23/04/2023
المفروض من بداية العام تقرا مش جاي في النص وتبي دير روحك شاطر....😏
هذا مفروض درته لما كنت صغير في العمر مش توا ولادك طولك وتبي......😒
هذا وصل لهنا لان بوه دعمه ..جده مخليله ورث ..أنت شن عندك باش تولي زيه🙄
صغارك كبرو معاش ينفع معاهم شئ تو جاي بدير روحك بتربيهم🤨
بدير روحك شيخ !!!وانت ..وانت..وانت.......
اغلبنا نسمعو في الجمل هادي في الوقت اللي نحاولوا فيه ان نتحركو من مكانا ونحسنوا من روحنا
وفي اغلب الاحيان الكلام هذا يأثر فينا هلبا ويخلينا نتراجعوا على الخطوة اللي كنا بنقوموا بيها😔
في ناس تمر بمواقف تفيقها وتخليها تقاوم كلام الناس وتلوحه ورا ظهرها و طور من نفسها وتتحسن ...
في ناس يمروا بيهم اشخاص يأترو فيهم ويخلوهم يبو يكونو احسن ...
و ممكن تكون عندك النيه للشئ هذا ومش عارف كيف تبداء
عندك العزم والطموح بس مزال مالقيتش راس الخيط اللي تبدا منه
هنا تلقى الدعم والافكار اللي ممكن تلهمك، الناس اللي مرو بنفس حالتك وهما توا وصلوا للنجاح والهدف اللي يبوه.
لو عندك النيه مجرد النيه فقط لتحسين من نفسك وتطوير روحك تابع نقدرها ..
