14/08/2020
🎭 බඩ පිපීම හෙවත් උදරස්ථිතිය 🎭
=================================
සුජීවක අරණ ආයුර්වේද
ගම්පහ හෝලික්රොස් විද්යාලය අසල
දුක.අං. ☎️☎️ 0719321780.
බඩපිපීම කියන්නේ අද කාලේ බොහෝ දෙනෙකුට තියෙන ප්රශ්නයක් . Flatulence නමිනුත් Bloating නමිනුත් අපි ඉංග්රීසි බසින් හදුන්වා දෙන්නේත් මෙයමයි.
😫 ආහාරයක් ගත් විගසම හෝ පසුව ආමාශ ප්රදේශයේ ඇතිවන පිරීමේ ස්වභාවය
😫 තද ගතිය
😫 ඉදිමීමේ ස්වභාවය
😫 සමහර විටක ආමාශ ප්රදේශයේ ඇතිවන සුළු නමුත් කල්පවතින වේදනාව
😫 ඔක්කාරය
😫 දැවිල්ල
😫 මුඛයෙන් හෝ අධෝ ප්රදේශයෙන් වාතය පිටවීම
😫 උගුරට ඒම මෙහි ප්රධාන ලක්ෂණ අතර වේ.
=================================
මෙයට බලපාන සමහර හේතු, හා අප එයින් මිදීමට ගතයුතු පියවර ආයුර්වේදාත්මක ඇසින් මොන ආකාරයේදැයි සලකා බලමු. .
1️⃣ මුඛය තුලින් වාතය ගිලීම එක් හේතුවකි. මේ නිසා ඉතා ඉක්මනින් ආහාර ගිලීම , කතාබහ කරමින් ආහාර ගිලීම , වාත බුබුළු ඇතුළත් කිසිම පැණි රසකාරක කෘතිම බීමක් නිතර පානය කිරීම , ආහාර ගන්නා අතර තුර වතුර හෝ කිසිදු පානයක් කිරීම , ආහාර නොවිකා ගිලීම යන මේවා බඩ පිපෙන අය විසින් නොකළ යුතුයි .
ආහාර ගත් විගස වතුර වැඩියෙන් බීමද හොද නැත. ඒ නිසා ආහාර ගෙන විනාඩි 20 ක් පමණ රැදී සිට වතුර ටිකක් පමණක් බීම කරන්න .
2️⃣ ආහාර ගත් විගස නෑම හෝ ඇග සේදීම , පිහිනීම , වතුරේ බැස සිටීමෙන් ද ආහාර ජීරණය වීමට බාධා පැමිණ බඩ පිපීම සිදුවේ. ඒ නිසා මේවා ද නොකළ යුතුයි .
3️⃣ ආහාර ගත් විගස කිසිදු වෙනත් ඉරියව්වකට මාරු නොවී බොහෝ වේලාවක් ඉදගෙන රාජකාරි කටයුතුවල නිරත වීමෙන්ද මේ තත්ත්වය ඇතිවේ. ඒ නිසා මෙවන් අය ඉදගැනීම, සිටගැනීම, මදක් ඇවිදීම යනාදී ලෙස වරින් වර තම ඉරියව් වෙනස් කළ යුතුය .
4️⃣ ආමාශයේ ඇතිවන අම්ලකාරී ස්වභාවය හා දැවිල්ල , ගැස්ට්රයිටිස් තත්ව , මළ බද්ධය, නිසාද බඩ පිපීම ඇතිවන නිසා ඒ රෝග තත්වයන්ට අදාළව ප්රතිකාර ගැනීම කරන්න. එසේම ඉතා ඇඹුල් කෑම , සැර කෑම , ලුණු සහිත කෑම මෙකී බඩ පිපීම ඇති අය නොගත යුතුයි.
5️⃣ අමු කොළ වර්ග , අමු ඇට වර්ග , අමු එළවළු , අමු සලාද වර්ග ආදිය නිතරම ගැනීම නිසා මේවා දිරවීමට ආමාශයේ බොහෝ වේලාවක් රැදී පැවතීම හේතුවෙන් ද බඩ පිපීම සිදුවේ . ඒ නිසා අමුවෙන් ගන්නේ නැතිව ඉහත කී සියල්ලක්ම උයාගත්, තම්බා ගත්, එළවළු , කොළ , සලාද ලෙස ආහාරයට එක්කර ගත යුතුයි . එසේම පිපුම්කාරක (ඊස්ට්) යෙදූ ආහාර , ඉතා තද , ඉතා වියළි, ඉතා රළු ආහාරද ගැනීම ද නොකළ යුතුයි .
කඩල , මුංඇට , කවිපි යන ඇට වර්ග තනිවම නොපිස නිවුඩු සහල් බත් සමග මිශ්ර කර පිස ගැනීම හොදය.. කලින් සකස් කළ ආහාර , මේද සහිත කෑම වර්ග ද හැකිතාක් සීමා කරන්න.
6️⃣ චුයින්ගම්, බුලත් විට ආදිය නිතරම හැපීම නිසාද මුඛයෙන් වාතය ගිලේ. ඒ වෙනුවට ඉගුරු පියල්ලක්, එනසාල් ගෙඩියක්, කුරුදු පොතු කෑල්ලක් සැපීම හොදයි.
7️⃣ මළ බද්ධය ඉවත් වීමෙන් ද බඩ පිපීම සුව වන නිසා ඒ සදහා වන ආහාර නිතරම ගත යුතුයි . එසේම හොදින් වතුර පානය කිරීම කළ යුතුයි . පැපොල්, යෝගට් , හාතාවාරිය , පලා වර්ග , කැකිරි, පිපිඣ්ඣා , නොපාහින ලද ආහාර , උළුහාල්, පිසින ලද ආහාර , ඉගුරු, අලුපුහුල්, කොමඩු , තක්කාලි , බෙරි වර්ගයේ පලතුරු , මෙන්ම අප විසින් ගත යුතුයි.
මේ දේවල් වලින් ඈත් වී සිටීම බඩ පිපීමට කළ හැකි හොදම විසදුම්ය. නමුත් නිතර නිතර බඩ පිපීම නිසා පීඩා විදින කෙනෙක් නම් ඔබ ඒ සදහා වෛද්ය උපදෙස් පැතිය යුතුයි . එසේම සුදුසු ඖෂධ හා ප්රතිකාර ගත යුතුයි
මේ සදහා අපට කලහැකි ආයුර්වේද ප්රතිකාර බොහොමයකි. නමුත් එක් එක් රෝගියාගේ ස්වභාවය , රෝගියාට ඇති අනෙකුත් අසනීප , වයස, තත්ත්වය , ආදිය සළකා බලා ප්රතිකාර කිරීම ඉතා සාර්ථක බැවින් වෛද්ය උපදෙස් මත ඒවා ගැනීම අනිවාර්යයෙන්ම කල යුතුයි .
👪👪 සරල අත්බෙහෙතක් විදිහට සෑම රාත්රියකම උළුහාල් ඇට දහයක් හොඳින් පිරිනු වතුර වීදුරුවකට දමා රාත්රිය පෙඟෙන්නට හැර උදෑසනම හිස්බඩ එම වතුර වීදුරුව බීමත් පෙඟුනු උළුහාල් විකා කෑමෙන් ඔබේ අපහසුතාවය මඟ හැරවෙනු ඇත.
