21/12/2022
Развојна скала на говорот кај детето
📍Уште во 2от месец од животот на детето се јавува гугање, односно тоа е кога детето испушта различни звуци, со кои покажува некакво задоволство. Таа фаза на гугање трае се до 4ти месец.
📍 Следува фаза на баблинг, која трае од 4ти па се до 6ти месец, во таа фаза детето почнува да брбори по два слога ( ма-ма, ба-ба, та-та ).
📍 Од 8-9 месеци, детето веќе почнува да реагира на своето име.
📍 На 1 година, треба да има минимум едно зборче со значење.
📍 На 1г. и 5 месеци, фондот на зборчиња треба да е некаде околу 30.
📍 На 2 години, почнува да го кажува своето име, да извршува налози ( дај ми ја топката, донеси ми го палтото ), поврзува од 2-3 зборчиња во целина.
📍 Од 3-4 години, говорот на детето е разбирлив, реченицата е составена од 3-4 збора. Самата комуникација со детето е полесна, умее да постави прашање и да даде одговор на прашањето.
📍 Од 4-5 години, реченицата е богата со 4-5 збора, умее да опиши некоја играчка, да раскажува по слика, користи некои од предлозите ( под, пред, над, позади ), умее да брои до 10 и ги знае основните бои.
📍 Од 5-6 години, речникот на зборови е богат со 2000-2500 зборови, ги разликува поимите утро и пладне, ги именува деновите од неделата и се забележува прсвилна артикулација на сите гласови.
