صيدلية دوائي_نالوت

01/01/2026

اجعلوا دائرتكم القريبة ناس كلها طاقة إيجابية ، انتبهوا من الفئة السامة السلبية المصلحجية 👌
وقدسوا راحتكم النفسية 💚

01/01/2026

صباح الخير 💚

31/12/2025

إن شاء الله تكون سنة خير علينا الكل ، سنة فيه حسنات وإنجازات وهلبا خيرات 🤲💚
إن شاء الله صحة وعافية وكل حاجة باهية ، مستمرين معكم كل سنة بكل مفيد وجديد باذن الله .
شفاءا عاجلا يارب لكل مريض🤲 سلاما لجسد لكل مريض عافية تلبس بدنهم شفاءا غير اجل يارب 🤲💚
دمتم سالمين ☺️
صيدلية دوائي نالوت 💚

31/12/2025

مستمرين باذن الله وبتعاون الكل 💚🤲

ربي يشفي ويعافي كل مريض ولا يحوج مسلم يارب .
عويلة دوائي 💚 عندنا حالة عندها جرعة الاسبوع الجاي وكالعادة نبوا نوقفوا باللي نقدروا عليه مع بعض إن شاء الله لتوفير حق الجرعة ، عليهم ديون من العلاج السابق والي مستمرين عليه والحالة ضروري تاخد الجرعة الاسبوع الجاي .
قيمة الجرعة 7000 دينار .
ف مع بعض نوقفوا مع الحالة وإن شاء الله ربي يسهل وتمشي الامور
وربي يفرجها على كل مريض أورام ويشفيه ويقضي عليهم ديونهم ...

31/12/2025

بما أنه حني في نهاية سنة ، اغلب الناس الي تخدم في التجارة بأنواعها ادير في جرد نهاية السنة ، وفيه هلبا اماكن عندهم دفاتر ديون يبوها على هلبا ناس ، واهني نتكلم على الأساسيات الي وصلت فيهم في ماكلتهم وعلاجهم وسكنهم ، واحني دائرتنا ضيقة وتعرفوا بعضنا ، ف ياريت نهتموا ونسألو وهمي بكل بساطة تمشي وتقول لصاحب التجارة اذا عندك فلان متاكد من حالته المادية وعنده دين ياخد في علاجها ، ياخد في تمونيه الأساسي وإلى آخره من الأمثلة وتصكر دينه ولا تنقص منه ، وربي يعوضك كل خير وجبال حسنات يوم لا ينفع مال ولا بنون .
احني في وقت صعب ، ف تفقدوا إلى تقدروا عليه وساهموا ولو بأقل من البسيط، والأهم أن الله يعلم ويرى وهو القادر .
وربي لا يحوج مسلم 🤲

30/12/2025

ربي يشفي ويعافي كل مريض ولا يحوج مسلم يارب .
عويلة دوائي 💚 عندنا حالة عندها جرعة الاسبوع الجاي وكالعادة نبوا نوقفوا باللي نقدروا عليه مع بعض إن شاء الله لتوفير حق الجرعة ، عليهم ديون من العلاج السابق والي مستمرين عليه والحالة ضروري تاخد الجرعة الاسبوع الجاي .
قيمة الجرعة 7000 دينار .
ف مع بعض نوقفوا مع الحالة وإن شاء الله ربي يسهل وتمشي الامور
وربي يفرجها على كل مريض أورام ويشفيه ويقضي عليهم ديونهم ...

30/12/2025

شوية من جهة السنافر 🤤😍

30/12/2025

🤤💚😍

29/12/2025

الناس الي ماتحبش تبلع حبوب وعندها فوبيا من بلعها ، لكن تبي تاخد كورس علاج لفيتامين د 😁💚
وفرنالكم حبوب فيتامين د نظام الحلوى ونفس الفاعلية خاص بالبالغين وبنكهة جميلة 😋
الحكة فيها 30 حبة بجرعة يومية كورس شهر كامل .
متوفر في ارفف صيدلية دوائي نالوت 💚

26/12/2025

توضيح بسيط 💚
لأولياء الأمور
هلبا أولياء بالاخص في هالفترة بحكم شتي وبردة وهمي ، يعطوا في صغارهم في خافض حرارة ، يمشوا للصيدلية يقولوله نبو شروبو حرارة ولا زرابيط ومرات الزوز . .
شوية معلومات لازم اديروها في بالكم
بالنسبة للجرعة ، تكون حسب ما يحددها الطبيب أو الصيدلي ، يعني موضوع انك تعطي شروبو ساعة 5 لعشية وتجي ساعة 7 تعطي زرابيط لانه الحرارة مانزلتش هذا غلط ولا العكس انت بالطريقة هادي أضر في طفلك مش تعالج فيه ، لانه الزرابيط والشربو نفس التركيبة الاختلاف في التركيز بس ، والكمية الي مسموح بها محددة تجي انت تزيدها تسبب هكي مشاكل ، وبالنسبة لجرعة الباراسيتامول والمعروف بالبنادول سوا زرابيط أو شروبو ديما تكون كل 6 ساعات يعني مش اكثر من 4 مرات في اليوم وضروري ما يكون بين كل مرة اقل شي هاه نقدروا نقولوا 5 ساعات إلى 6 ساعات تمام .
ردو بالكم وافهموا طريقة الاستعمال والوقت والجرعة صح باش تكون فيه اولا استفادة بالإضافة أنه ماتصيرش اي اعراض نحن في غنى عنها . ..
دمتم سالمين ☺️
صيدلية دوائي نالوت

25/12/2025

ماغنيسيوم 💚
من الشركات الممتازة ، صناعة ألمانية بقوة 516 مليجرام في الحبة الواحدة ، للتخفيف من التوتر الزائد والعصبية والتشنجات وما إلى ذلك 👌

25/12/2025

فيتامين د 😍
جرعة 50 الف من فيتامين د مع فيتامين k2 يعني فاعلية أكثر وامتصاص افضل
وشركة إيطالية ذات جودة ممتازة 👌
الكورس يسد 3 شهور 😍