27/03/2026
මම අද අඬන්නේ මගේම කාමරේ දොරවල් වහගෙන. මම හිටියේ අසම්මත ආදරයක කියලා මම දන්නවා. ඒත් ඒ මනුස්සයා මාව දාලා ගියාම දැනෙන වේදනාව මට දරාගන්න බැහැ. මගේ මේ දුක කාටවත් කියන්න බැහැ, මට කාටවත් පේන්න අඬන්න බැහැ...
ඇය බිම බලාගෙන උනත් සැරින් සැරේ දෑස් ඔසවමින් මගේ දෙස බලමින් එහෙම කිව්වා.
ඒ තුළින් ඇය මා කෙරෙහි තැබීමට උත්සාහ කරන ඒ දැඩි විශ්වාසය සහ ඇය විඳින ලැජ්ජාව (Shame) මනාව පැහැදිලි උනා මට.
ඒ දෑස්වල තිබුණේ තමන් කළ වරද ගැන පසුතැවීමකට වඩා, තමන්ට අහිමි වූ ඒ ආදරය ගැන දරාගත නොහැකි ශෝකයක්.
මට මෙහෙම කතාවක් කවදා හරි කාට හරි කියන්න වෙයි කියලා මම හීනෙකින්වත් විශ්වාස කරේ නැහැ. නමුත් මම අද එහෙම තත්ත්වයකට පත් වෙලා ඉවරයි.
කාටවත්ම කියන්න බැරි කතාවක් තමයි මම අද මේ ඔබ එක්ක කියන්නේ.
මට වයස.... ඔහු මට වඩා වසර දහයක් විතර වැඩිමල් ඔහු විවාහකයෙක්, මමත් විවාහ වෙන්න ඉන්න කෙනෙක්. ඔහුගේ බිරිඳ හිටියේ වෙන රටක පදිංචි වෙලා රැකියාව නිසා ඔහු ලංකාවේ හිටියේ. මගේ අධ්යයන කටයුතු සදහා මට නිතරම ඔහුව මුණ ගැහෙන්න සිද්ධ උනා.
ටික කාලයක් යද්දි මම ඔහු එක එක දේවල් හිතෙන්න ගත්තා. යාලුවෝ මට නිතරම විහිලු කරා..
ආ ඔයා සර්ව හම්බ වෙන්න යනවා වැඩියි කියලා..
හැබැයි සර් බැදලා දරුවෙකුත් ඉන්නවා හොදද..
මුලදී මට ඒක විහිළුවක් වුණත්, පස්සේ පස්සේ මට ඔහු ගැන වෙනස් විදිහකට හිතෙන්න ගත්තා. මගේ අධ්යයන කටයුතු අතරතුර ඔහුගෙන් ලැබුණු අවධානය මට මහා ලොකු අස්වැසිල්ලක් වුණා.
ඔහොම ටික කාලයක් යද්දී අපි අපේ පෞද්ගලික දේවල් පවා කතා බහ කරන තත්වයට පත් උනා.
මට සර් ගැන ලොකු ආදරයක් ඇති වෙලා ඒ ආදරය එක්ක මම හීන ලෝකෙක අතරමං උනා කිව්වොත් හරි.
මම නිතරම මොකක් හරි හේතුවක් හදාගෙ සර්ට කතා කරන්න සර් හම්බ වෙන්න යන්න කටයුතු කරා.
ඔහොම යද්දී අපි අතර ආදර සම්බන්ධයක් ඇති උනා.
හැබැයි අපි අතර කවදාවත් ලිංගික ඇසුරක් ඇති උනේ නැහැ, නමුත් මට එහෙම අවශ්යතාවයක් තිබුණත් සර් මමත් එක්ක එහෙම ඉන්න මාව පොළඹවා ගත්තෙ හෝ උත්සාහ කරේ නැහැ. අපිට ඒකට ඕන තරම් අවස්ථාව තිබුණත්.
අන්න ඒ නිසාම මට එයා ගැන ලොකු ගෞරවයක් සහ ලොකු විශ්වාසයක් ආදරයක් ඇති උනා.
මොකද මම දන්නවා පිරිමි කෙනෙක් තමන්ට ලැබෙන මේ වගේ අවස්ථාවක් ලේසියෙන් අත නොහරින බව.
අනික ඔහු විවාහක පුද්ගලයෙක් සහ බිරිඳ දරුවන් වෙන රටක ඉන්න නිසා ගොඩාක් පාලුවෙන් තනිකමෙන් ඉන්නෙ නිසා.
ඔහොම අපි කාලයක් හරිම සතුටින් හිටියා. ඔය අතරේ එක දවසක් සර් මට කතා කරලා කිව්වා වයිෆ් හෙට පාන්දර ලංකාවට එනවා, ඇවිත් මාසයක් විතර ඉදලා ආයේ යනවා එයා ලංකාවේ ඉන්න කාලය පුරාවටම මට ඔයාට කතා කරන්න මැසේජ් කරන්න බැරි වෙයි. මොකද මට එයා එක්ක ඉන්න වෙනවා සහ මට එයා එක්ක ගමන් බිමන් ගොඩාක් යන්න වෙනවා. එයා ගියාම අපිට පරණ විදියට කතා කරන්න හමු වෙන්න පුළුවන් කියලා.
ඒක ඇහුවම මට සර්ගේ බිරිඳ එක්ක ලොකු ඉරිසියාවක් ඇති උනා. ඒ වගේම මට මම ගැන හරිම හීනමානයක් ඇති උනා.
ඊටත් වඩා ලොකුම ප්රශ්නය උනේ එයාට මැසේජ් එකක් වත් නොදා එක පැයක් ඉන්න බැරි මම කොහොමද මාසයක්ම එයා එක්ක කතා නොකර ඉන්නෙ කියලා.
ඒත් මොනවා කරන්නද එහෙම ඉන්න වෙනවා නේ.
මම පහුවදා දැන ගත්තා සර් මාව හැම සම්බන්දතාවයකින්ම අවහිර කර ඇති බව. මට ඒක දරා ගන්න බැරි උනා. හරියට මාව උස්සලා පොළවේ ගැහුවා වගේ උනා.
මම ඉක්මනින් සූදානම් වෙලා කැම්පස් එකට ගියා. එදා උදේ වරුවේ සර් ආවේ නැහැ. දවල් එකට විතර මම දැක්කා සර්ගෙ කාර් එක එනවා. මම ඈත ඉදන් බලාගෙන හිටියා. ඒකෙන් එයාගේ වයිෆ් තමයි මුලින්ම බැස්සෙ දෙන්නත් එක්ක ඇවිත් අපි හැමෝම එක්ක ටික වෙලාවක් කතා කරලා එයාගේ බිරිදට අපිව අදුන්වලා දීලා office එකට ගියා.
හැබැයි සර් මම ගැන කිසිම විශේෂත්වයක් දක්වන්නේ නැතුව ඉන්න ඉතාමත් පරිස්සම් උනා කියලා මට හොදටම තේරුණා. මට ඒකට ගොඩාක් දුක හිතුණා.
ඔහොම සතියක් විතර ගියා. සර් කැම්පස් එකට ඒ සතියම ආවේ නැහැ. එයා ඉන්නෙ කොහෙද මොනවාද කරන්නේ කියලා මට කිසිම තොරතුරක් ආවේ නැහැ. නමුත් මම එයාගේ face book ගිණුව වෙනත් ක්රමයකින් පරික්ෂා කරා නමුත් එහි කිසිම දෙයක් පල කරලා තිබුණේ නැහැ සතියකින් විතර.
දවසක් යාලුවෙක් ඇවිත් මෙහෙම කිව්වා..
දන්නවද වැඩක් සර් ජොබ් එකෙන් අයින් වෙලා මාසයකට වැඩියිලු. එයා හෙට ලංකාවෙන් යනවලු.
ජීවිතයේ මම අහපු ඉතාමත් වේදනාකාරී වචන ටික. ඒක මම කොහොම අහගෙන හිටියද කියලා හිතා ගන්න බැහැ. ඒ වචන ටික කියවලා ඉවර වෙද්දී මට ක්ලාන්තය හැදිලා බිම වැටුණා. පියවි සිහියට එනකොටම මම හිටියේ දේශන ශාලාවක බංකුවක් උඩ ඇස් අරින කොට මම දැක්කෙ මට ඉහළින් සිවිලිම් පෑන් එක වේගයෙන කරකැවෙනවා.
පොඩි වෙලාවකින් මට උනේ මොකක්ද කියලා මතක් උනාම මට හිතුණා මේ සිවිලින් පෑන් එකේ එල්ලිලා මම මැරිලා මගේ ප්රාණය නිරුද්ධ සිරුර පෑන් එකේ මේ වගේ වේගයකින් කැරකි කැරකි තිබුණා නම් කියලා.
එදයින් මෙදයි සර් අද වෙනකම් මමත් එක්ක කිසිම සම්බන්දයක් තියා ගත්තෙ නැහැ. මම විවිධ ක්රම වලින් එයාව සම්බන්ධ කර ගන්න උත්සාහ කරා එයා මාව හැම එකකින්ම මාව අවහිර කරලා.
වෙන දුරකථන අංක වලින් කතා කරා අන්තිමට එයා භාවිතා කරපු දුරකථන සිම් පවා අයින් කරලා.
මේ දේවල් වෙලා දැන් මාසයකට වැඩියි. මම ජීවිතයේ වැටෙන්න පුළුවන් උපරිම නරකම තැනට දැන් වැටිලා ඉවරයි. මම මගේ සියලුම අධ්යයන කටයුතු අතඇරලා දාලා ගෙදර ගියා. අපේ කණ්ඩායමේ හිටිය දක්ෂම ළමයි මම නිසා යාලුවෝ මගේ ගෙදරට පවා ඇවිත් මාව ආයේ එක්ක යන්න හැදුවා නමුත් මම ගියේ නැහැ. මම එයාලට කිව්වා තවත් කවදාවත් කැම්පස් එක පැත්ත පලාතේ මම එන්නෙ නැහැ කියලා සහ ඒ මොකද කියලා මගෙන් අහන්න එපා කියලා.
නමුත් මම දැන් දවසකට කලින් මම සර්ගේ face book ගිණුම පරික්ෂා කරාම එයා අලුතින් profile picture එකක් එකතු කරලා තියනවා ලෝකයේ ඉතාමත් ප්රසිද්ධ ස්ථානයක එයයි පවුලේ අයයි එකට ඉන්න.
මේක දැක්කම මට මගේ ඉතුරු පණ ටිකත් නැති වෙලා ගියා වගේ දැණුනා.
නමුත් මට මැරෙන්න බැහැ දැන්ම මොකද මගේ අම්මා වෙනුවෙන් මම ජීවත් වෙන්න ඕන, පුංචිම කාලේ තාත්තා මමයි නංගියි අම්මයි දාලා ගියාට පස්සේ අම්මා තමයි අපිව උස් මහත් කරලා අපිට හොදින් ඉගැන්නුවේ. ඉතින් අපි නිසා අම්මට තවත් දුක් විදින්න ඉඩ තියන්න බැහැ.
මට මේ හැමදේම අමතක කරලා ආයේ වැඩ පටන් ගන්න ඕන මට ඒකට උපදේශනයේ සහාය අවශ්යයි.
අපි මුලින්ම බලමු ඇය මේ පත් වෙලා ඉන්න තත්ත්වය මොකක්ද කියලා මනෝ විද්යාත්මකව.
අපි මනෝ විද්යාවේදී මේ තත්ත්වයට කියනවා නිහඬ විරහව කියලා..
🧠 මොකක්ද මේ නිහඬ විරහව
(Disenfranchised Grief)?
සාමාන්යයෙන් කෙනෙක් මියගිය විට හෝ පෙම්වතෙකු අහිමි වූ විට කෙනෙක්ට ඒ ගැන හඬා වැලපීමට, මිතුරන් සමඟ දුක බෙදා ගැනීමට සමාජීය අවසරයක් තිබේ. නමුත් සමාජ සම්මතයන්ට පටහැනි සබඳතාවක් බිඳී ගිය විට, ඒ වෙනුවෙන් ශෝක වීමට සමාජය ඉඩ දෙන්නේ නැත.
මෙවැනි අවස්ථාවක කෙනෙක් විඳින වේදනාවට මනෝවිද්යාවේදී කියන්නේ Disenfranchised Grief කියලයි.
මෙහි ඇති භයානක තත්ත්වය කුමක්ද?
1. හුදෙකලා වීම (Isolation)
අන් අය අසන්නේ ඇයි ඔයා මේ ටිකේ අමුතු වෙලා මොකක්ද ඔයාට වෙලා තියෙන්නේ ඇයි ඔහොම ඉන්නෙ ? කියාය. නමුත් ඔවුන්ට සැබෑ හේතුව පැවසිය නොහැක. එවිට ඔවුන් තවත් තනි වේ.
2. ප්රතිකාර ප්රමාද වීම.
වැරදි වැඩක් කරලා නේද විඳවන්නේ කියා සමාජය දොස් පවරනු ඇතැයි යන බිය නිසා බොහෝ දෙනෙක් උපදේශනය සඳහා පැමිණීමට පවා බිය වෙති.
3. අභ්යන්තර දඩයම.
පවතින වරදකාරී හැඟීම (Guilt) සහ අහිමි වීම (Loss) එකට එකතු වූ විට එය මානසික අවපීඩනය (Depression) දක්වා ඉතා ඉක්මනින් වර්ධනය විය හැකියි.
මේ කතාවේ තරුණියට ඉහත එක සහ දෙකම පැවැතුණි. නමුත් මාසයක් පමණ පමා වී හෝ ඇය උපදේශනය සදහා යොමු විය.
🧠ඉහත තරුණිය නිහඬ විරහවකට ගොදුරු වීමට බලපෑ හේතු ගැන මනෝ විද්යාත්මක පැහැදිලි
Ghosting Trauma (හදිසි සබඳතා අත්හැරීම)
සර් විසින් ඇයව සෑම තැනකින්ම අවහිර කිරීම (Block) ඇයට දැනෙන්නේ තමාගේ පැවැත්ම එකවරම අකාසි වී ගියා වැනි හැඟීමකි. ඔහුට එය තම පවුල් ජීවිතය රැකගැනීමේ උපාය මාර්ගයක් වුවද, ඇයට එය තමා වැඩකට නැති, අවශ්ය විටෙක පමණක් පාවිච්චි කරන වස්තුවක් (Objectification) වැනි හැඟීමක් ඇති කරයි.
2. උග්ර ඉරිසියාව සහ හීනමානය.
තමා මෙතෙක් තනිවම අයිති කරගෙන සිටි අවධානය, ආදරය සහ කාලය වෙනත් අයෙකු (නීත්යානුකූල බිරිඳ) වෙත හිමි වනවා දෑසින් දැකීම ඇයව මානසිකව ඇද වට්ටවයි. මෙහිදී ඇය තමාගේ වටිනාකම බිරිඳ සමඟ සංසන්දනය කිරීමට යාම නිසා ඇය තුළ දැඩි හීනමානයක් (Inferiority Complex) නිර්මාණය වේ.
3. Social Masking (සමාජීය වෙස්මුහුණ)
ඔහු කැම්පස් එකේදී ඇයව සාමාන්ය ශිෂ්යාවක ලෙස හඳුන්වා දීම ඇයට දරාගත නොහැකි වන්නේ, ඇගේ ලෝකය තුළ ඔහු විශේෂ අයෙකු වූ බැවිනි. තමාට හිමි 'විශේෂ තැන' අහිමි වීම ඇයව දැඩි Identity Crisis එකකට ඇද දමයි.
✌️ඔහු ඇයව අවහිර කළේ බිරිඳගෙන් බේරීමට විය හැක.
නමුත් ඇයට එය දැනුණේ තමාගේ ආත්මයට එල්ල වූ මරු පහරක් ලෙසය. ආදරය කරන විට අප හදවතේ රජ කරවූ තැනැත්තා, තවත් අයෙකු ඉදිරියේ අපව නන්නාඳුනන කෙනෙකු සේ සලකන විට දැනෙන වේදනාව නිහඬ විරහවේ දරුණුතම අවස්ථාවයි.
👩💼ඇය මේ පුද්ගලයාට තදින්ම බැදීමට හේතු මොනවාද ?
මේ තරුණිය ඒ පුද්ගලයාට මේ තරම් තදින් බැඳෙන්නට (Intense Emotional Attachment) හේතු වූ කරුණු මනෝවිද්යාත්මකව විශ්වාස කළ නොහැකි තරම් ප්රබලයි. ඇය පැවසූ කතාව ඇසුරින් අපිට මේ බැඳීම පිටුපස ඇති ප්රධාන සාධක මෙහෙම විග්රහ කරන්න පුළුවන්...
1. ආරක්ෂිත බව සහ ගෞරවය (The Illusion of Safety)
ඇය විශේෂයෙන්ම සඳහන් කළේ ඔහු ලිංගික ඇසුරකට උත්සාහ නොකළ බවයි. බොහෝ පිරිමින් අවස්ථාවක් ලැබුණු සැනින් ලිංගිකත්වය සොයන සමාජයක, ඔහු පෙන්වූ ඒ සංයමය ඇය දුටුවේ උතුම් ගුණයක ලෙසයි.
🧠මනෝවිද්යාත්මකව මෙහිදී ඇය තුළ ඔහු කෙරෙහි තිබූ ආරක්ෂිත බව පිළිබඳ හැඟීම (Sense of Security) තහවුරු වුණා. මෙයා මගේ ඇඟට වඩා මගේ හිතට ආදරෙයි කියන සිතුවිල්ල ඇයව ඔහුට සම්පූර්ණයෙන්ම අවනත කළා.
2. පීතෘ සෙනෙහසේ හිස්බව
(Father Figure/Father Wound)
ඇය පැවසූ පරිදි කුඩා කාලයේදීම ඇගේ පියා ඔවුන්ව දමා ගොස් තිබෙනවා.
🧠මනෝවිද්යාත්මකව පියෙකුගේ ආදරය සහ රැකවරණය අහිමි ගැහැණු දරුවන් වැඩිහිටි වියේදී තමන්ට වඩා වයසින් වැඩි (වසර 10ක් වැඩිමල්), තමන්ට මඟ පෙන්වන පරිණත පිරිමින්ට ඉක්මනින් ආකර්ෂණය වීමේ ප්රවණතාවක් තිබෙනවා. ඇය ඔහු තුළින් දුටුවේ තමන්ට අහිමි වූ ඒ පීතෘ සෙනෙහස සහ රැකවරණයයි.
3. අධික අවධානය සහ අස්වැසිල්ල
(Validation & Attention)
අධ්යයන කටයුතු අතරතුර ඔහු ඇයට ලබා දුන් විශේෂ අවධානය ඇගේ මනසට විශාල අස්වැසිල්ලක් වුණා.
🧠Halo Effect ඔහු ගුරුවරයෙකු/සර් කෙනෙකු ලෙස සමාජයීය මට්ටමින් ඉහළ තැනක සිටීම නිසා, ඔහුගෙන් ලැබෙන සුළු අවධානයක් පවා ඇය අතිවිශාල වටිනාකමකින් යුතුව (Idealization) බාරගත්තා.
4. තනිකම සහ හුදෙකලාව (Shared Loneliness)
ඔහුගේ බිරිඳ සහ දරුවන් රටින් බැහැරව සිටීම නිසා ඔහු සිටියේ තනිකමෙන් බව ඇය විශ්වාස කළා.
🧠Rescuer Complex ඔහු පාලුවෙන් ඉන්නේ, මම තමයි ඔහුව සතුටින් තියන්න ඕනේ කියන හැඟීම (Save-him complex) ඇය තුළ ඇති වුණා. මෙය බැඳීමක් තද කිරීමට බලපාන ප්රබල සාධකයක්.
5. රහසිගත බවේ තීව්රතාවය (The Secrecy Effect)
මේ සම්බන්ධය රහසක් වීම නිසා ඒ තුළ ඇති රොමැන්ටික් ගතිය තවත් වැඩි වුණා.
🧠Romeo & Juliet Effect සමාජයෙන් හෝ යහළුවන්ගෙන් එල්ල වන බාධා (උදා සර් බැඳලා දරුවොත් ඉන්නවා කියා යාලුවන් විහිළු කිරීම) හමුවේ එම බැඳීම තවත් තදින් දැනෙන්නට පටන් ගන්නවා..
ඇය මේ පුද්ගලයාට බැඳුණේ කාමය නිසා නොව, ඇගේ හදවතේ කුඩා කල සිට තිබූ ආදරය සහ අවධානය පිළිබඳ හිස්බව (Void) ඔහු විසින් පුරවනු ඇතැයි ඇය විශ්වාස කළ නිසයි. ඔහු ඇයට ලබා දුන් ඒ ව්යාජ ගෞරවය ඇයව මානසික උගුලක සිර කර තිබුණා.
ඉතින් මෙවැනි තත්වයකින් මිදීමට අනුව කරන්න ඕන නිවැරදි විද්යාත්මක මාවත ගැන සරල මග පෙන්වීමක් පළමු comment එක ලෙස පල කර ඇති..
Psychological
Counselor
Kasun Rajapaksha
fans
