19/01/2026
දෙලොවටම වැඩ ඇති වටිනා පරිත්යාගයක්...
මහියංගන මූලික රෝහලේ සහන සත්කාරක ඒකකය ( Palliative Care Unit) සඳහා සුවිශේෂී පරිත්යාගයන් කිහිපයක් පසුගියදා සිදුකරනු ලැබුවා..
තම ආදරණීය පියාණන් වූ විශ්රාමික ගුරු ෂෙල්ටන් මහතාගේ තෙමස් පූර්ණ සිහිකිරීම වෙනුවෙන් ලග්ගල සෞඛ්ය වෛද්ය නිලධාරී වෛද්ය අභිෂේක් සංකල්ප මහතා ඇතුළු පවුලේ ඥාතීන් සහ දඹුල්ල මූලික රෝහලේ වෛද්ය සුපුන් මහතා එක්ව මෙම වටිනා පරිත්යාගයන් සිදු කරනු ලැබුවා.
ප්රතිකාර ලබාදීමෙන් පසුව නිවෙස් වෙත යොමු කරන රෝගීන්ට භාවිතා කිරීමට සහන සත්කාරක ඒකකය මගින් ලබා දෙන අත්යවශ්ය වූ රෝද පුටු, කිහිලිකරු, වායු මෙට්ට ඇතුළු භාණ්ඩ තොගයක්ද ඒ අතර වුණා.
මහියංගන මූලික රෝහලේ අධ්යක්ෂ වෛද්ය සෙනරත් බණ්ඩාර මහතාගේ මග පෙන්වීම පරිදි කායික රෝග විශේෂඥ වෛද්ය ප්රියන්ත දිසානායක මහතා ඇතුළු මහියංගන මූලික රෝහලේ කායික රෝග අංශයේ කාර්ය මණ්ඩලය විසින් මෙම නව සහන සත්කාරක සේවා සංකල්පය ආරම්භ කරනු ලැබුවා.
නිශ්චිතව හඳුනාගන්නා ලද සුව කළ නොහැකි රෝග වලින් පෙළෙන පුද්ගලයන්ගේ ඉතිරිව ඇති කෙටි ජීවිත කාලය පුරාවට ශාරීරික වේදනාවන් අවම වන අන්දමින් සහ මානසික සහනය සඳහා අවශ්ය පහසුකම් සහ සහයෝගයන් ලබා දෙමින් ඔවුන්ගේ බලාපොරොත්තුව පරිදි සුවදායි මරණයක් සඳහා අවස්ථාව සලසා දීම මෙම සහන සත්කාරක සේවා ව්යාපෘතිය මගින් සිදු කරනු ලබනවා.
සරලව මෙලෙස අර්ථ දැක්වූවත් මෙම ක්රියාවලිය තුළ ඉතා ගැඹුරු ආධ්යාත්මික සහ සාමාජීය වශයෙන් ඉතාමත් වැදගත් වූ කාර්යන් රාශියක් අන්තර්ගත වන බවත් ගොවිතැන් බතින් ජීවිකාව සරිකර ගන්නා නිදන් ගත වකුගඩු රෝගය , විවිධ පිළිකා තත්ත්ව ඇතුළු සුව කළ නොහැකි රෝගී තත්ත්වයන්ගෙන් පෙළෙන පවුලේ සාමාජිකයෙකු වෙනුවෙන් ජීවිතය කැප කරන ලද බොහෝ පිරිසකට පසුගිය හය මසක කාලය තුළ විශාල සහනයක් ලබාදීමට මෙමගින් හැකි වී ඇති බව කායික රෝග විශේෂඥ වෛද්ය ප්රියන්ත දිසානායක මහතා එහිදී පවසා සිටියා.
බුදුන් වහන්සේගේ දේශනාවන්ට අනුව මෙලොවත් පරලොවත් සුගතියට හේතුවන මෙවැනි මහානුභාව සම්පන්න කුසල ක්රියාවන් සඳහා දායක වීමට පින් කැමති ඕනෑම අයෙකුට අවස්ථාවක් ලබාදී ඇති අතර ඒ සඳහා බලාපොරොත්තු වන්නේ නම් සහන සත්කාරක සේවාව මගින් සකස්කර ඇති පහත සඳහන් විස්තර පත්රිකාව පරිශීලනය කිරීමෙන් අවශ්ය තොරතුරු ලබාගත හැක
අවසාන වශයෙන් තම පියාණන්ගේ තෙමස් පූර්ණ සිහිකිරීම වෙනුවෙන් මෙම වටිනා පරිත්යාගය ලබා දුන් වෛද්ය අභිෂේක සංකල්ප මහතා ඇතුළු පිරිසට විශේෂ ස්තුතියක් පුදකර සිටින අතර එතුමන්ගේ ආදරණීය පියාණන්ට අමාමහ නිර්වාණය සාක්ෂාත් වේවායිද අප ප්රාර්ථනා කරමු.
මහින්ද හෙට්ටිආරච්චි
මාධ්ය ඒකකය
මූලික රෝහල මහියංගන
