Asiri Pharmacy ,Karapitiya

05/09/2025

Talk to us 077 5408017

20/07/2025

Be aware

චිකුන්ගන්යා රෝගීන් NSAID කාණ්ඩයට අයත් වේදනා නාශක භාවිතා කිරීමෙන් වළකින්න

20/07/2025

බෙල්ලේ සිදුවන සම කළු පැහැගැන්වීම ශරීරයේ ඉන්සියුලින් ප්‍රතිරෝධතාවයේ ලක්ෂණයක් විය හැක. Acanthosis nigricans (ඇකන්තෝසිස් නිග්‍රිකන්ස්) ලෙස හඳුන්වන මෙම ලක්ෂණය දියවැඩියා තත්ත්වයක් වර්ධනය වීමේ මූලික ලක්ෂණයක් විය හැකි බැවින් වහාම වෛද්‍ය උපදෙස් සඳහා යොමු වන්න.

15/07/2025

"තාත්තා operation එකට කලින් කකුල් වලට මේස් දෙකක් දාන්න ඕනේ. ඒක hospital එකේ නෑ. පිටින් තමා ගන්න වෙන්නේ. "

පිටින් බෙහෙත් ගේන්න කියන්නත් බයයි. ඒත් මේ මේස් දෙක ඕනෙමයි.

"සුදු මේස් දෙකක් ගෙනත් තියෙන්නේ?"

"කෝ බලන්න. "

ඒක අපි සපත්තු වලට දාන මේස් දෙකක්.
"ඕක හරියන්නේ නෑ තාත්තා. වෙන දෙකක් ඕනේ. පිටින් ගන්න වෙනවා."

"කීයක් විතර වෙයිද දන්නේ නෑ නේද?"

"5000 ක් විතර වෙයි."

ඒ තාත්තා මුකුත් කිව්වේ නෑ.

ටිකකින් මම ඉන්න මේසේ ළගට ඇවිත් "doctor අර මේස් දෙක ඕනෙමද?
පඩි හම්බවෙන්නේ 10 වෙනිදා පහු වෙලා. එතකන් ටිකක් අමාරුයි." කියලා කියන කොට මම කොහොමද ඕනෙමයි කියන්නේ.
ඒ තාත්තා පොඩි රස්සාවක් කරන කෙනෙක්. මේ operation එකෙන් පස්සේ දවස් 15 ක් 20 ක් hospital එකේ ඉන්න වෙනවා. සමහර විට ඊළග මාසේ පඩියක් නැති වෙන්නත් පුලුවන්.

"හරි බලමු තාත්තා මොනවහරි කරන්න බලමු" කිව්වේ හොයාගන්න බැරි උනොත් මම හරි ගෙනත් දෙනවා කියලා හිතාගෙන.

අද හෑල්ල operation කරන ලෙඩෙක්ට දාන ඒ මේස් ගැන.

අපේ කකුල් වල ඉදන් heart එක පැත්තට ලේ ගමනාගමනය වෙන්නේ ශිරා (veins) හරහා. මේ ශිරා තුළ ලේ ගලන්නේ කකුල් වල මාංශ පේශිවල උදව්වෙන් (muscle pump ක්‍රියාවලිය). අපි ඇවිදිනකොට, ව්‍යායාම කරනකොට, පාද හොලවනකොට, මේ මාංශ පේශි සම්පීඩනය වෙලා ශිරා තුළ ලේ ඉහළට (හදවත දිහාවට) තල්ලු කරනවා. ශිරා ඇතුළේ තියෙන කපාට (valves) නිසා ලේ ආපහු පහළට ගලන්නේ නැහැ.

ලොකු operation එකකින් පස්සේ ටික කාලයක් ඇඳේ විවේක ගන්න වෙනවා. මේ වෙලාවේ කකුල් හොලවන්නේ නැති නිසා muscle pump එක හරියට වැඩ කරන්නේ නැහැ. එතකොට කකුල් වල ලේ ගමනාගමනය හරියට වෙන්නේ නෑ. ලේ එක තැනක එකතු වෙලා, ලේ කැටි (blood clots) හැදෙන්න පුළුවන්.

මේ තත්වය තමයි Deep Vein Thrombosis (DVT) කියන්නේ. DVT එක බරපතල වුණොත්, මේ ලේ කැටියක් පෙනහලුවලට ගිහින් pulmonary embolism වගේ ජීවිතයට තර්ජනයක් වෙන තත්ත්ව ඇති වෙන්න පුළුවන්.

Compression stockings තමයි මේ තත්වය වළක්වන්න බහුලව භාවිතා කරන්නේ. මේවා තදින් කකුල් වලට පළඳිනවා, ඒවා පාදවල ශිරා තද (compression) කරනවා. මේ නිසා ලේ ගමනාගමනය වෙනවා. ඒ නිසා ලේ කැටි ඇති වෙන අවදානම අඩු වෙනවා.

ඉතින් වාට්ටුවට පරිත්‍යාග විදියට හම්බ උන compression Stockings දෙකක් තිබුනා. වෙලාවට ඒ තාත්තටම ගැලපුනා.

මගේ facebook පිටුවේ followers ලා 21000 ක් ඉන්නවා. මම හැමදාම ලිපියක් ලියලා ඔයාලව දැනුවත් කරනවා.
මම කවදාවත් ඔයාලගෙන් උදව්වක් ඉල්ලා නෑ.
ඒත් අද වෛද්‍යවරයෙක් විදියට නෙවෙයි සාමාන්‍ය මිනිහෙක් විදියට ඔයාලගෙන් පොඩි උදව්වක් ඉල්ලන්න හිතුනා. ඔයාලට පුලුවන් නම් රෝහලකට මේ වගේ පරිත්‍යාගයක් කරන්න. ලොකු දේවල් නෙවෙයි. සරමක් චීත්තයක්, පැම්පස් පැකට් එකක්, මේ වගේ වෛද්‍ය උපකරණයක්. ඒක අපේ රටේ අහිංසක අසරණ මනුස්සයෙකුට ප්‍රයෝජන වත් වෙයි.

වෛද්‍ය ගයාන් සෙනෙවිරත්න
ශික්ෂණ රෝහල අනුරාධපුර

14/07/2025

13/07/2025

ඔබේ ඖෂධ වට්ටෝරු WhatsApp මගින් කරාපිටිය ආසිරි ෆාමසි වෙත යවන්න .
නිවැරදිව සහ ආරක්ෂිතව ඖෂධ භාවිතය සඳහා සුදුසු උපදෙස් ලබා ගන්න.

පලපුරුදු ඖෂධවේදියකුගෙන් ඔබට වැදගත්ම සියළු උපදෙස් ලබා දෙන අතර,
*ඔබේ ඖෂධ සම්බන්ධ සියලුම ප්‍රශ්නවලට පිළිතුරු ලබා දෙනු ඇත.*

📍 ආසිරි ෆාමසි , කරාපිටිය, ගාල්ල
📞 077 540 80 17

නිවැරදිව ඖෂධ භාවිත කර හොඳින් සුවවෙමු !

04/07/2025

මාරාන්තික ආසාත්මිකතාව අපිට වළක්වාගත හැකි තත්ත්වයක්

𝗦𝗨𝗕𝗦𝗖𝗥𝗜𝗕𝗘 𝗡𝗢𝗪 : https://www.youtube.com/ News Sri Lanka's Number One News Portal.𝗩𝗜𝗦𝗜𝗧 𝗡𝗢𝗪 : https://www.hirunews.lk...

24/01/2025

හදිසියේ මුහුණේ පැත්තක් එල්ලා වැටීම, එක් අතක පණ අඩුවීම හෝ කතා කිරීමට අපහසුවීම වැනි රෝග ලක්ෂණ අංශභාගේ මුල්ම රෝග ලක්ෂණ බව ඔබ දැන සිටියාද?
මේවායෙන් එක රෝග ලක්ෂණයක් හෝ හඳුනාගෙන ඉක්මනින් ක්‍රියාත්මක වී ළඟම ඇති රෝහලට ඇතුළත් වීමෙන් අංශභාගය නිසා ඇතිවන දරුණු සංකූලතා අවම කර ගත හැක.

මේක වඩාත් හොඳින් තේරුම් ගන්න අංශ භාග රෝගියෙකුගේ සත්‍ය කතාවක් රෝගියාගේ අවසරය මත පහත පළ කරන ලදි.

ඔන්න මහත්තයා කිව්ව වෙලාවටම ඉස්පිරිතාලෙට එක්කගෙන ආවා" එතකොට වෙලාව හරියටම උදෑසන හතයි පනහයි. ත්‍රිවිල් එකේ රියදුරු සුනිල්ගේ හඬ මාව එක්වරම පියවි ලෝකයට ගෙන ආවා. "බොහොම ස්තුතියි! එහෙනම් ලොකු දුව අපි ඉක්මනට යමු", මහත්තයට පුළුවන්ද තනියම ඇවිද ගෙනයන්න? ආපහු රියදුරු මහත්තයගෙන් ප්‍රශ්නයක්. "නැහැ නැහැ සුනිල් දැන් මට හොඳටම හොඳයි." එහෙම කියපු මම ලොකු දුවත් එක්ක ත්‍රිවිල් එකෙන් බැසගෙන කඩිමුඩියේ සායනය තියෙන පැත්තට යන්න පටන් ගත්තා. රෝහලේ ගේට්ටුව පහු කරගෙන යන විටම මීට සති තුනකට කලින් මම මේ රෝහලටම ගෙනාපු විදිහ හරියට චිත්‍රපටියක් වගේ මට මැවිලා පෙනුනා. ඒ දවස නම් මට කවදාවත් අමතක වෙන්නෙ නෑ. එදා රෑ නමයට විතර ක්‍රිකට් මැච් එක බල බල ටීවී එක ඉස්සරහ හිටියා. Tv එකේ සද්දෙ අඩු කරන්න කියලා හිතා ගෙන රිමෝට් එක දිහාට දකුණු අත දික්කලාට මට අත දික් කර ගන්න පුළුවන් උනේ නැහැ. මට ඒ අත හරි බරයි වගේ තේරුනේ. ඒකට මම ටිකක් බය වුණා. බය වෙච්ච පාර මට එහෙම්මම පුටුවෙන් නැගිට්ට උනා. පුටුවෙන් නැගිටලා ඉස්සරහට යන්න හදනකොටම දකුණු කකුලත් පැටලෙනවා වගේ මට තේරුණා. මම එහෙම්මම පුටුවේ ආපහු වාඩිවුණා.ඒත් එක්කම ලොකු දුවටත් බිරිඳටත් කෑ ගහලා කතා කලා. මම කතා කරනකොට දිව පැටලෙන ගතියකුත් තිබුණා. මට ඇතිවෙලා තියෙන්නේ අංශභාග තත්ත්වයක් කියල මට හිතුනා. ඒත් රාත්‍රියේ ඉස්පිරිතාලෙට යන්න බැරි නිසා ඊළඟ දවසේ යමු කියලා මම කිව්වත් ලොකු දූ කිව්වේ, පුළුවන් තරම් ඉක්මනට අපි ඉස්පිරිතාලෙට යමු කියලා. ගෙදර කට්ටියගෙ බල කිරීම නිසාම 1990 ගිලන් රථ සේවයට කතා කරගෙන ඒගොල්ලෝ මාව අපේ ප්‍රදේශයේ දිසාරෝහලට ගෙනිච්චා. එතනදි මාව පරීක්ෂා කරපු වෛද්‍යවරු ගිලන් රථයෙන් ළඟම තිබුණ දිස්ත්‍රික් මහ රෝහල වෙත රැගෙන ගියා.දිස්ත්‍රික් මහ රෝහලේදී මට හදිසි CT පරීක්ෂණයක් සිදු කලා. එයින් පසුව හදිසි ප්‍රතිකාර අංශයේ දී තවත් ලේ පරීක්ෂණ කිහිපයක්ම සිදු කළා. ඉන් පසු නැවතත් මාව වෛද්‍යවරු පරික්ෂා කරල ඇතිවෙලා තිබුණු තත්ත්වය ගැන මටත් ගෙදර කට්ටියටත් පැහැදිලි කලා. මට ඇවිල්ල තිබුණේ අංශභාග තත්ත්වයක්. CT පරීක්ෂණයට අනුව මට තිබිලා තිබුණේ මොළයේ රුධිර වාහිනියක ලේ කැටිත්තක් හිර වෙලා. මගේ වාසනාවට මම රෝග ලක්ෂණ පුද්ගලයාගෙන් ඇවිල්ලා පැය හතර හමාරක් ඇතුලත රෝහලට ඇවිල්ල තිබුනා. ඒ නිසා අංශභාගය සුව කිරීම සඳහා ලබාදෙන ඖෂධය ලබා දෙන්න පුළුවන් කියලා වෛද්‍යවරු දැනුම් දුන්නා. මේ ලබා දෙන්න යන ඖෂධය ගැන වෛද්‍යවරු මට හොඳින් පැහැදිලි කරලා දුන්නා. මගේ කැමැත්තත් අත්සනත් ලබාගෙන ඖෂධය මට ලබා දුන්නා. "තාත්තේ ඔයාගේ කාඩ් එක දෙන්න." ඒ ලොකු දුවගෙ කටහඬ. අපි දෙන්නා දන්නෙම නැතුව ස්නායු සායනටම ඇවිල්ලා තිබුණා. අපිට හම්බුණේ අංක විසි දෙක .ඒ සායනය තිබුනේ මම වගේම අංශභාග තත්වයන් ඇවිල්ලා තිබුන රෝගීන්ට. එදා සායනයට ගොඩක් කට්ටිය ඇවිල්ලා හිටියා. සමහර අයට තවමත් හරියට ඇවිදින්න බෑ , තවත් කෙනෙකුගේ හරියට අත වැඩ කරන්නේ නැහැ. සමහර කට්ටියට තාම හරියට කතා කරන්න බැහැ . එහෙම කට්ටිය ගොඩක් දෙනෙක් මේ සායනයට ඇවිල්ලා හිටියා. රෝහලේ ඉන්නකොට එදා විශේෂඥ වෛද්‍යතුමා මට කියපු දෙයක් මතක් වුණා ." විමලසේන මහත්තය දැන් ඉස්සර වගේ නෙමෙයි අංශභාග රෝගීන් වැඩියි. පුද්ගලයෝ හතර දෙනෙක් ගත්තොත් එක්කෙනෙකුට මේක වැළදෙන්නෙ හැකියාව තියෙනවා." ඉන්න රෝගීන් දිහා බැලුවහම ඒ කතාව ඇත්ත කියල මටත් හිතුනා. මගේ අංකය ආවට පස්සේ ිශේෂඥ වෛද්‍යතුමාව හම්බෙන්න අපිට අවස්ථාව ලැබුණා . එතුමා මාව නැවතත් පරීක්ෂා කලා. ඒ වගේම කරගෙන එන්න කියපු ලේ පරීක්ෂණ වාර්තාත් බැලුවා. ඊට පස්සේ මෙන්න මේ විදිහට තමයි මට කිව්වේ "ඔබතුමාට තිබුණ දියවැඩියාව සහ අධි රුධිර පීඩනය කාලෙක ඉඳන් තිබිලා තියෙනවා. ඔබතුමා අන්තිම මාස හය හතේ දී මේ රෝග හරියට පාලනය කරගෙන තිබුණේ නැහැ. මට හිතෙන්නෙ මේ නිසා වෙන්නැති ඔබතුමාට මේ වගේ තත්ත්වයක් එන්න ඇත්තේ. ඒ නිසා අධි රුධිර පීඩනය සහ දියවැඩියාව කියන තත්ත්වයන් හොඳින් පාලනය කරගන්න. නැත්තං ආපහු අංශභාග තත්ත්වයක් ඇතිවෙන්න හැකියාව තියෙනවා." ඇත්තටම අන්තිම අවුරුද්දෙ විතර මගේ වැරදි ආහාර රටාවත්, නියම කළ ඖෂධ මගහැරීමත් නිසා වෙන්න ඇති මේ වගේ තත්ත්වයක් මට ආවේ. වාසනාවකට ඉක්මනටම රෝහලට ගියපු නිසා මට අංශභාග තත්ත්වය සුව කරගන්න පුළුවන් වුණා. වෛද්‍යතුමා ඊට අමතරව ලබාදුන් ඖෂධ හරියට බොන්න කියලා කිව්වා. ඒ වගේම නිවැරදි ආහාර රටාවත් පුරුදු කරගන්න උපදෙස් ලබා දුන්නා. ඉස්පිරිතාලෙදි කියල දුන්න අතටත් කකුලටත් කරන්න කියා දුන්න ව්‍යායාම ටිකත් තව සති දෙක තුනක් කරන්න කියලා කිව්වා. ආපහු තව මාසෙකින් ඇවිල්ලා සායනයේදී පෙන්නන්න කියලා අවසාන වශයෙන් මට කිව්වා. ඒත් වෛද්‍යතුමා අන්තිමට කිව්ව කතාව මගේ හිතේ තවමත් දෝංකාර දෙනවා. දිය වැඩියාව සහ අධි රුධිර පීඩනය හරියට පාලනය නොකළොත් ආපහු මේ වගේ තත්වයක් එන්න පුළුවන්. ඒ කියන්නේ මට දියවැඩියාවයි අධි රුධිර පීඩනයයි හරියට පාලනය කරගන්නම වෙනවා. ඒවගේම මගේ පෙර පිනකට තමයි පුළුවන් තරම් ඉක්මනින් ම රෝග අංශභාග රෝග ලක්ෂණ වේලාසනින්ම හඳුනගත්තේ ඒ වගේම ඉක්මනින්ම මට ඉස්පිරිතාලෙට යන්න පුළුවන් වුණේ. පරක්කු වෙලා ගියා නං මට බෙහෙත විදින්න බැරි වෙනවා. දන්න කෙනෙක්ටත් මං කියන්නේ අංශභාගේ රෝග ලක්ෂණ ආවොත් බලන් ඉන්න එපා. ඉක්මනින්ම ළඟම තියෙන රෝහලට යන්න. ඉක්මනින්ම ගියොත් අංශභාගෙට බෙහෙත් තියෙනවා.

19/01/2025

❤️ Your trusted healthcare partner

19/01/2025

Avoid Antibiotics resistance.
Get advices from your family Pharmacist for proper use of prescribed antibiotics.
ප්‍රතිජීවක ඖෂධ ප්‍රතිරෝධය වලක්වමු.
නිවැරදි භාවිතය පිලිබදව උපදෙස් ඔබගේ පවුලේ ඖෂධවේදියාගෙන් විමසන්න.

26/09/2024

We offered free blood glucose testing to support our community’s well-being

16/09/2024

Join us for this offer on September 25th