29/12/2025
2025හේ මගේ ලොකුම ජය..
මේ ඉටු කරගත්තේ අවුරුදු 15කට එහා දැකපු හීනයක්.. ඉතින් මට 2025 කියනේ වැඩිම කාලයක් බලාගෙන හිටිය හීනය ඉටු කල වසරක්...
මම හැමදාම කියනවා වගේ කවුරු මොනවා කීවත්, තමන් කරන්නේ හරි දේ නම් අතාරින්න හිතන්නවත් එපා.. ප්රතික්ශේපවීම්, දරාගැනීම් තමයි කෙනෙක්ගේ දියුණුවට පාර කපලා දෙන්නේ... ඒ පාර හරිම කටුකයි.. මල් අතුරලා විල්ලුද ඇල්ලූ සුමට පාරවල් කොහෙද මේ ලෝකේ දියුණුව හරියට කරනවා නම්.. ඒක හරි මහන්සියි.. වෙහෙසයි.. බඩට නොකා පාඩම් කල පැය ගණන්, නිදි වැරූ රාත්රීන්.. තාරුණ්යයේ හොදම කාලයේ කුණු ගද පරයන ෆෝමලීන් සැර එක්ක ම ල මි ණී අපේම මිතුරෝ වගේ ගෙවලා.. කකුල් කෙඩෙත්තුව එනකන් එක දිගට පැය 4 හිටගෙන රෝහල් වල වාට්ටු අතරේ ඉදලා හවස 5,6 ,7 වෙනකන් ලෙක්චර් හෝල් වල , ලැබ් වල , ගෙවලා.. දන්නවද ඔය දෙන හැම බෙහෙතක්ම අපි ශිෂ්ය අවධියේ හදලා තියෙනවා.. මගේ අත් දෙකට උස්සගන්නවත් බැරි අත් ගල් වලින් බෙහෙත් අඹරලා තියනවා..
මේක තමයි ජීවිතේ.. ඒවා මතක් කරනකොට හරි රසයි.. ඔන්ලයින් සායනයේ වසරක් වගේ පසු කාලයක සිංගප්පූරුවේ ඉන්න ,ශ්රී ලාංකික මට සම වයස් වගේ මහත්මයෙක් මම විරැකියාවෙන් පෙලෙමින් ඔන්ලයින් හිගා කනවා කියපු වචන ටික එදා මාව දිරිමත් කලා තවත්.. කවදාවත් මගෙන් ප්රතිකාර ලබාගෙන හෝ කතා කරලාවත් නැති ඔහුගේ සැර පරුශ කමෙන්ට් වලට කදුලු අතරින් එදත් වචනෙන් පිලිතුරු දුන්නා.. මේ තියෙන්නේ ඒ වචන වල ඵලදාව.. 2024 අගෝස්තුවේ රූආයු චැන්ලින් සෙන්ටර්, ඇහැලියගොඩ විවෘත කලා..
2025 අගෝස්තු මාසයේ මගේ උපන්දිනය ට දවසකට කලින් මේ කලු කුමාරයා මගේ වෙනවා.. ලොකුකම පෙන්නන්න ගත්තා නේද කියලා මූනටම අහපු අයත් නැතුවාම නොවේ.. ඔව්.මේක මට ලොකුයි.. මේ සතුට හරි බරයි.. මොකද මේක මම ගොඩනගලා මං ඉටු කරගත්තු හීනයක්.. ඊලග වතාවේ ඔයාගේ හිත සතුටු කරන්න බක්කි කරත්තයක් ගේන්නම් 🤓මිනිස්සු ආසා එහෙම.. අපිට වරදිනවට..
ඒත්...
ලැබෙන දේ නාස්ති නොකර රැකගන්න.. නැති බැරි කෙනෙක්ට පුලුවන් හැටියට දෙන්න දෙවරක් හිතන්න එපා.. පිං බලාපොරොත්තු නොවුනත් හරියනවා බලාගෙන ඉන්දී.. මෙහෙමයි ඉතින් දෙන එක හැමෝටම පිහිටන්නේ නෑ.. ලෝබ හිතක් නැති වෙන්න ඕනි.. මට මේ ගුණාංග ඇතුව මාව බිහි කලාට මගේ අම්මා ට තාත්තා ට පිං.. මාව දරාගෙන මේ අවුරුදු 11 ක් තිස්සේ එන ගමනට අප්පච්චි ඔයාටත් පිං.. මගේ හීන වලට ඔල්වරසන් දෙන මගේ මැණික් කැට දෙකටත් පිං.අම්මිව නිදහස් කරනවට.. තව නිහඩ ආත්ම 3ක් ඉන්නවා.. අක්කා, අය්යා, මල්ලි.. ඔය සහෝදරකම මහ මෙරක්.. මං මහා වාසනාවන්ත යකඩ ගැහැණියක්.. ඉතින් 2025 සුභ ගමන් මිත්රයා... දුක සතුට කොයිතරම් ඔයා දුන්නත් අපිව අරන් අපි ආවා ඔයා එක්ක..
හීන තියෙන්නේ පාට කරන්න.. හිස්ව තියන්න නෙවෙයි..
✍ කොළඹ විශ්වවිද්යාලයේ උපාධිධාරී ආයුර්වේද වෛද්ය තාරිකා පතිරත්න.
