07/02/2026
ගර්භනී අවදිය කියන්නේ මව්කුස තුළ නව ජීවිතයක් සුරක්ෂිතව රැක ගැනීම සඳහා අතිශය වටිනා කාලයකි. එම කාලය තුළ මවගේ රුධිර සීනී මට්ටම නිසි ලෙස පාලනය කිරීම, මවටත් බිළිඳාටත් සෞඛ්ය සම්පන්න අනාගතයක් උරුම කර දීමේ මූලික පදනමක් වේ.
ගර්භනී කාලය තුළ පළමු වරට ඇතිවන දියවැඩියා තත්ත්වය (රුධිර සීනී මට්ටම වැඩි වීම) Gestational Diabetes Mellitus ලෙස හඳුන්වයි. මෙම තත්ත්වය හඳුනා ගැනීම සඳහා පරීක්ෂණ සිදු කිරීම, බිළිඳාගේ වර්ධනය, බර සහ උපතේ ආරක්ෂාව සම්බන්ධයෙන් ඉතා වැදගත් වේ. නිසි වේලාවට සිදු කරන පරීක්ෂණ මඟින්, මවට අවශ්ය ආහාර පාලනය සහ ප්රතිකාර සඳහා නිවැරදි මාර්ගය විවර කර දේ.
විවිධ රුධිර සීනී පරීක්ෂණ අතරින්, ගර්භනී කාලය තුළ විශේෂයෙන් සිදු කරන පරීක්ෂණ දෙකක් ලෙස OGTT (Oral Glucose Tolerance Test) සහ PPBS (Post Prandial Blood Sugar) හඳුන්වා දිය හැක.
OGTT පරීක්ෂණය ප්රධාන වශයෙන් Gestational Diabetes Mellitus හඳුනා ගැනීම සඳහා සිදු කරයි. මෙහිදී පළමුව නිරාහාරව රුධිර සීනී මට්ටම මැනේ. ඉන්පසු ග්ලුකෝස් දියරයක් පානය කිරීමට දෙන අතර, නියමිත කාලයන්හිදී (පැය 1, පැය 2 හෝ පැය 3) රුධිර සීනී මට්ටම් නැවත මැනේ. මෙම ප්රතිඵල මඟින් ශරීරය සීනි නිසි ලෙස භාවිතා කරන්නේද යන්න තීරණය කළ හැක. සාමාන්යයෙන් ගර්භණී සති 24–28 අතර කාලයේදී මෙම පරීක්ෂණය සිදු කරන අතර, අවශ්ය නම් වෛද්ය උපදෙස් අනුව පෙර හෝ පසුවද සිදු කළ හැක.
PPBS යනු ආහාරය ගත් පසු (සාමාන්යයෙන් ආහාරයෙන් පැය 2කට පසු) රුධිරයේ සීනී මට්ටම මැනීම සඳහා කරන පරීක්ෂණයකි. ගර්භනී අවදියේදී මෙම පරීක්ෂණය ඉතා වැදගත් වන්නේ, ආහාරයෙන් පසු රුධිර සීනී මට්ටම සාමාන්ය සීමාව තුළ පවතිනවාද යන්න හඳුනා ගැනීමටයි. PPBS පරීක්ෂණය මඟින් Gestational Diabetes තත්ත්වය නිසි ලෙස පාලනය වෙමින් පවතිනවාද යන්න විශ්ලේෂණය කළ හැක.
ගර්භනී ඔබත් වෛද්ය උපදෙස් ලබා ගෙන OGTT හා PPBS පරීක්ෂණ සිදු කර ගන්න .
අද සිදු කරන කුඩා පරීක්ෂණයක්, හෙට දිනයේ සතුටින් සිනාසෙන බිළිඳෙකුගේ සුරක්ෂිත අනාගතයට මඟ පෙන්වයි.
Alpha Medi Lab වෙතින් ඔබ වෙත ගෙන එන සුහද පණිවිඩයකි.
📍 දළුගම, කැලණිය
📞 011 290 6949 | 071 822 7704
