Висока медицинска школа

15/11/2025

Денес се одржа UKLO Annual International Scientific Conference – AISC 2025 во организација на Универзитет „Св. Климент Охридски“ – Битола, на тема Мултидисциплинарен пристап кон целите за одржлив развој.
На конференцијата пред. м-р Денис Арсовски го презентираше научниот труд Мултидимензионален модел за психомоторна рехабилитација и инклузивно образование кај деца со церебрална парализа изработен во коавторство со проф. д-р Наташа Чичевска Јованова, проф. д-р Горан Ајдински и м-р Габриел Живковиќ.
Проф. д-р Викторија Продановска-Стојчевска учествуваше со сопствен научен труд на тема Корелација помеѓу функционалната способност и ризикот од паѓање кај институционализирани стари лица изработен во коавторство со проф. д-р Тања Јовановска, проф. д-р Изабела Филов, пред. м-р Денис Арсовски, пред. д-р Анѓелка Јанкуловска и пред. м-р Даниела Петковска. Конференцијата претставува значајна платформа за размена на научни резултати и промоција на интердисциплинарната соработка во согласност со современите стандарди и целите за одржлив развој.

14/11/2025

Високата медицинска школа – Битола, предводена од директорката проф. д-р Тања Јовановска и заменик-директорката проф. д-р Викторија Про дановска Стојчевска, остварија службена посета во Топличка академија струковних студија – Прокупље, Република Србија.

📄 При оваа посета беше потпишан Меморандум за долгогодишна научна, техничка, образовна и апликативна соработка, кој отвора нови можности за заеднички научно-истражувачки и развојни проекти, учество на меѓународни студентски конференции, професионални студентски посети, размена на експерти и гостински предавања, соработка во стручната и практичната настава и организирање курсеви, обуки и размена на искуства.

🤝 Овој Меморандум претставува голем чекор кон продлабочување на регионалната академска соработка и создавање нови можности за студентите и кадарот од двете институции. Горди сме на новите партнерства и чекорите кои ги правиме за унапредување на високото образование на здравствените работници. 💙📚

12/11/2025

Денес Високата медицинска школа – Битола имаше чест да ја угости Н.В. Екселенција Џианг Сјаоџијан (Jiang Xiaoyan), Амбасадор на Народна Република Кина во Република Северна Македонија, придружувана од проф. д-р Горан Илиќ, проректор за наука при Универзитетот „Св. Климент Охридски“ – Битола. Гостите беа пречекани од пред. д-р Анѓелка Јанкуловска, пред. м-р Денис Арсовски, пред. м-р Даниела Петковска и виш пред. д-р Златко Лозановски. На средбата се дискутираше за можностите за идно партнерство меѓу Република Северна Македонија и Народна Република Кина во областа на здравството и образованието, со фокус на развој и усовршување на медицинскиот кадар, размена на знаења, како и создавање иницијативи за подобрување на стручните компетенции на здравствените работници. Посетата претставува голем чекор во унапредувањето на академската и професионалната соработка помеѓу двете земји, во духот на заемно почитување, пријателство и заеднички развој на современо и квалитетно образование.

29/10/2025

Денес беше потпишан Меморандум за соработка помеѓу Високата медицинска школа – Битола и Центар за поддршка на лица со интелектуална попреченост – ПОРАКА.
Овој значаен чекор претставува основа за заеднички активности во областа на образованието, практичната обука и социјалната инклузија на лицата со интелектуална попреченост. На настанот присуствуваа проф. д-р Тања Јовановска, директорка на Високата медицинска школа – Битола, Јулијана Трајчевска, претседател на ЦПЛИП – ПОРАКА Битола и пред. м-р Денис Арсовски. Со потпишувањето на овој договор се создаваат услови студентите од студиската програма физиотерапевт да ја изведуваат својата практична настава во Центарот „ПОРАКА“, каде ќе стекнуваат реални искуства во работа со лица со интелектуална попреченост и ќе придонесуваат кон нивната рехабилитација и социјална интеграција.
Републичкиот центар за поддршка на лица со интелектуална попреченост – ПОРАКА е оформен во 1963 година и веќе над 60 години претставува матична организација која се залага за достоинствен живот и еднакви можности на лицата со интелектуална попреченост и нивните семејства. Како мрежа од локални организации низ целата држава, ПОРАКА активно учествува во создавање и унапредување на законите, политиките и програмите поврзани со човековите права на лицата со попреченост, а е и еден од главните промотори на Конвенцијата на ОН за правата на лицата со попреченост во нашата држава.

22/10/2025

На 22 октомври 2025, во месецот кога е денот посветен на менталното здравје, на ВМШ се одржа трибина со наслов "Менталното здравје-универзална димензија на човековото постоење, предизвици, перспективи".Трибината беше организирана од проф.д- р Изабела Филов, при што низ интерактивна работа се разговарање за клучните прашања поврзани со менталното здравје.Главниот заклучок на трибината е:"Менталното здравје се движи кон интегративен, превентивен и технолошки поддржан модел.Перспективата не е само лекување на болести, туку и градење на општество кое ја вреднува психолошката благосостојба како основна човекова потреба."

20/10/2025

Студентката Giada Vegni,SUSSPI DEASS, Mano, Switzerland, реализира двонеделна студентска размена во рамките на Европската сестринска мрежа(European Nursing Module) на Високата медицинска школа Битола.Содржините на оваа размена беа организирани од проф.д-р Изабела Филов, координатор нa ЕNM.И овојпат се потврди дека сестринството во здравствениот систем во Северна Македонија и покрај сите предизвици и потешкотии, се одликува со квалитет, етичност и исклучителна посветеност кон пациентите, атрибути кои беа препознаени и наликуваат на швајцарскиот модел на сестринство.

17/10/2025

Во рамките на програмата CEEPUS, пред. д-р Анѓелка Јанкуловска, пред. м-р Даниела Петковска и пред. м-р Денис Арсовски остварија академска мобилност на Медицинскиот универзитет во Пловдив, Бугарија.
За време на престојот, тие ги презентираа своите професионални знаења и искуства во областа на сестринството, рехабилитацијата и кинезитерапијата, разменувајќи добри практики со колегите од Медицинскиот колеџ при МУ Пловдив. Програмата вклучи и посета на наставно-практичните центри каде што студентите од Медицинскиот колеџ ја изведуваат својата практична настава, како и учество на работен состанок со проректорката за меѓународна соработка и координаторите на програмите ЕРАЗМУС и ЦЕЕПУС, со цел продлабочување на соработката меѓу двете институции преку идни заеднички проекти и академски размени. Тие исто така присуствуваа и на свечената конференција по повод 80-годишниот јубилеј од основањето на Медицинскиот универзитет – Пловдив, со што ја потврдија својата посветеност на градење на трајни академски и професионални врски во регионот.

🎓🇲🇰🤝🇧🇬

13/10/2025

Во рамките на IV Меѓународен конгрес на медицински сестри, пред. д-р Анѓелка Јанкуловска учествуваше на Регионалната конференција на ESNO како панелист на панел-дискусијата со наслов: Сестринството во транзиција: Регулација, специјализација и системско влијание.

Во рамките на истиот конгрес, таа одржа и предавање на тема: Високото образование како катализатор на промени: Улогата на сестринството во академската реформа, во кое ги истакна современите предизвици и перспективи на високото медицинско образование и неговата улога во развојот на сестринската професија. На панел-дискусијата се даде акцент на размената на искуства со присутните експерти и професионалци од регионот.

07/10/2025

🎓 ЧЕТВРТ УПИСЕН РОК – ВМШ БИТОЛА
⏰ Пријавување уште ДЕНЕС и УТРЕ!

Доколку сè уште не си донел одлука – ова е последната шанса да станеш дел од академската заедница на Високата медицинска школа – Битола, Универзитет „Св. Климент Охридски“ – Битола.

📍 Пријавување: 01–08.10.2025
📍 Запишување: 13.10.2025
📲 Онлајн пријавување: upisi.uklo.edu.mk

👉 Студиските програми што ги нудиме:
• Општа медицинска сестра
• Физиотерапевт
• Радиолошки технолог
• Медицинско-лабораториски аналитичар
• Акушерка

Професиите во здравството не се само работа – тие се повик. Денес направи чекор кон својата иднина!

#ВМШ #Физиотерапија #МедицинскаСестра #Радиологија #Лабораторија #Акушерство #матуранти #Битола

06/10/2025

Се објавува втор уписен рок за втор циклус специјалистички студии!

👉 Достапни специјализации:
• Хирургија, травматологија и ортопедија
• Компјутеризирана томографија и магнетна резонанца
• Интензивна нега
• Семејна и патронажна грижа
• Ментално здравје
• Биохемиски анализи
• Онкологија

🗓 Пријавување: 25 – 30 октомври 2025
🗓 Запишување: 7 – 8 ноември 2025
🌐 Повеќе информации и пријавување на: www.upisi.uklo.edu.mk

📍Избери специјализација што ќе го обликува твојот професионален пат и придонеси во развојот на современото здравство!

06/10/2025

На 3 октомври 2025 година, на Факултетот за технолошко-технички науки – Велес при Универзитетот „Св. Климент Охридски“ – Битола, се одржа Првата меѓународна научна конференција „Food Science, Nutrition, Innovative Technologies and Sustainability“.
На настанот учество земаа виш предавач д-р Златко Лозановски и демонстраторот м-р Габриел Живковиќ од Високата медицинска школа – Битола. Виш предавач д-рЛозановски, кој беше и модератор ги презентираше трудовите Quantification of Daily Glycemic Oscillations in Hospitalized Patients Treated with Insulin, Synthesis and Spectrophotometric Analysis of 3,5-Bis(Arylidene)-4-Piperidones и Curcumin and Its Structural Analogues: A Review of Synthetic Strategies, Analytical Methods and Pharmacological Potential во коавторство со Валентина Велковски, Анѓелка Јанкуловска, Денис Арсовски, Даниела Петковска, Габриел Живковиќ, Ерзинџан Бајрамоска. Габриел Живковиќ го презентираше трудот Optimizing Dietary Strategies in the Care of Patients with Diabetes Mellitus во коавторство со пред.м-р Денис Арсовски, пред. д-р Анѓелка Јанкуловска и виш пред. д-р Златко Лозановски. Конференцијата претставуваше значаен придонес за промоцијата на научно-истражувачката дејност и меѓународната видливост на Високата медицинска школа – Битола.

06/10/2025

Четврт уписен рок на Високата медицинска школа – Битола!

📚 Студиски програми:
• Општа медицинска сестра
• Физиотерапевт
• Радиолошки технолог
• Акушерка
• Медицинско лабораториски аналитичар

🗓 Пријавување: 01–08.10.2025
🗓 Запишување: 13.10.2025
🌐 Пријави се онлајн: www.upisi.uklo.edu.mk

💛 Избери професија што лечи, инспирира и менува животи.

Висока медицинска школа - Битола

15/11/2025

14/11/2025

12/11/2025

29/10/2025

22/10/2025

20/10/2025

17/10/2025

13/10/2025

07/10/2025

06/10/2025

06/10/2025

06/10/2025

Address

Website

Alerts

Shortcuts

Share