Cabinet du Dr Yechhab Abdelilah

04/08/2020

23/05/2020

بمناسبة حلول عيد الفطر السعيد يطيب لي أن أرفع إليكم ولاسرتكم الكريمة أسمى آيات التبريكات والتهاني سائلا الله عز وجل لكم ولذويكم الصحة والعافية و طول العمر إن شاء الله. مع خالص تحياتي وتقديري.

24/04/2020

رمضان مبارك وكل عام وانتم بخير

23/04/2020

أتقدم بالشكر والتقدير للجمعية المغربية للشباب المبادر للتنمية، على مجهوداتها لتوفير المسكن و المأكل لفائدة الأشخاص بدون مأوى بمدينة بوزنيقة، كما اشكرهم على دعوتي كإطار صحي لمعاينة الأفراد الذين يعانون من أعراض مرضية.
مبادرة تستحق التشجيع و الاحترام، و مثال يجب الاقتداء به.

19/03/2020

.
.
.

12/03/2020

اليوم منظمة الصحة العالمية علنات رسميا وباء كورونا كجائحة، بمعنى أن المرض لم يعد محددا جغرافيا بمكان معين (الصين)، ولكن ولاو بزاف د بؤر انتشار المرض بشكل يصعب السيطرة عليه.
وباء كورونا جا فواحد الوقت لي طغات فيه وسائل التواصل الاجتماعي، الشيئ لي خلا الإشاعات حول المرض تنتشر كثر من الحقائق، مع شوية ديال الاستهتار وكثير من السخرية.
السؤال المهم دابا، واش كورونا مرض خطير ولالا، الجواب آه و لا، خطير حيت هو مرض كاينتاشر بسرعة كبيرة، وكايأثر على كبار السن والمرضى المصابين بأمراض مزمنة كالسكري والقلب وقصور الكلى والسرطان والمشاكل التنفسية ووو، وغير خطير على الأطفال والشباب عموما.
شنو لمعمول دابا ، أولا الهلع ماشي حل، من بين أسباب انتشار المرض فالصين أول الأمر أن الناس تكبو على المستعجلات بشكل خلاهم يتعاداو فالسبيطار، كل من شك في كونه مريض يتواصل مع المصالح المعنية ويلا كانت الحالة ديالو تستدعي رآه المصالح المعنية كاتجي تالعندو وتدير ليه التحاليل.
ثانيا ، هادوك لي شراو سطوك ديال الكمامات رآه مغاتنفعكم بوالو، البافيط نوع ffp2 صلاحيتها 4 سوايع فقط وخاصها تدار مزيان ، بالعكس تقدر تعاديك يلا كل خمسة دقايق قصتيها بيديك باش تصايبها. أما البافيط العادية رآه تستعمل من طرف المريض لحماية المحيطين به وليس العكس.
ثالثا، نقصوا من كثرة السلام باليد والوجه، ونتعودو نغسلوا يدينا كل ساعة بالماء والصابون، نقللوا من الزيارات للمستشفيات و الأماكن المكتظة والمغموقة، واللي مريض من الأحسن مايتحكش بالمحيط ديالو تا يتأكد انو ماشي مصاب بالفيروس.
رابعا، المرض فعلا خطير، خطير على النظام الصحي خاصة، وخا 3٪هي نسبة الوفيات حاليا، ولكن بالمقارنة مع عدد المرضى وإمكانيات المستشفيات رآها بزاف، نسبة الحالات الحرجة كاتوصل ل20٪ ،هاد الحالات خاصهم عناية مركزة ويقدروا يحتاج تنفس اصطناعي، و تا دولة من الصين تال أمريكا ماعندها الإمكانية تكفل بهاد العدد، زد عليها ان هادشي كايكون على حساب الحالات المصابة بأمراض أخرى ولي تقدر تتأجل عملياتها، داكشي علاش الوقاية خير من العلاج، نقصوا من الذهاب للمستشفيات بدون داع، يمشيو قشلة مع المريض للمستعجلات بولادهم، يزوروه بالافواج ،أصلا المريض خاصوا الراحة باش يتصنت لعظاموا.
خامسا، المرض اعراضو بحال الأنفلونزا ، سخانة و تسخسيخة وعطيس وحريق فالمفاصل و بعض المرات دياري، العلاج ديالو فالغالب بمخفضات الحرارة ومضادات الفيروسات و بعض المرات مضادات حيوية يلا كان هناك تعفن ثانوي، والحالات الحرجة تحتاج الأكسجين او تنفس اصطناعي، يعني لا قدر الله وصل المرض فالغالب غي دوليبران غاتقدي الغرض، الناس الكبار فالسن ولي عندهم أمراض مزمنة هوما لي غايحتاجو عناية خاصة
سادسا، التغذية المتوازنة الغنية بالفيتامينات (vit C و D) الرياضة كاتساعد على تقوية المناعة والحماية من الفيروس، رآه كثر من مية وعشرين الف حاجة تعلنات و لكن الأكيد حالات اكثر تصابت وتعالجت كأنها انفلونزا لان مناعة اصحابها كانت مزيانة
فالاخير، هادا ماشي هو أول وباء فالقرن 21، دوزنا قبلو انفلونزا الخنازير والطيور، والحمد لله النتائج مكانتش بديك الحدة، وإنشاء الله تاهاد الأزمة غاتدوز، الخبر الزوين ان الصين قربات تتغلب على الكورونا بفضل حزم وانضباط الصينيين، وبزاف دالابحاث فالطريق لاكتشاف لقاح للمرض. نسأل الله السلامة.
Dr mohamed afifi
منقول

11/02/2020

جسم الإنسان كما لم ترون من قبل 😲 (سبحان الله )