كوفيد_19 فريق الدعم الجنوب الليبي .

21/11/2025

الي وصله المنشور

عدي ربي يرزقك و يفرج همك و يفتحها عليك
و يعطيك ما تتمنى بالخير لك و لغيرك 🤲

نهاركم سعيد وجمعتكم مباركة

20/11/2025

استلمت النظارة وقعدت نشبح في الدنيا HD😄😄
بيت النظارات زبطوا الدنيا هكي ومشكور خونا Aljaer SH على الهدية هذي ونسأل الله ان يعينك..

الدنيا كانت مغبشة والصداع داير عمايل و الحكاية كانت بالتلميس

18/11/2025

♦️ #إصابة قرابة 1000 طالب في #المرج وتعلـيق الدراسة لمدة #يومين♦️

نظرًا لارتفاع #إصابات التهابات الجهاز التنفسي وفق تقارير فريق الرصد والتقصي، تقرر تعطيل #الدراسة يومي الأربعاء والخميس 19 و20 / 11 / 2025 في جميع مدارس بلدية #المرج العامة والخاصة.

🔴الإصابات #المسجلة:
الأحد 16/11: 160 طالبًا و5 معلمين
الاثنين 17/11: 248 طالبًا و11 معلمًا
الثلاثاء 18/11: 578 طالبًا و20 معلمًا
استئناف #الدراسة يوم الأحد 23 / 11 / 2025.

نَسألُ اللهَ #السَّلامةَ لأهلِنا في #المرج، وأن يحفظَ أبناءَنا ويرفعَ عنهم كلَّ بلاءٍ ومكروه.

#المرج #التعليم #ليبيا 🇱🇾

18/11/2025

الله ايبارك

اليوم بدلة العرسان زبون نص يد كامل بالبدلة العربية النص ومعاها طاقية هدية ب 510دينار من محل الشاهين للزي العربي ومكانه داخل سبها مول

وجايبين توب دبل فيس ب 130 دينار
خونا Aljaer SH ما ايقصر مع حد ان شاء الله

خشوا ديروا جولة في الفيديو وشوفوا المحل وعطونا رايكم

اية الرزق ان شاء الله خونا وربي ايعينك

16/11/2025

جيت لمحل "بيت النظارات" اللي في مول سبها أمس، وما كانتش زيارة عادية بكل!
​تحية كبيرة لخوي Aljaer SH قعدنا نديروا في جولة على راحتنا واختارنا النظارة مع بعض، ما تحسش روحك زبون، تحس روحك في محلك والشاب الموجود تعامله الله ايبارك .
​بالفعل... الشغل النظيف باين!
​اللي يبي نظارة تريح العين واتكون ماركة نظيفة ، ما يفوتش المكان هذا!
​شوفوا الفيديو وقولوا شنو رايكم في النظارة اللي اخترتها...

20/10/2025

مداخلتنا صباح اليوم للحديث عن فتح سجل الناخبين في بلدية سبها.

20/10/2025

سجل وما اتفوت الفرصة بيش تختار صح
فرصة للناس يلي ما سجلوا في قوائم الناخبين سبها
المرحلة الحالية تحتاج إلى وعيك ومشاركتك!
توجّه إلى أقرب لجنة لتقديم طلب التسجيل، وخذ معك مستنداتك الأساسية، لأن صوتك ومشاركتك تصنع الفرق 🙌

📍اللجان متوفرة في: غدوة، القرضة، المنشية، حجارة، الجديد.
📞 للاستفسار: الرقم المجاني 1441

كن جزءًا من التغيير الإيجابي…

18/10/2025

10/10/2025

26/09/2025

حكايات المأذون الشرعي من سبها

26/09/2025

المأذون الشرعي من سبها

بحكم انها جمعة ومجموعة عقدوا الاسبوع هذا وروحوا ربي يهنيهم، بتكون لينا هدرزة مطولة مع المأذون الشرعي الشاب عبدالسلام احفاف، بيحكيلنا فيها عن عمله ومواقفه وعقود الزواج وتفاصيل اللحظات هدي وايضا عن حاللت الزواج الثاني وقصص الشهايد الصحية ومواضيع الطلاق اللي بالتراضي وقصص مختلفة.

23/09/2025

لاتقنط ولا تيأس بل استحمد واسعى وارمي حمولك على رب العالمين

الاوضاع الاقتصادية والتعليم

تتعدد شكاوى الكثير من الناس بسبب الاوضاع الاقتصادية التي لم تمكنهم من شراء كل احتياجات العام الدراسي لابناءهم.

لذلك نتمنى ان المدارس والمدرسين يخففوا من الطلبات والاشتراطات على التلاميذ، اللي تقدروا تستغنوا عنه او تخففوه كويس، ماتكثروا اشتراطات الزي والكراسات والالوان والغلافات، حاولوا تعاونوا ع البخت قدر الامكان.

وفي المقابل لازم نربوا اولادنا على القناعة ومانكونوا مستسلمين لكل ما يشتهونه، يعني لو وفرت كراسات كافية، وشنطة حسنة المظهر وزي مناسب، قول الحمدالله وعلم ابنك يقول الحمدالله، وما يقعد يقارن في وضعه بوضع ناس اخرين مرتاحين اكثر.

هو صعب طفل يتفهم هذا الامر لكن مش مستحيل، والكبير هو اللي يساعده ويفهمه ويربيه على الرضا، وهذه هي التربية انك اتعوده على ان تكون عينه مليانه وما يشوف حاجة الغير ويكثر من الحمد والشكر، وعلمه بدل يركز في اللانش بوكس والازياء والالوان والكماليات، علمه يركز في قرايته ويتميز، وعلمه يتميز اكثر بأخلاقه ونظافته وهندامه.

والله توسعت وزاد قرشك وقدرت اتوفر وتاخدله حاجات كماليات بركة، ما حد يحسدك، ولو ما قدرت تتوسع وتوفر الكماليات قول الحمدالله انك قدرت اتوفر الاساسيات اللي غيرك ماهو لاقيهن، وعلم ابنك يستحمد ويرضى ويركز في قرايته، واذا تضايقت وماقدرت حتى اتوفر الاساسيات قول الحمدالله واكثر الدعاء، واسعى في طلب الرزق، وارمي حمولك على الله، واذا توكلت عليه حق توكله فهو لن يخذلك بإذنه ورحمته وتوفيقه.

واذا كنت انت من المستاسعين وامورك طيبة جدا، وجبت الانش بوكس والالوان والازياء والكماليات لابنك، علمه وربيه انه ما يتكبر بيهن على اقرانه، ولا يقعد يعير حد ما جابهن، صح هو صغير ومايعرف بس انت اللي دورك اتوعيه واتربيه واتفهمه وهنا تبان البيتية والخلق الكريم.