27/09/2025
"2025 ලෝක ජලභීතිකා දිනය" නිමිත්තෙන් පැවැත්වෙන සුරතල් සතුන් එන්නත් කරණයට ලක්කිරීමේ දිවයින පුරා ක්‍රියාත්මක වන වැඩසටහනේ සමාරම්භක අවස්ථාවට අද (27) උදෑසන මාලිගාවත්ත පී.ඩී. සිරිසේන පිටියේදී සහභාගී වුණා. සුරතල් සතුන් සම්බන්ධ පශු වෛද්‍යවරුන්ගේ වෘත්තික සංගමය(ACAPSL), ශ්‍රී ලංකා පශු වෛද්‍ය සංගමය(SLVA) මෙන්ම ජාත්‍යන්තර සිංහ සමාජය සහ සත්ව සුබසාධක සංගම් ගණාවක් විසින් කොළඹ නඟර සභාව හා එක්ව මෙම කටයුත්ත සංවිධානය කර තිබුණා.
මේ සඳහා කොළඹ නාගරික කොමසාරිස්තුමා, ශ්‍රී ලංකා පශුවෛද්‍ය සංගමයේ සභාපතිතුමා, ශ්‍රී ලංකා සුරතල් සතුන් සම්බන්ද පශුවෛද්‍ය වෘත්තික සංගමයේ සභාපතිතුමා, කොළඹ නඟර සභාවේ පශු වෛද්‍ය නිළධාරීන් සහ වෛද්‍ය නිළධාරීන්, සෞඛ්‍ය අමාත්‍යාංශයේ වසංගත රෝග නිවාරණ අංශයේ වෛද්‍යවරුන් ඇතුළු සෞඛ්‍ය කාර්‍ය මණ්ඩල සහ සත්ව සුභසාධක සංගම් ගණනාවක නියෝජිතයින් සහභාගී වුණා.
ලංකාවෙන් ජලභීතිකා රෝගය තුරන් කිරීම සඳහා මෙතෙක් ක්‍රියාත්මක වූ වැඩපිළිවෙලවල් වල සාර්ථකත්වය මෙන්ම එහි අඩුපාඩු, ඒවා පියවීමට රජයක් ලෙස තැබිය යුතු ඉදිරි පියවර සහ කළ යුතු වෙනස්කම් පිළිබඳව පුළුල් සාකච්ඡාවක් මෙහිදී සිදුවුණ අතර මෙම වැඩසටහනේදී ලංකාව පුරා නොමිලේ සුරතල් සතුන් 10000 ක් එන්නත්කරණයට ලක්කිරීමටද ඉහත සංගම් විසින් කටයුතු ආරම්භ කර තිබෙනවා.
