19/10/2025
D‘Lea, dem Camille seng Fra, erwächt Moies scho mat engem risege Gedankekarussel.
Seng To Do Lëscht ass riseg an ier d‘Kanner an der Schoul sinn, fillt hat sech, wéi wann hat schonn ee Marathon gelaf wier.
Dat Schlëmmst ass jo bal nach, dass hat alles selwer muss maachen. Säin Mann ass zu näischt fäeg, d‘Kanner loossen iwwerall alles trëllen a wann d‘Lea net hannert hinnen hier ass, vergiessen si souguer hire Kapp éierens am Eck.
Et gëtt keng Paus tëscht all sengen Aufgaben. An sengem Kapp plappert ëmmer rëm di Stëmm „wann s du net alles selwer mëss, klappt hei näischt an et endegt an engem risege Chaos“.
Hat wier immens gären di léif Mamm wéi seng Nopesch et ass : lëschteg, fräi an ëmmer léif a gedëlleg mat de Kanner.
Mee iergendwéi ass hat ëmmer hannert de Kanner amgaang mat meckeren an explodéiert vill ze oft. Duerno huet hat ëmmer rëm ee schlecht Gewëssen an erlaabt de Kanner rëm méi, wéi hat eigentlech wëll.
Mat sengem Mann ass alt sou eng Saach. Hat fillt sech net gesinn, net verstanen an Null ënnerstëtzt vum Camille.
Wann d‘Lea probéiert mat him ze schwätzen, aart all Gespréich a Fierwerf aus. Doropshin zitt hien sech ëmmer méi zréck.
Hat iwerhëllt ze vill Verantwortung, hien zitt sech eraus an um Ënn vum Lidd fillen si sech allen zwee eleng.
D’Aarbecht ass fir hatt Flucht a Belaaschtung gläichzäiteg.
Hat mécht vill, iwwerhëlt dacks och wat aner net maachen. Do kritt hat wéinstens Unerkennung, a fillt sech fir e Moment wäertvoll.
Mee wann een hat kritiséiert oder eppes net geléngt, fällt hatt séier a Selbstzweifel a fillt sech da wéi blockéiert.
Mee ee Gléck huet hat seng Mädels Grupp. Wéinstens eng Platz wou hat sech auskatzen kann. Hinne geet et alleguer d‘Selwecht an hei kënne si wéinstens gemeinsam iwwert hier inkompetent Männer an den nervegen Alldaag lästeren.
************
D’Lea ass gefaangen am Dauerfight mam Liewen.
Säin Nervesystem leeft scho moies op Alarm.
De Gedankekarussel ass net einfach nëmme mentalen Overthinking, mee op Nervesystemebene de Sympathikus, deen direkt nom Erwächen aktivéiert gëtt:
„Gefor! Et dierf näischt schifgoen, du muss alles am Grëff hunn!“
Dësen Dauerstress ass net rational, mee kierperlech.
De Kierper kennt näischt anescht wéi: “Wann ech net kontrolléieren, verléieren ech Sécherheet.“
Héchstwarscheinlech ass d’Lea an engem Doheem grouss ginn, wou Kand ze sinn, funktionéiere bedeit huet.
Vläicht eng Mamm déi iwwerfuerdert war, e Papp deen net wierklech präsent war.
Säin Nervesystem huet deemools geléiert:
„Ech sinn nëmme sécher, wann ech alles am Grëff hunn.“
„Wann ech relaxen, passéiert eppes Schlechtes.“
Dat ass fréi geléiert Iwwerliewensenergie, déi vum Kierper net vergiess gëtt, och wann de Käppi haut weess, dass keng Gefor méi do ass.
⸻
Den FIGHT-State : d’Sich no Kontroll
De meeschten Deel vu sengem Alldag lieft d‘Lea am Fight-Modus.
Hatt kämpft géint Zäit, Onuerdnung, Middegkeet, d’Kanner, säi Mann an eigentlech géint d’Gefill vun Hëlleflosegkeet.
Fight-Energie gëtt vum Kierper produzéiert fir Handlung:
Adrenalin, héije Bols, Spannung am Broschtberäich, Kiefer, Schëlleren.
Hat ass dauernd am Alarm-Zoustand, och wann et roueg ass.
Dofir:
- Explosiounen (wann d’Energie keng Plaz méi huet)
- Kontroll (fir net aus der Balance ze falen)
- Iwwerfunktioun (fir d’Gefill vu Wäert ze halen)
Nom Explodéiere kënnt d’Schold, e Mini-Kollapse.
Duerno setzt hatt sech ënner Drock, nach méi ze maachen.
Et ass en sech selwer verstäerkenden Krees.
⸻
De FREEZE-State : de Schutz virum ze vill Fillen.
Wann d’Energie vum Kampf ze grouss gëtt,
zitt de Kierper d’Handbremse.
Hatt fillt sech da blockéiert, eidel, emotional zou.
Vläicht sëtzt hatt owes um Canapé a scrollt,
mee de Kierper ass eigentlech am Freeze. Energeetesch gelähmt, och wann de Kapp nach schafft.
Dëse Freeze gëtt dacks mat „Erschëpfung“ verwiesselt, mee et ass Schutz, kee Mangel u Wëllenskraaft.
⸻
Mat sengem Mann ginn d’Nervesystemer an ee Spigel
D’Lea ass am Fight,
de Camille am Flight / Freeze.
Dem Lea säin Fight aktivéiert dem Camille säi Freeze,
säi Freeze aktivéiert rëm dem Lea säin Fight.
Hatt spiert säi Réckzuch als Gefor → Fight geet erop.
Hien spiert säi Kampf als Gefor → zitt sech méi zeréck.
Zwee Nervesystemer, déi Sécherheet wëllen,
mee d’Strategië sinn entgéintgesat.
Dofir verléieren si sech, och wann si noenee sichen.
⸻
D’Aarbecht aktivéiert dem Lea seng Kompetenz-Schicht.
Do kann hatt „fonctionéieren“ an de Fight gëtt produktiv ëmgeleet an Adrenalin gëtt gebraucht.
Mee di klengste Kritik triggert de selwechte Kär wéi doheem:
„Ech sinn net genuch.“
Direkt gëtt de System erëm onstabil an hat rutscht an de Fight oder Freeze.
⸻
An senger Mädelsgrupp kann hatt Drock ofloossen,
mee d’Theme bleiwen op engem rengen Entlueden Niveau:
„D’Männer, d’Kanner, d’Aarbecht…“
Dat ass eigentlech eng Form vu sozialer Co-Regulatioun. Si reguléieren sech zesummen duerch Fight-Energie.
Et entlaascht kuerz,
mee et féiert net a Verbindung oder Regulatioun.
⸻
De Wee eraus geet net iwwer méi Effort, mee iwwer méi Sécherheet.
Heelen heescht fir hat net méi schafen, mee d’Kontroll lues ofginn a Vertraue léieren.
Dat geet nëmmen andeems d’Lea rëm méi mat sengem Kierper verbonnen ass a vum Kampf an d’Vertrauen a vum Kontrolléieren an d’Gefill vu Gehale ginn, zréckkomme léiert.
Fazit
D’Lea ass net „schwéier“ oder „onméiglech“.
Hat ass eng Fra,
déi ze laang an engem System vu Verantwortung a Kampf gelieft huet,an elo nëmmen nach esou funktionéiere kann, well säin Kierper soss zesummefale géif.
Ënner sengem Staark si läit ee mëllt, empfindlecht Häerz, dat einfach wëll erliewen:
„Ech muss näischt maachen, fir richteg ze sinn.“
Wéi den Camille sou ‚funktionéiert‘ hun ech gëschter beschriwen. Den Link dohinner setzen ech an d‘Kommentarer 💌
