What are the opening hours?

Tuesday 18:00 - 21:00 Friday 18:00 - 21:00 Saturday 09:00 - 12:00 18:00 - 21:00

https://www.facebook.com/114509314886537/

HarithaAyur Healthcare, Kaluwala Road, Ganemulla (2025)

05/11/2025

ඔබ තුල ඇති අන්ධකාරය නසන ආලෝකය ඔබම වන්න.. 🩷

පින්බර ඉල් පොහොය දිනයක් වේවා..

- Harithayur Healthcare-

14/10/2025

☘️අපේ ශරීරයේ acidity එහෙම නැත්තන් ආම්ලිකතාව වැඩිවෙනව කියන එක ආයුර්වේද වෛද්‍ය ක්‍රමය පැත්තෙන් ගත්තොත් කොයි වගෙද ?

☘️ආම්ලික ස්වභාවය කියන එක එක්ක කෙලින්ම සම්බන්ධ වෙන්නෙ පිත් ස්වභාවය. ශරීරයේ උෂ්ණාධික බව.

🦋එතකොට අපේ ආහාර ජීර්ණයේ ( අග්නියේ - digestive fire ) එකෙ එන ප්‍රශ්න. ඒ කියන්නෙ ආහාර ඉතා ඉක්මනින් දිරවීම හෝ අඩුවෙන් දිරවීම වගෙ ප්‍රශ්න

🦋ආහාර දිරවීමෙන් පසු බාගෙට දිරවීමෙන් පසු සෑහෙන විවිධ විෂ වර්ග ( ආම විෂ වගෙ දේවල්)
මේ දේවල් වලින් අපේ අම්ල භශ්ම සමතුලිතතාවට හානි එනවා.

🚫ශරීරයේ තිබිය යුතු බැලන්ස් එක නැති වෙනවා.

වා පිත් සෙම් කියන තුන ගත්තොත්..

🦀වාතය අසමතුලිත වීමෙන්-

ආම්ලික විදියට උගුරට එන එක, ( acid reflux)
නිතරම බඩ පුරවා දැමීම , ආහාර ජීර්ණය හරියට නොවෙන එක. නිතර අධෝ වාතය පිට වීම වගෙ ලක්ෂණත්

🦀පිත අසමතුලිත වීමෙන්-

අම්ල ශ්‍රාවය වැඩිවීම නිසා hyperacidity ( රුධිරයේ අධි ආම්ලිකතාව) සමේ ඇතිවන ආසාදන තත්ව කලු පැහැ වීම් උෂ්ණාධික බව පිච්චෙන සුලු දැවිල්ල ස්වභාවය මුත්‍රා දැවිල්ල

🦀සෙම අසමතුලිතත වීමෙන් -

අම්ල ස්වභාවය ඉතා අඩු කරලා , අම්ල ස්වභාවය උදාසීන කිරීම නිසා ආහාර අජීර්ණ තත්ව, මල පහ සමග සීදම් පිටවීම වගෙ තත්ව එන්න පුලුවන් කම තියනවා.

ඇසිඩිටි ගැන කතා කරන නිසා මේ විදියට උෂ්ණාධික ආහර වර්ග , මානසික ආතතිය, උෂ්ණාධික ශරීරයක් කාලයක් තිස්සෙ පවතින එකෙන් අපේ ශරීරය අසමතුලිත වීම මගින් මේ කියන ලෙඩ පහුකාලිනව එන්න පුලුවන් කම තියනවා.

🚫ඔස්ටියෝ පොරෝසිස් තත්ව
🚫ආතරයිටිස් තත්ව
🚫වකුගඩු වල ගල් ඇතිවීම
🚫හදවතේ ඇතිවන නාල අවහිරතා..

ඉතින් මේ වගෙ තත්ව තියනවා නම් ඒ සදහා සාර්ථක ආයුර්වේද ප්‍රතිකාර ක්‍රම තියනවා. තමන් ඉන්න මට්ටමෙන් තව ඉස්සරහට රෝගය යන්න නොදී දැනගත්ත ගමන් ප්‍රතිකාර වලට යොමුවෙන එකෙන් උඩ කීව රෝග තත්ව වලින් වැලකෙන්න පුලුවන් කම තියනවා

සටහන

Dr. Rasanjana Ilangkoon
BAMS( University of Kelaniya )
HarithaAyur Healthcare
Ganemulla
Contact via whatsapp 0703482814

14/10/2025

තිබුණට වඩා හොඳ වේගෙන යන හැම step එකක්ම වැදගත්..

🩵🩵🩵🩵

තිබුනටත් වඩා හොඳ Skin එකක් ලබාදෙන එක තමා අරමුණ 🥰

11/10/2025

ඉරෙන් අපේ හමට වෙන හානි

හිරු එලිය කියන්නෙ අපට අත්‍යාවශ්‍ය දෙයක්
හැබයි තද හිරු රැස් කියන්නෙ අපිට හානිකර දෙයක්

අපේ හමට මේ තද හිරු රැසින් වෙන හානිය වැඩියි..
ඒ වගෙම තමා අපේ ශරීරයත් උනුසුම් නම් ඒ කියන්නෙ අපේ ශරීරය පිත්තාධික ශරීරයක් නම්( සාමාන්‍ය ව්‍යවහාරයේ ඇග උෂ්ණයි කියන්නෙ මේකට)
අපිට ඉරෙන් වෙන හානිය වැඩියි..

අන්න එහෙම උනාම මේ වගෙ ලක්ෂණ දකින්න ලැබෙනවා..

මුහුණ සහ සම රැලිවීම
තෙතමනය ඉවත්වීම
පිග්මන්ටේශන් තත්ව ඇතිවීම
සම රලු වීම
සම රතු පැහැවීම
දැවිල්ල ඇතිවීම

මේ දේවල් නිසා සමට උන හානි යථා තත්වයට පත් කරන්න පුළුවන්.
කොහොම උනත් එක දිගටම හමට හානිවෙනකොට ඒ ඩැමේජ් එක අපි හිතුවට වඩා කල් තියෙන්න පුළුවන් ..
නිකම්ම යථා තත්වයට පත්වෙන් නෑ.
ඒ සදහා ප්‍රතිකර්ම වලට යොමුවීම වගේම තමන්ට ගැලපෙන skin care routine එකක් කරන එකත් වැදගත් වෙනවා.

Dr.Rasanjana Ilangkoon
BAMS(University of Kelaniya)

10/10/2025

වකුගඩුවල ක්‍රියාකාරිත්වය හදුනාගැනීමේ පරීක්ෂණ
Serum creatinine Test - රුධිරගත ක්‍රියටිනින් මට්ටම හදුනාගැනීමේ පරීක්ෂණය

ඔබේ ශරීරයේ රුධිරය පෙරීමේ ක්‍රියාවලිය සිදුවෙන්නෙ වකුගඩු යුගලය ඔස්සේ. මේ වකුගඩුවල යම්කිසි දුර්වලතාවයක් පවතිනවිට එය බාහිරට පෙන්නුම් කරන යම් යම් ලක්ෂණ තියෙනවා.
මේ වගේ ලක්ෂණ පැවතුනත් නැතත් වකුගඩු වල යම්කිසි දුර්වලතාවයක් පවතිනවද කියලා තහවුරු කරගන්න පුළුවන් විදියෙ පරීක්ෂණයක් තමයි සීරම් ක්‍රියටිනින් පරීක්ෂණය කියලා කියන්නෙ.

ක්‍රියටිනින් කියන්නෙ පේශි සෛල වලින් නිකුත් කරන අපද්‍රව්‍යයක් හා සමාන දෙයක්.එය සාමාන්‍යයෙන් එදිනෙදා ක්‍රියාකාරිත්වෙදි රුධිරය ට නිකුත් උනාම වකුගඩු ඔස්සේ පෙරලා ශරීරයෙන් ඉවත්කරලා මුත්‍රා මගින් පිටකිරීම සිදුකරනවා. වකුගඩු වල යම් දුර්වල බවක් තියෙද්දි පෙරීමේ ක්‍රියාවලිය හරියට වෙන්නෙ නැති නිසා රුධිරයේ මේ මට්ටම් ඉහල යනවා.

ඔබේ රුධිරගත ක්‍රියටිනින් මට්ටම සාමාන්‍යයෙන් තිබිය යුතු පරාසය පිරිමි පුද්ගලයකුගේ නම් 0.7 - 1.3 mg/dl වන අතර කාන්තාවකගෙ එය 0.6-1.1 mg/dl අගයක් වෙනවා. ( මේ අගයන් යම් යම් අවස්ථාවල සුලු මට්ටමකින් වෙනස් වෙන්න පුලුවන් .)
මේ මට්ටම් වලට වඩා ඉහල අගයක් ගන්නවිට අනිවාර්යයෙන්ම ඒ ගැන තවත් පරීක්ෂණ මගින් තහවුරු කරලා වකුගඩු වල යම්කිසි ගැටලුවක් තියෙනවා ද කියලා සොයාබැලීම සිදුකල යුතු වෙනවා.

ක්‍රියටිනින් අගය පුද්ගලයාගේ දේහ පරිමාව සහ මාංශ පේශී ප්‍රමාණය අනුව වෙනස් අගයන් ගන්නවා.

හැමවෙලාවකම මේ අගය වෙනස් වෙන්න වකුගඩු වල දුර්වලතාවය හේතුවක් වෙන්නෙ නෑ. ඔබ ගන්න ආහාර පාන ,ශරීරයේ විජලන මට්ටම, සමහර ආහාර අතිරේක වර්ග වගේම විවිධ ව්‍යායාම නිසාත් මේ මට්ටම් ඉහල නගින්න පුළුවන්කම තියෙනවා. උදාහරණයක් විදියට මස් වර්ග ආහාරයට ගැනීම මගින් මේ ක්‍රියටිනින් මට්ටම් ඉහල යන්න පුළුවන්කම තියෙනවා.

සාමාන්‍යයෙන් ක්‍රියටිනින් අගය ඉහල යද්දි ශරීරයේ එන වෙනස්කම් තමයි මාංශ පේශී වේදනාව, පපුවේ වේදනාව,මහන්සි ස්වභාවය ,මුත්‍රා පිටවීමේ පවතින අසාමාන්‍යතා , අධි රුධිර පීඩනය , පුද්ගලයා ඉදිමීම හෝ පාදවල පවතින ඉදිමුම් තත්ව කියන්නෙ.

මේ නිසා සාමාන්‍යයෙන් වකුගඩුවල ක්‍රියාකාරිත්වය ගැන බලද්දි අනිවාර්යයෙන්ම සිදුකරන පරීක්ෂණ වලින් එකක් බවට මේ සීරම් ක්‍රියටිනින් පරීක්ෂාව පත්වෙලා තියෙනවා.

සටහන

Dr.Rasanjana Ilangkoon
BAMS( University of Kelaniya)

10/10/2025

තුවාල කැලැල් මැකී යාම සදහා සාර්ථක ආයුර්වේද ප්‍රතිකාර

තුවාල කැලල් මකන්න බැරි නෑ පුළුවන් 🩵
ලේසර් ට්‍රිට්මන්ට් ම ඕනද ? අපෝ නෑ 🥰

ගොඩක් වෙලාවට තුවාල කැලල් නිසා අපේ හමේ තියන ලස්සන නැති වෙලා යනවා..
ඒ වගෙම කල් යන්න යන්න සමහර කැලල් මැකෙන්නෙත් නෑ

මේ ඒ විදියෙ තුවාල කැලල් තියන කකුලක තුවාල කැලල් මැකීගෙන යන හැටි..

ප්‍රතිකාර සහ උපදේශන සේවා සදහා 0703482814 අංකයට whatsapp පණිවිඩයක් යොමුකරන්න.
Dr.Rasanjana Ilangkoon
BAMS ( University of Kelaniya)

🩵🩵🩵

01/10/2025

ආදරණීය ඔක්තෝබර් මාසයක් හැමෝටම..🩵

19/09/2025

Cool වතුරද උණු වතුරද ? 🙂

අපි වැඩිය නොහිතා කරන දේවල් නිසා අමාරුවෙ වැටෙන්න යන වෙලාව්ක් තමා මේක..

කෑම කාලා වතුර බොනකොට ඒ බොන වතුර උනුවතුර නම් කෑම දිරවීම පහසු කරනවා..
ඒ වගේම අපේ රුධිර සංසරණ පද්ධතියේ ක්‍රියාකාරිත්වයට මේක ගොඩක් හොඳ දෙයක්.
අනවශ්‍ය මේදය , විෂද්‍රව්‍ය බැහැර කරන්නත් උනුවතුර කියන්නෙ හොඳ ම ඖෂධයක්..

හැබයි සිසිල් ජලය බොන එක.එහෙම නැත්තම් සමහර අය පුරුදු වෙලා ඉන්නව සිසිල් කල බීම වර්ග බොන ගමන් කෑම කන්නත්..
එහෙම උනාම අපි කන ආහාරය හොඳ ට ජීර්ණය වෙන් නෑ.සැර කෑමක් කන ගමන් cool වතුර හරි බීම එකක් හරි බොන එක මාර අත්දැකීමක් වගෙ දැනුනට එවෙලෙට ඒක බඩටත් පහසුවක් වගෙ දැනුනට කෑමෙන් පස්සෙ අපෙ බඩ ට අපහසුවක් එන්න ඒක හේතුවක්..
ආහාර වල බර බව ඝනකම් බවත් මේකෙන් වැඩිවෙනවා.. බඩට සැහැල්ලුවක් නැති වෙනවා.
පසු කාලීනව ගැස්ට්‍රයිටිස් ඇතුලු අන්ත්‍රගත රෝග ගොඩකට මේක හේතුවක් වෙනවා.

ඒ නිසා අඩුම ගානෙ කෑමෙන් පස්සෙවත් උනුවතුර ටිකක් බොන්න පුරුදුවෙන්න.

සටහන

ආයුර්වේද වෛද්‍ය එම්.රසාංජනා ඉලංකෝන්
BAMS( කැලණිය විශ්වවිද්‍යාලය )

18/09/2025

කැඩෙන, අඩුවෙන් වැවෙන, අවපැහ වුණු නියපොතු වලට හොඳම විසඳුම.

නියපොතු කැඩෙනවා නම්, වැවෙන එක අඩු නම් අවපැහ වෙලා නම් මේ ඔක්කොටම එක simple remedy එකක් ගැනයි අද කියන්න යන්නෙ.

🙄ගොඩක් අයට තියෙන ප්‍රශ්ණයක් තමයි නියපොතු වවාගන්න බැරි එක.
🙄පොඩ්ඩක් වැව්න ගමන් නියපොත්ත කැඩිලා යනවා.
🙄සමහර අයගේ කොච්චර වුණත් නියපොතු ලස්සනට වැවෙන්නෙත් නැහැ.
🙄එතකොට තමන් ආස විදිය nail art එකක් දාගන්නත් අමාරුයි
🙄ඒ වගේම නියපොතු අව පැහැවීමත් ලොකු ගැටළුවක්.

👉මොකද අපි එදිනෙදා වැඩ කටයුතු කරනකොට අපේ අත් තමයි වැඩිපුරම පාවිච්චි වෙන්නේ.ඒ නිසා නියපොතු ඉක්මනින් කැඩී යාමට ලක්වෙනවා.

👉ඒවගෙම විටමින් ඌනතා පෝෂණ ඌනතා මේවගෙදිත් මෙහෙම වෙන්න පුළුවන් ..

🧡මේ ප්‍රතිකාරයේදී මේ ප්‍රශ්න තුනටම විසදුමක් හම්බවෙනවා.

මේකට අවශ්‍ය වෙන්නේ
☘️මී පැණි,
☘️විටමින් E කරල් කීපයක්,
☘️එඬරු තෙල්,
☘️පිරිසිදු පොල්තෙල්.

එහෙනම් දැන් අපි මේ ප්‍රතිකාරයට අවශ්‍ය වෙන ඖෂධීය තෙල් එක හදාගමු.

👉මී පැණි මේස හැන්දක්, එඬරු තෙල් මේස හැඳි එකක් පොල්තෙල් මේස හැදි එකහමාරක් විටමින් E කරලක් අරගෙන ඔක්කොම ඒකට මිශ්‍ර කරලා හොඳ මිශ්‍රණයක් හදාගන්න. ඉන් පස්සේ මේක පොඩි වීදුරු බෝතලේක දාලා තියාගන්න පුළුවන්.

👉රෑට නිදාගන්න කලින් අත් දෙක පිරිසිදු කරලා තෙත මාත්තු කරලා නියපොතුවල මේ මිශ්‍රණය ගල්වන්න .

👉ඒ විදිහට මේ මිශ්‍රණය ගල්වන කොට නියපොතුවල විතරක් නෙවෙයි නියපොතු වටා ප්‍රදේශයත් ආලේප කරලා විනාඩි තුනක් විතර හොඳට මසාජ් කරන්න.ඉන් පස්සේ නිදාගන්න තමයි තියෙන්නේ.

👉මේක ඇඟේ තවරෙයි කියලා හිතනවා නම් කොට්න් ග්ලවුස් දෙකක් දාලා නිදාගන්න පුළුවන්.

👉මේ විදිහට සතියට තුන්පාරක් විතර මේ ප්‍රතිකාරය කරනවනම් නියපොතු ශක්තිමත් වෙනවා වගේම මේ නියපොතුවල හැඩයත් නිසියාකාරව පවතිනවා. නියපොතු අවපැහැ වෙන්නැතුව ලස්සනට පවත්වාගන්නත් පුළුවන්කම තියෙනවා.

🧡ඒ නිසා කරලා බලලම results කොහොමද කියලා කියන්න..

🧡ඔයාලා හැම දෙනෙක්ම නීරෝගි වෙන්නේ කියලා ප්‍රාර්ථනාකරනවා.

සටහන
ආයුර්වේද වෛද්‍ය එම්.රසාංජනා ඉලංකෝන්
BAMS (කැලණිය විශ්වවිද්‍යාලය)
HarithaAyur Healthcare
ගනේමුල්ල
ප්‍රතිකාර සහ උපදේශන
070 348 28 14 ( WhatsApp message only)

16/09/2025

බඩෙන් නිතරම සද්ද ඇහෙන්නෙ ඇයි ???

අපේ බඩෙන් සද්ද ඇහෙන එක සාමාන්‍ය යිද ??
අපිට බඩගිනි උනාම සද්දයක් දීලා අපිට ඒක කියනව කියලා අපි හිතන් හිටියා. පොඩි කාලෙ නම් කියන්නෙ අන්න පණුවන්ට බඩගිනි වෙලයි ඔය කෑගහන්නෙ කියලා.
එතකොට බඩගිනි වෙලේට කන්න කලින් ඇහෙන ශබ්ද සාමාන්‍යයි..
කෑවයින් පස්සෙත් හරියට පයිප්ප ලයින් එකක් දිගේ වතුර බහිනකොට ඇහෙනව වගෙ පොඩි පොඩි අපිටවිතරක් ඇහෙන සද්ද තියනවා. ඒකත් normal🙂

මේ කියන්නෙ එහෙම එකක් නෙවෙයි.. වටේ පිටේ ඉන්න අයටත් ඇහෙන සද්දෙන් බෝම්බ දානව වගෙ එක පාර ඇහෙන සද්ද බද්ද මොනවද ? ඒක සාමාන්‍ය දෙයක් නෙවේ වෙන්නෙ ඇයි කියන එක ගැන තමා මේ කියන්නෙ.
අපේ ආහාර මාර්ගය ඇතුලෙ අපි කාපු ආහාර බීමට ගත්ත ජලය වගේම මාර්ගය ඇතුලෙ තියන වාතය ,මේවා නිසි විදියට ගමන් කරනකොට ප්‍රශ්නයක් නැති උනාට
අපේ ආහාර මාර්ගය ඇතුලෙ විවිධ ගැටලු තියනවා නම් ඔන්න මේ වගෙ අනවශ්‍ය ශබ්ද ඇහෙන්න පුළුවන්
උදාහරණයක් විදියට

irrirable bowel syndrome ( ග්‍රහනි රෝගය)
Crohns disease තත්වය
අජීර්ණ සහ අතීසාර තත්ව
කල්ගත උනු ගැස්ට්‍රයිටිස් තත්ව
අන්ත්‍රගතව පවතින අවහිරතා වගේ දේවල් නිසා මේගැටලුව එන්න පුළුවන් කම තියනවා..

ඒ එක්ක එන අනික් රෝග ලක්ෂ්ණ තමා
🙄වමනය සහ ඔක්කාරය
🙄උදරයේ වාතය පිරීම
🙄මල බද්ධතාවය
🙄මලපහ සමග ලේ පිටවීම
🙄හදවතේ ඇතිවන දැවිල්ල හෝ සිරකරන ස්වභාවය
🙄බර අඩුවීම වගෙ දේවල්..

බඩේ වාතය එකතුවෙලා අවහිර වීම එක්ක තමා ප්‍රධානවම මේ වගෙ මහ විශාල සද්ද ඇහෙන්න ගන්නෙ.. ඒ කියන්නෙ වාත දෝෂයෙ ඇතිවන වෙනස්වීමක් එක්ක

මේ වගෙ තත්වෙකදි ප්‍රතිකාර කරන්න කලින් අපි හොයාගන්න ඕන ඇයි මේක එන්නෙ සහ නිදාන කාරණාව මොකක්ද කියලා.. ආයුර්වේද වෛද්‍ය ක්‍රමයෙදි අපි අන්න ඒ විදියට හොයලා ඒකට අදාලව ප්‍රතිකාර කරන එක සිදුකරනවා

ඉතින් තමන්ට අපහසුවක් වෙන තරම්ම මේ ගැටලු ඔයාගෙ බඩ ඇතුලෙ තියනවා කාරණාව හොයාගෙන ප්‍රතිකාර කරන එක වැදගත් වෙනවා.

සටහන
Dr.Rasanjana Ilangkoon
BAMS( University of Kelniya)
Contact via whatsapp 0703482814 ( msg s only)

15/09/2025

සන්ධි අමාරුයි දණිස් කැක්කුමයිද - කමු සාරණ 💜️

අපි හැමවෙලේම කන පලාවර්ග ගොඩට මේක එකතුවෙන්නෙ නෑ. ඒ උනත් අපි අවට බැලුවොත් මේ සාරණ පැල කැලෑවට වගෙ හැදිලත් තියනවා ..

ඔයාලා ඕන තරම් දැකලා ඇති..

සාරණ කන්න කැමති අයවගෙම අකැමැති අයත් ඉන්නවා..
ඉතින් බෙහෙත් වගෙ හරි සාරණ ටිකක් කන්න ඕන මෙන්න මේ හින්දා

සාරණ වලට පුළුවන් අපේ වකුගඩු මුත්‍රා මාර්ගය ආශ්‍රිත ප්‍රදේශය නීරෝගීව තියාගන්න
ඒවගේම තමයි සාරණවලට පුළුවන් ඒකෙ තියෙන මුත්‍රකාරක හැකියාව හින්දා අපේ ශරීරයේ තියෙන ඉදිමුම් වර්ග අඩු කරන්න.
ඒ වගේම අපේ අක්මාව ආශ්‍රිතව විෂ ඉවත් කිරීමේ ක්‍රියාවලියටත් දායක වෙනවා.
අක්මාවේ තෙල් තැන්පත් වීම එක ඇතිවන ෆැටී ලිවර් රෝගීතත්ත්වයේදී නිතර කෑමට එකතු කරගන්න පුළුවන් ශාකයක් තමයි සාරන කියලා කියන්නේ

සාරනවල විටමින් ඒ බහුලව තියෙනවා. ඒ නිසා අපේ ඇස් වල පෙනීම වර්ධනය කරන්න, ඇස් වල පෙනීම
තවදුරටත් හොදින් පවත්වාගෙන යන්න සාරන කියන්නේ හොඳ ඖෂධයක්.

ආහාර මාර්ගයේ ඇතිවන ආහාර දිරවීමේ අපහසුතා ඇතුළු බොහොමයක් රෝග තත්ත්ව වලට සරණ ආහාරයට ගන්න එකෙන් ලොකු උදව්වක් ලැබෙනවා.

විශේෂයෙන් හන්දි අමාරු කාටි ලේජ ගෙවී යාම් වගේ රෝග තත්ත්ව තියෙන අයට නිතර ආහාරයට ගන්නෙසුදුසු ඖෂධීය පලා වර්ගයක් තමයි සාරණ කියලා කියන්නේ.

කොළපාට සාරන එක වගේම පිට සුදු සාරණ , කඳ රතු පැහැති රතුපාට සාරණ කියන වර්ග අපි අවටින් දැක බලා ගන්න පුළුවන්කමතියෙනවා.
මේ වගේ ගුණ බොහොමයක් දුරට ඒක හා සමානයි.
සාමාන්‍යයෙන් ඖෂධ සඳහා පාවිච්චි කරන්නේ හිත සුදු සාරන කියන සාරණ වර්ගය.

ආයුර්වේද වෛද්‍ය ක්‍රමය ඇතුලේ පුනර්ණවා කියන නමින් සාරණ ශාකය හඳුන්වනවා.
ගොඩක් දෙනෙක් නොදැනුවත් උනාට ඖෂධ නිෂ්පාදනයේදී මේ සාරණ ශාකයම බහුලව යොදා ගනු ලබනවා.
ඉතිං අපි අවටට තියන බෙහෙත් වගේ ආහාර වර්ග තමයි මේවා..

සාරන හදනකොට තෙල් දාලා හරි, කිරට හරි..
කොස් ඇට වගේ දෙයක් එක්ක හරි , පරිප්පු එක්ක හරි හදාගත්‍තම කිසිම ගැටලුවක් නැතුව රසවත්ව ආහාරයට ගන්න පුළුවන් කම තියනවා...

පින්තූරය

සාරණ උයන්න කලින් ගත්ත එකක්. 💜️💜️💜️

සටහන

ආයුර්වේද වෛද්‍ය එම්.රසාංජනා ඉලංකෝන්
BAMS ( කැලණිය විශ්වවිද්‍යාලය)

29/08/2025

අපේ ඇස් නීරෝගීද දැනගන්න පුළුවන් ලක්ෂණ ටිකක්..

1 . ඇස් පැහදිලි ස්වභාවයක් ගන්න ඕන. අපි දෙයක් දිහා බලන කොට ඇස්වල කදුලු ගතියක් , බර ගතියක් හරියට වලාකුලු ස්වභාවයක් වගෙ එකක් තියනවා නම් ඒක නීරෝගී ඇහැක් නෙවෙයි.
( සෙම් රෝග තියන අයගෙ ඇස් වල බර ගතිය වලාකුළු ස්වභාවය නිතරම වගේ තියනවා.. )

2. ඇස් වල රතු පැහැ ස්වභාවය..සමහරවිට ඇස් විඩාබර උනාමත් මේ වගෙ වෙන්න පුළුවන් ..සමහර අයගෙ උපතින්ම මේ වගෙ..එහෙම නොවී හදිස්සියෙ මේ වගෙ වෙලා නම් ඒක නීරෝගී ලක්ෂණයක් නෙවෙයි.

3. අපේ ඇහේ සුදු පාට කොටසෙ තුන්වෙනි රූපයේ වගෙ රුධිර කේශ නාලිකා ඉල්පිලා පේනවා නම් ඒකත් නීරොගි ඇහක ලක්ෂණයක් නෙවෙයි.. සමහර අයගෙ ඇස් වල පීඩනය ( eye pressure එක ) වැඩි උනාමත් මෙහෙම වෙනවා. ඒවගෙම උෂ්ණාධික ශරීර තියන අයගෙ ඇස් වල පිත ස්වභාවය වැඩි උනාම මෙහෙම වෙන්න පුළුවන් .

4. ඇස්වල නිතර කදුලු පිරීම හෝ ඉතා වියලිව තිබීම..
අපේඇස් වලට හුලං වැදුනම වියලි ගතියක් එන්නෙ.ඒක ඇහට අමාරුයි .සමහර අයගෙ ඇස් ඒ වගේ වියලෙනවා. කදුලු ග්‍රන්ථි වියලිලා වගෙ.. සමහර අයගෙ අධිකව තෙත ගතියයි.. ඒකත් අපහසු යි.පීනස තත්ව තියන අයගෙ ඇස් වල තෙත ස්වභාවය කදුලු ගලන එක වැඩි. උෂ්ණාධික අයගෙ ඇස් වියලි සහ දැවිල්ල ස්වභාවය ගන්න එක වැඩියි..

5. අපි දෙයක් දිහා බලනකොට අපේ අක්ෂි කාචය සහ ඒ ඉස්සරහින් යම් යම් දේවල් පාවෙනවා වගෙ පේන එකත් හොඳ ලක්ෂණයක් නෙවෙයි.. අපේ දෘෂ්ටිය පැහදිලි එකක් වෙන්න ඕන. මේ වගෙ ලක්ෂණ ය්ක් තියනවා නම් ඒක ගැනත් සැලකිලිමත් වෙන්න...

ඇස් කියන්නෙ ආරක්ෂා කරගන්න ඕන දෙයක්..
විවිධ ලෙඩ නිසා ඇස් වලට හානියක් වෙනවා නම් වගේම අපේ හැසිරීම් රටා නිසා ඇස් වලට හානිවෙනවා නම් ඒ දේවල් වලින් වැලකෙන්න සහ ප්‍රතිකාර වලට යොමුවෙන්න අමතක කරන්න එපා..

සටහන

ආයුර්වේද වෛද්‍ය එම්.රසාංජනා ඉලංකෝන්
BAMS ( කැලණිය විශ්වවිද්‍යාලය)

HarithaAyur Healthcare

05/11/2025

14/10/2025

14/10/2025

11/10/2025

10/10/2025

10/10/2025

01/10/2025

19/09/2025

18/09/2025

16/09/2025

15/09/2025

29/08/2025

Address

Opening Hours

Website

Alerts

Shortcuts

Share

Category

Tuesday	18:00 - 21:00
Friday	18:00 - 21:00
Saturday	09:00 - 12:00
	18:00 - 21:00