Keshara Dissanayake

29/07/2025

☯️🔥 ඇත්තටම හැමදේම අහිමි වෙන්නේ, නැති වෙන්නේ මරණයේ දී පමණයි. එතකන් ඡීවිතයේ මොන දේ නැති උනා කියලාවත් ලොකුවට මානසිකව වැටෙන්න ඕන නෑ. මොකද තාමත් ඔබ ඡීවත් වෙලා ඉන්නවා. දේවල් නැති උනා කියන එක මානසික මායාවක් විතරයි. මරණයේදී විතරයි ඔබට සියල්ල අහිමි වෙලා යන්න වෙන්නේ..

♦️ තමන්ව දියුණු කරගන්න, මනස ශක්තිමත් කරගන්න කැමතිනම් ලක්ෂයකට අධික පිරිසක් ඉන්න අපේ youtube channel එකට සම්බන්ධ වෙන්න..

🔥Link -https://youtube.com/c/KesharaDissanayake

♦️ Whatsapp channel - https://whatsapp.com/channel/0029VbAmVwcKmCPNW7UFUM2b

05/07/2025

☯️🔥 ඔබට වැඩක් කරන්න බැරි නම් ඒ වැඩේ කරන්න!! අපි සාමාන්‍යයෙන් කියන්නේ බැරි වැඩ කරන්න එපා කියලා. මගේ මතය ඔබ බැරි වැඩ අනිවාර්යයෙන්ම කරන්න ඕන. ඔබට ඒ වැඩේ කරන්න සිද්ධ වෙන තැනකට ඔබව දාගන්න ඕන බලෙන්ම.එහෙම නැත්නම් කොහොමද ඒ වැඩේ ඔබට කවදහරි පුළුවන් වෙන්නේ? හැමදාම බැරි විදියටයි ඉන්න වෙන්නේ!

♦️ඔබට ඉංග්‍රීසි බැරි නම් ඉංග්‍රීසියෙන් වැඩ කරන තැනකට සම්බන්ධ වෙන්න.

♦️ඔබට පරිගණක කුසලතාව නැත්නම් පරිගණක වැඩ කරන තැනකට සම්බන්ධ වෙන්න.

♦️ඔබට නායකත්ව කුසලතාව නැත්නම් කණ්ඩායමක නායකත්වය අරන් බලන්න.

♦️ඔබට ඇගේ ශක්තිය නැත්නම් ඇගේ ශක්තිය ඕන වෙන ක්‍රීඩාවකට ,ව්‍යායාම වලට සම්බන්ධ වෙන්න.

♦️ඔබට සමාජශීලී වෙන්න හැකියාව අඩුනම් ගිහින් බලෙන්ම සමාජයට ඔබව දාගන්න.

♦️සන්නිවේදන කුසලතා අඩුනම් ගිහින් බලෙන්ම සන්නිවේදනය කරන්න සිද්ධ වෙන තැනකට ඔබව දාගන්න.

♦️ඔබව ඔබට කරන්න බැරි වැඩ තියන තැන් වලට ගිහින් අත අරින්න. ඔබේ මොළය ඉතා ඉක්මණින් දේවල් වලට හුරුවෙන ඉගෙනගන්න දෙයක්. ඔබේ මොළය කොහොමහරි ඔබේ නැති කුසලතාව හදලා ඔබව ඒ අදාළ පරිසරයට හුරුකරන්න බලනවා.ඔබට යම් කුසලතාවයක් නැත්නම්,වැඩකරන්න ඒ කුසලතාවය අවශ්‍ය තැනකට යන්න.

🙌🏽 මනුස්සයෙක් දියුණු වෙන්නේ අභියෝග, හැලහැප්පීම්, තර්ඡන ඔස්සේ මිසක් හැමදාම ලේසි,පහසු,තමන් කැමති දේවල්ම කරලා නෙමේ. ඇත්ත ඒක. සමහරු ඕනවට වඩා නිදහස හොයනවා. අපි කැමති දේ විතරමයි කරන්න ඕන කියලා හිතනවා. අපි කැමති දේවල් කරන්න ඕන බව ඈත්ත. නමුත් ඒක නීතියක් නෙමෙයි. ඔබව දියුණු වෙන්නේ ඔබට පුලුවන් දේම කර කර ඉන්නවට වඩා වෙනස් දෙයක් කිරීමෙන් බව මතක තියාගන්න. මේ නිසා කෙටි කාලීන සැහැල්ලු මානසිකත්වයක් හදාගන දිගු කාලීනව කිසි දෙයක් කරගන්න බැරුව දුක් විදින අය ඉන්නවා.

✌🏽පෞද්ගලිකව මගේ ඉංග්‍රීසි භාෂාව කතා බහ හදාගන්න මම පිටරට ආයතනයක සම්බන්ධව වැඩ කිරීම ලොකු උදව්වක් උනා.ඉංග්‍රීසී කතාව මදි කියලා රස්සවට නොගිහින් හිටියනම් ඡීවිතේට කතාබහ හදාගන්න වෙන්නේ නෑ.ගිය නිසා අද හොදට ඉංග්‍රීසී භාෂාව කතාකරනවා.

👉🏽සමහරු ඉන්නවා තමන්ගේ කුසලතාවය දියුණු වෙනකන් වැඩේට බහින්නේ නෑ. ඔබ වැරදී!!

🔥වැඩේට බැස්සට පස්සේ ඒ වැඩේ කරන ගමන් තමා කුසලතාව හැදෙන්නේ.

☯️ඒ නිසා ඔබ දන්නවනම් ඔබට යමක් කරගන්න පුලුවන් කියලා, ඔබව විශ්වාස කරලා ඒ වැඩේ භාරගන්න,කරන්න. ඊට පස්සේ බලන්න වැඩේ කරද්දී තේරෙයි කොහොමද වැඩේ කරගන යන්න ඕන කියලා.

මේ මම කිව්ව වැරදි චින්තන රටාව නිසා ඡීවිතේ කනපිට හරවන අවස්ථා මගහැරගන්න මිනිස්සු ඉන්නවා..ඒ නිසා ඒක හදාගන්න.

ඡය වේවා!!

-කේශර දිසානායක-

♦️ තමන්ව දියුණු කරගන්න, මනස ශක්තිමත් කරගන්න කැමතිනම් ලක්ෂයකට අධික පිරිසක් ඉන්න අපේ youtube channel එකට සම්බන්ධ වෙන්න..

🔥Link -https://youtube.com/c/KesharaDissanayake

03/07/2025

☯️රටේ මිනිස්සුන්ගේ සෞඛ්‍ය තියෙන්නේ අම්මගේ අතේ?

පැහැදිලි කරගමු අපි ඒක.

💬සාමාන්‍යයෙන් ගෙදරක වැඩිපුරම උයන්නේ අම්මා. ඒක ලංකාවේ සාමාන්‍ය ගෙදරක විදිය. මේක වෙනස් වෙන තැන් තියනවා විටින් විට. අපි දැනට අම්මා ගැන කතා කරමු. අම්මෙක් නම් ඔබේ අතේ තමා ගෙදර හැමෝගෙම සෞඛ්‍ය තියෙන්නේ. ඒක සෙල්ලමක් නෙමෙයි.ඔබ උයන විදිය අනුව තමා ගෙදර අයට ලෙඩ රෝග හැදීම බොහෝදුරට තීරණය වෙන්නේ.

♦️ මේ වනවිට
දියවැඩියාව, පිළිකා, අධිරුධිර පීඩනය,ගැස්ට්‍රයිටිස් සහ මානසික රෝග වල සැලකිය යුතු වර්ධනයක් තියනවා.

♦️මේ සේරටම ආහාර වල සෘඡු හෝ වක්‍ර බලපෑමක් තියනවා.නූඩ්ල්ස්, සුප් කැට,තෙල් අධික ආහාර,ක්ෂණික ආහාර,තෙල්දමා බදින ආහාර,අධික සීනි දැමූ තේ,කිරිපිටි වැනි ආහාර මේ අතර ප්‍රධානම ආහාර වර්ග කීපයක්.

♦️හැකිතරම් මේ කෑම වර්ග අවම කරන්න. සතියකට හෝ මාසයකට අවම ලෙස පරිහෝඡනය කරන්න.

♦️සුප් කැට ,රසකාරක,නූඩ්ල්ස් මාසයකට එක් වරක් දක්වා හෝ ගන්න ප්‍රමාණය හැකිතාක් අවම කරන්න. නවත්වන එක තමා හොදම.

♦️හැකිනම් තුනපහ, කහ, මිරිස් වැනි දේවල් තමන්ම කුඩුකර ගෙන භාවිත කරන්න.ගම්බද පළාත් වල අයට මේක පහසුයි.

♦️කොස්,පොළොස්,බතල,කඩල,කවුපි,මැල්ලුම් වර්ග,මුරුංගා කොල, ගොටුකොල වැනි දේවල් මාසයට වැඩි වාරයක් උයන්න උත්සාහ කරන්න. පලතුරු වර්ග වැඩියෙන් ගන්න.

♦️හැකිතාක් සොසේඡස්,නූඩ්ල්ස් වැනි පිළියෙල කල සහ ක්ෂණික ආහාර අවම හෝ නැති කරන්න. පිළියෙල කල ආහාර වල පෝෂණය ඉතා විශාල විදියට අඩු වෙලා තියෙන්නේ සහ විශාල ලෙස රසායනික ද්‍රව්‍ය අඩංගු වෙනවා.

♦️බිස්කට් අවම කරන්න. දරුවන් අතර දියවැඩියාව වැඩි වීමේ ප්‍රවණතාවයක් තියනවා. දරුවන් පැණි රසට හුරු කරවන්න එපා.

💚✌🏽අපිට නොලැබුණ දේ ළමයට දෙන්න ඕන කියලා අපි නොකාපු වස දරුවට කවන්න තරම් අනුවණ වෙන්න එපා!!

♦️දරුවන්ට සහ පවුලේ අයට පන්ති හෝ වැඩට යන විට කඩ කෑම,බනිස් වගේ ක්ෂණික ආහාර පුරුදු කරන එක අඩු කරන්න.

🍃නිතරම අම්මා හෝ ගෙදර උයන කෙනා මේ සියල්ල ගැන සැලකිලිමත් විය යුතුයි.

☯️පවුලේ නිරෝගිකම තියෙන්නේ ගොඩක් අම්මගේ අතේ,

🍃පවුල නිරෝගිමත් නම් රටත් නිරෝගී බොහෝදුරට..

🍃ඉතින් රටේ නිරෝගීකම තියෙන්නේ අම්මගේ අතේ කිව්වේ ඒකයි.

♦️රටක් නිරෝගී උනොත් ඒ රට තවත් කාර්යක්ෂම වෙනවා. ඒක රටටත් පවුලටත් පෞද්ගලිකවත් වාසි සහගත දෙයක්.ලේසි නෑ අම්මෙක්ට තියන වගකීම් කන්දත් එක්ක හැමදේම කරන්න.පුළුවන් තරම් උත්සාහ කරමු. පොඩි හරි උදව්වක් ලැබෙන නිසා මේ විදියට යම් දැනුවත් කිරීමක් කරනවා...

මේ ගැන ඔබේ අදහස් මොනවාද??

හිතලා බලන්න..

-කේශර දිසානායක-

♦️ තමන්ව දියුණු කරගන්න මනස ශක්තිමත් කරගන්න කැමතිනම් ලක්ෂයකට අධික පිරිසක් ඉන්න අපේ youtube channel එකට සම්බන්ධ වෙන්න..

Link -https://youtube.com/c/KesharaDissanayake

02/07/2025

♦️ඇත්තටම කැප්පෙටිපොල කියන කෙනා ඩයිනෝසරයන් ගැන දැනගෙන හිටියා. ඇයි එහෙම කියන්නේ? ඉස්සෙල්ලම බලමු කවුද මේ කැප්පෙටිපොල කියන්නේ?? පොරක් ද??

මේ පුද්ගලයා ප්‍රසිද්ධ වෙලා තියනවා මාර වැඩකට සෑහෙන්න ලංකාවේ. මොනව කරාටද?🤔

ඉදලා තියෙන්නේ 1818. සෑහෙන කාලෙකට කලින් ඒ කියන්නේ. සම්පූර්ණ නම මොණරවිල කැප්පෙටිපොල.ඒ කාලේ බ්‍රිතාන්‍ය ඡාතිකයෝ ලංකාව යටත් කරලා තිබ්බේ. කෙලින්ම චිත්‍රපටියක ඇගේ මයිල් කෙලින් වෙන වගේ කතන්දර ටිකක් මේ මනුස්සයා කරලා තියනවා. මම කියන්නම්.

ඒ කාලේ මහනුවර රාජධානිය තිබ්බේ බ්‍රිතාන්‍ය යටතේ. ඉතින් කැප්පෙටිපොල කියන්නේ දිසාවේ කෙනක් රටේ. ඒ කියන්නේ රට පාලනය කරන පාලන තන්ත්‍රයේ කෙනක්. ඇමති කෙනෙක් වගේ හිතාගමුකෝ..මෙයාව බ්‍රිතාන්‍යයන් යවලා තියනවා බ්‍රිතාන්‍යන්ට විරුද්ධව ලංකාවේ මිනිස්සු පටන්ගත්ත කැරැල්ලක් නවත්තන්න. මොකද දැන් බ්‍රිතාන්‍ය යටතේ තමා දිසාවේලා රඡ්ඡුරුවෝ ඔක්කොම ඉන්නේ.ලංකාවේ උන්ට නිදහස ඕන නිසා තමා කැරලි ගහලා එලවන්න හදලා තියෙන්නේ සුද්දෝ ටික. පස්සේ ඔන්න කතාවේ හොදම ටිකට දැන් එනවා.

කැප්පෙටිපොල දිසාවේ දැන් ගිහින් කැරැල්ල නවත්තන්න සේනාව එක්ක. ගියාම දැක්කා ලංකාවේ මිනිස්සු දුක් විඳින විදිය. පස්සේ හිතුනා මේ මිනිස්සු අරගල කරන එක සාධාරණයි. මේ මොනව උනත් මගේ රටේ මගේ මිනිස්සු.

මොනවද කරේ ඊට පස්සේ?

මනුස්සයා කෙලින්ම තමන්ගේ එක්ක ආපු බ්‍රිතාන්‍ය සේනාවට කිව්වා මම එන්නේ නෑ ආයේ යන්න තමුන් ලා එක්ක. මම කැරැල්ලට එකතු වෙනවා. මෙන්න උබලාගේ අව් ආයුධ තුවක්කු. උබලාගේ අවි ආයුධ වලින් උබලාටම පහර දෙන එක මගේ තරමට,මට්ටමට මදිකමක්. මේ සේරම අරන් උබලා දැන් ගිහින් සුද්දට මේක දැනුම් දීපල්ලා කියලා. මේක විශිෂ්ඨ සිද්ධියක්. මේක ආරම්හය විතරයි. නිකන් හිතලා බලන්න මනුස්සයොගේ පෞරුෂය👌🏽👌🏽

බ්‍රිතාන්‍යන්ගේ ආයුධ වත් ගන්නේ නෑ. මොකද, බ්‍රිතාන්‍යයන් විශ්වාස කරලනේ මනුස්සයාව එව්වේ මේ වැඩේට. ඒ විශ්වාසය ඡරා විධියටවත් කැඩුවේ නෑ.නැත්නම් තිබ්බනේ එයා එක්ක ආව බ්‍රිතාන්‍ය සේනාව මරලා දාන්න ලේසියෙන්ම කැරැල්ලට එකතු වෙලා. මාරම පොරක්.හැමදේම ලස්සනට බාර දුන්න මහත්මා ගතියෙන් යුත් අමුතුම මට්ටමක සිංහයෙක් වගේ වීර පෞරුෂයක්...🔥

කතාවේ අවසානේ තමා නියම.

අවාසනාවන්ත විදියට කැරැල්ල පැරදුනා මිනිස්සු. බ්‍රිතාන්‍යයන් මුළු ඌව වෙල්ලස්ස ම ගිනිබත් කරා. ඔවුන්ගේ ආයුධ බලය පිරිස් බලය වැඩි නිසා. අන්තිමේ කැප්පෙටිපොල දිසාවේ අහු උනා සුද්දන්ට. කෙලින්ම මරණයට බෙල්ල කපන්න නියම කරා. හැබැයි වැඩියෙන්ම ප්‍රසිද්ධ මෙන්න මේ මරණය උන විධිය.බ්‍රිතාන්‍යයන්ගේ ඒ කාලේ ලියපු වාර්තා වල පවා මේක තියනවා අදටත්.

කොහොමද උනේ??

ඔන්න හිස ගසා දාන දවස ආවා කැප්පෙටිපොල දිසාවේ ගේ. සුද්දගේ වාර්තාවලම තියනවා කිසිම භයක් පසුතැවීමක් මොහු පෙන්නුවේ නැතිලු මරණයට. එඩිතර ලීලාවෙන් ගියාලු. ගිහින් දන ගහලා එඩිතරව බෙල්ල තිබ්බලු.

සිංහල කතා වල කියන විධියට වධකයා පසුබට උනාලු මේ ගෞරවනීය චරිතයේ හිස ගසාදාන්න. ඒත් වධකයාට කිව්වලු එක කඩු පාරෙන් මගේ බෙල්ල කපලා දාපන් කියලා. ඊලගට තමන් ගාව තිබ්බ පොඩි පොතක් අරගෙන ධම්මපදයේ ගාථා කීපයක් කිව්වලු. ඊලගට මේක බලාගන හිටපු මිනිස්සුන්ට ධෛර්යක් එන විධියට නිර්භීත ඇස් දෙකකින් යුතුව හිස තිබ්බලු දංගෙඩිය උඩ.පලවෙනි කඩු පහරින් බෙල්ල කැපිලා නෑ. පස්සේ කැප්පෙටිපොල කිව්වලු මෙතනට ගහපන් කියලා වධකයාට බෙල්ල පෙන්නුවලු. දෙවනි කඩු පාරෙන් බෙල්ල වෙන් උනාලු. මේක නිකන් film එකක ප්‍රධාන චරිතයක රගපෑමක් වගේ. ඔබට පුළුවන් ද මෙහෙම බෙල්ල කපද්දී එඩිතරව මූණ දෙන්න??

ඇත්තටම වචන මදි මේක ගැන කියන්න. මේක බලපු මිනිස්සුන්ට පුදුම ධෛර්යයක් ලැබෙන්න ඇති. මෙහෙම විශිෂ්ඨ නායකයෝ තමා අපට ඉන්නේ,අපි මාර මිනිස්සු කියලා.

වෙන මිනිස්සු පණ බයේ අඩනවා. මළ මූත්‍ර පිටවෙනවා. බැගෑපත්වෙනවා මරද්දී. ඒත් මේ මනුස්සයා????

කොච්චර මේ සිදුවීම බ්‍රිතාන්‍යයන්ට පුදුමයක් උනාද කිවිවනම්, බ්‍රිතාන්‍ය වෛද්‍යවරයෙක් උන Henry Marshall මේක දැකලා කියලා තියනවා, මේ අසාමාන්‍ය චරියක් පෞරුෂයක් තියන මේ මනුස්සයේ හිස මට ගෙනියන්න ඕන බ්‍රිතාන්‍යයට පරීක්ෂණ කරලා බලන්න කියලා.මේ ගැන Henry Marshall ගේ පුද්ගලික වාර්තාවල තියනවා සාක්ෂි අදටත්.

කොච්චර උනත් බ්‍රිතාන්‍යයන් පවා මොහුට ගරු කරලා තියනවා මේ හැසිරුණු අසාමාන්‍ය වීර අභිමානවත් ලක්ෂණ වලට.

කොහොමද චරිතේ??

මම අදටත් ලංකාවේ ඉතිහාසයේ ගරු කරන ලෞකික චරිත වල උඩම ඉන්නේ මෙතුමා... මෙතුමාගේ චරිතය අපිට දෙන්නේ මාර ආදර්ශයක්.. මරණයට මෙහෙම නිර්භීතව මුණ දෙන්න?? සතුරාගේ ආයුධ, සේනාව හානියක් නොකර ආපසු යවන්න??

වචන නෑ කියන්න!!!

ඉතින් මොකද හිතන්නේ මේ ගැන ?

ඡය වේවා.

-කේශර දිසානායක-

මේ පහල තියන පින්තූරය මම ශෙයා වෙනවා දැකපු එකක් හැමතැනම. මෙතුමාව විහිලුවකට ගත්තට එහෙම ගන්න තියා හිතන්නවත් සුදුසු කෙනෙක් නෙමෙයි. මේක කරපු කෙනා ඒ තරම් දැනුමක් ඇති කෙනෙක් නොවන නිසයි මේක කරලා තියෙන්නේ. ඉතින් එතුමාට සාධාරණයක් ලෙස තමා මේ කතාව ලියන්නේ..

♦️ තමන්ව දියුණු කරගන්න මනස ශක්තිමත් කරගන්න කැමතිනම් ලක්ෂයකට අධික පිරිසක් ඉන්න අපේ youtube channel එකට සම්බන්ධ වෙන්න..
Link -https://youtube.com/c/KesharaDissanayake

29/06/2025

🍃 Listen to the music of nature. Cinematic trailer.
Full video - https://youtu.be/RDhh377ykqc?si=enrj6JBN1RO3CBH3

28/06/2025

☯️💚 ස්වභාවධර්මයේ ශක්තිය ඔබ තුලට ලබාගන්නා කාලයත් සමග අමතක ගිය ක්‍රමවේදය.

A Cinematic video about nature and human connection and healing.

♦️ use headsets for better experience.

Visit our youtube channel for more videos - https://youtube.com/c/KesharaDissanayake

28/06/2025

☯️🔥 අපි කැලයෙන් ඈතට ගියා වැඩි ද? (ඔබේ ප්‍රශ්නයට සොභාදහමෙන් පිළිතුරක්)

☯️🔥 මිනිසාගේ සහ සොබාදහමේ ශක්තීන්ගේ අපූර්වත්වය විඳින්නටත්, සොබාදහමට සමාජය සමීප කිරීමට ගත් වෑයමකි.☯️🔥 පුද්ගල සංව...

26/06/2025

☯️🔥 ඔබට තිබිය යුතුම කුසලතා 08 ක්.

ඡීවිතේ දෙයක් කරන්න,ඉස්සරහට යන්න කැමති අයට තිබිය යුතුමයි කියලා මම හිතන කුසලතා කීපයක් පහල තියනවා.

1.🔥 අනුවර්තනය වීමේ හැකියාව.

ඡීවිතයේ එන අභියෝග වලට,අලුත් පරිසරයන්ට, ඔබට කොයි තරම් ඉක්මණින් හැඩ ගැහෙන්න පුලුවන්ද? හැඩ ගැහෙන්න පුලුවන් තරමට ඔබේ සාර්ථකත්වය වැඩි වෙනවා.

2. 💥තැනකින් ඉවත්ව යාමට ඇති හැකියාව.

ඔබට අවශ්‍ය නැති තැනක ඔබ ඉන්නවනම්, ඔබට අවශ්‍ය නැති ප්‍රශ්නයක පැටලෙන තැනක ඔබ ඉන්නවනම්, ඔබට තරහ යන තැනක ඔබ ඉන්නවනම්, ඔබට නොගැලපෙන හානි කරන ඔබේ කාලය කන අය සමග ඉන්නවනම්, ඒ තැන් වලින් ලහා ඉවත්වීමේ හැකියාව තිබිය යුතුයි.

3.🦻ඇහුම්කන්දීමේ හැකියාව

කෙනෙක් ඔබට දෙයක් කියන විට, ඒකච අනවශ්‍ය ලෙස බාධා නොකර ඔබට ඉතා විශිෂ්ඨ ලෙස අවධානයෙන් ඇහුම්කන්දෙන්නට පුළුවන් නම් ඔබට මිනිසුන් කතා කරන්නට කැමති සහ පහසු පුද්ගලයෙක් බවට ඔබ පත්වෙනවා.

4. 👏🏽පිරිසක් ඉදිරියේ කතා කිරීමට ඇති හැකියාව

ඔබට නොබියව ,ආත්ම ශක්තියකින් යුතුව යම් තැනක හෝ යම් කෙනෙකුට කතා කල හැකිනම්, මිනිසුන් ඔබට ගරු කරනවා සහ ඇහුම්කන් දෙනවා. ඔබේ පණිවිඩය සාර්ථකව සමාඡගත කරන්න පුළුවන් වෙනවා.

5. 🙌🏽ධනාත්මකව සිටීමේ හැකියාව

දෙයක් කරන්නට බැරි ක්‍රම අපේ හිතට එන එක සාමාන්‍ය දෙයක්.නමුත් අසාමාන්‍ය චරිතයන්ගේ ලක්ෂණයක් තමයි කරන්නට බැරි දේ පැත්තක තියලා කරන්න පුළුවන් දේට අවධානය දෙන එක එහෙම කුසලතාවයක් හදාගන්න. ඔබ අපරාඡිත වෙනවා.

6. ✌🏽අවශ්‍ය විට උදව් ඉල්ලීමට ඇති හැකියාව

හැමවෙලේම මට පුලුවන්,මට කවුරුත් එපා කිය කිය දේවල් කරගන්නම බැරුව විනාශ වෙනවට වඩා, ඔබට කෙනෙක්ගෙන් උදව්වක් ගන්න අවශ්‍ය තැන් වලදී නොපැකිලිව ඒ දේ ඉල්ලන්න පුළුවන්කම තියනවනම් ඔබේ ඉදිරියට යාමේ වේගය වැඩිවීමට එය උදව්වක් වෙනවා.

7. 🧠විශාල ඉලක්ක කුඩා කොටස් වලට කැඩීමේ හැකියාව

ලොකු හීනයකට යන්න නම්, ඒ හීනය පොඩි පොඩි කොටස් කොටස් වලට කඩලා ඒ පොඩි කොටස් කරන්නට ඕන. එතකොට දන්නෙම නැතුව ලොකු හීනය ඉටුවෙනවා. ඉතින් ලොකු ඉලක්ක ගැන හීන මව මව ඉන්නවා වෙනුවට ඒවා කරන්න පුළුවන් කොටස් වලට කඩා ගැනීම විශිෂ්ඨ හැකියාවක්.

8. 💪🏽තමා පාලනය කර ගැනීමේ හැකියාව

තමාගේ ආශාවන්,හැසීරීම් ,ගතිගුණ ,චර්යාවන් ,හැගීම් පාලනය කරගන්න පුළුවන් පුද්ගලයා කිසි කෙනෙක්ට පාලනය කරන්න බැරි ඉතා තියුණු පුද්ගලයෙක් වෙනවා. ඉතින් ඒක ඉතාමත් විශිෂ්ඨතම ගුණයක්

මේ කුසලතා නිකන් ලැබෙන්නේ නෑ. පුහුණු කරන්නම ඕන. එහෙම කලොත් ඔබ සුපිරි පුද්ගලයෙක් බවට පත්වෙනවා..

♦️තවත් ඔබේ පෞරුෂය දියුණු කරගන්න කැමතිනම් මේ අන්තිමට දාලා තියන ලින්ක් එකෙන් ගිහින් සුපිරි පෞරුෂයක් හදාගන්න විදිය බලන්න.

❣️ඒ වගේම වීඩියෝ එක බලන ගමන්ම ලක්ෂයකට අධික පිරිසක් එකතුවෙලා ඉන්න අපේ keshara Dissanayake youtube channel එකට ඔබත් සම්බන්ධ වෙන්න.

මේ දැනුම සමාජයට බෙදා හරින්න. අපි ශක්තිමත් ප්‍රබලයන් වෙමු. එතකොට අපේ රට,සමාජය තවත් ශක්තිමත් වෙයි.

ඡය වේවා.

-කේශර දිසානායක-

☯️සුපිරි පෞරුෂයක් හදාගන්න විදිය- https://youtu.be/DQS0lJv-DyE?si=FejDXQMLd93vH4dv

22/06/2025

♦️Breakfast serial company - අපි කොහොමද අපේ product එක මිනිස්සුන්ගේ උදේ කෑමේ අනිවාර්ය කොටසක් විය යුතුයි කියලා පුරුදු කරවන්නේ?

♦️Toothpaste company- අපි කොහොමද අපේ product එක මිනිස්සුන්ට ආස හිතෙන විදියට මාර්කට් කරන්නේ?

♦️සුප් කැට company- අපි කොහොමද මේ සුප් කැට නැතුව උයන්න බෑ කියන තැනට මිනිස්සු පොළඹවලා මේක සාමාන්‍ය දෙයක් කරන්නේ?

♦️කිරිපිටි company - අපි කොහොමද මේ කිරිපිටි වර්ග මිනිස්සුන්ට නැතිවම බැරි දෙයක් කරලා සාමාන්‍ය දෙයක් කරන්නේ?

♦️රූපලාවන්‍ය company - අපි කොහොමද අපේ products මිනිස්සුන්ගේ සෞඛ්‍ය රකිනවා කියලා පෙන්වලා නැතිවම බැරි දෙයක් කරන්නේ?

♦️Media company- අපි කොහොමද වැඩිම වෙලාවක් අපේ චැනල් එකේ මිනිස්සුන්ට තියාගන ඒක සාමාන්‍ය දෙයක් බවට පත් කරන්නේ?

♦️ක්ෂණික ආහාර company - අපි කොහොමද විනාඩි දෙකෙන් හදන්න පුළුවන් අපේ කෑම සෞඛ්‍ය සම්පන්නයි ලේසි කියලා ඒක සාමාන්‍ය දෙයක් කරන්නේ?

♦️දුරකථන company- අපි කොහොමද අපේ brand එක පුළුවන් තරම් මිනිස්සුන්ට හුරු කරන්නේ?

♦️Social media - අපි කොහොමද පුලුවන් තරම් මිනිස්සුන්ගේ කාලය අපේ apps වලට යොමු කරගන ඒක සාමාන්‍ය දෙයක් කරන්නේ?

♦️Porn industry - අපි කොහොමද ලිංගික චිත්‍රපට බැලීමට පුලුවන් තරම් මිනිස්සු ඇබ්බැහි කරගන අපේ චැනල් වලට ගෙන්නගන ඒවා බලන එක සාමාන්‍ය දෙයක් කරන්නේ?

♦️නූතන ආගමික සහ වෙනත් කල්ලි(cults) - අපේ කොහොමද මේ අලුත් කල්ලියට හෝ ආගමට මිනිස්සු ඇබ්බැහි කරගන වහල් කරගන ඒක සාමාන්‍ය දෙයක් කරන්නේ?

♦️මේ තමයි ගෝලීය වශයෙන් මිනිස්සු තම තමන්ගේ product එක විකුණන්න, ලාභ ලබන්න හිතන විදි. කවුරුත් හිතන්නේ නෑ බලන්නේ නෑ ඔයාගේ කාලය සෞඛ්‍ය සහ යහපැවැත්ම හොදින් ද කියන එක. හැමෝටම ඕන ඔයාගේ කාලය අවධානය සහ ශක්තිය

මතක තියාගන්න.

☯️ඔයාගේ කාලය අවධානය සහ ශක්තිය.

🔥ඉතින් තමන් දැනගන්න ඕන මොන ප්‍රමාණ වලට මොන දේ කොහොම භාවිත කරන්න ඕනද? මොනවද භාවිත නොකර අයින් කරන්න ඕන කියන එක.

♦️ඒ නිසා තමන්ගේ අවධානය,කාලය සහ ශක්තිය දිවිහිමියෙන් ආරක්ෂා කරගන්න.
මොකද අපි හැමෝම ඉපදෙන්නේ සිමිත කාලයක් අපේ ඔරලෝසුවේ තියාගන. ඒක ඉවර උන දවසට සෙල්ලම ඉවරයි.

🔥කල්පනාවෙන් වැඩ කරන්න. දැනටමත් මේවට අහුවෙලානම් පොඩ්ඩක් නිදහසේ ස්වාධීන ව හිතන්න මම මේ කරන්නේ මට ඕන දෙයක්ද නැත්නම් මේ ලෝකයේ දැවැන්ත ව්‍යාපාර වල මම ඉත්තෙක්ද?

❣️තවත් මේ වගේ දේවල් දැනගන්න, වෙනස් විධියට හිතන්න, තමුන් දියුණු කරගන්න, මනස දියුණු ශක්තිමත් කෙනෙක් වෙන්න ආසනම්, ලක්ශයකට අධික පිරිසක් එකතුවෙලා ඉන්න keshara Dissanayake youtube channel එකට පහත ලින්ක් එකෙන් සම්බන්ධ වෙන්න..

☯️ Youtube channel (100k+) - https://youtube.com/c/KesharaDissanayake

(හොදට හිතලා බැලුවොත් මම කරන්නේත් ඔබලාව මගේ චැනල් එකට ගෙන්නගන්න එක. හැබැයි ඔබලාව ඇබ්බැහි කරලා තියාගන්නට නෙමෙයි.සමාඡය වෙනස් කරන්න ,නැගී සිටින්න කැමති අයට ශක්තියක් වෙන්න)

ඡය වේවා!!

-කේශර දිසානායක-

21/06/2025

☯️🔥 ඡීවිතයේ වෙනස් කරන්න බැරි වේදනාවන් දරාගන්නේ කොහොමද?

Full video - https://youtu.be/ataw2dOsqN8?si=wsM_tZk3AQgbzVaN

18/06/2025

🔥සමහරක් Pick me රියදුරන් කරන අලුත්ම වංචාව.

මේක සිද්ධ උනේ මගේ ලගම කෙනක්ට.ඒ පුද්ගලයාට ride එක දැම්මේ මම මගේ දුරකථනයෙන්.ඒ පුද්ගලයා හිටියේ මම ඉන්න නගරයේ නොවෙයි. ඔහු මට ඇමතුමක් ලබා දී කිව්වේ ඔහු ඉන්න තැනට ඔහුට pickme එකක් දාලා දෙන්න කියන එකයි. මොකද ඔහුට එය කරගන්න තරම් තාක්ෂණික දැනුම නැති නිසා.

ඒ කතාව හැමෝටම වැදගත් නිසා මේ විදියට දානවා.

"ඔහු pickme එකක town එකේ ඉදන් ගෙදරට ආවා.Pickme ride එක ඉවරවෙන තැනට ආවට පස්සේ රියදුරාගේ දුරකථනයේ රැපියල් 1266 ක මුදලක් පෙන්නුවා. නමුත් trip එක end උනා කියලා මගේ දුරකථනයේ පෙන්නුවේ නෑ. ඒක එච්චර හිතන් නැතුව ගාන දීලා යැව්වා.

මුලදී පෙන්නුවේ ගමනට මුදල රු. 850ක් යනවා කියලා. නමුත් මේ තරම් වැඩිවෙන්න විදියක් නෑ ගමන අවසානයේ. කොහොමහරි විනාඩි 15 කට පස්සේ trip එක end වෙලා email එක ආවා. ඒකේ අවසාන ගාණ විදියට සදහන් වෙලා තිබුනේ රුපියල් 928 ක්. ඒ වගේ ගාණක් වැටෙන එක සාධාරණයි මොකද පටන් ගද්දී පෙන්නනවට වඩා පොඩි ගාණක් වැඩිවෙන එක වෙලාවකට වෙනවා අපි ගමන් කරන දුර ,කාලය සහ traffic එක්ක.

ඒත් 1266 ක් පෙන්නුවේ කොහොමද driver ගේ phone එකේ??

මේක තමා කපටිකම කරන විධිය.

Driver කරන්නේ පරණ, රුපියල් 1266 ක ගමනක මුදල සදහන් වුන එකක screenshot එකක් ගහගන ඉන්නවා. ඊලගට trip එක අවසානයේ පෙන්වන්නේ ඒ screenshot එක. Driver trip එක end කරන්නේ නැත්තේ ඒකයි. මොකද end කරොත් අපිට එනවනේ app එකටයි email එකටයි අවසාන මිල.ඉතින් මනුස්සයා කරන්නේ screenshot එක පෙන්නලා වැඩියෙන් ගාණ අරගන ටික වෙලාවකින් ඈතට ගිහින් trip එක end කරනවා.

මිනිස්සු හම්බකරගන්න කරන කපටි වැඩ. මේක මම හිටියනම් රියදුරුගෙන් ප්ශ්න කරනවා. නමුත් මේ අවස්ථාවේ passenger ගේ දුර්වලතාවයෙන් රියදුරු ප්රයෝඡනය අරගන තියනවා.

Pickme ආයතනයට මේ ගැන complain එකක් ඒ වෙලාවෙම app එක හරහා දැම්මා. ඔවුන් පහුවදාම කෝල් කරලා ඒ වැඩියෙන් ගත්ත මුදල pick me points විදියට නැවත මට ලබාදුන්නා සහ driver ට නිසි පියවර ගන්න බව දැන්වූවා.ඒ වගේම ඔවුනුත් තහවුරු කලා මේ රියදුරු screenshot එකක් පෙන්වා රවටා ඇති බව. එම ඉක්මන් ප්‍රතිචාරය සහ සාධාරණ බව පිලිබදව pickme ආයතනය ගැන සතුටුයි. "

මේ ක්‍රමය තව pickme වගේ සේවා වල ඉන්න සමහර හොර රියදුරන් භාවිත කරනවා ඇති. ඒ නිසා මතක ඇතුව තමන්ගේ phone එකට අවසාන මුදල එන තෙක් ගෙවන්න යන්නේ එපා. ගොඩක් මේවට අහුවෙන්න වැඩිය තාක්ෂණය ගැන නොදත් වැඩිහිටි අය. තරුණයන් නොවේ.එමෙන්ම කාන්තාවන්ව රැවටීමට වැඩි ප්‍රවනතාවයක් තියනවා.

තව මොවුන් කරන දෙයක් තමා ඉතා හෙමින් ගමන් කිරීම. එමගින් ඔවුනට ලැබෙන මිල වැඩි වෙනවා කියලා හිතලා. ඒ නිසා ඉතා හෙමින් අසාමාන්‍ය ලෙස යනවනම් කෙලින්ම ඔවුන්ගෙන් අහන්න හෙමින් යන්නේ ගාණ වැඩිවෙන නිසා ද කියලා. එවිට ඔවුන් එක්කෝ සාමාන්‍ය ලෙස ගමන් කරනවා නැත්නම් පහදලා දෙයි මොනවහරි දෙයක්.

මම බස් එකක යනවනම් කොන්දොස්තර මහතාට සල්ලි ගන්න අමතක උනත්,ඔහුට මතක් කර සල්ලි දෙන කෙනෙක්. ඒවා අපේ යුතුකම්. ඒ වගේම pickme රියදුරන්ටත් මම වැඩියෙන් සල්ලි දීලා බහිනව ඕන තරම්. මොකද ඔවුන් අවංකව හොදින් සේවය දුන් නිසා. නමුත් මෙවන් පහත් ක්‍රියා මා ඉවසන අයෙක් නොවේ.

♦️මම ඕනැ තරම් හදිසි අවස්ථාවල මොවුන්ගේ සේවය භාවිත කරනවා. මේ සේවය නිසා ඡීවිතය පහසු වූ තැන් ඕනෑ තරම් තිබෙනවා. සියලුම රියදුරන් මේ වගේ නොවේ. ඉතා අවංකව සේවය කරන අය ඉන්නවා. ගැටලුව මේ ඉදහිට වංචා කරන පුද්ගලයන් කිහිප දෙනාය. PICKME ආයතනය මේ වෙලාවේ නිවැරදි තීරණය ගත්තා සහ සාධාරණයක් කරා. අවංකව තම රාජකාරිය කරන රියදුරන්ට ප්‍රණාමය.

මෙය ශෙයා කරන්න. එය වටිනා දෙයක් වෙයි.

ඔයාල දන්න මේ වගේ දේවල් තියනවනම් අනිවාර්යයෙන්ම කමෙන්ට් කරන්න.

14/06/2025

☯️🔥 පණ වගේ කරපු ආදර සම්බන්ධතා නැතිවුනා ම ගොඩක් දුක හිතෙනවා නේද? උපරිම ආදරය කරලත් දාලා ගියාම දුකයි නේද?? ඒක ගැන පොඩි දෙයක් කියන්නම්.වැදගත් වෙයි.

මේ ඊයේ පෙරේදා ඉන්දියාවේ සිද්ධ උන අවාසනාවන්ත ගුවන් අනතුර ඔබ දැක්කා නේ? එක පුද්ගලයයි බේරුණේ. ඒ වගේම තව ගැහැනු ලමයෙක් හිටියා ගුවන් ගමනට එන්න එයාට ප්‍රමාද උන නිසා ගුවන් යානයට ගොඩ වෙන්න බැරි උන. ඉතින් ඒ ලමයා කොයිතරම් දුක් වෙන්න ඇතිද ගුවන් ගමන මගහැරීම ගැන. හීන කොච්චරක් හිතේ තියන් ද ඒ ගුවන් ගමනට යන්න හදන්න ඇත්තේ..

හැබැයි ඒ දුක ඊලග මොහොතේ ඒ ලමයට සතුටක් බවට පෙරලෙන්න ඇති. මොකද ඒ ලමයා ගුවන් ගමන ගියා නම් එහෙම මේ වෙද්දී ජීවතුන් අතර නෑ..

එහෙනම් ඒ ලමයට ගුවන් ගමන මග හැරීම වෙස්වලාගත් ආශිර්වාදයක් නේද. දැන් කියනවා ඇති වෙලාවට මට ඒක මගහැරුණේ කියලා..

ඔන්න ඔය වගේ තමා මම මුලින් කිව්ව ආදර සබදතා බිදවැටීම ගැන දුක..
අහිමි වීම ගැන දුක.

කොයිතරම් ඔබ දුක්උනත්, සමහර බැදිම් නැතිවෙන්නේ ඔබේම හොදට. ඔබේම වාසනාවට. ඒක ඔබට පේන්නේ නැති එකයි ප්‍රශ්නය. ඒ නිසා යන අය බලෙන් අල්ලන්න මහන්සි වෙන්න එපා. බැදීම් කවදාවත් බලෙන් කරන්නත් බෑ තනියෙන් කරන්නත් බෑ..බලෙන් අවාසනාව කරේ දාගන්න එපා. ඊලග මොහොතට අමාරුවෙන් හරි ඇවිදගන යන්න. ඡීවිතය ඔබට තව ගොඩක් හොද දේවල් ලබා දෙයි...

ඡය වේවා.

- කේශර දිසානායක -

☯️ Youtube channel (100k+) - https://youtube.com/c/KesharaDissanayake