https://www.facebook.com/388310454702848/

Suriyadhaja, Colombo (2026)

30/03/2026

အဓိပ္ပါယ်ဂဥုဲၜူမာဲအရက်သုရာ (လညာတ်ဓ၀်ကျာ်)

30/03/2026

ချူလိက်လ္တူဍာ်
Writing on Water

၁။ အဓိပ္ပါဲ (Meaning)

မအရေ၀် “ချူလိက်လ္တူဍာ်” ဟီုမ္ဂးဂှ် ဒှ်အရာမကၠေံဗ္ဒန်အာလောဲလောဲ၊ ဟွံတန်ကြန် ဟွံဗိုန်ခိုၚ် ဒှ်တဴအနိစ္စရ။ မၞိဟ်မွဲမွဲ ယ၀်ရချူလိက် လ္တူဗလးဍာ်မ္ဂး လိက်ဂှ် ဗက်တိုန်ကၠုၚ်မွဲဒမြိပ်တုဲမ္ဂး ကၠေံဗ္ဒန်အာ ပ္ဍဲခဏဂှ်ရ။

၂။ ဘ၀ ကေုာံ အရာမဟွံတန်ကြန် (Life and impermanence)

ဘ၀မၞိဟ်ပိုဲတံလေ၀် တုပ်သၟဟ်ကဵုလိက်မချူလ၀်လ္တူဍာ်ကီုရ။ ဒြပ်ရတ်၊ အ၀ဵုအဏာ ကေုာံ ရုပ်သာ်တံဂှ် ဆမွဲခနဟေၚ်တန်တဴတုဲ ကာလအခိၚ်စိုပ်မ္ဂး သ္ဒးကၠေံဗ္ဒန်အာသီုဖအိုတ်ရ။ ပိုဲတံဂစာန်ပ္ကောံမံၚ် အရာအရာအိုဿီုတံဂှ် တုပ်သၟဟ်ကဵုဂစာန်ချူမံၚ်လိက်လ္တူဗလးဍာ်တုဲ လီုလာ်အာလောဲလောဲဖအိုတ်ရ။

၃။ သတိ (Remembrance)

ရန်ကဵုဂလာန်ဏံတုဲ ပိုဲတံဟွံထေက်ကဵုစောဲလာံဒၟံၚ် အရာဟွံထေက်ကဵုစောဲလာံတံဂှ် ဖအောန်ဖအိုတ်ကၠေံတုဲ အရာမၞုံကဵုၚုဟ်မး ကမၠောန်ထေက်ဒးရးတံဂှ်ဟေၚ် ယ၀်ပိုဲဂ္စာန်ကၠောန်ဏောၚ်တှ်ေ ဘ၀ပိုဲမၞုံကဵုဂုဏ်သိက္ခာစရာဲကျာ်သြဳတုဲ ၜိုန်ရဘ၀ပိုဲကၠေံဗ္ဒန်အာ ညံၚ်လိက်ချူလ္တူဗလးဍာ်ကီု
လေ၀် ဂုဏ်စရာဲပိုဲဂှ် သှ်ေၜက်ဒၟံၚ် ပ္ဍဲစိုတ်မၞိဟ်တံလၟိုန်ရ။

22/03/2026

သၟတ် ကေုာံ အန္တရာဲဒမၠုမတွံဂးဂဥုဲၜူမာဲအရက်သုရာ

နိဒါန်
ပ္ဍဲကဵုဗွိုၚ်အသိၚ်ဂၠးတိဇၞော်မော၀်၀ွံ “သၟတ်” ဟီုမ္ဂးဂှ် ဒှ်ရိုဟ်ကၞက် ကေုာံ ဇြဟတ်လမျီု သွက်ဂွံသိုၚ်ခၞံ ဂၠံၚ်တရဴတဴတက်ဂကူ ကေုာံ ဍုၚ်ကွာန်ရ။ သၟတ်မၞုံကဵုပညာ၊ သတ္တိ ကေုာံ သိက္ခာတံဂှ် ညံၚ်ရဴလျးတ္ၚဲ မဗလးကဵုလျးတၟး သွက်အနာဂတ်ကီုရ။ ဆဂး ပ္ဍဲခေတ်တ္ၚဲဏံ လျးတၟးသၟတ်တံဂှ် ဒးဒုၚ်ဗ္တိုက်ဖအောန်ဒၟံၚ် နကဵုမေဃဒမၠု မကော်ဂး “ဂဥုဲၜူမာဲ” ကေုာံ “အရက်သုရာ” ရ။

ဂဥုဲၜူမာဲ ကေုာံ အရက်သုရာဟီုမ္ဂးဂှ် မၠာ်ရံၚ်နကဵုမတ်မ္ဂး ညံၚ်ရဴနွံကဵုအရံၚ်သာ်လဟိၚ် မွဲခဏကီုလေ၀် ဗွဲစၟတ်ဂှ် ဍေံဒှ်ဒၞက် (trap) မကၟာတ်လဒံလ၀် တြၚ်ဗၠးၜးသၟတ်တံရ။ အတိုၚ်အာဇနဲ Frederick Douglass မဟီုလ၀် “ဒမၠုဂှ် ဒှ်ဟိုတ်မကဏာဗစိုပ်ကဵုဘ၀ဍိက်” ကီု၊ ဂဥုဲၜူမာဲဂှ်လေ၀် ပၠိုတ်ကၠေံလျးပညာသၟတ်တံတုဲ ဗ္ကပ်စုတ် “သံယောဇိုန်ဘ၀ဍိက်ဂဥုဲ” ပ္ဍဲက္ဍဟ် ကေုာံ စိုတ်ဓာတ်သၟတ်တံရ။

ပ္ဍဲလိက်ဏံ (၀ါ) ပ္ဍဲ၀ိုၚ်ဏံ ပိုဲတံသ္ၚဳဂၠိပ်အာ အကြာဇြဟတ်သၟတ် ကေုာံ အန္တရာဲဂဥုဲၜူမာဲ ဗီုလဵုဍေံပလီုကၠေံ အစောံစရာဲမၞိဟ်၊ ဗီုလဵုဍေံပၠိုတ်ကၠေံလျးပညာ ကေုာံ နဲကဲဗီုလဵုသၟတ်တံ ဂွံတ၀်စၞေဟ် ဗၠးတိတ်နူဘ၀ဍိက်ဂဥုဲတံဏံမာန်ရ။ ဟိုတ်ဂှ်ရ ပညာဟေၚ် ဒှ်တဴ သွက်ဂွံပံက်ထောံတြၚ်ဒမၠုတုဲ က္လေၚ်သိုၚ်ခၞံဗဒှ် အနာဂတ်သၟတ် ညံၚ်ဂွံနွံကဵုသိက္ခာ ကေုာံ လျးတၟးဘ၀ဍေံတံရ။
(ပါရဂူ-မာံသူ)

19/03/2026

English Test for the young learners

19/03/2026

Meditation as a part of activity of learning
(19/03/2026)

10/03/2026

လလောၚ်တြးပရိုၚ်မ္ၚဵု
သွက်ထပိုယ်သာမဏီ-ခမဳတံ
ယဝ်နွံပၟိက် သၟိက်မိက်ဂွံကတ်လ္ၚတ်
ဘာသန္တရ ဘာသာအၚ်ဂလိက်မ္ဂး
စုတ်စရၚ်မာန်ရကျာ်။
ဌာန- တိုက်သဒ္ဓမ္မာရာမ
ဂန္ထဓူရ -ဝိပဿနာဓူရ
ဒေသမုဟ်ဍုၚ်-

16/02/2026

ပရၚ်တဲတၟေၚ် နူကွတ်တဲ ညးမဓဇက်ချူ မာံဥက္ကာစံ။ အရာပ် (၆) ကွာန်ဟံၚ်ဂါမ်။ တၚ်ဂုဏ်ရ။ (16/02/2026)

07/02/2026

လလောၚ်တြးပရိုၚ်မ္ၚဵု သွက်ကောန်ၚာ်သၟတ်ဂမၠိုၚ်
--------------------------------------------

အစဳဇန်ဗ္တောန်အဂ်လိက် ဥတုကညၚ် သွက်ကောန်ၚာ်သၟတ်ဂမၠိုၚ်
ဌာန-ဘာဒေါဝ် ကွာန်ဟာမ်ဂါမ်
---------------------------

လၟေၚ်အစဳဇန်ဂမၠိုၚ်
တန်ဒုၚ်တဲဂမၠိုၚ်
နူစ (၂) တန်သွဟ်တုဲ စဵုကဵုစိုပ် (၁၁) တန်။

စၟတ်တ္ၚဲဒုၚ်တဲကွးဘာ
သက္ကရာဇ်ဍုၚ် ၁၃၈၇ သၞာံ ဂိတုမာ် (၁၁.၁၂.၁၃.၁၄.၁၅) စွေက် စဒုၚ်အာတဲကွးဘာတံရောၚ်။

စၟတ်တ္ၚဲပံက်ဘာ
ဂိတုဖဝ်ရဂိုန် (၂) မံက်။

အိုတ်ကဵုကောန်ၚာ်သၟတ်တံညးဂမၠိုၚ် အခိၚ်အခေါၚ်ခိုဟ် အခါပြဲ ဘဝညံၚ်ဂွံနွံကဵုပရဲမာန် သြဝ်ဂစာန်ကတ်လ္ၚတ်ပညာအိုတ်ညိဂှ် မ္ဒးဘိက်ပၟိၚ် ဆဝ်မ္ၚုဟ်ဏာ ဗွဲလၟေၚ်မေတ္တာရအဴ။

22/01/2026

ယွံသပ္ပုရိုဟ်ဒါယကာ ဥပ္ပးဇန်ကြပ်သ္ၚောဲတံညးဂမၠိုၚ်အဴ
သွက်ဂွံထံက်ပၚ် ပရေၚ်ပညာ ကောန်ဂကူမန် အလုံပွိုၚ်ဍုၚ်ရေဝ်သၠုၚ်ကျာဂှ် သြဝ်ပြာပ်ကၠုၚ်က္လၚ်ပၚ်မှိၚ်ဓရ်ဓမ္မဒေသနာမန်အိုတ်ညိဂှ် မ္ဒးဘိက်ပၟိၚ်ဏာ ဗွဲလၟေၚ်မေတ္တာရအဴ။

Dear virtuous donors and relatives from near and far, In order to support Mon national education throughout the Southern Ye Township area, we lovingly and respectfully invite you all to come and listen to the Mon Dhamma Desana (sermon) according to the scheduled program.

11/01/2026

ဖဵုကဵုဒါန်ဍာ် ဖဵု (၁၀) သာ်။
ဒါန်ဍာ် (ဝါ) ပါနဒါန ဝွံ ပ္ဍဲကဵုဗုဒ္ဓဘာသာပိုဲမ္ဂး ဒှ်ဒါန်မကဵုတသိုက် ကုသတ်တံဗွဲမပြဟ်တုဲ နွံကဵုဖဵုဂုဏ်တၟေၚ်ဗွဲမဂၠိုၚ်ရ။ ညးမကဵုဒါန်ဍာ်မ္ဂး ကလိဂွံဖဵုဂုဏ် ၁၀ သာ် အတိုၚ်ကျာ်တြဲမတွံလဝ် ပ္ဍဲကဵု (ကိံဒဒသုတ်) ရ။
ဖဵုဂုဏ် ၁၀ သာ် သွက်ညးမကဵုဒါန်ဍာ်
၁။ အာယု-အာယုက်ဂၠိၚ်သ္ၚောဲ။
၂။ ဝဏ္ဏ-ရုပ်သာ်ကျေဝ်ဂေါဝ် သ္အးဇ္ၚး။
၃။ သုခ-နွံကဵုတသိုက်ကာယ၊ တသိုက်စိုတ်။
၄။ ဗလ-ဒြဟတ်ထတ်စောံ။
၅။ ပဋိဘာန-ဉာဏ်ပညာစဳကၠး ထက်မြက်။
၆။ ယသ-နွံကဵုဒယှ်တှ် (မၞိဟ်တီဂၠိုၚ်)။
၇။ သုစိတ္တ-စိုတ်သ္အးဇ္ၚး ၜိုဟ်သြိုဟ်။
၈။ နိမ္မလ-ကလိဂွံခန္ဓမသ္အးဇ္ၚး (ဟွံမွဲကဵုယဲဘဲ)။
၉။ ပိပါသဝိနယ: ဒဒှ်မဟွံမွဲကဵု ဒဒိုက်ကၠောဝ်ဗျဵု။
၁၀။ သုခသမ္ပတ္တိ: ကလိဂွံတသိုက်နိဗ္ဗာန် ဗွဲမပြဟ်။

ဂလာန်ကျာ်တွံလဝ် (ဍာ်ဝွံဒှ်တသိုက်)
ကျာ်တြဲတွံလဝ် "ပါနဒါနံ သုခဒံ" (မကဵုဒါန်ဍာ်မ္ဂး ဒှ်မကဵုတသိုက်ရောၚ်)။ ဟိုတ်နူဍာ်ဝွံ ဖအိုတ်ကဵုဒဒိုက်ကၠောဝ်ဗျဵု ဖအိုတ်ကဵုဒဒိုက်ယဲဘဲအန္တရာဲတုဲ မဒှ်ဒါန်မကဵုတသိုက်ဗွဲမပြဟ်ရ။

ဖဵုတၟေၚ် ပ္ဍဲဘဝဏံကီု သီုဘဝဂတ
• စိုတ်ၜိုဟ်သြိုဟ်: ညးမကဵုဒါန်ဍာ်မ္ဂး စိုတ်ဟွံဂမ္တဴ၊ ဟွံမွဲကဵုဒဒိုက်စိုတ်ဂၠိုၚ်။
• ဒယှ်တှ်: ညံၚ်ရဴဍာ်မဇွောဝ်အာ အလုံမွဲဒေသကီု၊ ဂုဏ်စရာဲညးဂှ်လေဝ် ပြာကတ်အာ အလုံမွဲဒေသမာန်ရ။
• ခန္ဓကာယသ္အးဇ္ၚး: ညးမကဵုဒါန်ဍာ်ဂှ် ရုပ်သာ်သ္အးဇ္ၚးတုဲ ဖျုန်စၞာံကျေဝ်ဂေါဝ် ညံၚ်ရဴဍာ်မဇ္ၚးကီုရ။

The offering of water, known as Panadana, is highly regarded in Buddhism as a gift that brings immediate relief and happiness to living beings. According to the Buddha’s teachings in the Kimdada Sutta, those who give water receive 10 Great Benefits:
10 Benefits for Those Who Offer Water
1. Ayu: Longevity (A long life).
2. Vanna: A beautiful, clear, and bright complexion.
3. Sukha: Physical and mental happiness (bliss).
4. Bala: Great physical strength and energy.
5. Patibhana: Sharp, clear, and quick-witted wisdom.
6. Yasa: Fame, a good reputation, and many followers.
7. Sucitta: A pure, calm, and peaceful mind.
8. Nimmala: A clean body free from diseases and impurities.
9. Pipasa-vinaya: Freedom from thirst and internal heat (burning sensations).
10. Sukha-sampatti: Attainment of the ultimate bliss of Nibbana swiftly.
The Words of the Buddha (Water is Happiness)
The Buddha taught: "Panadanam Sukhadam" (The gift of water is the gift of happiness). Because water instantly extinguishes the suffering of thirst and internal heat, it is considered a donation that provides immediate happiness.
Special Effects in This Life and the Next
• Peace of Mind: Those who give water will not have a "hot" or agitated mind; they will experience less mental distress.
• Fame: Just as water flows and spreads across the land, the good reputation and virtues of the giver will spread far and wide.
• Pure Body: The giver will possess a clean, clear physical form and beautiful skin, much like the clarity of pure water.

11/01/2026

ဒါန်ပုၚ်သွ (ဝါ) အာဟာရဒါန်ဏံဝွံ ပ္ဍဲကဵုဗုဒ္ဓဘာသာပိုဲမ္ဂး ဒှ်ဒါန်တၟေၚ်မွဲတုဲ နွံကဵုဖဵုဂုဏ်အတိုၚ်ဗွဲသၟဝ်ဝွံရ -

ဖဵုဂုဏ် ၅ သာ် (အတိုၚ်ဘောဇနသုတ်)
ပ္ဍဲအခိၚ်ပိုဲကဵုဒါန်ပုၚ်သွ ကုညးမွဲသအာၚ် (ဟွံသေၚ်သာ်ဂှ်) သၚ်တုဲမ္ဂး ပိုဲကဵုဒါန်ဖဵု ၅ သာ်ဝွံရောၚ် မိက်ဂွံဟီုရ။
၁။ အာယု (အာယုက်): ကဵုအာယုက် ကုညးမဒုၚ်ဒါန်တုဲ ဇကုလေဝ် ကလိဂွံအာယုက်ဂၠိၚ်သ္ၚောံ။
၂။ ဝဏ္ဏ (ရုပ်သာ်): ကဵုရုပ်သာ်ကျေဝ်ဂေါဝ်တုဲ ဇကုလေဝ် ကလိဂွံရုပ်သာ် မပ္တံကဵုစရာဲကျာ်သြဳ။
၃။ သုခ (တသိုက်): ကဵုတသိုက်ကာယ တသိုက်စိုတ်တုဲ ဇကုလေဝ် ကလိဂွံတသိုက်ၜိုဟ်သြိုဟ်။
၄။ ဗလ (ဒြဟတ်): ကဵုဒြဟတ် ကုညးမအောန်ဒြဟတ်တုဲ ဇကုလေဝ် ကလိဂွံဒြဟတ်ကာယ သီုကဵုဒြဟတ်ဉာဏ်။
၅။ ပဋိဘာန (ဉာဏ်ပညာ): ကဵုဉာဏ်ပညာတုဲ ဇကုလေဝ် ကလိဂွံဉာဏ်ပညာ ထက်မြက်စဳကၠး။

ဂလာန်ကျာ်ဟီုလဝ် (ပုၚ်သွဒှ်ဒြဟတ်)
ကျာ်တြဲတွံလဝ် "အန္နံ ဗလံ" (ပုၚ်သွဝွံ ဒှ်ဒြဟတ်ရောၚ်)။ ညးမကဵုဒါန်ပုၚ်သွမ္ဂး ဒှ်ညးမကဵုဒြဟတ် ကုသတ်တံရ။ ပ္ဍဲဘဝဏံကီု သီုဘဝဂတ ကာယကီု စိတ်ကီု ဂွံနွံကဵုဒြဟတ်ပေၚ်ပေၚ်ဂှ် ဖဵုဒါန်ပုၚ်သွဏံ ရေၚ်တၠုၚ်ကဵုမာန်ရ။

တၚ်စၟတ်သမ္တီတၟေၚ်
• စိုတ်သ္အးဇ္ၚး = ပ္ဍဲအခိၚ်ကဵုဒါန်ဂှ် စိုတ်ဒးသ္အးဇ္ၚးတုဲ နွံကဵုစေတနာ ၃ တန် (ဗုဗ္ဗ မုဉ္စ၊ ပရ) မ္ဂး ဖဵုဍေံဂၠိုၚ်တၟေၚ်ရ။
• ဒါန်အခိၚ်= ယဝ်ရကဵုဒါန် ကုညးဗုၚ်ဂၞဴ မအေၚ်လဝ်ပုၚ်သွမ္ဂး ဖဵုဍေံပြဟ်တုဲ သၠုၚ်တၟေၚ်နူဓမ္မတာရ။

The offering of food (Alms) or Ahara Dana is considered a very special form of charity in Buddhism. It yields great merits as follows:

5 Great Benefits (According to the Bhojana Sutta)
When we offer food to others or to the Sangha (Monks), it is said that we are giving five essential things to the receiver, and in return, we will also gain these five merits:
1. Ayu (Long Life): By giving life-sustaining food, you gain the blessing of a long and healthy life.
2. Vanna (Beauty): By providing nourishment that improves physical appearance, you gain a beautiful complexion and a radiant presence.
3. Sukha (Happiness): By providing physical and mental comfort through food, you gain peace of mind and bodily happiness.
4. Bala (Strength): By giving strength to those who are weak or hungry, you gain great physical and intellectual strength.
5. Patibhana (Wisdom/Quick-wittedness): By giving the sustenance needed for the mind to function, you gain a sharp and clear intellect.
The Words of the Buddha (Food is Strength)
The Buddha taught: "Annam Balam" (Food is Strength). Those who give food are essentially giving strength to living beings. This merit brings fullness of strength to both body and mind, in this life and in future lives

Special Notes for Givers
• Purity of Mind: For the merits to be most powerful, the giver's mind must be pure and possess the Three Intentions (Cetana): Before giving (Pubba), during giving (Munca), and after giving (Apara).
• Timely Giving: Offering food to those who are truly hungry or starving yields immediate and exceptionally high merits compared to regular offerings.

05/01/2026

ပ္ဍဲအခိုက်ကၞာပညာမန်ပိုယ်ကီု၊ အခိုက်ဗုဒ္ဓဘာသာကီုဂှ် တၠပညာဟီုဂှ် ဍေံနွံကဵုလက်သဏ်သဇိုင် ဗွဲမဂၠိုင်ဂၠေင်ရ။ မၞိဟ်မွဲဂှ် ဆဂုဏ်စရာဲ ကဆံၚ်ပညာ (Degree) နွံဟေင် ကော်ခဴစတၠပညာဟွံထေက်ဏီ။ ဒးနွံကဵုဍာ်ဒကေဝ်စိုတ်ဓာတ် ကေုာံ အစောံသတ္တိမြဴသာ်ဝွံရ -

၁. လက်သဏ်တၠပညာ (၃) သာ်
အတိုင်ကျာ်တြဲတွံလဝ် ပ္ဍဲဓမ္မပါဒဝဂ် တၠပညာဟီုမ္ဂးဂှ် -
• သုဘာသိတဘာသဳ - ဟီုဂလာန်မိပ်မြဟ်၊ နွံကဵုဖဵု၊ ဟီုဂလာန်ဍာ်ဒကေဝ်နွံ။
• သုစိဏ္ဏစာရဳ - ဒ္ဂေတ်ပဋိပတ်စိုတ်စရိုတ် ခိုဟ်မောဝ်။
• သုစိန္တိတစိန္တီ - ချပ်ဗ္စာ နွံကဵုဟိုတ် ကေုာံ ဖဵု၊ ဟွံချပ်ပလီုပလာ်ညးတၞဟ်။

၂. အစောံသတ္တိ တၠပညာတအ် နွံထေက်
မၞိဟ်မွဲ ဂွံဒုင်ကော်စ တၠပညာဂှ် ဒးနွံကဵုအင်္ဂဏအ်ရ -
• ဝေင်ပဲါအကုသိုလ် - တီဒုဟ် ကေုာံ ဖဵုတုဲ ဟွံဒ္ဂေတ်ပရေအ်။
• လေပ်အေၚ်ဒုၚ်မာန်- ကာလညးတၞဟ်ကဵုကသပ် ဟွံသေင်မ္ဂး ဝေင်ဂဗုတ်မ္ဂး အေၚ်ဒုၚ်မာန်၊ ဟွံထေဲပြဟ်။
• တီကေတ်ဂုဏ်ညး - ညးမွဲမွဲ ပ္တုဲလဝ်လတူဇကုမ္ဂး တီဂုဏ် (ကတညုတာ) တုဲ ကလေင်ဆပ်ဂုဏ်။
• ပညာပ္ဍဲပရေင်လောက - တီနဲကဲလောကဝတ်၊ တီအခိင်အခါ၊ တီပၟိက်ဆန္ဒညးတၞဟ်တုဲ ဆက်ဆံလေပ်။

၃. ဗီုပြင်တၠပညာမံၚ်စံၚ်
• ဟွံကြီစ- တၠပညာဇေတ်တ်ဂှ် ဟွံကြီစပညာဇကု၊ မံင်သပ္ပါဲတုဲ ဒုင်ဂုဏ်စညးတၞဟ်လေပ်။
• ဗ္တောန်ကဵုညးတၞဟ် - ပညာဇကုနွံဂှ် ပါ်ပရအ်ကဵုညးတၞဟ် ညံင်ဂွံဂွံဂၠံတရဴတဴတက်။
• ထိင်စိုတ်မာန် - ကာလဒးဆဵုဘဲအန္တရာယ်ကီု၊ ကာလဒးဒုင်စောဒနာကီု ထိင်စိုတ်တုဲ သုင်စောဲညာဏ် သွက်ဂွံသောင်ကလး။

"မၞိဟ်မွဲဂှ် ဆတီလိက်ဗွဟ်ဂၠိုင်ဟေင် တၠပညာဟွံသေင်၊ မၞိဟ်မတီဖဵုဟိုတ် ကေုာံ မၞိဟ်မနွံကဵုမေတ္တာ၊ ကရုဏာ လတူသတ္တအ်ဟေင် မဒှ်တၠပညာဇေတ်မွဲကော်ခဴစထေက်ရ။

Suriyadhaja

30/03/2026

30/03/2026

22/03/2026

19/03/2026

19/03/2026

10/03/2026

16/02/2026

07/02/2026

22/01/2026

11/01/2026

11/01/2026

05/01/2026

Address

Website

Alerts

Shortcuts

Share