23/01/2026
"පිරිමියකුට රමණයේ අවසානය... ගැහැණියකට ප්රේමයේ ආරම්භය..."
"අලුත බැදපු තරුණ ජෝඩුවක් තමන්ගේ මුල්ම විනෝද චරිකාව ආරම්භ කරනවා. රටේ සුන්දර සීතල පෙදෙසක් ඔවුන් ඒ සදහා තෝරා ගන්නවා. පළමු දින ඔවුන් නවාතැන් ගත් හෝටලයට එනකොට ටිකක් රෑ වෙලා. එන අතර තවත් තැන් කිහිපයක් ගියපු නිසා ගමන් මහන්සිය ටිකක් වැඩිපුර තිබුණා දෙදෙනාටම.
ඒකට හේතුව තනිකඩව ඉන්න කාලේදී දෙන්න තනි තනිව විනෝද ගමන් ගියාට මේ ගමන එහෙම එකක් නෙවෙයි. එයා මෙයා ගැන බලන්න ඕන, මෙයා එයා ගැන බලන්න ඕන. ඉතින් තමන් ගැන විතරක් නෙවෙයි අනෙක් කෙනා ගැනත් වගකීමෙන් වැඩ කරන්න සිදු වෙලා තිබුණ නිසා දෙන්නටම මානසිකවත් වෙහෙසයි.
පළමු රැය ඔවුන් කාලා බීලා තමන් වෙන් කර ගත් මිල අධික හෝටලයේ සුව පහසු කාමරයට වෙලා අධික සීතල ඔවුනොවුන්ගේ සිරුරු වලින් උපරිම උණුසුම් ලෙස පාලනය කර ගන්න කටයුතු කරා. ඉතින් ඒ වෙහෙසත් සුව නින්දකට කියාපු එකක්..
දෙන්නටම පළමු දවස ගෙන ආවේ කියලා නිම කරන්න බැරි තෘප්තිමත් බවක්, ගමන ආපු පාර, මගදී නතර වෙලා ගියපු තැන්. කාපු කෑම බීම ඔවුන් තුළට ඒ තෘප්තිමත් බව තවත් වැඩි කරා.
මේ වගේ ගමනක් ආපු පළවෙනි වතාව කියලා දෙන්නම කතා උනා. ඉතින් ඒ රැය ඔවුන්ගේ කතා අඩුයි, වැඩ වැඩියි.
දන්නෙම නැතුව දෙන්නටම පහුවදා උදේ වෙනකම් හොදින් නින්ද ගියා..
බිරිඳට වෙලාසනින්ම ඇහැරුණත් සැමියා තවම සැප නින්දක හිටියේ.
කමක් නැහැ එයාටත් ඇහැරෙනකම් මම ඉන්නවා එයාගේ පපුවට තුරුළු වෙලා කියලා ඇය හිතුවා. ඇය ඔහුට තවත් තුරුළු උනා. එහෙම කරද්දී දැනුන දෙයක් නිසා ඇයට හිනාවකුත් එක්ක මෙහෙම හිතුණා.
නැගිට්ට ගමන්ම මාව ඕන වෙයි වගේ මෙයාට අද කලින්ම..
කමක් නැහැ ට්රිප් ආවාට ඇවිදින්න ඕන කියලා එකක් නැහැනේ room එකේ හිටියත් එකයි, අනික මේ හෝටලය ඇතුළෙත් කොච්චර ඇවිදින්න පුළුවන් ද..
මෙයා නැගිටින පාටක් නැහැනේ තාම. ඇයට පොඩි පොඩි දේවල් කරා ඔහුව ඇහැරවන්න.
ඔන්න ඔහුට එක පාරම ඇහැරුණා..
අම්මට සිරි දවල් වෙලා ඇයි ඔයා මට කතා කරේ නැතුව හිටියේ. අපි අතනට යන්න ඕන උදේ දහය වෙද්දී නාලා ඉක්මනින් ලේස්ති වෙමු.
නමුත් ඇයට ඒ ගැන වගේ වගක් නැත. ඇය සිටියේ වෙනම ලෝකයකය. ඔව් ඉතින් මම අරක මේක නොකරා නම් තවම නිදි, එහෙම උනානම් යන්නේ කොහොමද දන්නෙ නැහැ යනුවෙන් නෝක්කඩුවක් හිතට ආවත් ඇය මුකුත් නොකියා හිටියා.
හරිම මහන්සි ඇඟටත් අමාරුයි, අර කන්ද උඩටම නැග්ගා නේ ඊයේ. ඔයාට අමාරු නැද්ද යනුවෙන් ඔහු විමසුවේ ඇය දෙස හොදින් බලමින්ය.
ඔහු බැලුවේ ඇයගේ මුහුණ දෙස එක එල්ලේය. ඒ අමාරුව නෙවෙයි මෙතන වෙන අමාරුවක් මට තියනවා නේ, කෝ ඉතින් ඒක මේ මිනිහට පේන්නෙ නැහැනේ. ඒක පේන්නෙ නැහැ ඉතින් මූණ බැලුවට. යනුවෙන් සිතා ඇය තම ඇදුම සකසා ගත්තා.
ඔහු ඉක්මනින් ඇදෙන් බැස නාන කාමරයට ගිහින් නාන්න ගත්තා..
යන්න යන්න ඔයත් ගිහින් ඉක්මනින් නාන්න. නැත්නම් හරි වෙලාවට අතනට යන්න බැරි වෙනවා.
අලුත බැදපු මිනිස්සු ඔහොමද නාන්න යන්නේ. ඒකනම් ඇය ඔහුට කෙලින්ම කියලා දැම්මා. ඔහු එය ඇහුණ නෑහුනා ගානට හිටියා.
ඇයත් ගිහින් නාගෙන ආවා...
එතකොට ඔහු සූදානම් වෙලත් ඉවරයි..
මේ මොකක්ද මම අදින්න ඕන ?
ඇයි අනේ අර ඇදුම් පුරවලා බෑග් එකක් අරන් ආවේ ඔය මොකක් හරි එකක් අදින්න.
මේ ඔයා එන්න ඉක්මනින් මම පහළට යනවා තේ එක බීලා සිඟරට් එකක් බොන්න. ඔයා ඉක්මනින් එන්න හොදේ පරක්කු වෙන්න එපා.
මොන කරදරයක්ද යකෝ මේක, පරක්කු වෙන්න එපා පරක්කු වෙන්න එපා පරක්කු වෙලා කියලා කී පාරක් මේ මිනිහා දැන් කිව්වා. හරියට නැකතට පේ වෙන්න යනවා වගේනේ. යකෝ අපි ආවේ trip එකක් නැතුව පූජාවකට නෙවෙයි. යනුවෙන් ඇය හිතින් බැන්නාය.
උඹට හදිස්සි නම් පලයන් මම එන්නේ මට ඕන වෙලාවට යනුවෙන් සිතමින් ඇය තමන්ගේ වෙලාව ගනිමින් සූදානම් උනාය. සූදානම් වෙලා පහළට එන්න ඇයට ටික වෙලාවක් ගත විය.
ඇය එන විට ඔහු සිගරට් එකක් බොමින් හෝටලයේ නිළධාරියකු සමඟ මහා ලොකු කතාවකය. ඒ කතාවේ හැටියට අද යන පාටක් නැති වෙයිද වගේ ඇයට සිතුනි.
කොහොමද මෙයාට තිබුණ හදිස්සිය දැන් කෝ ඒක.
ඇයව දැකපු ගමන් ඔහු අර කෙනා සමඟ කතාව ඉක්මනින් නතර කර දැමුවාය යකෝ පිරිමින්ට මේ තරම් ඉක්මනින් තව කෙනෙක් එක්ක කරන කතාව නතර කරන්න පුළුවන් යන පැනය ඇයට ඇති උනා..
ඔන්න ආයේ සුපුරුදු කලබල ගතියෙන් හරි ඔක්කොම ගත්තද යමු යමු ඉක්මනට පාරේ traffic තිබුණොත් තව පරක්කු වෙනවා, වාහනයක් පාරට දාන්න හොඳ වෙලාවක් නෙවෙයි මේ වෙලාව..
එතනදීත් ඔහු ඇයගේ මුහුණ දෙස කෙලින්ම බලන් කතා කරා පමණි. යකෝ මට තියෙන්නේ මූණක් විතරක් නෙවෙයි හොඳ පපුවකුයි, කකුල් දෙකකුයි, පස්සකුයි තියනවා ඒවත් තමුන්ට හොඳට පේන්න තමයි මෙච්චර හොදට කපලා කොටට හිරට පළල් කරලා ඇදන් ආවේ ඒවා දිහාත් බලපන් මිනිහෝ කටින් කිව්වේ නැති උනාට ඇය තමාටම කියා ගත්තා..
ඇයවත් කාර් එකට දමාගත්ත ඔහු ඉතාමත් වේගයෙන් අදාල තැනට ගියා. ඇය කාර් එකේ ඉදිරිස කණ්ණාඩියෙන් ඔහු දෙස බලාගෙන ගියා නමුත් ඔහු ඉදිරිය බලාගෙන කාර් එක පැදෙව්වා.
අදාළ තැනට ගියාට පසු ඔවුන් පිළිගන්න පැමිණියේ ඉතාමත් රූමත් ලෙස හැඩ වෙලා හිටපු තරුණියක්. ඇය ඇද සිටියේ කොට සායක් සහ අත් දිඩ බ්ලවුසයක්.
Good morning sir
Good morning madam
යනුවෙන් ඇය දෙදෙනාටම වෙන වෙන ආචාර කරා.
ඇය තරුණිය දෙස බලා ඉක්මනින් සැමියා දෙස බැලුවා..
අහෝ ඔහු එම තරුණිය දෙස බැලුව හැටි
ඇයගේ පාද දෙකේ මහපට ඇගිලි වලින් බලන්න පටන්ගෙන ක්රමයෙන් ඒ බැල්ම ඇයගේ නිරුවත් කකුල්, අඩ නිරුවත් කලවා ඉන් පසු බඩ පපුව උරහිස් සිසාරා නළල දෙස බලා ඇය සමඟ හොදින් හිනා උනා. ඒ හිනා වෙන අතරේ good morning කියලා නැවත ඇයගේ පපුවේ සහ බ්ලවුස් එකේ ඇති හිඩස තුළින් පපුව ඇතුළට බැල්ම ගෙනයනු ඇය දුටුවා.
මම මෙච්චර පේන්න ඇදලත් මෙයා මම දිහා නිකමටවත් එක පාරක් බැලුවේ නැහැ හැබැයි මේකි පද්ද පද්ද ඇවිත් good morning කිව්ව ටිකක එයාගේ මුළු ඇගම ස්කෑන් කරලා බැලුවේ. පුදුම අසහනයක් නේ..
දැන් ඇයගේ හිත ඉතාමත් වේගයෙන් නොසන්සුන් වෙනවා ඇයටත් පාලනය කර ගන්න බැරි තරමට.
එතන ඔවුන්ට කරන්න තිබුණේ ත්රාසජනක ක්රීඩා තවත් විශාල පිරිසක් එයට සම්බන්ධ වෙලා හිටියා. බොහෝමයක් ජොඩු තමයි හිටියේ. තරුණ වැඩිහිටි අය පවුල් පිටින්.
ඇය දකිනවා ඔහු ඉක්මනින් එතන සිටින ගැහැණු පිරිමි අය එක්ක මිතුරු වෙන්න කතා බස් කරන්න උත්සාහ කරනවා. ඔහුගේ උත්සාහය සාර්ථකයි ඔහු ඉක්මනින් කණ්ඩායක් ඇති කර ගන්නවා. එයාලා එක්ක ඉක්මනින් සිඟරට් එකක් බීලා ඉවර වෙන ටිකට ඔවුන් යාලුවෝ වෙලා ඉවරයි. ගියපු පාසල විශ්ව විද්යාලය නම රැකියාව පවුලේ විස්තර සේරම කතා කරගෙන ඉවරයි.
මේ දේවල් අතර ඇයට මහා තනිකමක් ඇති වෙනවා.
මෙයාට තනියම එන්න කියලා මට තිබුණේ හොටෙල් එකට වෙලා ඉන්න. එතකොට ඕන හැටියට ගෑණුන්ගෙ කකුල් දිහායි පපුවවල් දිහායි බලන්න තිබුණා. එතකොට මමත් ඔය මගුල් දකින්නේ නැහැනේ.
ආ මේ මගේ wife කියලා අනෙක් අයට තමාව හදුන්වලා දෙන්නේ නිකන් අමතක වෙලා පස්සේ මතක් උනා වගේ. ආ මමත් එක්ක wife ආවා මට අදුන්වලා දෙන්නත් අමතක උනා..
දවස ගතවුණා සියලුව ක්රීයාකාරකම් අවසන් උනා. ඒ වෙනකොට පිරිමි කවුරුත් වගේ බීලා.
හරි හරි මට හොදට බොන්න පුළුවන් wife කාර් එක එළවනවා කිසිම ප්රශ්නයක් නැහැ.
හැන්දෑ වෙන්න කලින් දෙන්නම නැවතත් හෝටලය වෙත ආවා.
නමුත් ඇයගේ මුහුණේ තිබුණු නොසතුට කණස්සල්ල ඔහු දුටුවේම නැහැ. දැන් ඇයට හොදටම තරහයි. මුහුණ අදුරු වෙලා.
මහන්සිය හරි යන්න අපි හොදට නාමු..
එනවද ඔයත් මම එක්ක නාන්න.
මම පස්සේ නාන්නම් ඔයා නාගෙන එන්න... ටිකක් සැරෙන් වගේ..
හරි මම ඉක්මනින් නාගෙන එන්නම්.
ඔයත් එන්න මමත් එක්ක එකට නාන්න කියල ඔහු ඇයව ඇදගෙන නාන කාමරයට ගියානම් සමහරවිට වැඩේ ගොඩින් බේරෙන්න තිබුණා..
නමුත් ගැහැණුන්ගෙ හිත් කියවන්න පිරිමි අසමත් නිසා වෙන්නෙම ඔහොම අකරතැබ්බ තමයි.
රෑට කෑම කන්න කලින් සීතල යන්න ටිකක් බොන එක කන බොන පිරිමි අයගේ විදය නේ.
සීතල පළාත්වලදී ගන්න ප්රමාණය වැඩි වෙන නිසාත්. වෙරි මත තැපෑලෙන් එන නිසාත්. බිව්වම පිරිමි අයගේ මතුවෙන අමුතු රොමෑන්ටික් බව නිසා අනික දෙන්නම අලුත බැදපු නිසා සැමියාගේ හැසිරීම ඇය අර උදේ ඉදලා තිබුණු නොහොඳ නෝක්කඩු බව ගොඩාක් දුරට දුර කරන්න සමත් උනා..
උදේ ඉදලා කොහොම කරත් දැන් හොදයි නේ. මමත් ඒවා අමතක කරනවා..
මටත් වයින් එකක් බොන්න ඕන.
හරි ඉන්න මැණික මම ගෙනල්ලා දෙන්නම්. හැබැයි ගාණට ගන්න.
ඇය වයින් බොනවා ඔහු සැර එකක් ගන්නවා.
ඇය ආයෙම සුපුරුදු හුරතල් කෙල්ල වෙන්න ගන්නවා...
ඒක සැමියට සියලුම ඉන්ද්රියන් එක තැනකට මානසිකවත් කායිකවත් ඒකාබද්ධ කරන්න හේතුවක්.
ඇයගේ හුරතල් හඩ, සුවද, අත පය වල මෘදු ස්පර්ශයන්.
අවට පරිසයේ නිහඬ බව සහ සීතල.. වෙරිමත එක්ක පිරිමයකුට ඉතින්..
අම්මෝ අදනම් මාරම දවසක් නිදා ගන්න ඕන හොදට හෙට උදේට මම ඇහැරෙනකම් මට ඇහැරවන්න එපා.
කියලා ඔහු ඇදේ අනෙක් පැත්තට හැරුණා..
මොකක්ද නිදා ගන්න දැම්ම.. ?
ඇය බලන්න දැන් වෙලාව කීයද කියලා, අපරාදේ ඇහැරන් ඉන්නෙ මෙච්චර සැපට නිදා ගන්න පුළුවන් කම තියෙද්දී..
අනික මෙච්චර සල්ලි ගෙවලා අපි මේ room එක අර ගත්තේ එළිවෙනකම් ඇහැරන් ඉන්නද.. එන්න එන්න නිදා ගමු..
අපි හෙට යන්නේ පිදුරුතලාගල කන්ද උඩටම, එන ගමන් අඹේවෙලත් ගිහින් එමු.. අනිද්දා උදේම යන්න ඕනත් නැහැනේ..
ආ එතකොට මෙච්චර වියදම් කරලා දුර ඇවිල්ලා ඔක්කොම කරලා තියෙන්නේ තමුන්ට හොද සැපක් ගන්න නේද..
"මම ඔයාට නිකන්ම නිකන් බඩුවක් විතරද?"
"නිකන් බඩුවක් අරන් ආවා වගේනේ සැප ගන්න"
මාව අරන් ඇවිත් තියෙන්නේ මමත් එක්ක එකට නිදා ගන්න විතරයි. ඉතින් ඔයාට තිබුණා නේ මෙච්චර වියදම් නොකර මෙච්චර දුර එන්නේ නැතුව අර ගෙදරදිම ඔය ටික කරන්න මමත් එක්ක.
කොහොමත් ඉතින් මම ගෙදර හිටියත් ඔය සේරම ටික මගෙන් කර ගන්නවා නේ..
හරි මහා රංඩුවක් එතන ඇති වෙනවා.. අර උදේ ඉදලා ඇය බලපු දැකපු සේරම කියන්න ගන්නවා.
අවසානයේදී...
"ඇය ඇඳ විට්ටමට හේත්තු වී කඳුළු පිරුණු දෑසින් ඔහු දෙස බලා සිටියාය. ඔහුට ඕනෑ කළේ හෙට යන්නට නියමිත පිදුරුතලාගල කන්ද ජය ගන්නටය. නමුත් ඔහුට නොපෙනුණු දෙය නම්, ඒ වන විටත් තමන් අසල සිටි ආදරණීය හදවත ඔහුට පරාජය වී හමාර බවයි."
ඉතින් මේ ටිකත් ලියලා කතාව අවසන් කරන්නම්.
මෙන්න මෙතැනදී තමයි පිරිමියාට රමණයේ අවසානය සහ ගැහැනියට ප්රේමයේ ආරම්භය අතර ගැටුම හටගන්නේ.
විද්යාවට අනුව, පිරිමියෙකුට ලිංගික එක්වීමකින් පසු ශාරීරිකව ලැබෙන තෘප්තියත් සමඟ ඔහුගේ හෝමෝන මට්ටම ඉක්මනින් පහළ වැටේ. එතැන් සිට ඔහු නැවතත් තර්ක කරන, සැලසුම් කරන "වැඩකාරයා" බවට පත් වේ.
ඔහුට ඊළඟට වැදගත් වන්නේ ගමන යෑම, වෙලාවට වැඩ
කිරීම සහ වගකීම්ය.
නමුත් ගැහැනිය එසේ නොවේ.
ඇගේ සිරුරේ ක්රියාත්මක වන 'ඔක්සිටොසින්' (Oxytocin) හෙවත් ආදර හෝමෝනය නිසා ඇයට අවශ්ය වන්නේ ඒ උණුසුම තවදුරටත් විඳින්නටය. රමණයෙන් පසු ඇයට අවශ්ය වන්නේ "ආරක්ෂිත බව" සහ "ආදරණීය ලෙන්ගතුකමයි".
ඔහු ඇයට වටිනාකමක් දෙන්නේ ලිංගිකත්වය සඳහා පමණක් නොවන බව තහවුරු කර ගැනීමට ඇයට අවශ්යය.
පිරිමියාට එය "වැඩක් ඉවර වුණා" වැනි හැඟීමකි.
ගැහැනියට එය "ආදරය පටන් ගත්තා" වැනි හැඟීමකි.
පිරිමියෙක් විදිහට ඔබ ඇයව උපරිමයෙන් සතුටු කළා යැයි ඔබ සිතුවත්, ඉන් පසු ඔබ ඇය දෙස බලන ආදරණීය බැල්ම, ලබා දෙන කුඩා තුරුළු වීම සහ ඇය වෙනුවෙන් වෙන් කරන ඒ නිහඬ මිනිත්තු කිහිපය නොමැති නම්, ඇයට දැනෙන්නේ තමන් "පාවිච්චි වුණා" වැනි මහා තනිකමකි.
පිරිමියෙකුගේ සැබෑ පිරිමිකම මැනිය හැක්කේ රමණයේ වේගයෙන් නොව, රමණයෙන් පසු ඇගේ මනසට ඔබ ලබා දෙන සැනසීමෙනි.
Psychological Counselor
Kasun Rajapaksha
කසුන් රාජපක්ෂ..
fans
