04/12/2025
☕🔴 القهوة و الحديد…
معركة كل وقت اللي محد دار باله عليها!
يا بنات…
عمركم حسّيتو تاخدو في الحديد شهرين ومفيش فايدة؟
الهيموجلوبين واقف… والتعب هو هو؟
السر بسيط… قهوتك هي العدو اللطيف!
القهوة تعطي للحديد “بلوك” محترم…
يعني جسمك ينقز الحديد ويقول: معليش ما نقدرش نمصّه!
✨ كيف نديروها صح بدون ما نحرم روحنا من القهوة؟
1️⃣ أول قاعدة ذهبية:
خلي بين القهوة ودواء الحديد ساعتين كاملات… قبل أو بعد.
باش جسمك ياخذ فرصته.
2️⃣ نقطة قوة:
خذي الحديد مع عصير برتقال أو على معدة فاضية…
يعطي امتصاص أعلى 100 مرة من القهوة.
لو تبي نتيجة حقيقية:
الاستمرار أهم من كل شي.
الحديد علاجه يبّي صبر… مش أسبوع وخلاص.
