د مروة الصيد

04/12/2025

الو ،،،، إنتي في #الحوش ؟؟
لا برا 👀👀

لما تروحي قوليلي،،،
حاضر🌹
،،،،،،،،،،،،،،،،،،،،،،،،

ألو ،،،،روحتي؟

يس🧐

أفتحي الباب هي😁😁

وتوصلني #هدية عبارة عن #ذوق رفيع و #حب صادق😍😍
من حالة كانت قريبة جداً #للقلب 🌹🌹

#شكراً من القلب لتقديرك وإمتنانـك ،،، بجد #إحساسك وصلني وإنك أصريتي توصلني اليوم هذا شيء لا يقدر بثمن عندي 🩷🩷


وتوليد

03/12/2025

حتـي لو تشخصتي #بأن رحمك فيه #عــيب خلقي ،،،،

هــذا لا يعنــي إطــلاقاً #إنــك مش حتحملي 🫄🏻

سواء كان ذو القرنين أو أحــادي القرن 👌

كلها #عيوب خلقية عـــادي حداً #تحمــلي بيها،،،،،

أهم شيء #التشخيــص يكون #دقيـق 👌👌

وفي عيـوب تبي تـدخل #بالمنظـار زي النسـاء اللي عندهم
حـاجز في الرحم💯

عـادة يتم إزالة الحـاجز ب #منظـار الرحمي 👌👌

لما المشكلة تكـون واضحة والتشخيـص دقـيق
الحـــل والعـلاج ما يختلفش عليه حد✅

هل نلقي وحدة نقاللها أثنـاء #القيصرية أو ف #صورة ملونة رحمك ذو القرنين؟؟


نســاءوتوليد

02/12/2025

02/12/2025

مش جــايا #نقوللكم راهو في #طب في ليبيــا 🤌🏻🤌🏻

لالا مش هـذا موضــوعي بكل😎

بس لما #تتشخصـي في بلادك من #أكثــر من طبيب وطبيبة
والكل #يتفـق علي نفـس #التشخيص ونفس العلاج 👌👌

وتختــاري تسافر للعلاج ،،، وطبعــا من حقك✅

مش معقـولة #تحطي ثقتك في أول #طبيب يقابلك 😩
وتمشي علي كلامه من غير ما حتي تشوفي كذا رأي🧐🧐

ولأني كنت أحد #الأطباء اللي شخصوها وكنت واثقة من طريقة العلاج وفعاليته

#وجعني قلبي عللي صار للمريـضة🥺🥺

شخصناها إنه في كيس كلير جدا #علمبيض،،، بس كل المعطيات تقــول إنه #حميـدي✅

وقلتلها الموضوع #ينحـل بمنظار وطبعا الكيس حنبعتوه للتحليل👌

ولأنهــا صغيرة في #العمر،،،،قرار إستئصال #المبيض غيــر #متاح❎

سافرت ( مش حنقول وين)
# وللأسف دارت عملية فتح وحولو المبيض
والعينة طلع الكيس حميدي 💯

يعني المريضة خسـرت #مبيض ،،،، واللي صار معاش #يتصلح ❎

قبل كل شـيء نصيبـها،،،،

بس في أمـور #طبية تحتاج إنك تاخدي أكثر من #رأي👌👌
مش كان #سافرتي برا معناها بتعطي الثقة لكل حد❎

#الكويس والمش كويس في كل مكان،،،،،،،

مستحيل ننسى كمية #الإحباط والزعل لما جتني وجابتلي نتيجة العينة
وبصـراحة منلومهاش🥲

القصة صارت من ثلاتة سنوات،،،،،،،،، وهيا جتني اليوم ف #العيادة وطبعا طول إتذكرتها🥺
وهيا طلبت اني #نحكي قصتها،،،،، #للعبـرة

الحالة ربي اكرمها وتزوجت وجابت تلات صغار

ومع هذا قتلي ماقدرتش #نفرح بعرسي
ولا قدرت #نتخطى
الخـوف من إني ما نوليش #أم🫄🏻

متخيليـين كمية الخوف اللي عشاته المريضة🥺؟؟

01/12/2025

لا تصغر #أهــدافك بل ضـاعف مجهــودك

صباح النجــاحات و #التميـــز

🌸🌸🌸

#الأخصــائية __ مــروةالصيد
#تخصـص __نســـاء وتوليد

28/11/2025

#ضـــروري تتقبلو المــوضوع

لو #إنقالك الكــلام هـذا #ما عندكش حــل تاني #للأسـف

لو تأخرتي في #الحمل 🥺
وكل #الصور والتحاليل ليك ولزوجك تقول إنه
مــافيـــش أي #مشكلة ✅

#تقبلوووو الوضع 👌

راهو في حاجة ف #العلم إسمها

#تأخـر حمل غيــر معروف السـبب💯

كل شيء #كويس ،،،،كله #تمـاام ومع هذا ما صـارش حمل 😩

مشيتي لكذا #طبيب ونفس الشيء
سـافرتي ونفس الكلام👌

تقبلي الموضوع
وغـــالباً إنتـي #حتحملي من غيـر تدخـل طبي💉💊

لــو إنتي من النـاس هذه عندك حلين👌👌

تعطي #لنفسك فرصة يعني #تصبري من غير أي تدخل طبي
والحل هذا تختـاريه لو عمرك صغـير ومافيش عليك ضغوغات أو إنتـي وزوجك مش مستعجلين ع موضوع الصـغار👶🏻👶

الحـل الثاني
زرع أو تلقيح صناعي 💯

لازم تعـرفو علي قد ما #العـلم إطور مـزال ف #مشـاكل طبية لــم يعــرف سببها💯

26/11/2025

ما #توقعتش إختيــار الاسماء #للتـوأم يكون مميز وجميل هكي😍😍

إبـراهيــم ،،،،،،تــالين

أول حمل لـيها وكان توأم

قولولي لو ربي أعطاكم #توأم بنت وولد زي #حالتي

شن حـابين يكونو #أسمائهم👶🏻🧑🏻

26/11/2025

25/11/2025

🩷🩷🩷🩷

22/11/2025

لا أعتقد في حد # حيشرح الموضوع بطريقة #مبسطة زيني😉

ياااااعزيــزتي لما تكــون فصيلتك #سـالبة وزوجـك فصيلته #موجبة
ضروري ولازم ولااااااابــد ما تضـربي ،،،،،

#إبـــرة الفصيلة 💯

لان لو # ماضربتيهاش🥺
كل ما #تحملي #والبيبي ياخذ فصيلة بوه #جسـمك حيحارب البيبي
وحيتعامل معـاه إنه جسـم غريب🫣

والبيبي حتصيره مشاكل ومش #حيكمل👌👌👌

إيه إيه زي ما قتلك💯

فإسمعــي كلامـي🙃
وبعد كل ولااااادة أضربي #إبـرة الفصيلة وإحمي #صغارك اللي ناوي تجيبيهم في المستقبل😜

جمـاعة زوجي #قرة عيني 🌝فصيلته #ســالبة وأني #موجبة نضربها وإلا لا

بنعطيكم #بلـوك لو سألتو السؤال هذا 😁😁

21/11/2025

وتأتيـك مثل هذا #الكلمات 🥺🥺 لتصنع في #قلبك سعادة لا مثيل لها🌸

شكراااااا من القلب