Dr.Mariam kabbor

27/03/2022

يومكم قنين ♥️
بنحكيلكم على منتج خرافي والتجربه ليه كانت روعه وملامح الذهول تعلو وجهي😯 بجد نفس هالايموجي..
منتج عالمي ريفوهات عليه برا جدا جميله واول ماسمعت وصل فرحت لاني بنجربه.. 😍
منتج k18 biomimetic hairscince mask🤩
منتج للشعر يحاكي طبيعة الشعره لما تحطيه يتداخل مع بروتين الشعر والروابط الكبريتيه ويعيد بناء البروتين للشعر ويعوض الضرر👌❤️😘

نجو خطوه خطوه عشان عارفتكم تشوقتو 😁

اولا لشن نستخدموه🤔
للشعر المتضرر بسبب المعالجات الكيمائيه زي الفرد والكيراتين والبروتين والبوتوكس.. نعرفو ان هالحاجات تضرر الشعر حتى لو بان في نتيجه في البدايه..🥺
للشعر إلى ديما تستخدميه البيبيليس والاستشوار وللأسف من حيستغنا عنه حتى لو كل فتره بس طبيعي حتستعمليه.. 🥺أو أيضا حابه حمايه حقيقيه من الحراره إلي تتعرضيلها في الاستشوار قبل استعماله..
إلى تحب تصبغ وتميش وتضررت شعرتها ومش قادره توقف صبغات وفي نفس الوقت تبي علاج غير البروتين وغيره🤗 أو تبي تصبغ وتبي حمايه من الصبغه والضرر
لما تنزلي البحر ويتضرر شعرك بالاملاح 🤗
اي ضرر خلا طبيعة شعرك تختلف عما كانت عليه هو حيعيد بناء شعرتك والبروتين بنسبه كبيره 👌❤️

باهي شن هو يادكتوره عباره عن شن🤔
عباره عن ماسك شعر إلى جربته بصوره 5مل فقط وفيه منه 50 مل وبرضو عندهم على هيئة بخاخ..

دكتوره لازم نمشي لصالون أو دكتوره ولا نستخدمه بروحي 🤔
أسهل مافيه استخدامه❤️ اول شي تغسلي شعرك وتنضفيه كويس لو كان في زيوت دايرتلها قبل او حمامات زيت إلى قبل الاستحمام. بعدها ممنوع ماسك أو بلسم للشعر وثقي تمام ان المنتج حيقوم بشغله ويكفي ويوفي😁
بعدين تنشفي شعرك بالفوطه وماتخليشي يقطر لا يعني نشفتي بالفوطه لكن برضو ماجفش 🤗ان شالله نكون وصلت المعلومه😅 وبعدها تحطي كميه متلا إلى استخدمته كمبه 5 مل درت في دي كميه بسيطه متاع واحد مل وفركت يدي وبديت نحط فيه على شعري من لوطه لفوق.. 🤗
هو اقل كميه ملي واحد الي شعر قصير هلبا والي طويل كثيف ممكن اربعه ملي أو أكثر.. يعني عبوه زي هذي تكفيك وزياده. وبرضو صورتلكم الجدول لوطه👇 فيه كل نوع شعر وقداش تحطي منه على شعرك 💆‍♀️..
بعدها انتظري اربع دقايق بعدها إلى بتحطيه ديريه للشعر سيروم أو زيت أو إلى هو نظامك للشعر. بتجففيه أو بتخليه كيف ماهو ينشف عادي وشوفي النتيجه الجميله 😍

انا اول مره استشورت شعري والنتيجه كانت واضحه ان شعرتي أنعم المع وفيه حيويه. وقف الهيشان ومانفشش طول 😘 جميل جدا وعجبتني النتيجه.. تاني استخدام خليت شعري ينشف بروحه وكانت نتيجه جفاف اقل وهيشان اقل وشعرتي بدت صحيه.. وتالت استخدام برضو نشفته بروحه بلا استشوار وكانت نتيجه جميله وتسريحته أسهل و اسرع ورطب وفيه لمعه ❤️
بجد المنتج روعه وحبيته وخلاني نعاود نرجع نحب شعرتي 😍

في الاستخدام يكون تدوشي مرتين بالأسبوع وحتديري اربع مرات إلى ست مرات على حسب تضرر الشعر يعني حاجه اسبوعين او تلاته مده علاج.. 🤗بعدها تقعدي كل أربع غسلات مره تديريه وعادي جدا تكملي عليه حتى فتره طويله أو تكتفي بمده علاجيه فقط..

الحلو فيه ان يحمي من عوامل الضرر ويعالج الضرر والتلف♥️

العمر يادكتوره عادي نديره لبنتي 🤔
اي من تلات سنين فما فوق.. بس الي امها دايرتلها بروتين أو علاجات غلط وتستخدملها في استشوار ديما🤦‍♀️. أما إلي ماتعاني من شي ماتستخدمش لبنتها..

المنتج جميل يستحق التجربه جربوه وقولولي
مش حتندمو 😊وحترجعو تحبو شعركم 🥰

ديرو لايك وتاق لصحباتك باش تفيدو بعض🥰ودمتم بصحة وعافيه

د. مريم كبور طبيبه جلديه وتجميل وليزر👩🏻‍⚕️

27/03/2022

صباحكم حلو ❤️

كريمات السيكا أو الترميم ضرورية جدا تكون موجوده عندك.. هي فكرتها مش بس بعد الجلسه التجميليه🤗.. لا ضروري بعد ضربه الشمس.الجروح. الحروق. ازاله الشعر بالطرق العاديه.. أو تهيج لبشرتك أو تحسس من منتج درتيه كان غلط او ممشاش معاك.. 🥺

بس لاحظت الأغلب يقولولي كريم سيكا ثقيل ونحسه يصكرلي المسام..الي في الصوره من شركة dermacare الفرنسيه🤩👇 جميل جدا cicatreat_zn creamخفيف سريع الامتصاص يهدي ويرطب بسرعه الجلد المتضرر والمتحسس. استخدامه يكون يومي وحتى لفتره عادي.. ترطيب وترميم سيكا بنفس الوقت❤️..

يحتوي على نسبه مدعمه من الزنك وزهرة البابونج والالوفيرا 😘 وغيره من مكونات تهدي البشره وتعالجها ❤️

متنسوش لايك والتعليق والتاق لصديقاتك باش يستفيدو لأن مازال بنزل ريفوهات عن اشياء جربتها وحبيتها 😘♥️👌

د. مريم كبور طبيبه جلديه وتجميل وليزر👩🏻‍⚕️

27/03/2022

يسعد نهاركم😘
جبتلكم منتجات جميله وحابه بجد نحكي عليها..
خاصه بالترطيب ودلع للبشرة🥰

المجموعه المتكاملة من شركة Dermacare الفرنسيه🤩 الي تتكون من غسول للوجه وكريم وجه وكريم جسم.. لترطيب البشرة البشرة الجافه والعادية 🤗💕

1_ hydraliss moistrizing foam cleanser😍
غسول رغوي للبشرة الجافه.. حاجه إبداع في التنظيف والترطيب.. يخلي البشره بعدها مترطببببة مرتاحه منتعشه. نظيفه ومايشحطش الوجه🥺.. جمييييل حبيته❤️ خصوصا الفتره هذي تقلب الجو من البارد للساخن وماتعرفيش شن الغسول ممكن تاخذيه فحلو جدا حتى لكل أنواع البشره😘
وحلو للبنات الي يديرو جلسات أو بشرتهم متحسسه ويبو غسول ينظف لكن مايكونش قوي ولطيف عالبشرة يحافظ على نتايج الجلسات ♥️
ومش بس هكي فكرته حلوه حتى للشباب👨‍🦱 إلى مايحبش الغسولات ويحبو الرغوه وحاجه خفيفه يمشي معاهم هلبا 👌
يحتوي على جلسرين وخلاصة بروتين القمح وفيتامين E

2_ hydraliss moistrizing Light cream😍
كريم لترطيب الوجه احلى مافيه خفيف مايدهنش.. امتصاص سريع ويرطب بشكل جميل.. حلو البنات الي مايبوش كريم للبشرة الجافه يكون ثقيل هذا ليهم..
يحتوي على هايليورينك أسيد إلغني عن التعريف في ترطيب ونضارة البشرة.. والجلسرين وفيتامين E وزهرة البابونج الكام ميل إلى بطبيعتها تهدي البشرة الجافه من تهيجها والقشور الي ممكن تتكون 😊🤗

3_ hydraliss moistrizing body lotion 😍
لوشن ترطيب الجسم أجمل مافيه خفيف جدا ومايدهنش.. هلبا يبو يرطبو الجسم وبشرتهم جافه تقولك يدهن أو نحسه يدير لي طبقه على بشرتي كأنه يصكرها.. لكن هذا لا امتصاص سريع جدا تحطيه يمتص طول وخصوصا توا مع دخول الصيف تبي ترطبي لكن ماتبيش كريم ملمسه ثقيل فهذا الحل👌
يرطب ويحافظ عليها من الجفاف وكميته كبيره 500 مل🤩 حجم عائلي..
يحتوي على زيت اللوز الحلو وعلى الهايليورنيك أسيد والجلسرين وفيتامين E..

سامحوني عالاطاله بس مجموعه جميلة تستحق التجربه وحبيت نفيدكم بتجربتي🥰
ديرو لايك وعلقو باش يستفاد غيركم ويوصل البوست لغيركم وبإذن الله نزل ريفوهات عن منتجات جربتها حبيتها وحابه نفيدكم بيها♥️🤗

د. مريم كبور طبيبه جلديه وتجميل وليزر👩🏻‍⚕️

19/07/2020

السلام عليكم... يسعد مساكم حبوبات🥰.. رجعت بعد طول غياب بسبب الكورونا والوضع وبعض الظروف الصحيه🤗..

بإذن الله حنرجع نستقبل حالاتي من يوم الأربعاء القادم من ساعه 10 صباحا في مركز اوريجنال بجانب جزيره القادسيه..🧡💜
#كل ماتحتاجيه للعنايه والتجميل ببشرتك وشعرك وجسمك مع د. مريم كبور طبيبة امراض الجلدية والتجميل👩‍⚕️
#الحالات إلى كانت تبي تتواصل معاي ارجو إعادة التواصل معاي على الخاص ولأي استفسار نجاوبكم عالخاص 🥰🤗💌

ماتنسوش لايك👍 ومتابعة صفحتي باش يوصلكم اي جديد ونرجعو نحكو مواضيع جديده🤩 تفيدكم جميعا ولأي موضوع حابين نحكيه احكولي في تعليقات.. وحنكون سعيدة ان نجاوب كل استفساراتكم بعالم الجلديه والتجميل ❤️😍

22/04/2020

رمضان كريم😍😍 اللهم بلغنا رمضان لافاقدين ولامفقودين وارفع عنه هذا الوباء والبلاء.. اللهم احفظ أحبتي جميعا 💗

07/04/2020

🌻موضوع جفاف اليدين والتشققات🤚بسبب الكحول🧴 والكلور🧴💔

👈طبعا اغلب الناس حاليا تعاني من جفاف رهيب وتشققات وتجريح في اليدين وحول الأظافر وتكسرهم بسبب استعمال المنظفات والكلور والكحول هالفتره بسبب الوقايه من وباء كورونا🦠..

👈لازم نعرفو أن الكلور الواركينة يسببو بشكل مباشر مشاكل عدة في اليدين من خلال إيذاء طبقة الدهون الطبيعية للجلدية وإخلال توازن الخلايا والتسبب في تهيجها وزيادة عامل الالتهاب.. ولذلك هما لما يؤذو بشرتك مش معناها تخافي وتقولي صارتلي اكزيما.. الاكزيما كلمة كبيره عنوان كبير تحته عدة تصنيفات..

👈حتسألني وحدة كيف يادكتوره قصدك التجريح إلى صارلي هذا اكزيما ولا لا🤔..
الجواب هو أن إلى يصير لو انتي عندك Atopy وجلدك نوع حساس وعنده قابليه هنا ممكن تتحول إلى اكزيما صح.. بس لو اول مره تصير لك وانتي مش Atopic يعني ماعندك القابليه فهنا نيكو إلى صاير عند اغلب الناس هالفتره contact dermatitis.... وهي معناها ان تحسس مؤقت بسبب شي ما مؤذي.. يعني لو تنحا السبب حيكون هذا اول خطوه في العلاج.. بتقولي لي كيف بنبعد عن الواركينا والكحول وتوا تشوفي لازم نحاربو فيروس كورونا.. بنقولك في كم خطوه اتبعيهن..👇

1-لما نغسل الصحون أو الملابس بيدي او اي شي ضروري نلبس قوانتيات.. مش القوانتيات البيض هذو فيهن غبره تتحسس منها اليد وتجففها.. لذلك استعنلي إلى لونهن اصفر أو برتقالي من مواد من ليه وافضلهم إلى مبطنات من الداخل بقطن أيضا في صيدليه أو محلات مواد التنظيف تلقيهن💁‍♀️

2-غسل الواركينا ممنوع الصحون والكووس إلى بتشربو فيها لأن اثرهن يبقا حتى مع الغسل وتفاعل مع المواد الساخنه بالأكل أو مشروبات ساخنه ويسبب سرطانات..وايضا الواركينا بكون استعمالها محدود و هي مش كويسه التنفس ولا حتى لو شمها الأطفال الصغار 😫وأيضا اي واحده عندها اكزيما ممنوع الواركينا حتى انها تشمها وتؤذي جهازها المناعي

3- لازم بعد نغسل ونكمل نرطب.. الترطيب مهم جدا مش علاج بل كحمايه من اكزيما اليدين. وعلاج الحقيقي الاكزيما هو انك ترطبي ديما . نخلي مرطب اليدين والرجلين فم باب الكوزينه مانطلع لين نديره.. وهكي باش نقعد متفكرته🥰.

4-ارجوكن ماتخلطنش الواركينا مع الصالون السايل هذا شي خطير لأنها تؤدي لاكزيما اليدين بشكل مباشر وتجاعيد اليدين وتكسر الأظافر وفطريات اليدين والاصابع.. وايضا في إلى تصيرلها تسمم اختناق من الرائحه لأنها تفاعل بين مواد كيماوية.. لذلك ماتخاطريش بصحتك من أجل تنظيف بلا عقل..🤦‍♀️

5-غسل اليدين من أجل الوقايه يكون بصابون طبي يحتوي على مرطب عشان مانزيدش نهيج البشرة.. 🧼

6- الحجر الصحي هو أهم شي ولما تكوني داخل بيتك ومافيش حد يطلع ويخش هلبا يبقا مافيش داعي للواركينا والكحول. ولما بيطلع زوجك للضروره هو أول مايجي يخلي حذائه برا ويدخل للدوش علي طول وحوايجه في غساله والحاجات إلى جابهم كلهم ينحطن وينغسلن حتى بالمنظفات وصابون الرسايل العادي ونا لابسه قوانتي يحميني من تعامل مع منظفات مباشرة.. والشكاير نلوحهن في كناسه.. ومانزيدوش النظافه عن حدها لأن بجد حيجي يوم وتتعبي وتزهقي 🤷‍♀️

ماهو العلاج 🧐❤️🤗
1️⃣اول شي السبب نحاول مانتعاملش معاه بشكل مباشر..
2️⃣الترطيب هو وقايه وعلاج.. ماركات طبية كلهم عندهم كريمات ترطيب روعه وكريمات ترطيب خاصه باليدين وفيه للقدمين غير يرحم والديك رطبي بدل ماتضري بشرتك هلبا وبعدين تجيني تقولي اريد حلا 😅وأفضل كريمات الترطيب إلى تحتوي على مادة اليوريا إلى هو عامل ترطيب قوي وعنده خصائص ثانيه..وفي حاله جفاف وموقت هذا الحل مش ضروري كريمات كورتيزون
3️⃣احيانا لما يصير تجريح هلبا نضطرو وقتها نعطو كريمات مضاد حيوي والناس الي عندها اكزيما وAtopic نعطوها حاجه بيها كورتيزون بس لازم استشاره الطبيب لأن كورتيزون أنواع هلبا وله طريقته الخاصه وارجوكم ماتخذوش من دون إذن طبيب لأنكم بتضرو أنفسكم..

اتمنى ان يديم الله عليكم الصحه والعافية وأن يجعل بيوتكم نظيفه وعامره بالخير وايديكم وصحتكم معافاه من الأمراض..❤️🧡😍😍واتمنى نكون فدتكم واسفه جدا عالاطاله

د. مريم كبور 👩‍⚕️ طبيبة جلدية وتجميل ❤️

22/03/2020

21/03/2020

مع الحجر الصحي عرفنا حياة امهاتنا كيف كانت❤️..
حياة 15يوم بتجيكم صعبه في حين امهاتنا كانت كامل حياتهم من أجلنا❤️..
كانت امهاتنا تحجر نفسها في بيوتها من أجل توكلنا ودراستنا. راحتنا. ولتسهر على مرضنا وحاجتنا.. تؤجل مشوارها عشان خاطرنا.. كانت حياتهم محجوره بينا. كان كل همها تشوفنا نكبرو ونحن سعداء معافيين في صحتنا❤️..
بينما كان الأم تنتظرنا نكبرو وتشوفنا في مراتب علميه هي اسستها وسهرت عليها حتكون هي كبرت وضحت بالغالي والنفيس من أجل هاللحظه.. كما يقول المثل المغربي مايكبر رأس ت يشيب رأس.. يعني ستراك كبيرا يافعا وقتها سيشيب رأسها وستهرم.. ❤️

عن امي اتحدث .. سهرت من أجلنا وضحت وصبرت وتغربت من وطنها لأجل علمنا وراحتنا.. كنا نحن في غربتها وطن لها.... لم تكتفي امي يوما عن اعطائنا حبها وحنانها ونظرتها التي ادفع عمرا كاملا لاراها مجددا..هي الوحيدة الي تحس بيا متضايقه أو فرحانه من دون مانقوللهم ولا تشوفني رغم بعد المسافات بيناتنا. أمي مثالا للأم العظيمه في تضحيتها وصبرها و تربيتها وتعلمنا تعاليم الدين وتفيهمنا أن الأخلاق هي تاج رؤوسنا قبل علمنا.. والحمدلك يارب ولدتنا ثمانيه كل منا الان في بلد بعيد ويا اما دكاتره أو مهندسين وتفتخر بنا هي وابي العزيز إلى ربنا احسن تربيه...

اليوم مع الحجر الصحي تحققت أمنية العديد من الأمهات بأن نبقى بجانبها وان لا نبتعد كثيرا.. وسنهديها نفس الهدية باجتماع حولها وتقبيل يدها وهي تعطيكم الشاهي والحلوى ورويتكم من حولها تملو عليها فرحتها.. لو تحبوها خليكم جنبها واو تحلو الأب هرم البيت يبقى السند الأول للبيت معاكم خليكم بالبيت.. استرجع الذكريات ونشوفو شن التقصير من ناحية والديكم وسارعو لطلب المغفره منهم❤️

انا اليوم بعيدة عن امي .. اشتقت لكي كثيرا.. اتمنى رؤيتكي😔.. ادفع عمرا كاملا لارجع طفلة بين يديكي.. أحبك يا أمي ياتاج رأسي وربي يحفظك ليا ويطول بعمرك.. ويعطيك الصحة والقوة يانوارة الدار..❤️

وربي يحفظلي بنتي سارة إلى خلتني نكون ام ونجرب احلى شعور.. وستظل بنتي أفضل عطايا ربي❤️....

ربي يحفظ اني وجميع امهاتكم ويرحم إلى ماتو ويلحقكم بهم في جنات الفردوس❤️

20/03/2020

ابقو في منازلكم ارجوكم..🙏

19/03/2020

سبحان الله ...❤️🌸🌺
أظهرت صور نشرتها وكالة ناسا NASA الأمريكية تراجعا حادا في مستويات تلوث الهواء في العالم الحيوانات والطبيعة هي المستفيد الاول من هذا لا تنسى ايضا انها مخلوقات الله عز وجل ...
‏إن الأرض تتنفس الآن بعد ان توقفت المصانع ووسائل النقل وكل تلك الملوثات زاد الأكسجين وقلت الغازات السامة أو انعدمت لا تجزع فهناك الكثير من النعم وراء ما تراه الآن من نقمة ...يقول تعالى: (وَرَحمَتي وَسِعَت كل شيء )
ثق في عظمة الله سوف يتدبر كل شيء

ارجوكم ابقو في منازلكم من أجلنا جميعا 🙏