශ මත පමණක් ප්‍රතිජීවක ලබා ගත යුතු වන්නේ ඒ හේතුව නිසයි.

සමහර ආන්ත්‍රික ක්ශුද්‍ර ජීවීන් මගින් නිපදවන ද්විතීයික පරිවෘත්තික සංඝටක (Secondary Metabolite) තවත් සමහර ක්ශුද්‍ර ජීවී කොලනියක් සඳහා ප්‍රයෝජනවත් ද්‍රව්‍යයක් විය හැක. (උදා- Bifidobacterium විසින් නිපදවන "ෆ්‍රක්ටොඔලිගොසැකරයිඩ - Fructooligosaccharide" සහ පිෂ්ටය භාවිතා කර lactate සහ ඇසිටේට්athitayata සාදයි. සමහර නිර්වායු ජීවීන්ට මෙම ෆ්‍රක්ටොඔලිගොසැකරයිඩ සෘජුවම භාවිතයට ගත නොහැකි අතර ඔවුන් ලැප්ටේට් සහ ඇසිටේට් ඔවුන්ගේ වර්ධනයට භාවිතා කරයි.

මේ අතර සමහර පරිවර්තික ද්‍රව්‍ය අන්ත්‍රය තුළ එකතුවීම, වෙනත් ජීවි විශේෂ වලට විෂ දායක විය හැකි අතර ඔවුන්ගේ වර්ධනයට බලපෑම් එල්ල කරයි.

ප්‍රතිජීවක නියමිත මාත්‍රාව ඉක්මවා ගැනීම හෝ අනවශ්‍ය අවස්තා වලදී වෛද්‍ය නිර්දේශයකින් තොරව ගැනීම මඟින් ධාරකයාගේ සෞඛ්‍යයට අහිතකර බලපෑම් එල්ල කරයි. ප්‍රතිජීවක මගින් අන්ත්‍රය තුළ දී ප්‍රතිජීවක ප්‍රතිරෝධී ජාන ඇතිකරයි . මෙය Antibiotic Resistance ලෙස හඳුන්වයි. දිගුකාලීනව එකම ප්‍රතිජීවකය ලබා ගැනීමේදී ධාරකයා තුළ එයට ප්‍රතිරෝධයක් ඇති වේ. එම ප්‍රතිරෝධී ජාන ආකාර කිහිපයකින් බැක්ටීරියාවන් තුළට ඇතුල් වේ. එවිට එම බැක්ටීරියාවන් තුළද එම ප්‍රතිරෝධීතාව ඇතිවන අතර අදාළ ප්‍රතිජීවක නැවත භාවිත කිරීමේදී එම බැක්ටීරියාවන් එයට ඔරොත්තු දේ . (උදා - සුළු සුළු තුවාල සඳහා නිතර නිතර Cloxacillin ඖෂධය භාවිතා කිරීමේදී එයට ප්‍රතිරෝධීතාවයක් අප සිරුර තුළ ඇති වේ. එවිට පසුව විශාල තුවාලයක් ඇති වූ විට Cloxacillin මඟින් එය සුව නොවන අතර ඊටත් වඩා ප්‍රබල ඖෂධයක් ලබා ගත යුතු වේ. එය අපේ සිරුරට තවත් අහිතකරයි )

මීට අමතරව ප්‍රතිජීවක වලට ධාරක ප්‍රතිශක්තිය කෙරෙහි බලපෑම් ඇති කිරීමට ද හැකියාව පවතී. මෙහිදී ඒවා විසින් ආන්ත්‍රික බැක්ටීරියාවන් නිපදවන පරිවෘත්ත ද්‍රව්‍ය වෙනස් කිරීම හෝ ඔවුන් විසින් ධාරකයා වෙත, විශේෂයෙන් ධාරකයාගේ ආන්ත්‍රික අපිච්ඡද සෛල හා ආන්ත්‍රික ප්‍රතිශක්තීකරණ සෛල වෙත නිකුත් කරන සංඥා වෙනස් කිරීම මගින්ද ධාරක ප්‍රතිරෝධය ක්ශීණ කරයි. තවද අන්ත්‍රය ආශ්‍රිතව ඇති ලිපිඩ, පිත් අම්ල, ඇමයිනෝ අම්ල හා ඇමයිනෝ අම්ල ආශ්‍රිත සංඝටක සඳහා ද දැඩි බලපෑම් බලපෑමක් එල්ල කිරීමට ප්‍රතිජීවක වලට හැකියාව ඇත.

මහාන්ත්‍රය ජීවත් වන බැක්ටීරියා මගින් කෙටි දාම මේද අම්ල නිපදවයි. ප්‍රතිජීවක භාවිත කිරීමේදී මෙම ආන්ත්‍රික බැක්ටීරියා විශේෂය විනාශ වීමෙන් කෙටි දාම මේද අම්ල නිපදවන ප්‍රමාණය අඩුවේ. මෙය ආන්තික ප්‍රදාහ තත්වය ඇති වීමට බලපායි.

අපේ මහාන්ත්‍රය තුලදී Ruminococacea පවුලට අයත් වන බැක්ටීරියා වර්ග විසින් ප්‍රාථමික පිත් අම්ල, ද්විතියික පිත් අම්ල බවට පරිවර්තනය කරයි. මෙම ද්විතීක පිත් අම්ල මගින්, සමහර බැක්ටීරියා මගින් ඇති කරන "ප්‍රතිජීවක ආශ්‍රිත පාචනය" යන තත්ත්වය ඇතිවීම වළක්වයි. නමුත් Clindamycin වැනි ප්‍රතිජීවක මගින් මෙම ද්විතීක පිත් අම්ල සෑදීමේ ක්‍රියාවලිය නිෂේධනය කිරීමෙන් ඉහත කී පාචන තත්ත්වය වැනි අසාත්මිකතා ඇතිවේ.

සරලව ගත් කල ආන්ත්‍රික බැක්ටීරියා මෙන්ම සිරුරේ අනෙකුත් ස්ථානවල වාසය කරන බැක්ටීරියා ගහණ විනාශ වීම සම්පූර්ණයෙන්ම සිරුරේ සාමාන්‍ය ක්‍රියාකාරිත්වය වියවුල් වීමට හේතුවක් වේ. ආහාර ජීරණ පද්ධතියේ ජීරණ ක්‍රියාවලිය අඩපණ වීමෙන් පෝෂක අවශෝෂණයට බාධා ඇතිවී ස්ථූලතාවය, පෝෂක ඌනතා රෝගී තත්ත්ව, දියවැඩියාව, කොලෙස්ටරෝල් හා ඒ ආශ්‍රිත හෘදයාබාධ තත්ත්ව ඇති වේ. එම නිසා සෑම විටම අපි ප්‍රතිජීවක ඖෂධ ලබාගත යුත්තේ වෛද්‍යවරයා විසින් නිර්දේශ කරන මාත්‍රාව පමණයි. තවද අප ආහාර ගන්නා විට වුවද ගුණාත්මක මෙන්ම බැක්ටීරියා හිතකර ආහාර වන එළවළු, පලතුරු, probiotic සහිත ආහාර වර්ග, නැවුම් එළකිරි, තන්තුමය ආහාර, ධාන්‍ය වර්ග ගැනීම පිළිබඳව ද සැලකිලිමත් විය යුතුයි. කෙටි කාලයක් මෙලෙස හිතකර ආහාර රටාවකට හුරු වන විට ඔබේ ආහාර ජීරන ක්‍රියාවලිය ආශ්‍රිතව පැවතුණු අක්‍රමිකතා මග හැරී ඇති බවට ඔබටම වැටහෙනු ඇත.

(උපුටා ගැනීම මූලාශ්‍ර ඇසුරෙනි.)