OMSI

04/02/2026

Salama tompoko❗️
👉👉 04 Febroary 2026 : andro maneran-tany hiadivana amin’ny homamiadana.
💥 “Mitambatra amin’ny maha-tokana”. Io no loha-hevitra nosafidina nanamarihana ny andro iraisam-pirenena natokana ho amin'ny fisorohana, fitiliana, ady amin'ny fanilikilihana ary fitsaboana ny homamiadana tamin’ity taona 2026 ity.
💥 Manasongadina ny anjara-asa lehibe amin'ny fikarakarana manokana, mifantoka amin'ny marary amin'ny ady amin'ny homamiadana izy io, nohon’ny maha-zava-dehibe ny fampifanarahana ny fitsaboana homamiadana amin'ny filan'ny tsirairay.
💥Hoy Dr. Gupta, manam-pahaizana manokana mahakasika ny homamiadana : Tsy misy olona tokony hofaty nohon’ny homamiadana afa-tsy ny fivarotan-tena, izany hoe fanaovana tsisontsinona ny fanaraha-maso io toe-pahasalamana sy io toe-batana io. Efa fanatra ny fisorohana izany, ary arahana antsakany sy an-davany fotsiny ny fitsaboana dien’ny vao manomboka ny soritr’aretina.
⚠️ Ataovy sakaiza mahatoky hatrany ny fanatonana Dokotera tahaka ny aty amin’ny OMSI, isaky ny mahatsapa fiovana amin’ny toe-pahasalamanao ianao.
🙏🙏🙏 Misaotra tompoko❗️

03/02/2026

Salama tompoko❗️
👉👉 Ndao hiresaka « Césarienne » isika anio.
♨️ Antony maro no tsy maintsy hirosoana amin’ny fandidiana fampiterahana na « Césarienne ». Misy ireo voajanahary sy safidin’ny Reny manokana nohon’ny toe-batany sy ny toe-pahasalamany, eo koa ireo tranga tampoka miseho am-piterahana ka tsy hahafahana mamoaka ny zaza avy any ambany intsony. Hisorohana ny fahasarotan’ny fiterahana sy ny fahafatesan’ny Reny sy/ na ny Zaza ny « Césarienne » raha voamarina fa ilaina izany.
♨️ Manaraha foana ny toromaika avy amin’ny Dokotera sy Rasazy izay manara-maso anao sy ny zaza ao an-kibonao, raha mitondra vohoka mba hialana amin’ny fahasarotana.
♨️ Ampahatsiahiviko eto ary fa raha tojo tranga tsy maintsy hanaovana « césarienne » ianao dia manana BLOC OPERATOIRE afaka hanaovana izany isika ato amin’ny OMSI ka aza misalasala manatona.
⚠️ Tsara kokoa raha tonga dia manatona « Maternité » ato amin’ny OMSI, ianao no miteraka, mba tsy hampisy ny elanelana sy olana amin’ny fanenjehana fotoana, raha tojo ny tampoka.
🙏🙏🙏Misaotra tompoko❗️

02/02/2026

Salama tompoko❗️
👉👉 Fantatrao ve fa efa misy sampana « Maternité » ao amin’ny OMSI Annexe Foulpointe❓
❇️ Efa nanomboka hatramin’ny fisokafan’ity OMSI ANNEXE Foulpointe ity tamin’ny volana Martsa 2024 iny no nisokatra ny « service Maternité » ary afaka mandray Reny te –hiteraka ao, na efa mpikambana izany na mbola tsy mpikambana.
❇️ Efa manara-maso ny fahasalaman’ny Reny mitondra vohoka ihany koa io sampana « Maternité » amin’ny OMSI ANNEXE Foulpointe io, izany hoe fanomezana fiofanana amin’ny tokony atao sy ny tsy tokony atao raha mitondra vohoka, fanaraha-maso ny fitondrana vohoka, fisafoana kibo, fampiterahana, ary fanaraha-maso ny fahasalaman’ny Reny sy ny Zaza aorian’ny fiterahana.
❇️ Misy Rasazy efa manana traikefa mahakasika izanyao izay efa miandry anao ao isan’andro na antoandro io na alina, ka aza misalasala fa aleo arahi-maso amin’ny toerana azo antoka ny toe-pahasalaman’ny Reny mitondra vohoka mba hisorohana ny mety ho fahasarotana eo am-piterahana.
⚠️ Eo amin’ny parcelle N°2 no misy ny OMSI ANNEXE Foulpointe, 38 m avy eo amin’ny goudron miditra lalam-pasika. Azo atao ihany koa miantso ny Tél : 038 16 320 46, raha mila fanampim-panazavana ianao.
🙏🙏🙏 Misaotra tompoko❗️

30/01/2026

Salama tompoko❗️
👉👉 Vandredi joli : ndao hiresaka anio ilay sakafo matsiro atao hoe « CROQUETTE POULET » sy ny tombony ara-pahasalamana azo avy amin’ny fihinanana azy.
🟢 Betsaka tokoa ny tombontsoa azo avy amin’izy ity, ka anisan’izany ireto :
☑️ Manankarena proteinina
☑️ « selenium » miasa ho « antioxidants » sy fihazonana ny tonon-taolana.ary Misoroka ny fahaverezan'ny taolana
☑️ mahasalama ny fo
☑️ feno phosphore, izay loharanon'ny fahasalaman’ny nify sy ny ati-bava
☑️ Azahoana sy « potassium »
☑️ mandrisika ny « métabolisme »
☑️ Manankarena niacine
☑️ mampiroborobo ny fahasalaman'ny maso
☑️ ilaina amin'ny fitomboan'ny sela.
☑️ Misy zinc izay manampy amin'ny fampandehanana tsara ny hery fiarovana.
🟢 NDAO ARY HANAMBOATRA :
➡️ Zavatra ilaina : Fen’akoho ,Menaka, sauce soja, Carry, Poivre, Tongolo gasy efa potipotika, Sakamalao efa voatoto, chapelure, Atody, Sira.
➡️ Fomba fikarakarana azy :
Endahana ny nofon’ilay fen’akoho mba hiala amin’ny taolany. Azonao endahana ihany koa ny hodiny raha izany no tianao.
➡️ Raha vita izany dia atao amin’izay ny sauce ka asiana Carry, Tongolo gasy efa potipotika, Poivre, sakamalao efa voatoto, sauce soja, sira.
➡️ Afangaro tsara anaty koveta kely izy ireo mba hahazo tsiro amin’ilay andrasanao, ary avy eo dia avela hilona mandritran’ny 5 minitra, alohan’ny hanendasana azy.
➡️ Kapohana indray ny atody, ka asiana sira kely, ary tsy afangarongaro elabe.
➡️ Alaina avy eo ny « Farine » ka arotsaka ao anatin’ilay koveta kely misy ny « croquette » izay efa avy navela 5 minitra teo, ary afangarongaro tsara, izay vao raisina atao boribory haka endrika fen’akoho.
➡️ Rehefa vita izay dia atsofoka anaty « bol » misy ilay atody efa nomanina teo izy, izay vao
atao anaty « chapelure ».
➡️ Hafanaina ny menaka, ka rehefa mafana tsara dia arotsaka ao amin’izay. Rehefa voarotsaka ilay izy dia ahena ho somary malefadefaka ny afo, amin’izay mba hahamasaka tsara azy.
➡️ Atao anaty « assiette » izy avy eo rehefa masaka. Mazotoa homana, ary raiso ny tombony ara-pahasalamana avy amin’ny fihinanana azy.
🙏🙏🙏Misaotra tompoko❗️

30/01/2026

♻️ Ireto ireo "Pharmacies de garde " eto Toamasina, manomboka ny Sabotsy, faha-31 Janoary 2026 @ 12 ora antoandro, ka hatramin'ny Sabotsy, faha-07 Febroary 2026 @ 12 ora antoandro.
♻️ Misy peta-drindrina mampahafantatra izany ihany koa eo akaikin'ny varavarana faha-33, "service URGENCE" OMSI.
👉👉👉 Maniry anao ho tomady hatrany

28/01/2026

Salama tompoko❗️
👉👉 Resahantsika anio ny « Fampinonoana amin’ny ampahany na mifangaro » (Allaitement partiel ou mixte).
🔹Mampinono amin’ny ampahany na mifangaro no hilazana ny Reny mampifangaro ny fanomezany biberao amin’ny fampinonoany ny zanany.
🔹Mety hisafidy ny fampinonoana amin'ny ampahany ny vehivavy iray noho ny antony maro sy mandritra ny fotoana samihafa.
🔹Toy izao àry ny tokony hanaovana azy :
➡️Omeo ilay nonon-dReny voalohany aloha ny zaza, izay vao hatomboka amin’ny fampinonoana mifangaro amin'ny fanomezana biberao in-dray isan'andro.
➡️Mba hahaizany mitsentsitra tsara sy tsy handaozany ny nonon-dReniny dia omeo azy mitovy amin'ny fomba fanomezana sy fipetraky ny biberao ny nono, ary ezahana hatrany ny tsy hampatsatso io nonon-Reny io.
➡️Raha mbola azo atao dia aleo omena nonon-dReny tsy misy fangarony ny zaza latsaky ny faha-enim-bolany, ary aza atao ambanin-javatra ny manome nono voalohany azy fa miantoka ny fahasalamany sy ny fitomboany izany.
⚠️ Ireo Rasazy marobe aty amin’ny OMSI, rahateo moa dia tsy mitsahatra ny manome torohevitra, ary manao fampianarana maimaim-poana ireo Reny mitondra vohoka isaky ny zoma hariva, ka aza misalasala manatona aty amin’ny OMSI.
🙏🙏🙏Misaotra tompoko❗️

27/01/2026

Salama tompoko❗️
👉 Ndao resahana anio indray ny fifindran'ny MPOX miainga amin'ny Olom-belona mankany @ olom-belona.
🔅 Avy amin’ny fifampikasohana,
🔅 Avy amin’ny fifanorohana,
🔅 Avy amin'ny Firaisana ara-nofo,
🔅 Avy amin'ny piti-drora,
🔅 Avy amin'ny fikasihana fitaovana nokasihan'ny marary,
🔅 Avy amin'ny Vehivavy bevohoka, mamindra @ zaza ao am-bohoka.
⚠️ Hajao àry ny fepetra sakana rehetra, tahaka ny nataontsika niaro ny COVID-19, mba hisorohana izany.
🙏🙏🙏 Misaotra tompoko ❗️

26/01/2026

♻️ Ireto ireo "Pharmacies de garde " eto Toamasina, manomboka ny Sabotsy, faha-24 Janoary 2026 @ 12 ora antoandro, ka hatramin'ny Sabotsy, faha-31 Janoary 2026 @ 12 ora antoandro.
♻️ Misy peta-drindrina mampahafantatra izany ihany koa eo akaikin'ny varavarana faha-33, "service URGENCE" OMSI.
👉👉👉 Maniry anao ho tomady hatrany.

26/01/2026

Salama tompoko❗️
👉👉 Ndao haverina resahana mba hampazava tsara azy ity.
⭕️ Tsara ho fantatra fa, tsy voatery mpiasa birao ihany vao afaka miditra ho mpikambana ato amin’ny OMSI Toamasina sy ao amin’ny « OMSI Annexe Foulpointe », fa ny mpiasan’ny Orin’asa tsy miankina rehetra tsy ankanavaka dia afaka miditra ho mpikambana avokoa. Aza misalasala intsony ary ianao, na mpanao Hotely, na mpiantsehatra amina trano fandraisam-bahiny, na mpiasa anivon’ny Sekoly. Raha fintinina dia ny mpandraharaha rehetra no afaka miditra sy mampiditra ny mpiasa ao aminy hikambana, mba hahafahan’izy ireo misitraka ny fiahiana ara-pahasalamana ato amin’ny OMSI Toamasona sy « OMSI ANNEXE FOULPOINTE ».
⭕️ Azo atao tsara ny manatona ao amin’ny « OMSI ANNEXE FOULPOINTE », parcelle 2, ankaiky épicerie-n’ny Dadan'i Sanda, mitsofoka kely miantsinanana, 45 metatra eo ho eo,na miantso ny laharana : 038 39 971 47 / 038 16 320 46 raha hiditra ho mpikambana, na koa mila fanampim-panazavana.
⚠️ Sitraho ary ny zo-nao mpiasa, fa tombontsoa lehibe ho an’ny fampandehanana ny asa sy ny fianakaviana izany.
🙏🙏🙏 Misaotra tompoko❗️

22/01/2026

Salama tompoko !
Manana ireo fitaovana raitra fitiliana ny areti-maso rehetra isika, ao amin’ny « Service Ophtalmologie » -n’ny OMSI Toamasina.
Tombony ho anstika rehetra mponina eto Toamasina sy ny manodidina izany na efa mpikambana na mbola tsy mpikambana amin’ny OMSI, satria afaka misitraka izany avokoa ny rehetra, rehefa avy hamarinin’ireo Dokotera mpitsabo amin’ny ankapobeny (Médecin Généraliste) ny tokony hanaovana fizahana ny maso ao amin’ny sampana misahana izany (service Ophtalmologie).
Afaka misitraka fitsaboana maso amin’ny « service Ophtalmologie » mitovy amin’ny mpikambana aty Toamasina ihany koa ireo mpikambana ao amin’ny OMSI ANNEXE Foulpointe, raha misy ny ilana izany.
Manana tombony lehibe ihany koa isika satria efa manana toeram-pandidiana (Bloc Opératoire), sy Dokotera mpandidy maso, ato anatin’ny OMSI Toamasina.
Karakarao ary ny masonao, ary aza avela efa mihombo ny aretina vao manatona Dokotera mba tsy hampananosarotra ny fitsaboana azy.
Misaotra tompoko !

21/01/2026

Salama tompoko❗️
👉 Fantatrao ve ny fomba fifindran’ny NENDRAN-DRAJAKO NA MPOX amin'ny olom-belona ?
❌ Misy karazany roa(02) ny fomba fifindran’ny MPOX :
🔅 Avy amin’ny Biby mankany amin’ny Olom-belona,
🔅 Avy amin’ny Olona mankany amin’ny Olona.
⚠️ Hajao àry ny fepetra sakana rehetra, tahaka ny nataontsika niaro ny COVID-19, mba hisorohana izany.
🙏🙏🙏 Misaotra tompoko ❗️

19/01/2026