Sithmal සිත්මල්

21/04/2022

19/04/2022

විභාග ආතතිය පිළිබඳව ඔබ දැනුවත්ද...?

"මිස් මගෙ පුතා ගොඩාක් දක්ෂ දරුවෙක්, ඒත් මේ O/L ලබන මාසෙ පෙනි පෙනි එයා ගොඩාක් දුර්වල වෙලා. ඉස්කෝලෙ ලකුණු හොඳටම අඩුයි."

මේ එක අම්ම කෙනෙක්ගෙ අද්දැකීමක් වුවත්, තවත් බොහෝ දෙනෙක් මෙකී අත්දැකීමට මුහුණ දී ඇති.

වර්ථමාන සමාජය තුළ විභාග කෙරෙහි ඇති දැඩි තරඟකාරීත්වය හමුවේ දරුවන් පමණක් නොව දෙමාපියන්ද විශාල ලෙස මානසික පීඩනයට පත් වෙන බව පොදුවේ කාටත් පිළිගත හැකි සත්‍යකි. පෙරපාසල් අවධියෙන් ආරම්භ වන අනවශ්‍ය තරඟකාරීත්වය හමුවේ බොහෝ දරුවන් මානසික රෝගීන් බවට පත් වී ඇති බව අත්දැකීමෙන් මා දැක ඇත.

විභාගයකට මුහුණ දීමට සිටින දරුවෙකු තුළ අනිවාර්යෙන්ම මානසික නිදහස තිබිය යුතුය. පාඩම් කරනා සියල්ල, හොඳින් අවබෝද කර ගැනීමට මෙන්ම, හොඳින් මතකයේ රඳවා ගැනීමට මානසික සැහැල්ලුව අනිවාර්ය වේ. එසේ නම් විභාගයකට සූදානම් වන දරුවාට ඔබ අනවශ්‍ය පීඩනයක් ඇති කරන්නේ නම්, ඉන් දරුවාට විශාල හානියක් සිදුවිය හැක.

ඇතැම් දෙමාපියන්, දරුවා උනන්දු කිරීම අරමුණු කර ගනිමින් විවිද දෝෂාරෝපණ කිරීමට පුරුදු වී සිටින අතර, එකී දෝෂාරෝපන හරහා දරුවාගේ යම් ප්‍රගතියක් බලපොරොත්තු වෙති. නමුත් යථාර්තය නම්, දෙමාපියන් පවසන සියලු දෑ දරුවාගේ මනස තුළ තැම්පත් වන අතර, විභාගය ලියන්නට සූදානම් වන මොහොතේ යටි සිත තුළ තැම්පත් වූ දෑ සියල්ල එළියට පැමිණ, දරුවාට අසාමාන්‍ය බියක් දැනෙනු ඇත. මෙකී බිය නිසා පාඩම් කළ සියල්ල මතකයෙන් ගිලිහී යෑම මෙන්ම දන්නා දේ ලියා ගැනීමට නොහැකි වීම සිදු වේ.

විභාග ශාලාව තුළදී, අසාමාන්‍ය ලෙස අත වෙව්ලීම්, දහඩිය දැමීම, මනස හිස් යැයි දැනීම, ක්ලාන්ත වීම හා ඇතැම් විට බඩේ අමාරුව, වමනය ආදී කායික ලක්ෂණද විභාග ආතතිය සමඟ බැඳී ඇත.

දරුවාගේ හොඳට යැයි සිතා, වැඩි පීඩනයක් ඇති කිරීම කිසිසේත් නොකළ යුතු අතර, හැකිතාක් දරුවාගේ හිතට ශක්තිය ඇතිකරවන දෑ කතා කිරීම ඔබගේ වගකීමකි. එපමණක් නොව, විභාගය යනු ජීවිතයේ අවසානය නොවන බව දරුවාට ඒත්තු ගැන්වීම ඔබ කළ යුතුය. මන්ද විභාග ආතතියේ ප්‍රතිඵලයක් ලෙස, ඇතැම් දරුවන් සියදිවි හානි කර ගැනීමට පවා පෙළඹෙන බැවිනි.

ඔබේ දරුවාගෙ ආත්ම විශ්වාසය ගිලිහී ඇති බවක් ඔබට දැනෙන්නේ නම්, උදාසීන කමක් ඔබට පෙනෙන්නේ නම් දරුවා මනෝ උපදේශනයට යොමු කිරීම ඉතා යෝග්‍ය වන අතර, එහිදී දරුවාගේ ඇතුළාන්ත ශක්තීන් අවදි කර නොබියව අධ්‍යාපන කටයුතු කිරීමට දරුවාට හැකියාව ලැබෙනු ඇත.

ජ්‍යේෂ්ඨ මනෝ විද්‍යා උපදේශිකා
අමා සුබසිoහ.

13/04/2022

"Water Relaxation"
Professional Chat with a hot Coffee ☕☕🧘🌦️

10/04/2022

ලoකාවේ ජනග්‍රහනයෙන් ලක්ෂ 8කට අධික සoඛ්‍යාවක් පීඩා විඳින " මානසික අවපීඩනය හෙවත් විශාදය".

සමාජය තුළ බහුලව ව්‍යාප්තව ඇති මානසික රෝගය ලෙස විශාදය නම් කළ හැක. මෙහි ව්‍යාප්තිය පිළිබඳව තව දුරටත් පැහැදිලි කළොත්, සෑම පුද්ගලයින් 4 දෙනෙක් ගෙන් 1 අයෙකු විශාදයට ලක් වීමේ ප්‍රවණතාවයක් ඇත. ඒ නිසාම මේ වනවිටත් බොහොමයක් දෙනා විශාද රෝගය පිළිබඳව යම්තාක් දුරට හෝ දැනුවත් වී සිටින අතර, පොදුවේ සියලු දෙනා ඒ පිළිබඳව දැනුවත් වී සිටීම ඉතා වැදගත්.

සරලවම කීවොත් ඇත්තටම මොකද්ද මේ විශාදය කියන්නෙ...?

කිසියම් පුද්ගලයෙක් කුමක් හෝ හේතුවක් නිසා දීර්ග කාලයක් තිස්සෙ උග්‍ර මානසික පීඩනයකින් හෝ මානසික ආතතියකින් පසු වීමේ ප්‍රතිඵලයක් ලෙස විශාද තත්ත්වය ඇති විය හැක. එනම් අධික මානසික පීඩනය දීර්ග කාලයක් පැවතීමේ ප්‍රතිඵලයක් ලෙස විශාදය ඇති වෙයි.

රෝගයක් ලෙස ගත්විට විශාදයේ ස්වභාවය...?

විශාදය ප්‍රධාන වශයෙන් කොටස් 3කි. එනම්
(1) මූලික විශාදය
(2) මධ්‍ය විශාදය
(3) බරපතල විශාදය වශයෙනි.

මූලික විශාදය පාලනය කළ හැකි තත්ත්වයක් ලෙස සැලකිය හැකි අතර, බරපතල විශාද තත්ත්වයට පත් වූ විට පහසුවෙන් පාලනය කළ නොහැකි මෙන්ම, බොහෝ දුරට මනෝ වෛද්‍ය ප්‍රතිකාර ලබා ගත යුතුය.

විශාදය රෝගය සහිත පුද්ගලයෙක් හඳුනාගත හැකි ලක්ෂණ මොනවද...?

විශාදයේ ප්‍රධාන ලක්ෂණ 3කි.

(1) දිගින් දිගටම සිතේ පවතින කනස්සලු ස්වභාවය.
(2) ඉතා ඉක්මණින් පීඩාවට පත් වීම.
(3) ජීවිතයේ සතුටක් නොමැති වීම.

මෙකී ප්‍රධාන ලක්ෂණ වලට අමතරව, පහත සඳහන් උප ලක්ෂණද විශාදය සමඟ බැඳී ඇත.

• අවධානය යොමුකිරීමේ නොහැකියාව.
• මතකය අඩුවීම
• තීරණ ගැනීමේ ගැටලු සහ මානසික ඒකාග්‍රතාවය නොමැති වීම.
• අනාගතය ගැන අවිනිශ්චිතතාවය.
• තමන් වැඩකට නැති අයෙකු සේ දැනීම.
• ආත්ම විශ්වාසය බිඳ වැටීම.
• සෑම දෙයක් පිළිබඳවම සෘණාත්මක සිතුවිලි හා අසුභවාදී ආකල්ප ඇතිවීම.
• අලස බව හා උනන්දුව නැති වීම.
• නින්ද බාධා වීම හා නින්ද නොයෑම.
• අන්අය ආශ්‍රය කිරීමට අප්‍රිය වීම හා හුදෙකලා වීමට සිතීම.
• ආහාර අරුචිය හෝ අධිකව ආහාර ගැනීම.
• අන්අයව නුරුස්සන ස්වභාවය හා නිතර කේන්ති යෑම.
• මරණය ගැන නිතර සිතීම හා සියදිවි හානි කර ගැනීමට සිතීම.
• ලිoගික ජීවිතය පිළිබඳව අශාව අඩුවීම.
• ඇඟපතේ වේදනාව, බඩ දැවිල්ල ආදී ලක්ෂණ නිතරම ඇතිවීම.

විශාදය රෝගයට ප්‍රතිකාර කළ යුතු ආකාරය...?

යම්කිසි පුද්ගලයෙක්, විශාද රෝගී තත්ත්වයට පත් වී ඇත්නම්, ප්‍රථමයෙන් මනෝ උපදේශනයට යොමු වීම ඉතා වැදගත්. උපදේශන ක්‍රියාවලිය තුළදී, විවිද මනෝ චිකිත්සක ක්‍රමවේදයන් හරහා සිතුවිලි හා මනෝභාවය වෙනස් කිරීමට කටයුතු සිදුවෙන අතර, ඉන්පසුව විශාද තත්ත්වය මැන බැලීමෙන් සැලකිය යුතු ප්‍රගතියක් නොපෙනෙන්නේ නම්, මනෝ වෛද්‍ය ප්‍රතිකාර සඳහා රෝගියාව යොමු කිරීම සිදු වේ.
විශාද රෝගයේ ස්වභාවය අනුව, මනෝ වෛද්‍ය ප්‍රතිකාර හා මනෝ උපදේශනය යන දෙයාකාරයම යම් කාලයක් සමබරව පවත්වාගෙන යෑම තුළින් රෝගී තත්ත්වයෙන් මිදීමට හැකියාව ලැබෙනු ඇත.

අමා සුබසිංහ
ජ්‍යෙෂ්ඨ මනෝ උපදේශිකා

29/03/2022

29/03/2022

28/03/2022

Opening Ceremony of "Sithmal Counseling Service Center".

Participation of the Chief Guest District Medical Officer, Dr. Sujeewa Bogamuwa, The Medical Officer, Dr. Dinithi Adhikari (Base Hospital - Marawila) and The Medical Officer, Dr. Pullsara Subasinghe (Base Hospital - Mannar).

Thank You so much for your participation which coloured this blissful event...!

Ama Subasinghe
(Founder - Sithmal Counseling Service)
28/03/2022

27/03/2022

අධික කෝපය ජීවිතයට වටිනාම දේවල් ඔබට අහිමි කරයි...!

මිනිස් හැඟීම් ගැන කතා කරද්දි, තරහව එහෙමත් නැත්නම් කෝපය කියන්නෙ, ඕනෑම පුද්ගලයෙකුගේ මූලිකම හැඟීමක්. තරහ ඇති වීමේ ගති ස්වභාවය ඉතා ඉක්මණින් මග හැරෙන්නේ නැත, මන්ද, කෝපය ඇති වීමට ඇසුරුසැණක් වන් පුoචි කාලයක් ගත වුවද, ඇති වූ කෝපය නිවා ගැනීමට බොහෝ කාලයක් අවශ්‍ය වන බැවිනි.

කෝපය ගැන කතා කරද්දි, අපි කවුරුත් ඉතා හොඳින් මතකයේ රඳවා ගත යුතු දෙයක් ඇත, එනම්, තමා තරහින් සිටිනා විට ජීවිතයේ වැදගත් තීරණ නොගත යුතුය. ඒ විතරක්ද, තරහෙන් සිටින විට ප්‍රතිචාර දැක්වීම ඉතා අහිතකරයි. බොහොමයක් පුද්ගලයින්, කෝපයට පත්ව සිටිනා අවස්ථාවන්හිදී දක්වන ඇතැම් ප්‍රතිචාර නිසා මුලු ජීවිත කාලය තුළම පසුතැවීමට සිදුවන ගැටලු ඇති කර ගනු සුලබව දැකිය හැක.

කෝපය නිසා ඇති විය හැකි ගැටලු මොනවද?
• පවුල් ආරවුල් ඇති වීම.
• සම්බන්ධතා මූලික ගැටලු ඇතිවීම.
• අධි රුධිර පීඩනය, දියවැඩියාව වැනි කායික රෝග පීඩා ඇතිවීම.
• තමන්ගෙන් පලිගැනීමට කටයුතු කිරීම.
• තමාට හිමි ගෞරවය අහිමි වීම.
• මානසික නිදහස අහිමි වීම.
• සෑමවිටම කනස්සල්ලෙන්, පසුතැවිල්ලෙන් කාලය ගත කිරීමට සිදු වීම.

ප්‍රධාන වශයෙන් ඉහත සියල්ල දැක්විය හැකි අතර, තවත් බොහොමයක් හානිදායක ප්‍රතිඵල අධික කෝපය හා බැඳී ඇත.

ඔබත් ඉතා ඉක්මණින් කෝපයට පත්වන තැනැත්තෙක් නම්, ඔබට ඔබව පාලනය කර ගත නොහැකි තත්ත්වයක් ඇත්නම්, ඔබගේ එම ගැටලුවට ඉක්මණ් විසඳුමක් ලබා ගැනීම නුවණට හුරු වන අතර, ප්‍රථමයෙන් කළ යුත්තේ ඔබගේ ගැටලුව ඔබට විශ්වාසවන්ත අයෙකු සමඟ කතා කිරීමයි, එසේත් නැතිනම්, මනෝ උපදේශනයට යොමු වීම තුළින්, ඔබට ඔබගේ තත්ත්වය පිළිබඳව මනා අවබෝධයක් ලැබෙනු ඇත.
කෙසේ වෙතත් අවසානයේ නැවතත් මතක් කළොත්, තමා කෝපයෙන් සිටිනා කිසිම විටෙක, ජීවිතය හා සම්බන්ධ වැදගත් තීන්දු තීරණ නොගැනීමට වග බලා ගත යුතුය.

ජ්‍යේෂඨ මනෝවිද්‍යා උපදේශිකා
අමා සුබසිoහ

21/03/2022

Welcome to Sithmal,

I am Ama Subasinghe, a Licensed Counselor, Mental Health Practitioner and a Consultant Emotional Wellness at Apparel Industry. My goal through "Sithmal" is to support and guide people who are vulnerable at their day to day struggles. As a Counselor, Mental Health Practitioner, Trainer and a writer, I would like to contribute my best to the society ,especially to those who are in Emotional need.

I started my career as a Counselor with a Special Degree Bachelor of Social Work and a Professional Diploma in Practical Counseling and Mental Health. Continuing studies I've followed Diploma in Child Psychology and currently following a Professional Academic course in Sign Language.

I am also a member of "Global Institute of Counseling Professionals (GIOCP) and I have worked as an Industrial Counselor for nearly 7 years at Brandix Apparel Solutions, currently working (part time) as a Child Psychological Counselor at Angels' home for children under Dry Lands Project, Germany and I'm also working at MAS INTIMATES as the Head of Counseling (Consultant - Emotional Wellness).

With all the knowledge and professional experience I have gained as a student and a practitioner in the field of Counseling psychology , I hope that I will be able to do my best to the society through "Sithmal"

Ama Subasinghe
Licensed Counselor & Mental Health Practitioner,
BSW(sp), Dip in Practical Counseling and Mental Health, Dip in Child Psychology.

"Sithmal Counseling Service"