01/03/2026
ඇය මට මෙහෙම කියනවා..
මේ සම්බන්ධයට දැන් අවුරුදු හයක්. හිතන්න ආදර සම්බන්ධයට මෙච්චර කල් වෙලත් අපි තාම විවාහ වෙලා නැහැ. අපි දෙන්නට විවාහ නොවී ඉන්න කිසිම වෙනත් හේතුවකුත් නැහැ. අපි දෙන්නම හොද රැකියා කරන අය ගෙවල් දොරවල් යාන වාහන සල්ලි මේ හැමදේම අපි දෙන්නට තියනවා. මම ඕනෑම වෙලාවක සූදානම් එයා එක්ක විවාහ වෙන්න, නමුත් ඔහුට එහෙම උවමනාවක් තියනවද කියලා මට හිතා ගන්න බැහැ.
එයා නම් කියන්නේ මාව බදිනවාමයි කියලා.
අපි ආදරය කරපු මුල් දවස්වල හොදින් හිටියා ආදරෙන් හිටියා. නමුත් පස්සේ පස්සේ එයාගේ හැසිරීම හරිම වෙනස් වෙන්න ගත්තා. සති ගණන් එයා මට කතා නොකර මැසේජ් නොකර ඉන්නවා. මම call ගත්තට answer කරන්නේ නැහැ මැසේජ් කරාම seen කරලා විතරක් ඉන්නවා.
බැරිම තැන මම ඒ කාලේ එයා ඉන්න තැනට යනවා එයාව හොයාගෙන. එහෙම ගියාම මාව රැජිණක් වගේ හොදින් පිළි අරගෙන සුරංගනා කතා කියලා මාව සන්සුන් කරනවා.
අනේ බලන්න මම පුදුම විදියට busy වෙලා නේ හිටියේ මේ දවස් ටිකේම අඩුම තරමේ මම ගැනවත් බලන්න මට වෙලාවක් තිබුණේ නැහැ. මම ඔයාව බලන්න එන්නමයි හිටියේ අද හෙටම, ඉතින් ඔයාටම හිතිලා මාව බලන්න ආපු එක කොච්චර දෙයක්ද..
ඔය විදියට කියලා මාව කොහේට හරි එක්ක ගිහින් මට කන්න බොන්න අරන් දීලා ගෙදරටම ගෙනල්ලා දාලා යනවා.
ටික දවසක් හොදින් ඉදලා ආයේ පරණ විදියමයි..
මාර busy පට්ට busy කියන මනුස්සයා මෙන්න යාලුවන් එක්ක trip ගිහින් දවස් ගණන් එහෙම නැත්නම් party වල සිංදු කියලා. ඒ සේරම vedio photo social media වලට දානවා. ඒවා දැක්කම මාව උඩ යනවා.
ඒ ගැන ඇහුවම කියන්නේ අනේ බලන්න යාලුවෝ ඇවිත් මාව බලෙන්ම එක්ක ගියානේ. දන්නවා නේ ඉතින් අපේ අයගේ හැටි බේරෙන්න බැහැ.
මට ඔයා වගේ කෙනෙක් එපා කියන්නෙම බොරු කරන්නේම මාව රවට්ටන එක කියලා මම කිව්වම කීප අවස්ථාවක් මෙයා කරේ අහ් එහෙමද මම ගැන හිතන්නේ ඉන්න මම අනිවාර්යයෙන් තව සතියකින් ඇවිත් ඔයාගේ ගෙදර අයත් එක්ක මේ ගැන කතා කරනවා කියලා කිව්වා.
කිව්වා විතරයි මාස ගාණකින් මට කතා කරේවත් නැහැ.
අපේ ගෙදර එන්නේ කවද්ද පොරොන්දු උනා වගේ කියලා අහනකොට කාලයක් කියන්න ගත්තා මෙන්න මෙහෙම.
හරි ඉන්නකෝ මම මේ වාහනේ දීලා මීට වඩා ගොඩාක් හොද එකකට යන්න ඉන්නෙ ඒක ගත්ත ගමන් ඔයාගේ ගෙදරට එනවා මම එහෙම අලුත්ම වාහනයකින් මුලින්ම ඔයාගේ ගෙදර ආවම කාටද ආඩම්බර.
එහෙම කිව්වට තාම පදින්නේ අර පරණ වාහනයමයි. අඩුම තරමේ ඒකෙන්වත් අපේ ගෙදර ආවේ නැහැ.
මේ දේවල් අපේ අම්මලා දන්නවා. ගෙදර අයට දැන් මාවත් විහිලුවක් වෙලා. කෝ අර ළමයා තාම අලුත් වාහනය අරන් නැතෙයි. කියලා ගෙදර අයත් විහිලුවට මේ මෑතක් වෙනකම් මගෙන් ඇහුවා.
යාලුවෝ ඉස්සරහත් මාව දැන් විහිලුවක් වෙලා. මොකද මෙයා ගැන මගේ යාලුවොත් දන්නවා.
ඕන තරම් යාලුවන් එකතු වෙන තැන් වලට පවා මෙයා මමත් එක්ක ගිහින් තියනවා.
බැරිම තැන මම දවසක් මෙයාට හොදටම බැනලා කිව්වා මට මේක නතර කරන්න ඕන ඔයාගේ බොරු තවදුරටත් මට ඉවසන්න බැහැ කියලා.
එදා මෙයා මාව හමු වෙන්න ඇවිත් මාව එළියට එක්ක ගිහින් මම ඉස්සරහ මෙයාගේ අම්මට call එකක් අරන්, අම්මට phone එක දීලා කිව්වා මෙන්න අම්ම මම අර කිව්ව ගැහැණු ළමයා මෙතන ඉන්නවා මෙයා එක්ක ටිකක් කතා කරන්න, මෙයා කියනවා මම බොරුකාරයෙක් කියලා අම්මවත් මෙයාට මම ගැන කියන්න කියලා.
ඒ අම්මා මමත් එක්ක ටික වෙලාවක් කතා කරා නිකන් ඕනවට එපාවට වගේ.
එච්චරයි එදත් මම අහු උනා.
ආයේ පරණ විදියමයි.
ඊට පස්සේ මම මෙයාව block කරලා no contact හිටියා. එහෙම ඉන්න පුළුවන් උපරිම මාසයයි ඉන්න තැනට හොයන් එනවා ඇවිත් මොනවා හරි බොරු ටිකක් කියලා, නැත්නම් අඩලා අනුකම්පාව දිනාගෙන හරි මාව ආයෙමත් රවට්ටා ගන්නවා.
ටික කාලයයි ආයෙමත් පරණ විදිය.
අන්තිමට මම තීරණය කරා හිටපන්කෝ හොඳ වැඩක් කරන්න කියලා, මම හිතා ගත්තා වෙන කොල්ලෙක් එක්ක යාලු වෙලා මේ යකාව අමතක කරනවා කියලා.
ඒත් කොහෙද
මට හොද පිරිමි ළමයි කිහිප දෙනෙක්ම යාලු වෙන්න කතා කරා, ඒක හරි යාගෙන එනකොටම ආයේ එනවා.
ඇයි ඔයාගේ phone busy ඔයා කාටද ඔච්චර කතා කරන්නේ ඇයි ඔය තරම් වෙලා online ඉන්නෙ කවුරුත් එක්කද චැට් කරන්නේ. ඔයා මට බොරුවක් නම් කරන්න එපා කවදාවත් මරාගෙන මැරෙනවා මම කියලා කියනවා. එහෙම කියලා ආයෙමත් මමත් එක්ක හොදින් ඉන්නවා.
අනේ ඉතින් මම අර පිරිමි ළමයා ඊට පස්සේ block කරලා දානවා, මොකද ඉතින් මෙයා එක්ක ඉද්දි බැරිවෙලා හරි එයාගෙන් call එකක් මැසේජ් එකක් ආවොත් මට ඉතින් මෙයාගෙන් මැරුම් කන්න නේ වෙන්නෙ.
ඒ කොල්ලෝ හිතනවා ඇති මේ ගෑණිට නම් පිස්සු කියලා. මම එක කොල්ලෙක් ඔය විදියට හතර පාරක් block කරා. ඒ කොල්ලා අහිංසක නිසා හොදයි නැත්නම් මම මැරුම් කන්නෙ එයාගෙන්.
මට නම් තේරුම් ගන්න බැහැ මේ මනුස්සයා මොන ජාතියේ පිරිමියෙක්ද කියලා.
කොච්චර බැන්නත් කෑ ගැහුවත් වචනයක් කියන්නේ නැහැ. මම ඔයාට පණටත් වඩා ආදරෙයි ඔයා තමයි මම බදින්නෙ. ඔයා තමයි මගේ ලෝකය. ටිකක් ඉවසන්න කලබල වෙන්න එපා කියලා මාව සනසනවා එච්චරයි.
ඉතින් මේ අවුරුදු ගාණම උනේ ඕක විතරයි.
මට මෙයාව තිත්තම වෙනවා අත් හරිනවාමයි කියලා හිතනවා මේ පාර නම්..
නමුත් මෙයා ආයේ මාව හොයන් ඇවිත් බොරු සෝබන ටිකක් දාලා ආපහු මාව නම්මා ගන්නවා. මටත් පිස්සු හැදිල මෙයාව ඕන වෙනවා.
මොකක්ද මේ අමුතු ආදරය..
මේක ආදරයක්ද නැත්නම් මනෝ විද්යාත්මක උගුලක්ද ?
👆🫵මේක ආදරයක් නෙවෙයි,
🧠මනෝවිද්යාත්මකව අපි මේකට Breadcrumbing" කියලා හඳුන්වනවා.
👨❤️💋👨මොකක්ද මේ පාන් කුඩු ආදරය?
කුරුල්ලෙකුට බඩ පිරෙන්න කෑම දෙන්නේ නැතිව, ඌව තමන් අසලම තබාගන්න පොඩි පොඩි පාන් කුඩු කැබලි විසි කරනවා වගේ තමයි සමහර සබඳතා. ඔවුන්ට ඔබ සමඟ ජීවිතයක් ගොඩනගා ගන්න අවශ්ය නැහැ. හැබැයි ඔබ ඔවුන්ව අමතක කරලා වෙනත් කෙනෙක් වෙත යනවාටත් ඔවුන් කැමති නැහැ.
🙎♂🫵ඔබව 'Breadcrumb' කරන සහකරුවෙකු හඳුනාගන්නේ කොහොමද?
• Intermittent Attention.
සති ගණනක් මගහැරලා, ඔබ ඔවුන්ගෙන් ඈත් වෙන්න හදනකොටම හදිසි අවධානයක් දෙනවා.
• හිස් පොරොන්දු.
අපි ඉක්මනින්ම හමුවෙමු, ඔයා මට ගොඩක් වටිනවා වැනි ලොකු වචන පාවිච්චි කළත් ක්රියාවෙන් කිසිවක් නැහැ.
• ඔබේ අවිනිශ්චිත බව.
ඔබ හැමදාම ඉන්නේ එයා මට ආදරෙයිද නැද්ද? කියන දෙගිඩියාවෙන්.
🥲ඇයි මේක මෙතරම් රිදවන්නේ?
ඔවුන් දෙන ඒ පුංචි අවධානය (Breadcrumb) නිසා ඔබේ මොළයේ Dopamine ශ්රාවය වෙනවා. ඔබ ඒ පුංචි සතුටට ඇබ්බැහි වෙනවා. මෙය ආදරය නෙවෙයි, ඔබව මානසිකව පාලනය කිරීමක් (Manipulation).
ඔබත් මෙවැනි තත්වයක සිටිනවා නම් මතක තබා ගන්න, ඔබට අවශ්ය මුළු පාන් ගෙඩියක් මිසක් තවෙකෙකු විසි කරන පාන් කුඩු කැබලි නොවේ. ඔබේ වටිනාකම හඳුනාගන්න. ඒ මානසික සිරගෙයින් එළියට එන්න.
🧠ඉහත තරුණියට අදාලව මේ තත්ත්වය ගැන මනෝ විද්යාත්මක ලෙස ගැඹුරින් විමසා බලමු..
මේ කතාව නම් Breadcrumbing සහ Trauma Bonding පිළිබඳව කියන්න පුළුවන් හොඳම සහ ප්රබලම
කතාවක්.
👆🫵මෙතැනදී සිදුවන්නේ ඇය ඔහුට ආදරය කිරීම නොව, ඔහු දෙන වේදනාවට සහ ඉන් පසුව ලැබෙන පුංචි සහනයට (Trauma Bond) ඇගේ මොළය ඇබ්බැහි වීමයි. මෙය හරියට සූදුවකට ඇබ්බැහි වූවෙකු ජයග්රහණය බලාපොරොත්තුවෙන් නැවත නැවතත් පරාජය වීමට සල්ලි යොදවනවා වැනි වැඩකි.
1. සම්භාව්ය Breadcrumbing (පාන් කුඩු දැමීම)
ඔහු ඇයට විවාහය ගැන බලාපොරොත්තු දෙනවා, නමුත් එය ඉටු කරන්නේ නැහැ. අලුත් වාහනයක් ගත්තාම ගෙදර එන්නම් වැනි හිස් පොරොන්දු දීම හරහා ඔහු කරන්නේ ඇයව බලාපොරොත්තු නමැති නූලක ගැටගසා තබා ගැනීමයි.
2. Intermittent Reinforcement (අහඹු අවධානය)
ඔහු සති ගණන් මගහරිනවා, ඇය call කළත් answer කරන්නේ නැහැ. නමුත් ඇය ඔහුව අතහැරීමට හදන සෑම අවස්ථාවකම ඔහු රැජිණක් වගේ සලකා, සුරංගනා කතා කියා ඇයව නැවත තබා ගන්නවා. මේ පොඩි අවධානය නිසා ඇගේ මොළය ඔහුට තදින්ම ඇබ්බැහි වී තිබෙනවා (Dopamine hit).
3. Gaslighting සහ Manipulation
තමන් කාර්යබහුල බව පවසමින් බොරු කීම සහ එය අහු වූ විට අම්මා ලවා කතා කරවා ඇයව රවටා ගැනීම සූක්ෂ්ම මානසික පාලනයක් (Manipulation). ඔහු ඇයව පරීක්ෂා කිරීම (Monitoring calls/online status) මගින් පෙන්වන්නේ ආදරය නොව, ඇයව තම ග්රහණයෙන් මිදී යාමට ඇති බියයි.
මතක තබා ගන්න, ඔබ යන්නේ ඔහුගේ විවාහය නමැති පෝලිමේ නොව, ඔහුගේ 'කාලය මරා දැමීමේ' පෝලිමේ විය හැකියි. අවුරුදු ගණනක් යනු තීරණයක් ගැනීමට ඕනෑවටත් වඩා වැඩි කාලයකි.
ඔබත් මෙවැනි මානසික උගුලක හිරවී ඉන් මිදීමට මගක් සොයනවාද? ඔබේ ආත්ම අභිමානය (Self-esteem) යළි ගොඩනගා ගැනීමට සහ මේ විෂම චක්රයෙන් මිදීමට අවශ්ය වෘත්තීය මගපෙන්වීම සඳහා දැන්ම අපව සම්බන්ධ කරගන්න.
0760750727
👆වට්ස් ඇප්.
Psychological Counselor
Kasun Rajapaksha
fans
