30/10/2025
اليوم كانت الحلقة الاخيرة
والنهاية السعيدة العادلة
لبطلتنا الدكتورة الي نزلت قصتها قبل
والرابط بالبوست
جو صغارها ربي يحميهم قالولها ماما قصتك نازلة بالنت !!!
وفعلا كان سبب رجعنا تواصلنا
واليوم كان .
و لغيت عيادتي واي التزام ،وليا شرف الحضور و الفرحة من القلب و شي يدعو للفخر بنوته جميله من بره ومن جوه و علم وادب واخلاق
ربي يهنيها و تفرح بأولاد أودها
ونصيحتي دائما الانسان يخليها على ربي و نيته تكون سليمه و ربي يتقى و يعوض وينصر عباده .
https://www.facebook.com/share/16tt8NgBUh/
بالزمنات كان عندي صديقة
طبيبه مجتهده ومحبه لعائلتها ، وفعلا واقفه لصغارها وحوشها و هما اولوياتها .
قريبتها تقرا بالطب ، تجيها للبيت تقري فيها وتساعد فيها ان كملت مشوار دراستها .
تعامل فيها زي بنتها .او اختها الصغيره .
ولما تخرجت قريبتها تبي صيدلية تدرب فاها ، وكانت صديقتي زوجها دكتور صيدلة وفاتح صيدلية خاصه ليه .
بالطبيعي قالت لزوجها بش تدرب بصيدليته .
لهني كل شي عادي جدا .
الي ان جي اليوم الي طقطق عليها الباب ، ومشت فتحاته ، لقت راجل يشبحلها ومصدوم ، قالتله تفضل ، قاللها انتي تفضلي !!
قاللها شريت الحوش هذا ، و جاي لحوشي !
هنا لفت بيها الدنيا والي صار ان زوجها باع الحوش وصغاره و زوجته فيه ، وتزوج المتدربه الي وصاته عليها مرته .
وهرب سافر !!! شفت مقطتفات من هذه الشخصية ، ذكرتني بالي حصل لصديقتي .
لذالك لما ربي حرم الاختلاط و الحمو الموت لمصلحتنا .
مع تحفظي لتفاصيل المسلسل المبالغ فيها كانا مش مسلمين ومش هكي حياشنا الليبيه ، بس البنت الي فيه ، موجوده بكل مكان ، الي عينها فارغه وتحب الي في يد غيرها ومعندهاش القناعه والصبر و لا عندها التقدير والامتنان للناس الكويسه معاها تحسه واجبهم وحقها .
ولو تبو تكملت قصة صديقتي نكملهالكم بالتعليقات .
تعديل القصة بالتعليقات كاملة
