Cogitatio Rationalis

23/01/2026

Филозофија која непроменета трае повеќе од 2000 години, а истакната, корисна и применлива е и ден денес. Отсликана и темел на Рационално-емотивната теорија и терапија, а исто така и применува во психотераписка работа.

Нарушените емоционални состојби во најголема мера се резултат на нашите ставови кон надворешните лоши настани, отколку што се директно резултат на истите.

Во РЕБТ психотерапијата особено време посветуваме на преиспитување/оспорување на нашите искривени мисли и ирационални ставови, и учиме како полесно да ја прифатиме актуелната ситуација и да се прилагодиме без целосно да ја изгубиме нашата автентичност.

#Стоицизам
#ребт
#Психотерапија

11/08/2025

04/08/2025

Бесплатно предавање како вовед и поттик за соочување и решавање на проблемите на еден рационален, логичен, прагматичен и стоички начин.

Пријавување - https://forms.gle/QNKhCKegETPaDY3R8

15/07/2025

Марко Аурелиј со неговата стоичка идеологија не верувам дека би биле прифатени од голем број денешни размислувања и ставови, особено за материјалното.

Но, самосвеста и разумот може да се развиваат и да го доведат човекот во поголем контакт со себеси и она што го поседува сега и овде, без притоа да има ирационална потреба за трагање по нешто „повозвишено“ со надеж дека тоа духовно и емоционално ќе го исполни.

Со идејата „внимавај да не го прецениш“, еден РЕ&КБТ терапевт препознава еден од основните постулатите на истоимената теорија и терапија, а тоа е да научиме на работите да им даваме вистинско значење, без пренагласување, било тоа во негативната или позитвната крајност. Тоа би нѝ помогнало емоционално полесно да се носиме со нештата доколку ги изгубиме или повеќе ги немаме во истата форма и суштина.

Во психотерапијата клиентот учи како да се откаже од ирационалните барања и недостижните цели како би го зачувал внатрешниот мир и би живеел прагматично.

#психотерапевт
#психотерапија
#ребт
#кбт

14/05/2025

Преиспитување на (претераната) грижата како централен сегмент на голем број анксиозни нарушувања, е една од главните точки во Когнитивно-бихејвиоралната терапија кога доаѓа време за нејзино менување во здрава (умерена, нормална) грижа, проследена со прифаќање на неизвесноста и соочување со непријатните ситуации, односно преземање ризик заради стекнување искуство.

#психотерапија

06/05/2025

Повеќе од пет години работам како советник и РЕ&КБТ психотерапевт, помагајќи им на клиенти од различни старосни групи, и работејќи со широк спектар на психолошки и емоционални проблеми. Со текот на времето, уште посилно ја разбирам важноста на одговорното и посветено работење, емпатијата и безусловното прифаќање, како и учењето од искуствата (личните и оние на клиентите) – принципи што остануваат темел на мојата работа.

#психотерапија
#ребт
#кбт

11/03/2025

Добро кажано, со уште подобро визуелно восприемање :)

Уште во античко време кај Стоиците стои идејата дека начинот на кој размислуваме влијае на тоа како се чувствуваме. Благодарение на когнитивно-бихејвиоралната парадигма и нејзините поддржувачи Арон Бек и Алберт Елис, кон средината на 20 век се случува револуција во психологијата и психотерапијата. Токму таа парадигма нѝ помогна да разбериме каков терет нѝ создаваат мислите - кога стравуваме за нешто што не е толку страшно во реалноста, кога паничиме за нешто од што не можеме вистински да настрадаме, кога сме бесни и агресивни кон некој за што знаеме дека нанесената неправда не е најужасното и најнеподносливото што може да нѝ се случи.

Нека статуата биде поттик за охрабрување и започнување со когнитивно-бихејвиорална терапија на која старите ирационални уверувања ги менуваме со нови и здрави рационални ставови за работите кои нѝ се случуваат.

Најтешкиот товар којшто човекот го носи се мислите во неговата глава.

17/02/2025

„Нема такви услови на кои човек не би можел да привикне, особено ако гледа дека сите околу него живеат така“, ќе напише Толстој во „Ана Каренина“.

Човекот е битие кое во најголем број ситуации може да се прилагоди, прашањето е колку е отворен кон нови искуства и флексибилен (неригиден) во своите размислувања за работите такви какви што се, особено за оние што му се важни и кои му помагаат да живее поисполнителен живот.

Send a message to learn more

14/02/2025

Во продолжение краток текст за подобро разбирање на основите на еден од водечките психотераписки правци - Рационално-емотивната бихејвиорална терапија (РЕБТ).

РЕБТ ја покажува својата ефикасност и ефективност во работата со широк спектар на психички нарушувања со индивидуалци, семејства, групи и работа со парови.

Линк до тектот: https://cogitatiorationalis.com/racionalno-emotivna-bihejvioralna-terapija-rebt/

#ребт
#кбт
#психотерапија

28/01/2025

Уште во античко време, особено кај стоиците се забележува свесноста и важноста за грижата за себеси, како и начините на кои таа најдобро треба да се практикува. Една од основните и поопшти идеи е онаа на Зенон - основачот на стоицизмот. Да го парафразирам: „Добросостојбата сама по себе е значајна (не е „мала работа“), и до истата се доаѓа чекор по чекор“. Ова воедно е една од идеите на секој почеток на еден психотераписки процес. Неопходно е да се постават реални, конкретни и временски утврдени цели кои клиентот ќе се обиде да ги постигне за да дојде до повисок степен на лична добросостојба. Во спротивно, поставување премногу општи цели на почетокот кои изгледаат тешко достижни, може да делуваат демотивирачки за клиентот и без јасен увид во терапискиот процес.

#психотерапија
#психотерапевт
#филозофија
#ребт
#кбт

Send a message to learn more

16/01/2025

Најголемиот грев направен на штета на човековиот ум е да се верува во нешто без доказ за истото.
Олдус Хаксли

Во РЕ&КБТ психотерапијата бараме аргументи кои ги поткрепуваат или не ги поткрепуваат нашите уверувања, било да се рационални или ирационални. Меѓудругото, за истите бараме докази, проверуваме дали се вистинити или не, и ги соочуваме со реалноста, логиката и корисноста кои тие ја имаат за нас.

#ребт
#кбт
#психотерапевт
#психотерапија

27/09/2024

111 години од раѓањето на Алберт Елис

Најверојатно, денеска психотерапијата немаше да биде иста и немаше да постои нов стандард во науката за тоа што е ефикасно и филозофско решавање на емоционалните проблеми да не постоеше Алберт Елис и да не ја создадеше Рационално-емотивната бихејвиорална психотерапија.

To the founder of Cognitive Behavior Therapy and our great mentor: Happy 111th Birthday, Al! Your influence will never be forgotten and our mission to globally promote REBT endures.