Dr. Mahesh athuraliya

21/08/2024

14/05/2023

දියවැඩියා රෝගයෙන් මිදෙමු....

Facebook - http://facebook.com/ayurvedicbeautysecretsFor more informationT.P - 077 630 65 21Dr. Mahesh Athuraliya

12/05/2023

යුවතියන් රුවැත්තියන් කරන හැටි.

අපගේ ජීවය රදා පවතින්නේ අප ගන්නා ආහාරපාන වල පවතින පෝෂණීය ගුණය මතයි. කුසගිනි නිවෙන්නට ගන්නා ආහාර පාන මගින් නිරෝගී භාවය ආරක්ෂා වන බව ඔබ දන්නා නමුත් ඔබ නොදන්නා දේ නම් ඔබ ගන්නා ආහාරපාන වලින් ඔබ ලස්සන වන බවයි.

කාන්තාව හා රූපලාවණ්‍ය යනු කිසිම දිනක වෙන් කරන්නට බැරි දෙපාර්ශවයක්. සෑම කාන්තාවක්ම කැමති ලස්සනට ඉන්න හැඩට ඉන්න. ලස්සනට ඉන්න කැමති හැඩට ඉන්න කැමති ඔබට පලතුරු වලින් ලස්සන වෙන විදිහ අද කියලා දෙනවා.

වසර 12,000 කට පෙර සිට අලිගැටපේර ආහාරයක් ලෙසද පලතුරක් ලෙසද රූපලාවණ්‍ය සඳහා භාවිතා කර ඇති බවට ඉතිහාසය තුළ ලිඛිත සාක්ෂි පවතී.

අලිගැටපේර වල නිජබිම වන්නේ දකුණු මධ්‍යම මෙක්සිකෝවයි. ඇස්ටෙක්, ඉන්කාස් සහ මායාවරුන් තම රූපලාවණ්‍ය වර්ධනය සඳහා මුහුණට අලිගැටපේර වලින් සෑදූ ආලේප වර්ග භාවිත කර ඇත. මායාවරුන් නිරෝගී හිසකෙස් කළඹක් ලබා ගැනීම සඳහා ද අලිගැටපේර භාවිතා කර ඇත.

අලිගැටපේර තුළ විටමින් A, C, B6, D හා මැග්නීසියම්, පොටෑසියම්, යකඩ, කැල්සියම් වැනි ඛනිජලවණ ද අන්තර්ගතය.

මුහුණේ රැලි වැටීම අවම කර තරුණ පෙනුම ආරක්ෂා කර ගැනීම සඳහා අලිගැටපේර සත්කාර

🥑 අලිගැටපේර මේස හැදි 2
🥑 යෝගට් මේස හැඳි 1
🥑 මී පැණි තේ හැඳි 1
මිශ්‍ර කර මුහුණේ ආලේප කර විනාඩි විස්සකට පසු පිරිසිදු වතුරින් සෝදා ඉවත් කරන්න. දිනපතා වුවද මෙම ආලේපය භාවිතා කළ හැක.

අලිගැටපේර තුළ විටමින් A, B6, C, D අන්තර්ගතය. මෙම විටමින් සමෙහි රැලි වැටීම් අවම කිරීමට උපකාරී වේ. අළිගැටපේර තුළ විශේෂයෙන්ම Palmitolic Acid, Oleic Acid (ඔමේගා 9), Alpha - Linolenic Acid (ඔමේගා 3) අන්තර්ගතය. මෙම අම්ල වර්ග ඇස් වටා, කට දෙපස හා මුහුණේ සිහින් රැළි ඇති වීම පවා වළකයි. සමෙහි තෙතමනය ආරක්ෂා කර තරුණ පෙනුම ගෙන දීමට උපකාරී වේ.

යෝගට් තුළ සින්ක් හා ලැක්ටික් අම්ලය අන්තර්ගත වේ. මෙය ද සමෙහි තරුණ බවට උපකාරී වේ.

පැහැපත් සමකට
🥑 අලිගැටපේර මේස හැඳි 2
🥑 එළ කිරි හෝ fresh milk මේස හැදි 1
🥑 මී පැණි බිංදු 8
මිශ්‍ර කර ආලේප කර විනාඩි විස්සකට පසු පිරිසිදු වතුරින් සෝදා ඉවත් කරන්න.

🥑 අලිගැටපේර මේස හැඳි 2
🥑 බිත්තර සුදු මදය 1
🥑 මී පැණි බිංදු 8
මිශ්‍ර කර මුහුණේ ආලේප කර විනාඩි විස්සකට පසු පිරිසිදු වතුරෙන් සෝදා ඉවත් කරන්න.

🥑 අලිගැටපේර මේස හැඳි 2
🥑 කෝමාරිකා සාරය මේස හැඳි 1
🥑 මී පැණි බිංදු 8
මිශ්‍ර කර මුහුණේ ආලේප කර විනාඩි විස්සකට පසු පිරිසිදු වතුරෙන් සෝදා ඉවත් කරන්න.

ගැටපේර තුළ විටමින් A, B6, C, D අන්තර්ගතය. තවද විශේෂයෙන් Stearic Acid, Arachidic Acid, Eicosenvoic Acid අන්තර්ගතය. මෙම ද්‍රව්‍ය සමෙහි පැහැපත් බවට උපකාරී වේ.

නිරෝගිමත් දිදුලන කෙස් කලඹකට, අකලට හිසකෙස් යෑම හා හිස්හොරි සඳහා සත්කාර

🥑 අලිගැටපේර මේස හැඳි 2
🥑 ඔලිව් තෙල් තේ හැඳි 2
මිශ්‍ර කර හිස පිරිසිදු කර හිස් කබලේ ආලේප කර විනාඩි විස්සකට පසු පිරිසිදු වතුරෙන් සෝදා හරින්න.

🥑 අලිගැටපේර මේස හැඳි 2
🥑 කෝමාරිකා සාරය මේස හැඳි 1
🥑 දෙහි බිංදු 8
මිශ්‍ර කර හිස පිරිසිදු කර හිස් කබලේ ආලේප කර විනාඩි විස්සකට පසු පිරිසිදු වතුරෙන් සෝදා හරින්න.

🥑 අලිගැටපේර මේස හැදි 2
🥑 තල තෙල් මේස හැදි 1
🥑 දෙහි බිංදු 8
මිශ්‍ර කර ආලේප කරන්න.

🥑 අලිගැටපේර මේස හැදි 2
🥑 එරඬු තෙල් මේස හැඳි 1
🥑 දෙහි බිංදු 8
මිශ්‍ර කර හිස පිරිසුදු කර හිස් කබලේ ආලේප කර විනාඩි 20 කට පසු පිරිසිදු වතුරෙන් සෝදා හරින්න.

අලිගැටපේර තුළ සින්ක්, කැල්සියම්, යකඩ අන්තර්ගතය. විශේෂයෙන් Oleic Acid (ඔමේගා 9), Stearic Acid, Palmitolic Acid, Palmitic Acid අන්තර්ගතය. මෙම ඛනිජ ලවණ හා අම්ල වර්ග හිසකෙස්වල නිරෝගී භාවයට බෙහෙවින්ම උපකාරි වේ.

ආචාර්ය, වෛද්‍ය භූෂණ මහේෂ් අතුරලිය. (ශ්‍රී ලංකාවේ ප්‍රථම ආයුර්වේද රූපලාවණ්‍ය ග්‍රන්ථ රචක)

10/05/2023

තරුණ පෙනුම රකින මල් සත්කාර

පොකුරු වද මල්
පොකුරු වද මල් ගෙන එය හොඳින් තම්බා ගන්න. ඉන්පසුව සෑදෙන මිශ්‍රණය ගෙන හිස් කබලේ හා හිසකෙස් වල හොදින් ගල්වා විනාඩි විස්සක් පමණ සිටින්න. ඉන් අනතුරුව එය ඇල් ජලයෙන් සෝදා හරින්න.

වද මල් පානය
පෙති පහේ වද මල් ගෙන සෝදා එය තම්බා ගෙන පානය කරන්න. ඔබේ රස අනුව සීනි ස්වල්පයක් එක්කර ගන්න. මෙය සම පැහැපත් කරන කදිම පානයකි.

නාමල් රේණු
යටිපතුල්වල ඇතිවන දැවිල්ල පාලනයට නාමල් රේණු ගෙන එළඟි තෙල් ස්වල්පයක් සමග මිශ්‍ර කර යටිපතුල්වල ගල්වන්න. විනාඩි 30කින් පමණ පසු සෝදා හරින්න.

රණවරා මල්
රණවරා මල් තම්බා පානය කිරීම සම පැහැපත් කරන කදිම පානයකි. මාස තුනකින් පමණ පසු සැබැවින්ම පැහැපත් සමක් හිමිකර ගත හැකි මේ පානය ඔබටත් අත්හදා බැලීමට පුලුවන්.

බෙලි මල්
සිරුරේ දුගඳ පාලනය කිරීමට බෙලි මල් කදිම ඖෂධයකි. නිතර දහඩිය දමන ඔබත් ඩියෝඩ්රන්ට් පාවිච්චිය වෙනුවට ස්වභාවිකව දහඩිය දුගඳ පාලනය කරන බෙලි මල් පානයක් සකසා පානය කරන්න. සිරුරේ උෂ්ණත්වයටත් දහඩිය දුගඳ පාලනයටත් බෙලි මල් හොඳ පානයකි.

පිච්ච මල්
දෑසේ දැවිල්ල ගතිය නැති කිරීමටත් ඇස්වල ඇතිවන රෝග සමනය කිරීමටත් පිච්ච මල් දැමූ ජලයෙන් සෝදා හැරීමට හැකි ය. පිච්ච මල් වතුරට දමා පැය හයක් පමණ තබා එම ජලයෙන් හා දෑස් හා මුහුණ සෝදන්න.

තැඹිලි ගෙඩියක් ගෙන එහි ඇස්ස කපා පිච්ච මල් දමා එය පැයක් පමණ වසා තබන්න. පෙති ඉවත් වන සේ තැඹිලි වතුර පෙරා ගන්න. දැන් ඔබ ඇඳක හාන්සි වී සිටින්න. තවත් අයෙකුගේ සහය ගෙන තෙල් කඩදාසියකින් කුඩා කොටුවක් සාදා පසුව කන්වලට පුළුන කැබලි දෙකක් ගසා නාසය මැදට වන සේ එම ගොටුව තබන්න. දැන් එයට තැඹිලි වතුර වත් කරන්න. නාසය දිගේ එන තැඹිලි වතුර දෑස් වලට ගලා යෑමට හරින්න. දෑස් හොඳින් පිරිසිදු කරමින් දෑස් දීප්තිමත් කරන මේ සත්කාරය ඔබටත් අත්හදා බැලීමට පුළුවන්.

නෙළුම් මල්
නෙළුම් මල් රේණු ගෙන ඒවා පිරිසිදු කරගත් මුහුණ මත සෙමෙන් තවරා ගන්න. පැහැපත් සමක් ලබා ගැනීමට මෙය කදිම සත්කාරයකි.

ආයුර්වේද හා හෝමියෝපති වෛද්‍ය
ආචාර්ය ,මහේෂ් අතුරලිය

04/05/2023

බෝ නොවන රෝග රැසකට හේතුවන අධික තරබාරුව
( ආචාර්ය වෛද්‍ය මහෙෂ් අතුරලිය )

අද වන විට ඇති වී තිබෙන බෝ නොවන රෝග රැසකට මූලික හේතුවක් ලෙස අධික තරබාරු බව හේතු වී ඇතැයි දැක්විය හැකිය. මෙසේ අධික තරබාරු බව හේතු කොටගෙන දියවැඩියාව, කොලෙස්ටරෝල්, හදවත් රෝග, අධි රුධිර පීඩනය, නහර ගැට ගැසීම, ශරීර ශක්තිය හීන වීම, ලිංගික ශක්තිය හීන වීම, ශරීරය අප්‍රාණික බව, අධික ලෙස දහඩිය දැමීම, නිතර ශරීරය දහඩියෙන් තෙත්ව පැවතීම නිසා ශරීර දුගද, අධික නිදිමත ස්වභාවය, මානසික ආතතිය, අධික පිපාසය, හතිය, නින්ද නොයෑම, කාන්තාවන්ගේ ගර්භාෂගත හා පියයුරු පිළිකා අවදානම, ශරීරය අවපැහැ වීම හැඳින්විය හැකිය.

විශේෂයෙන් අධික තරබාරු බව හේතු කොටගෙන හන්දි ආශ්‍රිත රෝග හටගනී. එසේ වනුයේ ශරීරයේ සන්ධි ක්‍රියාකාරීත්වය දුර්වල වීම නිසාය.

නවීන වෛද්‍ය විද්‍යාවට අනුව ද තරබාරු බව දරු සම්පත ට ප්‍රමුඛ බාධාවක් වී ඇත. අධික තරබාරු බව පුද්ගලයන්ගේ සඵලතාව අඩු කරන නිසා ඔවුන්ට දරු සුරතල් බැලීමේ වාසනාව අඩුය.

මේ තත්ත්වය පුරුෂයන්ට පමණක් නොව ස්ත්‍රීන්ටද එකසේ බලපාන කරුණකි. කෘතීම සංසේචනයක් සිදු කළ විට පවා තරබාරු කාන්තාවන්ට ලැබෙන සාර්ථකත්වය අඩුය.

ප්‍රමාණයට වඩා මහත්වීම තරබාරු බවේ ප්‍රධානතම ලක්ෂණයයි. මෙය රූපය විරූපී කරවන්නකි. මෙය පුද්ගල පෞරුෂත්වයට බලපාන සාධකයකි. විශේෂයෙන්ම මෙය කාන්තාවන්ට මහත් අසහනකාරී තත්ත්වයකි.

අධික තරබාරු බව සඳහා ප්‍රතිකාර තුන් ආකාරයකින් සිදු කළ හැකිය.

ආහාර ක්‍රම
ආහාර ක්‍රම යනුවෙන් හඳුන්වන්නේ අධික තරබාරු බවට හේතු වන ආහාර පාලනය කිරීමය. මෙහිදී ධික කැලරි ප්‍රමාණයක් අඩංගු ආහාර, පිෂ්ටය හා මේද බහුල ආහාර, පැණි රස ආහාර, මේදය වඩවන ආහාර නොගත යුතුය. අධික තරබාරු බවින් මිදීමට සියඹලා, කරපිංචා, ගොරකා, සුදුලූනු, රතුලූනු යහමින් මිශ්‍ර කර සකස් කළ ආහාර ගත යුතුය. අමු ගස්ලබු තම්බා ආහාරයට ගැනීම තරබාරු බවින් මිදීමට හේතු වේ.

විහරණ ක්‍රම
විහරණ ක්‍රම ලෙස විශේෂයෙන් ව්‍යායාම කිරීම අවශ්‍ය වන අතර ඒ සඳහා ශරීරය වෙහෙසවන වැඩ හෝ පුරුදු පුහුණු කළ ක්‍රමයට අනුව ව්‍යායාම කිරීම හෝ කළ හැකිය. මෙහිදී යෝග ව්‍යායාම බොහෝ ඵලදායි වේ.

ඖෂධ
ඖෂධ ලෙස ආයුර්වේද ඖෂධ රාශියක් ම ආයුර්වේද වෛද්‍ය ක්‍රමය සතුය. මේද හර ක්වාථය දවල්ට රාත්‍රියට කෑමට පෙර මේස හැඳි 2 බැගින් පානය කිරීම තරබාරු බවින් මිදීමට හේතු වේ.

ආමන්ඩ් ඇට
ආමන්ඩ් ඇට උදරය සිහින්ව තබන අතර කුසගින්න නොමැතිව අධික කාලයක් සිටීමට හැකියාවක් ලබා දෙන ධාන්‍ය වර්ගයකි. දිනකට ආමන් ඇට විසිහතරක් ආහාරයට ගැනීමෙන් අධික ලෙස කුසගින්න ඇතිවීම වළක්වා ගැනීමට හා අඩු කැලරි ප්‍රමාණයකින් යුත් ශරීරයක් පවත්වා ගැනීමට ඔබට හැකියාව ලැබේ.

අලිගැටපේර
ශරීරයට හිතකර මේද අනූන වූ අලිගැටපේර තන්තු වලින් පොහොසත් පලතුරකි. 11g ත් 17g ත් අතර ප්‍රමාණයක් අනුභව කිරීමෙන් අධික කුසගින්න නිවා ගත හැකිය. උදරයේ ප්‍රමාණය පාලනය කර ගත හැකි හොඳ පලතුරකි.

අතීතයේදී සාහිත්‍යධරයන් ගැහැණියකගේ රුව “ඉග සුග ගත හැකි මිටින” යනුවෙන් වර්ණනා කළේ උසට සරිලන බරකින් යුතුව මධ්‍යම ප්‍රමාණයේ ශරීරයකින් යුතු මාංශ කල්‍යාණියෙන් පිරි කාන්තාවන් පිළිබඳවය. සිරුරේ බර කිලෝග්රෑම් 5ක ප්‍රමාණයකින් පමණ අඩු කළ හැකි ඖෂධ අද ආයුර්වේදය සතුය.

03/05/2023

දින 14 කන් ශරීරයේ බර අඩු කර ගන්න ඔබත් කැමතිද ???

08/12/2021

දෙතොල් කළු වීම වළක්වන ආයුර්වේද රුපලාවන්‍ය සත්කාර

දෑසින් මෙන්ම දෙතොලින් ද අදහස් ප්‍රකාශ කිරීමට හැකිය. නා දළු පැහැ දෙතොල් නිතැතින්ම යුවතියන්ගේ සුන්දරත්වය, අලංකාරය තීව්‍ර කරන ආභරණයක් යැයි කීම වරදක් නොවේ.
නා දළු පැහැ දෙතොල ආකර්ෂණීය බවකින් ද යුක්තය. නමුත් අවාසනාවකට මෙන් බොහොමයක් කාන්තාවන්ගේ දෙතොල් අවපැහැයෙන් යුක්තය.

තොල් අවපැහැ වීමට බලපාන කරුණු

මෙලනින් අධිකව නිපදවීම

සමෙහි පිහිටි මෙලෙනොසයිඩ් සෛල තුළින් මෙලනින් නම් වර්ණකය නිපදවනු ලබයි. මෙලනින් සමට වර්ණය ලබා දෙනු ලබයි. නමුදු මෙලනින් පාලනයකින් තොරව අධිකව නිපදවීම නිසා සමෙහි මෙන්ම දෙතොල් වලද අඳුරු පැහැය වර්ධනය වේ.

හිරු එළියට නිරාවරණය වීම.

හිරු එළියේ අහිතකර විෂ සහිත පාර ජම්බුල කිරණ අන්තර්ගත වේ .
නිතර නිතර පාරජම්බුල කිරණ වලට නිරාවරණය වීම නිසා තොල්වල අවපැහැය වර්ධනය වේ .

දුම් පානය

දුම්වැටි තුළ නිකොටින් සහ බෙන්ස්පයිරීන් නැමැති විෂ සංයෝග අන්තර්ගත වේ .
නිකොටින් සහ බෙන්ස්පයිරීන් සමෙහි මෙලෙනොසයිඩ් සෛල උත්තේජනය කොට මෙලනින් අධිකව නිපදවනු ලබයි

අධිකව මෙලනින් නිපදවීම නිසා තොල්වල අවපැහැය වර්ධනය වේ .

ගැබ් ගැනීම

ගර්භණී සමයේදී ශරීර අභ්‍යන්තරය තුළ සිදුවන හෝර්මෝන වෙනස් වීම නිසා තොල්, තන පුඩු, නළල, කම්මුල් සහ නාසය ඇතුළු ප්‍රදේශවල අඳුරු පැහැය වර්ධනය වේ .

බටහිර ඖෂධ භාවිතය

දීර්ඝ කාලීනව මැලේරියා නාශක සහ මුඛ ප්‍රතිජීවක ඖෂධ භාවිතය නිසා සමෙහි පිහිටි මෙලෙනොසයිඩ් සෛල උත්තේජනය වේ . මෙලෙනොසයිඩ් සෛල උත්තේජනය වූ විට ඒ තුළින් පාලනයකින් තොරව මෙලනින් නිපදවීම නිසා තොල් ඇතුළු සම සම අඳුරු පැහැ වේ .

වෛද්‍ය ගැටළු

ඇඩිසන්ගේ රෝගය ( addison's diseases )
ඇඩිසන්ගේ රෝගය අධිවෘක්ක ඌණතාවය ලෙස ද හැඳින්වේ.
අධිවෘක්ක ග්‍රන්ථි තුළින් ප්‍රමාණවත් පරිදි අත්‍යවශ්‍ය හෝර්මෝන නිපදවීමට නොහැකිවීම ඇඩිසන්ගේ රෝගය යනුවෙන් හඳුන්වනු ලබයි .
මෙම රෝගී තත්ත්වය නිසාද තොල්වල අඳුරු පැහැය වර්ධනය වේ

සත්කාර

මීපැණි - සීනි ස්ක්‍රබ්

මී පැණි තේ හැඳි 01
සීනි තේ හැඳි 01

මිශ්‍රකර තොල් වල ආලේප කොට විනාඩි 5 කට පසු මෘදු ලෙස ඇගිලි තුඩු වලින් රවුමට කරකවමින් ස්ක්‍රබ් කළ යුතුය
පසුව උණුසුම් ජලයෙන් සෝදා ඉවත් කළ යුතුය

තොල් සම්බාහනය

වර්ජින් කොකනට් ඔයිල් , ආමන්ඩ් ඔයිල්, එඩරු තෙල් ,තල තෙල් භාවිතා කොට දිනපතා රාත්‍රී නින්දට පෙර තොල් මෘදු ලෙස සම්බාහනය කළ යුතුය .

කහ කුඩු ආලේපනය

කහ කුඩු තේ හැඳි 01
රෝස වතුර තේ හැඳි 01

මිශ්‍රකර තොල්වල ආලේපකර විනාඩි 20 ට පසු පිරිසිදු වතුරෙන් සෝදා ඉවත් කළ යුතුය.

කහ තුළ කර්කියුමින් අන්තර්ගතය. කර්කියුමින් සමෙහි පැහැය වර්ධනයට මෙන්ම තොල් වල පැහැය වර්ධනයටද උපකාරී වේ .curcumin තුළ ප්‍රබල ප්‍රතිඔක්සිකාරක ගුණය අන්තර්ගතය .ප්‍රති ඔක්සිකාරක ගුණය තොල්වල සෛල අලුත්වැඩියා කර තොල් වල අඳුරු පැහැය දුරු කරනු ලබයි

දෙහි යුෂ

තොල් වල දිනපතා දෙහි යුෂ රාත්‍රි නින්දට පෙර ආලේපය. දෙහි තුළ ද ප්‍රතිඔක්සිකාරක ගුණය පවතී. ප්‍රතිඔක්සිකාරක ගුණය හානි වූ තොල්වල සෛල පිළිසකර කිරීමට උපකාරී වේ .තවද දෙහි තුළ අන්තර්ගත සිට්‍රික් අම්ලය සමෙහි හා තොල්වල අඳුරු පැහැය දුරු කරනු ලබයි

ස්ට්‍රෝබෙරි ආලේපය

ස්ට්‍රෝබෙරි ගෙඩි බාගයයි
මී පැණි බිංදු 8

බ්ලෙන්ඩ් කර තොල් වල ආලේප කර විනාඩි 30 ට පසු සිසිල් ජලයෙන් සෝදා ඉවත් කිරීම.

ස්ට්‍රොබෙරි තුළ විටමින් සී හා සැලිසිලික් අම්ලය අන්තර්ගත වේ.විටමින් සී හා සැලිසිලික් අම්ලය තොල් වන අඳුරු පැහැය දුරු කිරීමට උපකාරී වේ

ග්ලසරීන් ආලේපය

ග්ලසරීන් සමෙහි සෛල පරිණත වීමට උපකාරී වේ . ග්ලසරීන් සමෙහි සෞඛ්‍යය ඉහල නංවන අතර සමෙහි තෙතමනය ආරක්ෂා කරනු ලබයි .
ග්ලසරීන් තොල්වල අවපැහැය දුරු කිරීමට උපකාරී වේ

ග්ලසරීන් තේ හැදි 01
රෝස වතුර බිංදු 8

මිශ්‍රකර තොල් ආලේප කර විනාඩි 30 ට පසු පිරිසිදු වතුරෙන් සෝදා ඉවත් කරන්න

මිශ්‍ර කර අත් හෝ පාද වල ආලේප කර විනාඩි 30 ට පසු පිරිසුදු වතුරෙන් සෝදා හරින්න.

ශ්‍රී ලංකාවේ ප්‍රථම ආයුර්වේද රූපලාවණ්‍ය ග්‍රන්ථ රචක
ආයුර්වේද හා හෝමියෝපති වෛද්‍ය ආචාර්ය ,මහෙෂ් අතුරලිය Ph.D, M.D, LRAP ( commenwelth ) vaidhya bhushan ( india ) Master of beauty care ( hair pin up - japan) B.sc.Cosmetology ( IDB)

02/12/2021

කොරළ වලින් මිදෙමුද ?

නිරෝගී පැහැපත් සමක් යනු ඕනෑම තරුණියකගෙ හීනයකි. නිරෝගී පැහැපත් සමක උරුමකාරිය වීමට කැමති නම් ඔබට ඒ වෙනුවෙන් සුළු හෝ කැප කිරීමක් සිදු කළ යුතු වේ .

කොරළ යනු සමෙහි සුන්දරත්වයට හානියක් කළ හැකි ප්‍රබල රූපලාවණ්‍ය ගැටලුවකි. කොටුරූල් යනුවෙන් ද සාමාන්‍ය ව්‍යවහාරයේදී කොරළ හඳුන්වති.

කොරළ යනු කාන්තා පිරිමි භේදයකින් තොරව සමාජයේ බොහෝ දෙනෙකු මුහුණ දෙන පොදු රූපලාවණ්‍ය ගැටලුවකි.

වියළි බව නිසා අත් ,පාද හා ශරීරය පුරා ඇතිවන කොරළ නිසා සමෙහි ලස්සන නැති වී යයි .කොරළ තත්ත්වය නිසා යුවතියන්ට අත් හා පාද විවෘත වූ ඇඳුම් ඇඳීමට නොහැකිය.

කොරළ ඇතිවීමට බලපාන හේතු

සමෙහි වියළි බව

කොරළ ඇතිවීමට බලපාන ප්‍රධානතම හේතුව වන්නේ සමෙහි වියළි බවය. නිසි ලෙස ජලය පානය නොකිරීම සමෙහි වියළි බවට හේතු වේ.

ජලය හා සම යනු කිසිම දවසක වෙන් කළ නොහැකි දෙපාර්ශවයකි. සමෙහි තෙතමනය රඳා පවතින්නේ සිරුර තුළ පවත්නා ජල ප්‍රතිශතය මතය. තවද සමෙහි ඇදෙන සුළු බව රඳා පවතින්නේ ද සමෙහි පවතින ජල ප්‍රතිශතය මතය. සමෙහි පවතින ජල ප්‍රතිශතය අඩු වීමත් සමඟම සමෙහි රැළි වැටීම හා කොරළ ස්වභාවයක් ඇතිවීමේ අවදානමක් පවතී.එම නිසා දිනකට අවම වශයෙන් ජලය ලීටර් 2 1/2 ක් පානය කිරීම සුදුසුය.

පෝෂණ ඌනතා

විටමින් A ( රෙටිනෝල් ) , B 1 ( රයිබොෆ්ලේවින් ) ,
B 3 ( නියැසිමයිඩ් ) , B 5 ( පැන්ටොතෙනික් අම්ලය ),
B 6 ( පිරිඩොක්සින් ) , B 9 ( ෆෝලික් අම්ලය ) , B 12 ( කොබැලමින් ) , බයොටින් , C , E ඌනතාවය නිසාත් සල්ෆර් , පොටැසියම් ,මැග්නීසියම්, සින්ක් , සෙලේනියම් වැනි ඛනිජ ලවණ ඌණතා නිසාද සමෙහි වියළි බව වර්ධනය වී කොරළ හට ගනි.

එම නිසා තද කොළ පැහැති හෝ කහ පැහැති එළවළු,පලා වර්ග, කිරි, මස්, බිත්තර, ධාන්‍ය වර්ග ,පලතුරු වර්ග නිතර ආහාරයට ගත යුතුය.

රෝම ඉවත් කිරීම

සමෙහි පිහිටි සෙබාශස් ග්‍රන්ථියෙන් නිපදවන සීබම් නැමැති තෙල් හා ඉටි මිශ්‍රිත ද්‍රව්‍ය සමට අවශ්‍ය තෙතමනය ලබා දෙනු ලබයි. සීබම් වැඩිපුර නිපදවන්නේ නම් සම තෙල් සහිත වේ . සීබම් අඩුව නිපදවන්නේ නම් සම වියළි වේ.

සෙබාශස් ග්‍රන්ථියෙන් නිපදවනු ලබන සීබම් සම මතුපිටට ගෙන එනු ලබන්නේ රෝම කූප හරහාය.
නවීන විලාසිතා වලට ප්‍රිය කරන තරුණියන් සිරුරේ රෝම විවිධ වූ ක්‍රම භාවිතයෙන් ඉවත් කරති. රෝම ගලවා ඉවත් කළ පසු සම අභ්‍යන්තරයේ නිපදවනු ලබන සීබම් වලට සම මතුපිටට ඒමට නොහැකි නිසා සම වියළි කොරළ හට ගනී.

උෂ්ණාධික ආහාරපාන

අන්නාසි ,අච්චාරු, තක්කාලි, බලමාළු, බල කරවල වැනි උෂ්ණ අධික ආහාර පාන ගැනීම නිසාද , අධික අම්ල හා ලුණු හා සෝස් වර්ග අන්තර්ගත ආහාර ගැනීම නිසාද , කුළුබඩු අධිකව යෙදු ආහාර වර්ග ආහාරයට ගැනීම නිසාද සමෙහි වියළි බව වර්ධනය වී කොරළ හට ගනී.

අධික හිරු එළිය

නිතර හිරු එළියට නිරාවරණය වීම නිසා හිරු එළියේ පවතින අහිතකර UVA හා UVB කිරණ වලින් සමට හානි සිදුවේ .UVA හා UVB කිරණවලට නිතර සම නිරාවරණය වීම නිසා සමෙහි තෙතමනය නැති වී සම වියළි සමෙහි කොරළ තත්ත්වයන් වර්ධනය වේ. එම නිසා හිරු එළියට නිරාවරණය වීමේදී හිරු ආවරණ ක්‍රීම් භාවිතා කළ යුතුය.

ශරීර උෂ්ණත්වය

ශරීර උෂ්ණත්වය අධික වීමද සමෙහි කොරළ හට ගැනීමට උපකාරී වේ. සාමාන්‍ය ව්‍යවහාරයේදී රක්තයා හෙවත් රත් පිත් යනුවෙන් හඳුන්වනු ලබන රෝගී තත්ත්වය නිසා සමෙහි කොරළ හට ගනී. මෙම රෝගී අවස්ථාවේදී ශරීර උෂ්ණත්වය අධික වීම සමෙහි කොරළ හට ගැනීමට උපකාරී වේ.

ජානමය හේතු

ජානමය හේතු මත ඔබගේ සමෙහි කොරළ වර්ධනය විය හැකිය.

අහිතකර ආලේපන

රසදිය, ඊයම් , ආසනික් වැනි සමට අහිතකර උග්‍ර විස සහිත රසායනික ද්‍රව්‍ය අන්තර්ගත ක්‍රීම් වර්ග භාවිතය නිසා ද සමෙහි වියළි බව වර්ධනය වේ

කොරළ සඳහා සදහා රූපලාවන්‍ය සත්කාර

අලිගැටපේර මද මේස හැඳි 10
මී පැණි බිංදු 8

මිශ්‍ර කර අත් හෝ පාද වල ආලේප කර විනාඩි 30 ට පසු පිරිසුදු වතුරෙන් සෝදා හරින්න.

කෝමාරිකා සාරය මේස හැඳි 5
වතුර නොයොදා මිරිකා ගත් පොල් කිරි මේස හැදි 5

මිශ්‍ර කර කර අත් හෝ පාද වල ආලේප කර විනාඩි 30 ට පසුව පිරිසිදු වතුරෙන් සෝදා හරින්න .

පින්ඩ තෙල් හෝ කුංකුමාදී තෙල් හෝ වර්ජින් කොකනට් ඔයිල් අත් හෝ පාද වල රාත්‍රී නින්දට පැයකට පෙර ආලේපය

තල තෙල් මේස හැඳි 02
එඬරු තෙල් මේස හැඳි 02
මී පැණි තේ හැඳි 01

මිශ්‍ර කර අත් හෝ පාද වල ආලේප කර විනාඩි 30 ට පසු පිරිසුදු වතුරෙන් සෝදා හරින්න.

ශ්‍රී ලංකාවේ ප්‍රථම ආයුර්වේද රූපලාවණ්‍ය ග්‍රන්ථ රචක
ආයුර්වේද හා හෝමියෝපති වෛද්‍ය ආචාර්ය ,මහෙෂ් අතුරලිය Ph.D, M.D, LRAP ( commenwelth ) vaidhya bhushan ( india ) Master of beauty care ( hair pin up - japan) B.sc.Cosmetology ( IDB)

23/11/2021

තරුණ බව රැක දෙන රිජුවනෂන් සීරම්

23/11/2021

දියවැඩියාව පරදවන ආයුර්වේද අත් බෙහෙත

23/11/2021

නිවැරැදිව ගෝල්ඩන් මිල්ක් එකක් සාදා ගන්නා ආකාරය

23/11/2021

කුරුදු වලින් ලස්සන වෙන හැටි