Nimna Weerabahu

25/05/2022

31/12/2021

නොදැනිම අවුරුද්දක් ගෙවිලා. හෙට ඉඳලා අලුත් අවුරුද්දක්. අපි හැමෝටම වසරක් පටන් ගන්නකොට අලුත් අරමුණු බලාපොරොත්තු තියෙනවා .

ඒ සියල්ලම පතන අයුරින්ම අයුරින්ම ඉටුවන නව වසරක් වේවායි ප්‍රාර්ථනා කරන ගමන්ම , නව වසරේ අපේ ජීවිතයට එකතු කරගත්තොත් හොඳයි කියලා හිතුනු කාරණා කීපයක් මතක් කරන්න හිතුවා .

මේ වෙනකොටත් ඔබ මේවා පිළිපදිනවා ඇති, තවත් කොටසකට අතපසුවීම් වෙනවා නන් ඒවා නිවැරැදි කර ගමු.

නව වසරේ අපි අලුත් වෙමු .... 🤗🤗

⭐ අපි හැමෝම කැමතියි ගෞරවාන්විත ආමන්ත්‍රණයට ,
( හැකි තාක් " නමින්" ආමන්ත්‍රණයට පුරුදු වෙමු )

⭐ යම් භාණ්ඩයක් ගත්තොත් නියමිත ස්ථායේ තියන්න පුරුදු වෙමු.

⭐ යම් දෙයක් ඇරියොත් වහන්න පුරුදු වෙමු .
( අල්මාරි , ලාච්චු , ගේට්ටු, )

⭐ යම් මුදලක් භාණ්ඩයක් ඉල්ලා ගත්තා නම් නියමිත දිනට හෝ ඊට පෙර ලැබෙන්න සලස්වන්නමු. පොරොන්දු වූ පරිදි නැවත ලබා දීමට නොහැකිය වුවොත් ඒ බව දැනුම් දෙමු.

⭐ ඔබගේ අවශ්‍යතාවන් සඳහා කාගේ හෝ මෝටර් රථයක් ඉල්ලා ගත්තේ නම් පිරිසිදු කර ඉන්ධන පුරවා දෙමු.

⭐ අන් අයෙකුගේ භාණ්ඩයක් පාවිච්චි කිරීම සඳහා හෝ දුරකතන අංකයක් තවත් අයෙකුට ලබා දීමේදී අදාළ පුද්ගලයාගේ අවසර ලබා ගමු.

⭐ කවුරුන් හෝ ජංගම දුරකථනය පින්තූරයක් පෙන්වනවානම් එම අදාළ පින්තූර පමණක් බැලීමට කාරුණික වෙමු . ( වමට දකුනට swipe නොකරමු )

⭐ දුරකථන ඇමතුමක් ලබා දීමේදී මුලින්ම තමාව හඳුන්වා දීමට පුරුදු වෙමු.

⭐ ඔබ ඇමතුමක් ලබා දීමේදී ඒ සඳහා පිළිතුරු ලැබුණේ නැත්නම් දිගින් දිගටම ඇමතීමෙන් වලකිමු. ( කෙටි පණිවිඩයක් තැබීමට පුරුදු වෙමු )

⭐ අප දුරකථනය භාවිතා කිරීම හා අන් අයට බාධාවක් නොවන අයුරින් කිරීමට කටයුතු කරමු. ( ඔබගේ රන්ඩු , ආදරබර වදන් , අන් අයට අවශ්‍ය නොවේ )

⭐ හිතවතෙකුගෙගෙදරට යනවා නන් මේ බව කලින් දැනුම් දීමට පුරුදු වෙමු .

⭐ ආරාධනාවකින් තොරව හෝ කලින් දැනුම් දීමකින් තොරව යනවා නම් ප්‍රධාන ආහාර වේල් වෙලාවන් මගහැර යන්න පුරුදු වෙමු.

⭐ ඔබට භෝජන සංග්‍රහයක් සඳහා මුල සදහා ආරාධනාවක් කෙරේ නම් සංග්‍රහය අවසානයේ පිරිසිදු කිරීම වලට සහය දෙන්න පුරුදු වෙමු. ( අඩුම තරමේ තමන් පරිහරණය කල පිගාන හේදීමට කාරුනික වෙමු. )

⭐ හිතවත් නිවසක් වෙත කුඩා දරුවන්ව රැගෙන යයි නන් නිවසේ බඩු ඇදීම පුටුවල නැගීම වැනි පුටුවල නැගීම වැනි පාලනය කිරීමට වගබලා ගමු . ( බාබා හරිම දගයි කියා උල්පන්දන් නොදෙමු. )

⭐ ඔබට ආහාර පිළිබඳව ආසාත්මිකතාවයක් ඇත්නම් කලින් දැනුම් දෙම ( වක්‍රාකාරයෙන් හෝ දෙපාර්ශවය ම අපහසුතාවට පත් වීම වැලක්වීම )

⭐ සුහද සාකච්ඡා පැවැත්වීමේ දී කිසිවෙකුට අපහසු නොවන ආකාරයට පොදු භාෂාවක් හා පොදු මාතෘකාවක් තෝරා ගමු.

⭐ අලුත උපන් බිලිඳකු බලන්න යෑමේදී .
( ඔබට යම් අසනීප තත්වයක් නැත්නම්, හෝ ගමන් කිහිපයක් යොදාගෙන තිබෙයි නම් මුලින්ම දරුවා බැලීමටත් යමු. )

⭐ අලුත උපන් බිලිඳකු ශරීර පැහැය, කවුරු වගේද, කිරි මදිද ,පිටි කිරිද දෙන්නේ, diaper අන්දන්නේ ඇයි ඇසීම වලකිමු.

⭐ එක් දරුවෙක් පමනක් සිටීනම් තනියට නංගිලා මල්ලි ලා ගෙන එන දවස නොඅසමු., ( එය දෙමාපියන් තීරනය කරයි )

⭐ රෝගී වූ අයෙකු බලන්න යාමේදි රොගියා බලා ගෙදර පැමිනෙමු. හැකි නම් ඔබ කෑම වේලක් සකසාගෙන යන්න. නැත්නම් නිවැසියන්ට රොගියා බලා ගන්නවාට අමතරව ඔබටත් කෑම මේස දැමීමට සිදු වේ. ( කන්න බලන් යනවා නන් නොගිහින් සිටීම වඩා හොදයි )

⭐ මේ වසරේදී ඔබට අදාල නැති දේ ඇගිලි ගැසීමට යාම නවත්මු.
( මොකක්ද මටත් කියන්නකෝ, කෝ මටත් පෙන්නන. )


✍️ නිම්නා වීරබාහු

14/11/2021

ගොඩක් දවසක ඉඳලා ඕගොල්ලන්ට මං කතාවක් කියන්න හිතාගෙන හිටියා . මේක මට උනු සිද්ධියක් .
මුලින්ම මම මේ සිද්ධියේ කතා නායිකාව ගැන විස්තරයක් කරල ඉන්නන් . ඇයම මගේ ළඟම මිතුරියක් ,විධායක ශ්‍රේණියේ රැකියාවක් කරන ඇය අවිවාහකයි . මම දන්න තරමට ඇයට පෙම්වතෙකු ත් නැහැ . එවැනි දවසක් මගේ මිතුරිය මාව හම්බවෙන්න එනවා . එතකොට මම දකිනවා ඇගේ handbag එකේ lighter එකක් තියෙනවා .
තවත් දවසක මං ඇයව හමු වෙනවා පෞද්ගලික කටයුත්තකට , එවිටත් මම දකිනවා ඇගේ මෝටර් රථයේත් lighter එකක් තියෙනවා .

ඔබට මොකද හිතෙන්නේ .......? මොන හේතුවක් නිසා වෙන්න පුළුවන්ද ඇය lighter එකක් පාවිච්චි කරන්නේ .... ? 🤔🤔

ඇගේ වෘත්තිය ට අනුව ලයිට් එක අවශ්‍යතාවයක් තිබෙන කෙනෙකුත් නෙමෙයි ,දුම් පානය කරන්නෙත් නැහැ .
කොතරම් සමීප ඇසුරක් තිබුනත් ඇගේ personal space එකට ගෞරව කරන්න ඕන නිසා මං ඇගෙන් මේ ගැන ඇහුවෙත් නෑ .
ඉන් දින කීපයකට පසු නැවතත් අපි මුණ ගැහෙනවා , එතනදි අපිට ලයිටරයක් හෝ ගිනි පෙට්ටියක් අවශ්‍ය වෙනවා , එතකොට මගේ මිතුරිය මෙහෙම කියනවා

"ඉන්න මගෙ ළඟ lighter එකක් තියෙනවා , මේ දවස්වල ගිණිපෙට්ටි පත්තුවෙන් නෑනේ ,ඒ නිසා උදේට බුදුපහන පත්තුකරන්න මං ලයිට් එක ළඟ තියාගෙන ඉන්නේ " කියලා

මේ සිද්ධිය ඉතා කුඩා සිදුවීමක් වුණත් සම්පූර්ණ කතාවම අපි හරියට දන්නේ නැතුව එහෙම නැත්තං අපිට මතුපිටින් පෙනෙන තිබෙන දේ නිසා අපේ සමීපතමයන් / ආදරණීයයන් /දරුවන්ව සැක කරන්න , ගැටුම් ඇතිකර ගන්න පුළුවන් .

ඉතින් මට මේකෙන් කියන්න ඕනේ උනේ ජීවිතයේ සිදුවන ඕනෑම දෙයක සම්පූර්ණ සිද්ධිය නොදැන කලබලකාරී තීරණ වලට එළඹිලා ඔබගේ සැනසීම නැති කරගන්න එපා කියලා ....

✍️ නිම්නා වීරබාහු
බලපත්‍රලාභි මනෝඋපදේශිකා , මනෝප්‍රතිකාරක හා
රේකී ප්‍රතිකාරක

17/01/2021

අභිමානවත් කාන්තා පෞරුෂයක් ගොඩනගා ගමු
smart , elegant & classy

* යහපත් චර්යා පුහුණුවන්න.
Practice Good manners , politeness , dining etiquette , acting gracefully : thank you. Please . Sorry . Excuse me

* නිවැරදි ශරීර ඉරියව් හා ශරීර භාශාව
Good gesture , posture n body language
ඔබ සිටගෙන සිටිද්දිත් , අසුන්ගෙන සිටියත් කොන්ද කෙළින් තබා බෙල්ල උරහිස් මට්ටමේ තබාගන්න.
තවත් අයෙකු සමග සමග කතා කිරීමේදී ඇස් යොමුව eye contact පවත්වාගැනීම .

* යහපත් සෞඛ්‍ය පුරුදු
Good hygiene
හිසකෙස් සිට දෙපතුල දක්වා පිරිසිදුකම සහ පිලිවෙල

* කියවීමට පුරුදු වන්න
Make habit of reading
හැකි සෑම විටම යම් දෙයක් කියවන්න

* වර්තමාන තත්ත්වයන් පිලිබද දැනුවත්භාවය ඇති කර ගන්න
Be aware of current situation
ඉහත කියවීම මගින් සහ වර්තමාන රටේ සහ ලෝකය පිළිබඳ දැනුවත්භාවය මගින් ඔබ ඇසූ පිරූ දැනුම ඇති පුද්ගලයකු බවට පත් වේ

* ඔබ ගැන විශ්වාසය තබා ගන්න
Be confident
ඔබේ කටින් පිටවෙන දේත් ඔබ කරන කියන දේත් පිළිබඳ විශ්වාසයක් හා ස්ථාවරත්වයක් ඇති කර ගැනීම
උදා : අපි කෙනෙක් ගැන කියනවා " එයා කිව්වා නම් අනිවාර්යෙන්ම ඒ දේ කරයි බලන්න දෙයක් නැහැ. "
: තව කෙනෙක් ගැන අපිට මේ වගේ image එකක් තියෙන්නත් පුළුවන් "අපෝ කට ඇරියොත් බොරුවක් වැඩක් බාර දුන්නොත් දෙපාරක් බලන්න වෙනවා . "


* පැහැදිලි සහ අසභ්‍ය නොවන වචන භාවිතය .
Speak clearly avoid slang

* ඕපදූප කථා වලින් ඈත් වන්න

* අඳින පළඳින ආකාරය
Dress taste
හැකි සෑම විටම linen , cotton , silk වැනි උසස් තත්වයේ රෙදි තෝරා ගන්න. මදක් මිලෙන් වැඩි උවද කල් පැවැත්ම හා හොද පෙනුමක් ලබා දෙයි. polyester , ලයිකා , ස්පැන්ඩෙක්ස් වැනි රෙදි නිසා ඔබගේ ශරිරයේ අස්වාභාවික පෙනුමක් ලබා දෙයි.
ස්ථානයට සහ අවස්ථාවට සුදුසු ලෙස ඇඳුම් තෝරා ගන්න

* දුෂ්කර අවස්ථාවන්හිදී යහපත් ලෙස හැසිරෙන්න
stay calm in stressful situations
දුෂ්කර අවස්ථාවන්හිදී ඔබගේ හැඟීම් වලට ඔබව යටත්කර ගැනීමට ඉඩ නොදීමට මනස පුහුණු කරන්න .
තරහෙන් කෑ ගැසීම, බැනවැදීම ,පලි ගැහීම හෝ දිවුරුම් දීම ( විශේෂයෙන් පොදු ස්ථානවල )

* ඔබටම අනන්‍ය වූ ශෛලියක් තෝරාගන්න
have a unique style
අනුකරණය හොඳ වුවත් තවකෙකු අනුකරණය කරනවාට වඩා ඔබ වැනි පුද්ගලයන් මෙලොව සිටින්නේ ඔබ පමණයි එම නිසා ඔබ ඔබටම විශේෂිත වූ ශෛලයක රැඳී සිටින්න

* විවෘත මනසකින් ලොව දෙස බලන්න
Open minded
විවෘත මනසකින් ලොව දෙස බැලීමට නම් ඔබ පුද්ගල විවිධත්ව, භූගෝලීය වෙනස්කම්, සදාචාරය හා සංස්කෘතිය, පුද්ගල විශ්වාසයන් පිළිබඳව දැනුවත් භාවයෙන් සිටිය යුතුයි .

ඔබ කුමන සමාජ තත්ත්වයක සිටියද , කුමන රැකියාවක නිරත වුවද , ඔබගේ හැසිරීම ( behaviour )ප්‍රජානනය ( cognitive ) හා චිත්තවේග ( emotional )සමබරව පවත්වා ගැනීම එහෙමත් නැත්නම් පෙනුම හැසිරීම සහ අභ්‍යන්තරය සමබර වීම මගින් අභිමානවත් කාන්තා පෞරුෂයක් ගොඩනඟා ගොඩනගාගත හැක .

✍️ නිම්නා වීරබාහු

02/01/2021

අපිට අපව මග හැරිලාද .......

කාර්යබහුල හා අවිවේකී ජීවන රටාව හමුවේ අපි අද වගකීම් සහ යුතුකම් මත පමනක් ජීවත්වන පිරිසක් බවට පත්වෙලා . උදෑසන අවදි වූ වෙලාවේ සිට රාත්‍රී නින්දට යන තෙක් අපිට අපි ගැන සිතන්නට වත් වෙලාවක් නැති තරම් ....

මෙසේ දිගුකාලීන වෙහෙසකර තත්ත්වය නිසා අධික ලෙස කේන්ති යාම , මානසික ආතතිය , මානසික ඒකාග්‍රතාවය ගිලිහී යාම වැනි මානසික රෝග මෙන්ම දියවැඩියාව ,අධික රුධිර පීඩනය, වැනි කායික රෝගද ඇති ඇතිවේ .
මෙම තත්ත්වයන් මඟහරවා ගැනීමටත් තමන්ගේ යහපැවැත්ම සහ සතුට ආරක්ෂා කර ගැනීම සඳහා ක්‍රියාකාරී භූමිකාවක් රඟ දැක්වීමේ පුරුද්ද "'ස්වයං රැකවරණය " ( selfcare )ඉතාම වැදගත් වේ.

යහපත් ස්වයං රැකවරණයක් පවත්වා පවත්වා ගැනීම මගින් ඔබ ඔබ දෙස බලන ආකාරය මෙන්ම ඔබ අවට ලෝකය දෙස බලන ආකාරය ද වෙනස් වේ .

ස්වයං රැකවරණ ඔබ සමඟ සෞඛ්‍ය සම්පන්න සම්බන්ධතාවයක් පවත්වා ගැනීමට ඔබව දිරිමත් කරයි . එවිට ඔබට යහපත් හැගීම් හැඟීම් සම්ප්‍රේෂණය කළ හැක . උදාහරණයක් ලෙස :- ඔබ සතුව නැති දෙයක් අන් අයට දීමට ඔබට හැකිද..? යම් කොටසක් ස්වයං රැකවරණය " ආත්මාර්ථකාමීත්වය " යැයි වරදවා වටහා ගත හැකි වුව ද එය ඊට වඩා බොහෝ වෙනස් අර්ථයකි .

ස්වයං රැකවරණය මගින් ඔබට ඔබ ගැන බොහෝ දේ උගන්වන අතර ඔබ විසින්ම හොඳම අනුවාදය වීමට අවශ්‍ය දේ පිළිබඳව අවබෝධයක් ලබා දෙයි . ඔබගේ දෛනික චර්යාව ප්‍රීතිමත් වහා සෞඛ්‍ය සම්පන්නව ගතකිරීමටත් ඔබට වඩා වැදගත් දෙයට ප්‍රමුඛත්වය දීමටත් ස්වයං රැකවරණය උපකාරී වේ .

😊 :- ඔබ කළ යුතු වන්නේ :- 😊

📍 ඔබ ගැන දැනගන්න , ඔබ කවුදැයි නොදන්නේ නම් ඔබට ආදරය කළ නොහැක
( මේ සඳහා නිදහස් වෙලාවක් සහ ස්ථානයක් තෝරාගන්න , හිතන්න ඔබගේ ශක්තීන් , ඔබගේ රැචි අරැචිකම් )

📍 ඔබව අන් අය සමග සන්සන්දනය නවත්වන්න .

📍 යථාර්ථවාදී නොවන සිහින නැති වීම ගැන දුක් නොවන්න .

📍 ඔබව ඔබ හැටියෙන් පිළිගන්න
( ඔබ කවුරුන්ද යන්න කොන්දේසි විරහිතව අගය කිරිම )

📍 ඕනම දෙයක් ඔබට අවශ්‍ය වූ විට ප්‍රතික්ෂේප කිරීමට පුරුදු වන්න වන්න
( Say ' NO ' when u want to )

📍 ප්‍රමාණවත් නින්දක් ලබාගන්න

📍 දිනකට ඔබ ඔබ සඳහාම වෙන්වුනු කාලයක් තෝරාගන්න . "ME TIME " ( පාන්දර හෝ රාත්‍රී නින්දට පෙර ) කැමති පොතක් කියවීමට , සොබා සෞන්දර්යය රසවිඳීමට , නිදහසේ කල්පනා කිරීමට )

📍 මසකට වරක් හෝ දෙවරක් සියලුම වැඩ කටයුතු වලින් මිදී විවේකීව සිටින්න

📍 මසකට වරක් තමන් වෙනුවෙන්ම යමක් මිලට ගන්න .

📍 තනිවම අවන්හලකට ගොඩ වැදී කෙටි කෑම වේලක් කෝපි කෝප්පයක් රස විඳින්න

📍 රූපලාවණ්‍ය සත්කාර වෙත යොමු වන්න .

මෙමගින් ඔබට ඔබ පිළිබඳව විශ්වාසය හා ආත්මාභිමානය වැඩි කරයි . එම නිසා ඔබට ඔබ සමග මෙන්ම භාහිර පාර්ශවයන් සමග ද සෞඛ්‍ය සම්පන්න හා යහපත් අන්තර් පුද්ගල සම්බන්ධතාවයක් පවත්වා ගැනීමට හැකියාව ලැබේ .

✍️ නිම්නා වීරබාහු
මනෝඋපදේශිකා හා මනෝප්‍රතිකාරක

31/12/2020

2021 වසරට ....

* ඔබ ඔබට ආදරය කරන්න , ඔබට අගයක් ලබා දෙන්න.

* අන් අයගේ වෙනස්කම් වලට හා විවිධත්වයට ගෞරව කරන්න.

* සමාව දෙන්න.

* නිරන්තරයෙන් ම වද දෙන යමක් දෙවරක් නොසිතා අත් හරින්න.

* වටිනා යමක් ජීවිතයට එකතු කර ගන්න. ( මානව / භෞතික )

* වර්තමානයේ ජීවත් වෙමින් අනාගත ඉලක්ක ගොඩනගා ගන්න .




✍️ නිම්නා වීරබාහු