Association Thérapie Équestre - ATE

08/12/2025

🎁 ATE Adventskalenner – Dag 8

E klenge Wichtel a ganz vill Verantwortung 🐰🐹✨

Eise Wichtel war an der Therapie op Besuch an huet de Kanner gehollef, eis kleng Déieren ze versuergen.

D’Kanner hunn dobäi geléiert, wat et heescht, Verantwortung ze iwwerhuelen:
Wéi wichteg et ass, d’Déieren all Dag gutt ze versuergen, op hir Signaler ze lauschteren an hinnen eng sécher an roueg Ëmgéigend ze bidden.

An de Wichtel?
Hien huet sech mat voller Begeeschterung dru bedeelegt - vun “Schossel wäschen” bis “Hee schleefen” war alles dobäi.
A seng Präsenz huet d’Kanner nach méi motivéiert 🤩

07/12/2025

🎁 ATE Adventskalenner – Dag 7

D’Izzy 🏰🐴💛

Haut dierft d’Izzy d’Dier vum Adventskalenner opmaachen.
Hatt huet den Reider sécher an d’Burg bruecht, roueg a vertrauensvoll, wéi mir et vun him kennen.

Mee wéi et zu engem klenge Schreckmoment komm ass, ass eppes ganz Besonnesches geschitt:
Net nëmmen d’Izzy huet säi Reider ënnerstëtzt – de Reider huet hatt schnell berouegt.

E Momënt, deen weist, wéi staark d’Verbindung tëschent Mënsch a Päerd ka sinn. ✨🤍

No dëser schéiner Zesummenaarbecht huet d’Izzy dem Kleeschen e Wonsch geflüstert:
👉 https://amzn.eu/d/2mMm6vX

06/12/2025

🎁 ATE Adventskalenner – Dag 6

De Pierrot – e sanfte Frënd fir jidderee ❄️🐴💛

Haut dierft de Pierrot d’Dier vum Adventskalenner opmaachen.
Hien ass ee vun deene Päerd, déi mat hirer roueger Ausstrahlung a mat hirer Gedold bal all Kand sech direkt méi sécher fillen léist. Seng Präsenz eleng bréngt Rou – e richtege Schutzengel op véier Been. ✨

An och ob eisem Wanterfest war hie wéi ëmmer: opmierksam, respektvoll a ganz bei sengem Reider.
Fir d’Wanterzäit huet de Pierrot dëst Joer e praktesche Wonsch: 👉 https://amzn.eu/d/80ePYvd

Muere geet eisen Adventskalenner mat engem anere Päerdsfrënd weider. 🎄✨

04/12/2025

🎁 ATE Adventskalenner – Dag 4

E grousse MERCI un Kartesia Philanthropy 💛🎄

Haut gëtt d’Dier vun eisem Adventskalenner net vun engem Päerd opgemaach, mee vun engem riesegen Merci.
E Merci un Kartesia Philanthropy: https://kartesia.com/kartesia-philanthropy/

Si hunn eis net just op eise Fester ënner d’Äerm gegraff, mee si sinn och Gold-Pate vum Monty – an dat bedeit méi wéi Wierder kënnen ausdrécken. 🐴✨

An dëst Joer hu si eis nach eng Kéier immens beréiert:
🎁 E komplett neien Therapiesuedel, mat deem mir vill Kanner, Jugendlecher an Erwuessener nach méi sécher, besser an méi komfortabel begleede kënnen.

D’Solidaritéit an d’Vertrauen, dat Kartesia eis entgéintbréngt, hëlleft eis all Dag, eis Missioun nach méi staark an nohalteg weiderzeféieren. MERCI vu ganzem Häerz! 💛🐴✨

03/12/2025

🎁 ATE Adventskalenner – Dag 3

D’Tinkabell – déi kleng Heldin op der Äisscholl ❄️🐴✨

Haut huet d’Tinkabell bewisen, datt Gréisst näischt mat Courage ze dinn huet.
Do steet hatt – kleng, séiss a voller Glitzer – matten op der Äisscholl, ganz roueg an tapfer, wéi wann dat déi normalst Saach op der Welt wier. 🧚‍♀️💙

D’Kanner hu gestaunt – an d’Tinkabell huet dat Ganzt mat engem “Ech-maachen-dat-jo-all-Dag“-Bléck gemeeschtert. 😄💫

An dofir huet hat e ganz spezifesche Wonsch:
„Fir mäi Mut hätt ech gär e rosa Plüsch-Halfter… esou richteg flauscheg a Prinzessinnen-méisseg.“ 💗🎄

A wann een hir dëse klenge Wonsch erfëlle wëllt:
👉 https://amzn.eu/d/jbtBT8K

02/12/2025

🎁 ATE Adventskalenner – Dag 2

D’Donna – eis schwaarz Queen mat engem gëllene Häerz 🖤👑

Haut dierft D’Donna d’Dier vum Adventskalenner opmaachen!
Hatt ass net nëmmen eis schéin schwaarz “Bomi” am Stall, mee och eng richteg Gentle-Soul: roueg, gedëlleg, empathesch – a mat engem Häerz, dat all Kand direkt beréiert. ✨

Haut huet hat eis bei der Show bewisen, wéi elegant a souverän hatt ass 🥹💫

A wann een der Donna eng kleng Chrëschtdags Freed maache wëllt:
Hatt wünscht sech fir de waarme Summer eng liicht Méckendecken, fir datt hatt och bei héijen Temperaturen entspaant a geschützt bleiwe kann. 🌞🪽💚
👉 https://amzn.eu/d/7NLZGzN

Bleift dobäi – muer geet et mat engem anere Stallheld weider! 🎄🐾

01/12/2025

🎁 ATE Adventskalenner – Dag 1

Den Asti mécht d’Dier op! 🐴🎅

Haut starte mir eisen Adventskalenner — a wien anescht wéi den Asti, eisen islännesche Fluffy, dierft den Ufank maachen?
Haut war hien erëm am Vollgas: verkleet, motivéiert a prett fir all Kaddoen, déi hie fënnt (oder klauen kéint 😄).

A falls een dem Asti eng kleng Chrëschtdags-Freedef maache wëllt: hien hätt immens gär dëst Buckaroo Bosal Set — mega bequem a perfekt fir fein Kommunikatioun. 🎁💚
👉 https://www.profi-tack.de/buckaroo-bosal-set

Bleift dobäi — all Dag bis Chrëschtdag deelen mir kleng Momenter voller Magie, Humor a Léift. ✨🐾

23/11/2025

Soirée du Benevolat 2025 vum Fifty-One International District 104 Luxembourg.

E risege grousse Merci dem Fifty One Luxembourg Distrikt 104 fir dee generéisen Don. Mir sinn immens frou Iech als sou wäertvolle Partner un eiser Säit ze wëssen. Merci fir déi Zesummenaarbecht iwwer Jore schonn. 🍀✊🏻

Dësen Don erméiglecht et ons e ganz spezielle soziale Projet ëmzesetzen a jonk Leit ze ënnerstëtzen op hirem Wee an d'Beruffswelt. 👍🏻

23/11/2025

22/11/2025

21/11/2025

❤️ MERCI! ❤️

Nodeems mir viru kuerzem eise Noutruf gedeelt hunn, ass eppes geschitt, wat eis déif beréiert huet: Dir hutt eis gewisen, datt mir net eleng sinn!

D’Solidaritéit, déi eis entgéintkomm ass, ass immens. Veräiner, Associatiounen, Institutiounen an eng Onmass Privatleit hunn eis mat Spenden, Gesten vun Ënnerstëtzung an Encouragement ënner d’Äerm gegraff. Dat ass fir eis net nëmme finanziell wichteg, mee virun allem e staarkt Zeechen vum Zesummenhalt.

🐴🐾 Dank Iech kënne mir weiderhin Kanner, Jugendlecher an Erwuessener begleeden, hinnen Hoffnung ginn an hinnen e Stéck Freed am Alldag schenken – duerch eis therapeutesch Aktivitéite mat Päerd an Hoftéieren.

❤️ E grousse MERCI un Iech alleguer!
Är séier a generéis Reaktioun weist eis, datt eis Missioun vun enger staarker Gemeinschaft gedroe gëtt.

Et feelt just nach eng kleng Streck, fir 2025 sécher ze iwwerbrécken – mee mat Iech un eiser Säit si mir iwwerzeegt, datt mir och dëse Schratt packen.

Eis Déieren, eis Mataarbechter an all déi, déi op eis Therapie vertrauen, soen Iech vu ganzem Häerz: MERCI ❤️

Mir kämpfen weider – zesumme mat Iech.
Fir datt d’ATE och muer nach eng Plaz bleift, wou Déieren a Mënschen sech begéinen an sech géigesäiteg gutt doen.